recent
روايات مكتبة حواء

رواية الاعمي كاملة بقلم ليلة عادل

رواية الاعمي كاملة بقلم ليلة عادل





البارت الاول
الاعمى
مظهر خارجى لقبة الجامعه والساعه ثم مبنى كليه اداب من الخارج ثم داخل قاعه المحاضرات فى مدرجات علم نفس... د/ مروان بطل روايتنا رجل فى منتصف الثلاثينات طويل القامة جسم رياضى يتمتع بوجه رجولى وجذاب عيونه سوداء وشعر اسود قوى الشخصيه وهادئ يعرف ماذا يريد عقلانى جدا, يرتدى بدله بسيطه لكنها انيقه - مروان يقوم بشرح محاضره لطلاب سنه رابعة تجلس اميره ونور وحمزة فى احد المدرجات واثناء شرح المحاضره
نور ... صديقة البطله المقربه جميلة الوجهه فى اول العشرينات (بصوت منخفض وبضيق)... يلا نخرج
حمزه ... صديق البطلة المقرب فى اول العشرينات (بسخرية وهو ينظر لنور ) انتى عايزه سعاد حسنى اللى جنبنا تعلقنا
- اميره... بطلة روايتنا هى فتاه قويه الشخصية عنيده جدا وهذا ما يميزها , عاطفيه ومندفعه جميلة تتمتع بالجاذبية فمن يراها يعجب بها من اول نظرة ذات الشعر الكيرلى اسود اللون بشرتها فاتحة اللون قصيرة القامة ترتدى الكثير من الاكسسوارات وتضع الكثير من المكياج غامق اللون
اميرة ... تنزعج من كلام نور وحمزه وبغضب .. هشششششش
حمزه ...(ينظر الى نور ) اهو لسه بكلمك بتقولنا هشششش
نور ... اوف
مروان ... وبكدا اكون خلصت المنهج فى اى سؤال يخص الامتحان
(الطلاب لا احد يجيب)
مرون ...تمام ممكن تتفضلو
- بعد خروج مروان خارج القاعة ومع حركه خروج الطلاب من المحاضره يقف حمزة ونور لكن اميرة مازالت جالسة وسرحانة فى مروان
حمزه .. يقف وينظر الى اميرة ( بسخرية ) .يا سعاد يا حسنى رشدى اباظه بتاعك خلص يلا بقى انا عطشان وخرمان والبت اللى جنبى دى هتكلنا
اميره ... وهى ( جالسة برومنسية )...اه خلصت (يتغير صوتها بنرفزه ) بعدين ايه رشدى اباظه..(مره ثانية برومنسية) ده فى نظرى احلى من مليون اباظه مع (تنهيده)
(ينظر حمزة ونور لبعضهم)
نور ... يلا ياختى عايزه اكل
كافيتريا الجامعة 1م
- اثناء جلوس الاصدقاء الثلاثة فى كافيتريا الجامعه,وهم ياكلون السندوتشات مع الاستماع الى اصوات ضحكتهم وحركة الطلاب بجانبهم تنظر اميره وترى مروان يقف بجوارعربيته ليركبها التى يبدو من مظهرها انها باهظة الثمن تضع السندوتش على الترابيزة وتذهب اميرة مسرعة اليه لتتحدث معه.
اميره ...( تقف بجانبه وبلهفه) دكتور حضرتك شرحت الماده حلو جدا
مروان ...(يلتفت اليها ) شكرا المهم تجاوبى كويس فى الامتحانات
اميره ... والله يا دكتور انا مباجبش امتياز غير فى مادتك
مروان ... معلش متاخر عن اذنك
اميره ... اتفضل
- يركب مروان العربيه ويذهب ثم ترجع اميره وهى حزينه الى الكافيتريا , نور وحمزة ينظرون اليها ويضحكون على ما حدث ثم تجلس اميرة فى منتصف نور وحمزة ويبدو على ملامحها خيبه الامل والحزن
نور ...(بسخريه وهى تنظر الى اميرة ) بقالك اربع سنين نفس الجري ونفس الكلام ونفس النظره والمصحف ده عيل جبله ما بيحسش لو منك افكنى من الهرى ده
اميره ... (بثقه تنظر لنور) وحياتك لاتجوزه مش مهم امتى بس هيبقى حبيبى وهيحبنى اكتر ما بحبه
نور ... طيب ياختى ياريت عشان نخلص المهم جايه معايا ولا ايه النهارده اخر يوم فى الدراسه
اميره ...لا ورايا مشوار كدا
حمزه ...(بدهشة ) يخربيت عقلك انتى لسه بتعملى كدا والنعمه نفسى الجبله اللى جنبك تجبلى كيس شبسى حتى
نور ... (باستغراب ) ..اجبلك ليه يعنى
حمزه ..(ينظر بقرف لنور) لا ولا حاجه (ثم ينظر لاميرة ).جبله بقولك
- فيلا مروان 3 م
- فيلا يبدو عليها الزوق الخاص والجمال وانها باهظة الثمن , تحف ولوحات فى منتهى الرقى التى تزين اركان الفيلا ثم داخل غرفه النوم مروان فى الدور الثانى , مروان متسطح على السرير يرتدى ملابس البيت تيشرت وبنطلون ثم يدخل عليه منير .
- منير صديق مروان من الطفولة ومدير اعماله من الشخصيات المؤثره
منير ... (باهتمام يقترب من السرير ) ايه عامل ايه النهارده يا حبيبى
مروان ... والله لسه الصداع بيجيلى
منير ... (باهتمام شديد ) ما انت بترهق نفسك انت بتنام 4 ساعات فى اليوم خدلك يومين راحه
مروان ...(ينظر له ببتسامه لطيفة) انا مش بكون سعيد غير فى شغلى مع الطلاب والناس, عارف يا منير انا لما بشوف انسان يائس بعدين يبقى كله حيويه وعزيمه ببقى فى قمه السعاده انى السبب فى ده
منير ... ربنا يقدرك على فعل الخير بس يا حبيبى انت لازم تشوف حياتك وتتجوز انت خلاص داخل على الاربعين
مروان ... (باستغراب وضحكه خبث) هههه انت بقالك فتره عمال تكلمنى فى الموضوع ده عندك عروسه ؟
منير ... (بحسم ) اه عندى
مروان ... هههه مين دى اللى انت مصمم عليها كدا
منير ... بص مش احنا هنروح النهارده الحفله بتاعت معرض اللوحات
مروان ... اه
منير ... تمام استنى بقى
مروان .. ماشى
(.وهم يتحدثون تطرق احدى الخدم الباب ثم تدخل)
الخادمة ... دكتور جالك العلبه والورد دول
مروان ... تمام حطيه هنا واخرجى
(تضع الخادمة الهدايا على الترابيزه )
منير .. ايه علبة كل سنه ؟؟
مروان ... طبعا هى بتنسى
منير ... كل سنه وانت طيب يا اخويا ويا صديق عمرى
مروان ... وانت طيب يا رفيق دربى افتح كدا شوف المره دى فيها ايه مش قادر اقوم من على السرير
(يحمل منير العلبه والورد ويضعهم على السرير بجوار مروان )
منير .... لالا مع نفسك انت وسندريلا بتاعتك العلبة والورد اهم افتحها انت انا عندى عيال ولبنى لومتغدتش معاها هتعلقنى
مروان ... هههههههههههه فيروز احفظ بقى , قول لماما فاطمه تحضرلى الغدا وتجيبه هنا
منير ... طيب مش تنسى بالليل يلا سلام
مروان ... سلام
- بعد خروج منير .يقوم مروان ويجلس على السرير يفتح العلبه ويجد ساعه جميلة جدا كان يريد ان يشتريها مع نظرات استغراب شديدة ثم يقراء الكارت الذى يوجد بداخل الورد - الاغنيه نفسها التى تكتب على كل كارت... انا لحبيبى وحبيبى الى
يبتسم ويتحدث لنفسه بصوت منخفض يا ترا انتى مين؟؟؟
-ثم يقوم مروان من على السرير ويسير ويقف امام دولاب به هدايا !! ينظر له ببتسامه ساحره ثم يضع الساعة باهتمام على الرف - هذا الدولاب المخصص لهدايا هذة الفتاه الغامضة فمن هى ؟ّ!
- شقة اميره الساعه 4 م
- شقة فى حى المهندسين الراقى شقة على الطراز الحديث اثاث غالى بذوق راقى جدا تفتح اميرة باب الشقة و تدخل - اميرة تنادى على الاب والام و كانت ياسمين اختها التى تصغرها بثلاث سنوات تجلس على كنبه الانتريه فى الرسبشن وهى تشاهد التلفزيون)
اميرة ... (بصوت عالى ) بابا ماما
ياسمين ...(وهى نتظر الى شاشة التلفزيون وتشاهد احد الافلام ) خرجوا
اميره .. فين
ياسمين ....(بلا مبالاه ) بيجبولك عريس
اميره ... بلاش هزار
ياسمين ... (تلتفت لها) بجد والله فاكره فرح شرين بنت انكل عبد الله
اميره ... اه
ياسمين ... فاكره بقا الواد المز اللى كان مركز معاكى روحتي كبساه قولتيله انت مش عارف انت عايز ايه وقلبتى فجاه دكتور مروان عزت
اميره ... متنجزى
ياسمين ... متزعليش نفسك بقا ..اهو عرف هو عايز ايه
اميره ... (بسخريه) وعايز ايه ياختى
(ثم تتركها اميرة لتذهب لتدخل غرفه نومها وياسمين خلفها).
.ياسمين ... عايز يتجوزك ههههه يا جميل انت يا سكر بصراحه الواد مز
اميره ... اتجوزيه انتى
ياسمين .... (تجلس على السرير وبسخريه ) ياريت ياختى كنت لابسه ومتشيكه وفى الاخر بصلك انتى حظوظ , (بستغراب ) ايه ده انتى بتطلعى لبس ليه انتى خارجه تانى
اميره ...(وهى تبحث عن ملابس ) اه متقولليش خدينى معاكى عشان دا أفتتاح معرض لوحات
- اميره تقترب من السرير وتنظر الى ياسمين بصوت دلع وهى تمكسك احد ملابسها
اميره ... سمسمه
ياسمين ... نحم
اميره ... ممكن اسالك سؤال
ياسمين ... اممم
اميره ... ازاى الفت نظر واحد عجبنى
ياسمين ...(بسخرية ) لا فى حالتك انتى محتاجة معجزه الاهيه
اميره ... (بغضب خفيف ) بقى كدا انا غلطانه امشى غورى
ياسمين ... لا بجد انتى عملتى كل حاجه بتشتركى فى كل ندوى وكل كورسات انتى فاضل تنزليلو من الحنفيه وهو مش معبرك وفالاخر يقولك شكرا يخربيت التناكه
اميره ... (مش عاجبها الكلام تضع الملابس على طرف السرير ثم تتسطح على السرير ) .. طب اطلعى بره عايزه انام ساعتين عشان انزل فايقه مش تنسى تقولى لبابا انى رافضه العريس ., .تعالى اقفلى النور
- فيلا مروان 7م
- فى غرفه الملابس يقف مروان امام ركن البدل ليبحث عن بدله وهو محتار ثم يدخل عليه منير
منير ... طبعا مشكله كل يوم
مروان ... طبعا يلا اختار
منير ... انا مجهزلك كل حاجه
(ثم يقوم بمساعدته فى ارتداء البدلة وربط الجرافته)
مروان ... عارف انا اهو دكتور كبير بس البتاعه دى مش حببها ولا بعرف اعملها
منير ... اتجوز بقا عشان تعملهالك وترحمنى
مروان ... هو الجواز بربط الجرافته
منير ... طبعا ده من شروط الجواز يابنى امال انت فاكر ايه
مروان ... ههههههه ومنك نستفيد شكرا على المعلومه
- بعد ارتداء مروان البدلة التى يبدو عليها انها باهظة الثمن فيرتدى احد الساعات ماركه و ينزل على سلم الفيلا هو ومنير مع الاستماع الى ضحكتهم , يتفاجئ مروان بعمل حفله صغيره فى هول الفيلا من العاملين, والدادا والجناينى الذين قاموا بتربيته ورعايته بعد وفاة والديه منذ الطفولة فهو يحبهم جدا ويعتبرهم مثلهم , نظرات سعادة من مروان
الدادا ... كل سنه وانت طيب يا مروان يا حبيبى ربنا يسعدك يارب
عوض ... كل سنه وانت بالف خير يابنى عقبال ما اشيل عيالك
مروان (وسط سعاده كبيره) وانتم طيبين بجد مش عارف اشكركم ازاى ربنا يخليكم ليا
الدادا... طب يلا تعال طفى الشمع
- معرض اللوحات 9 م
- اجواء احتفالية حركه فى كل مكان موسيقى هادئه لوحات معلقة على الحوائط البعض يشاهد والآخر يجلس على الترابيزات ثم يصل مروان الحفلة عند دخول مروان ومنير الحفلة عند الباب كانت تجلس اميرة مع أصدقائها حمزه وياسر وآخرون وهى ترتدى فستان جميل جدا لكنة مقفل فهى لا ترتدى ملابس عارية وعندما تشاهدهم تذهب مسرعه اليهم لتتحدث مع مروان فهى تعشقه حد الجنون.
اميره ... تقف امام مروان .. (بلهفة ) دكتور ازيك انا اميرة طالبه عندك فى الكورسات والجامعه
مروان ... (لا يظهر انه يعرفها او يتذكرها ) اه اهلا ازيك
اميره ... (بابتسامه ) الحمد الله دكتور كل سنه وحضرتك طيب
- لكن يحيط به الكثير من المعجبين والمعجبات مروان مشهور جدا جدا فى مجاله وقدر فى سنوات قصيرة ان يجمع الكثير من المال والشهرة فى جميع انحاء العالم وليس فى الدول العربية فقط ,. فهو من اشهر دكاترة علم النفس والتنمية البشرية , فهو شاطر جدا فى مهنته ومحبوب جدا من الكل , وبسبب وسامتة الطاغية ولباقته فى الحديث كانت الفتيات تلتف حوله ويحاولون ان يثيرون اعجابه ولفت انتباهه لكن من الصعب ان تثير اى فتاة اعجابة , فالا تعرف اميرة ان تكمل حديثها مع مروان مثل كل مره فهى قد اعتادت على هذا الامر فترجع مره اخرى الى ترابيزتها وتجلس مع أصدقائها ,على احد الترابيزات قريبه من مروان , مروان يجلس مع أصدقائه منذ سنين وهم يتحدثون تاتى اليهم سيده حسناء
- ماجى
ماجى هى من اهم الشخصيات وابطال روايتنا تبلغ من العمر 32 عام ذات الشعر اصفر مثل الذهب والعيون الزرقاء مثل البحر بشرتها بيضاء اللون وصاحبة القوم الراشيق تضع القليل من المكياج ترتدى فستان قصير عارى الكمام تسير ببطى حتى تصل الى الترابيزه التى يجلس عليها مروان بعيون كلها سعادة واهتمام تتحدث وهى تنظر الى مروان
ماجى ... اهلا دكتور مروان مبسوطه انك قبلت دعوتى وشرفتنى
منير ... (بمكر ) يعنى الترابيزه دى كلها مفهاش غير مروان اللى منور
ماجى (بدلع) انا كنت لسه هسلم , بعدين نور دكتور مروان مش مخلينى شايفه غيره
مروان ... (.بنظرات خجل ) ميرسى
ماجى ... لا ميرسي دى تقولهالى لما تشوف اللوحات بتاعتى واحنا بنشرب كاس سوا
رمزى ...(احد اصدقاء مروان القدامى ) ماجى خفى الواد مش حملك
ماجى ... خليك فى نفسك يلا يا دكتور سيبك من العيال دى هيفسدوك
- يقوم مروان مع ماجى ليشاهد اللوحات واثناء سيرهم كانت اميرة تراقبهم من بعيد وبعد انتهائه من المشاهدة يجلس مروان وماجى على احد الترابيزات
مروان ...بجد شغلك جميل
ماجى ... ده تعب سنين
مروان ... اعظم شى فى الدنيا انك تشوفى تعب سنين قصادك ناجح والناس بتشاور عليكى اعتقد مافيش احلى من كدا شعور
ماجى ...اكيد بس شعور الحب احلى واحلى ,انت جربته قبل كدا يا دكتور
مروان ... لا للاسف
ماجى ... ولا انا بس شكلى وقعت خلاص (تقف للجارسون الذى يحمل صنيه بها كاسات خمر وتاخد كاسين ) اتفضل اشرب ده مشروبى المفضل
مروان ... اسف انا مش بشرب ممكن عصير
ماجى ... عصير ايه يا مروان اسفه يا دكتور
مروان ... لالا عادى قولى مروان
ماجى ... طب لو قولتلك عشان خاطرى
مروان ... والله اصل
وبدلع ونظرات اغراء تضع يدها على فمه قبل ان يكمل كلامه
ماجى ... ده كاس شمبانيا مفهوش اى حاجه ولا انا ماليش خاطر عندك
مروان ... (لا يريد ان يكسفها ) لا ازاى ليكى طيب كاس واحد بس
-عند لمس مروان للكاس تشاهده اميرة تجرى مسرعه لتمنع من فعل هذا الامر تقف بجانب الترابيزه وتحاول ان تمنعه باى شكل
اميره ... استاذه ماجى بجد شغلك هايل جدا ..عارف يا دكتور استاذه ماجى دى من الناس اللى حضرتك بتتكلم عليهم جبتها من تحت مع انها واجهت صعوبات كتير لكن سبحانه الله بقت نجمه
مروان ... برافو اتمنى تتعلمى من النماذج الناجحه والمشرفة دى
اميره ... اه طبعا
ماجى ... كاسك يا مروان
(اميره تقاطع كلامهم مره اخرى )
اميره .. .دكتور.حضرتك فعلا هتعمل برنامج جديد على القناه ( ثم تذكر احد القنوات)
ماجى ... (بصه شريره باستفزاز ). ما تبقى تساليه فى الجامعه
اميره ... حضرتك احنا خلاص خلصنا وانا سنه رابعه مش هشوفه تانى
مروان ... اه يا
اميره ... اميره يا دكتور اسمى اميره بحب حضرتك جدا وحضرتك مثلى الاعلى والله ودخلت علم نفس عشانك من اولى ثانوى بتابعك يعنى سبع سنين يا دكتور مش بيفكرك بحاجه الرقم ده
مروان ...(باستغراب) مش فاهم
(يدخل منير عليهم)
منير ... مروان يلا عشان ورانا شغل بكره الصبح
ماجى ... انت لسه مش شربت كاسك
مروان ... معلش مره تانيه بس يبقى عصير اهو ربنا مش عايزنى اغلط بعتلى رساله
اميره ... (هى مبسوطه ونظرات فخر انها قدرت تمنعه من شرب الخمرا.)..لا يا دكتور متشكرنيش
ماجى ... (بصه رخمه وتوزقها) هشوفك تانى
مروان ... اه لازم
الباركنج 11م
مروان يركب فى العربيه ثم تجرى اميره لتشاهده من بعيد ثم تشاور بايدها له لكنه لا يراها ثم تحرك العربيه وتظل اميرة واقفة حتى تختفى ثم تذهب الى بيتها
العربيه مروان
- منير بيسوق مروان بجوارة يتحدثون
منير ... ايه رايك
مروان ... فى ايه
منير ... ماجى
مروان ... (من غير اهتمام ) حلوه وزكيه جدا
منير... يعنى هنقول مبروك
مروان ... مش اوى كدا هى منفتحه عنى وده مخوفنى وبتشرب كمان ده انا كنت هغلط واشرب بس ربنا بعتلى البنت دى
منير ... ياعم كاس مش حاجة عادى يعنى متبقاش مقفل
مروان ...(باستنكار ) وانا لما اروح لربنا اقوله معلش ده كان كاس شمبانيا واحد يلا يا منير بسرعه هموت ونام
معرض اللوحات 12 ص
بغموض يدخل ببطئ شاب ولم يظهر وجهه يظهر بظهره فقط كانت تجلس ماجى امام احد اللوحات و تقوم برسمها بكل تركيز ثم يقترب منها هذا الشاب اكثر فاكثر ثم يضع يده عليها وفاجاه!!
الشاب ...وحشتينى؟؟؟
ماجى ( تلتفت لها بنظرات سعادة ) انت اكتر بكتير
يا روحى؟؟
فيلا مروان 12ص
- يدخل مروان هول الفيلا المظلم وحيد بعد ان تركه منير ثم يجلس على الكرسى الهزاز فى الرسبشن فى الدور الاول مع اضاءة خفيفه جدا
مروان ... (يفكر بصوت داخلى حزن ويأس).
.لحد امتي يا مروان هتفضل لوحدك من المركز للجامعه للبرنامج للكورسات للبيت عمال تعلم الناس ازاى يقسمو وقتهم ويعيشو حياتهم والصح ايه, وانت اصلا بتعمل العكس ! هتفضل لحد امتي وحيد من غير ما حد يحبك ويطمن عليك ؟اكلت ولاه شربت ولما تتاخر يتصل يشوف لحسن يكون جرالك حاجه؟
(ثم تدخل عليه دادا وتفتح الانوار)
دادا ... قاعد ليه لوحدك كدا يا حبيبى فى الظلمه, كدا مش حلو عشانك
مروان ..(بصوت مخنوق ) .والله يا ماما فاطمة تعبان
دادا ... (تجلس بالكرسى المجاور له بحنان الام تتحدث معه ) مالك يا حبيبى احكيلي قولى اكلت والحفله كانت حلوه
مروان ...(بلامبالا وضيق) الحمد الله كانت حلوه و انبسطت
دادا ... بتقولها من غير نفس يلا احكيلى مالك
مروان ...(يعاتب نفسه ) مش عارف بس مخنوق عارفه انا بقالى كتير ما شفتش اصحابى من اكتر من 7 سنين لقيت كلهم اتجوزو وعندهم عيال , وبردو محققين كل شى فى الشغل وانا محققتش غير انى بقى عندى مراكز كبيره باسمى فى كل مكان ومعجبين وشهره بس اهتميت بحاجات مهمه اه بس نسيت حاجات اهم
الدادا ... منا ياما قولتلك اتجوز فضلت تقولى لسه بدرى احقق احلامى الاول وطموحى قولتك انت محتاج ست جنبك قولتلى لا مش لازم
مروان ... شكلى كنت غلطان
دادا ... طب ايه رايك فى العروسه انا سمعت انها قمر وبنت ناس
مروان ...(بابتسامه ) واضح ان منير حكيلك مبتتبلش فى بقوه فوله
دادا ... هو يقدر مايقولش المهم احكيلى حلوه كدا وبنت ناس
مروان ... مش عارف بس مش كل شئ الشكل , بس اكتر شئ عجبنى فيها انها مختلفه عنى 100% هتعرف تخرجنى من جو الكتب والشغل فهمانى
الدادا ... المهم تكون بنت ناس وتحبك وتحافظ عليك يا حبيبى
مروان ... ادعيلى يا ماما فاطمه
دادا ... ربنا يسعدك ويريح بالك ويكرمك ببنت الحلال اللى تصونك وتصون شرفك يا مروان يا ابن حوا وادم
مروان ....(بمزح ثم يقرصها فى خديها) يارب يا فطومه يا عسل انتى
دادا ... هههههه بقولك صح لسه معرفتش مين اللى بيبعتلك الهدايه
مروان ... لا
دادا ... طب ما تدور عليها شكلها بتحبك اوى
مروان ... ازاى طيب
دادا ... يعنى انا اللى مش متعلمه هقولك انت يا دكتور يا كبير
مروان ... ههههههه انتى الخير والبركه بعدين خبره الحياه اهم من خبره التعليم يلا كملى نومك انا هطلع انام تصبحى على خير
دادا ... وانت بخير يا حبيبى
- غرفه نوم الخدم فى الدور السفلى
عوض ... كنتى فين
فاطمه ... كنت بشوف مروان يا حبيبى تعبان
عوض ... هو اللى عامل فى روحه كدا انا والله خايف عليه
فاطمه ...متكلمه الصبح يا عوض هو بيحبك بيسمع كلامك خليه يدور على البنت بتاعة الهدايا دى شكلها بتحبه ولا يشوف الست اللى جيبها منير
عوض ... طيب تعالى نامى والصبح يحلها الحلال
- فيلا مراون 8ص
فى صباح اليوم الثانى منظر عام لحديقه الفيلا حمام السباحة و حركه الخدم للداخل والخارج عوض يقوم برش الزهور والاشجار ثم داخل غرفه نوم مروان فى الطابق الثانى مروان متسطح على الارض مغشى عليه من الارهاق ثم تقوم فاطمة الداد بطرق الباب لكنه لا يجيب
دادا. (..تطرق الباب مره ثانيه مره ثالثه)..مروان حبيبى
بشده تفتح الباب وتدخل ثم تصرخ من البلكونه عوض الحقنى ثم تجرى على مروان مره اخرى
الدالدا ... مروان حبيبى رد عليا
يدخل عوض الى الغرفه مسرعا هو وبعض الخدم فى الفيلا فى خوف وقلق
عوض..(بخوف بقلق ).فى ايه... مروان... حد يتصل بدكتور بسرعه.. مروان رد ...هاتى ازازه عطر بسرعه انتم بتتفرجو
الخادمه .. امسك
يبدء مروان ان يفوق و يفتح عينه وبصوت ضعيف بتعب
مروان ... هو فى ايه
عوض ... انت كويس يا حبيبى ايه اللى حصل
مروان ... يبدو عليه انه لا يتذكر شى ..ممكن تساعدنى من فضلك ارجع للسرير
عوض .. حاضر
يقوم عوض بمساعدة مروان هو واحد الخدم للوصول للسرير وبعد وقت قصير ياتى الدكتور وهو صديق مروان - مروان متسطح على السرير ويقوم الدكتور بالكشف علية وكان معه فى الغرفة عوض وفاطمة
الدكتور ...(بشدة) لا يا مروان كدا كتير عليك انت مش بتسمع الكلام جهازك العصبي مش متحمل كل المجهود ده
مروان ... انا كويس بس صداع فظيع
دكتور ... انت محتاج راحه لمده اسبوع سافر روح مكان فى بحر هوا
مروان ... ان شاء الله
- يدخل منير الغرفة مسرعا فى خوف شديد وقلق
منير ... مالك ايه يابنى انت كويس
مروان ... (بلا مبالا) انا الحمد الله والله انتم اللى مخضوضين على الفاضى
الدكتور ... لا يا منير مش على الفاضى مروان لازم يرتاح
منير ... حاضر شكرا يا دكتور ..عوض مع الدكتور... فاطمه حضرى الفطار لمروان
بعد ان يخرج الجميع منير بنظره عميقه لمروان بصمت شديد
مروان... (بابتسامه).. انت .بتبص كدا ليه
منير ... مش هترتاح غير لما تموت نفسك اقسم بالله وتجبلى القلب من القلق عليك (باستغراب) ... انت بتقوم من على السرير ليه
مروان ... هنزل اسلم ورق الامتحانات واخلص شويه حاجات
منير ... لا انا هعمل كل حاجه ارجع سريرك يلا
مروان ... ياحبيبى والله انا بقيت كويس دلوقتى فاطمه تعملنا الفطار المتين وهاكل وهبقى فل
منير ... اقسم بالله بتستهبل واد انت اقعد كدا عشان والله هضربك بلاش عند
مروان ... تضرب مين بس هههههه صدقنى بقيت كويس خلى بس فاطمة تحضرلى الفطار
- منير يقف مذهول لايعرف ماذا يفعل مع هذا الكم من العند ولكن مروان وهو يقف فى غرفة ملابسة يشعر بداور ويختل توزنه يجرى عليه منير ويسنده
منير... (بخضه) .. انت كويس
مروان ... مش عارف والله بس حاسس بدوخه شكلى فعلا محتاج ارتاح
منير ... يارب تسمع الكلام تعالي
شقة اميره 8 م
- تجلس اميره على السرير فى غرفه نومها تتحدث مع نور وحمزه على الموبيل مكالمة جماعية
اميره ... الدكتور مجاش النهارده اول مره
نور ... مجاش فين
اميره ... يابنتى ركزى مش انا باخد عنده كورسات فى فن لغه الجسد
نور ... اه تقريبا
اميره ... مجاش بقا. ده عمره ماغاب
نور ... عادى يمكن تعبان ولاه مع المزه الصاروخ ارض جو اللى كان قاعد معها
اميره ... متغيظنيش بعدين انتى عرفتى منين
نور ... ياسر حكالى وقالى انها كانت هتحدفك بحاجه
اميره ... اه دى فظيعه يا بنتى ولا لبسها فظيع اصلا مروان عمره ماهيبصلها
حمزه ... عشان قفل
اميره ... متتلم
حمزه ... لا مشفتيش انتى يا لمبه لما قامت جرى عشان تمنعه من شرب الخمرا هههههه منظرها يضحك ولا الست دى كانت عايزه تقتلها
نور ... ههههه متخيله
اميره ... كدا طب يلا امشى انت ولمبتك غورو انا مش عارفه انا مصحباكم على يه
- فيلا مروان 8 م
- تقف ماجى معها بوكية ورد وتطرق الباب ثم يفتحلها احد الخدم
ماجى ... دكتور مروان موجود
قبل ان تتحدث الخادمة معها ترها فاطمة فتذهب اليها
الدادا فاطمه ... ايو يا حبيبتى موجود اتفضلى (تنظر الى الخادمة ) روحى انتى كملى شغلك
ماجى ... ازيك انا ماجى صديقه دكتور مروان ومنير عرفت انه تعبان حبيت اشوفه
دادا... طبعا اهلا بيكي ياحبيبتى شرفتينا اتفضلى هو فوق
تصعد فاطمه مع ماجى واثناء صعودهم على السلم الى غرفه نوم مروان يتحدثون
ماجى ... (بتاثر) والله زعلت اوى اول ماعرفت لدرجه ان ضغطى وطى
الدادا ... (بخضه ) اسم الله عليكى يا حبيبتى يا بنتى طب انتى كويسه
ماجى ... اه الحمد الله يا داد
يوصلو الى الغرفه ...الدادا تطرق باب الغرفه
مروان ... اتفضلى يا ماما فاطمه
تدخل الدادا ومعها ماجى وعندما يرا مروان ماجى يقوم من على السرير
ماجى ...(تقترب من السرير مسرعه بلهفه مشاوره بيديها) خليك خليك مرتاح ماتقومش
مروان ... ازيك عامله ايه.. احلى مفاجاه والله
ماجى ... بجد
مروان ... اه طبعا
ماجى ... (تجلس على الكرسى المجاور له ) مش قادره اقولك انا زعلت قد ايه لسه كنت بحكى لماما فاطمه
مروان ... ماما فاطمه !
ماجى ...اه انا سمعتك بتقولها كدا تبقا ماما انا كمان
مروان ( بنظره سعاده كدا).ايه يا فطومه مش هتعملى حاجه للضيفه
دادا ... ضيفه ايه بقى ... ما خلاص (تروح مزغرطه)
ماجى ... هو فى ايه
مروان ... لالا هى فاطمه بتحب تهزر... ماجى
ماجى ... نعم
مروان ... بتحبى القهوه
ماجى( تقوم تجلس بجانبه على السرير بظرات دلع). اه بحبها بحبها اوى
(ثم ينظرون لبعضهم نظرات اعجاب )
(بعد مرور سنه)
ياترا ايه حصل بعد سنه مستنية آرائكم عشان انزل البارت التانى اتمنى البارت الاول يكون عجبكم
دعكم يهمنى
اسفه جدا لو فى بعض الأخطاء
ليلة عادل

google-playkhamsatmostaqltradent