recent
روايات مكتبة حواء

رواية حرب الملائكة الفصل السابع 7 بقلم بنوتة الشيخ

 رواية حرب الملائكة الفصل السابع 7 بقلم بنوتة الشيخ


عه من هنايا والرجعه لي حوش خالتك انسيها وتم الكلام
ليان:انا لو ....
عدي:قاطعها بصوت عااالي ....قلت الكلام تممممم
ارجعي للغرفه يلي اخترتيها لين يصبح الصبح ويجو باقي العيله
طلع عدي وعيون ليان تلاحق فيه لين اختفى ورجعت للغرفه وداخلها شعور مش مفهوم !
تفرح انها افتكت من كللل القرف يلي كانت عايشه فيه !؟
ولا تخاف من خالتها وقت ترجع شنو بدير فيها !؟؟
_______________________________
ليلى:خشت للمطبخ وفي بالها انها ادير قهوا وتروق بيها بالها
لكن اول ماخشت شافت سلفتها يلي ابدا ميتحابوش !
ليلى:تتكلم بدون نفس .....انتي هنايا
صالحه :قامت حاجبها ...وين بنكون يعني اهو وجهي في وجهك صبح وليل انتي وجيداء
ليلى:بدت اطيب في القهوا وتحكي ....سمعت من نوري راجلي
انه راجلك المصون يفكر يطلع يأجر
صالحه :مفيش منه الكلام ....من وين بنأجرو ياحسره وحني فلوسنا يالله يكفو مصاريف ساره ومحمد ولدي
لان بسلامتهم متعودين على الغالي والعالي ومنقدر نقصر ونقص عليهم حاجه
ليلى:ضحكت بهزوا ....ع اساس يعني مش قاعدين هنايا لانكم واخدين راحتكم في حوش عدي ومنعنشين في فلوسه !
صالحه:هه...الباين انك تتكلمي وناسيه روحك انك زيني زيك ياغزاله هنايا وراجلك ساكت وقاعد زي راجلي بززززبط
يعني مفيش حد خير من حد وسلم فلوس عدي ويلي بتصير مرت عدي
ليلى:رفعت حاجبها......كييف!
صالحه:حطت الكوب بقوه وبي ابتسامة شر....تصبحي على خير
_______________________
نجيب:طفي الضي بالله وراك
جيداء:سكرت الضي وقعمزت على السرير ترفع في شعرها
نجيب:كيف الوضع مع نساوين خوتي !
جيداء:مفيش جديد .....نساوين خوتك مأساة كل وحده لاهيه بي احوال الناس تقريم وحسد وخلاص مفهمتش كيف نتفاهم معاهم انا
نجيب:يرتب في البطانيه ...معليشي معليشي سايري
سايريهم لان الباين حكايتنا مطوله هنايا
جيداء:لعند امتى !!...بجد نجيب مش قليلة دوق انا ومتحشمه هلبااا من ولد خوك عدي
مش كان عنده فلوس يعني خلاص نستغلوه
نجيب:مسكر عيونه....يصير خير يصير خير
جيداء:اي هادا يلي نسمع فيه ديمه ....تغطت ورقدت عطاته بضهر
________________________________
فات الليل بطوله جحيم على ليلى!
شنو تقصد صالحه لما قالت سلم فلوس عدي ويلي بتصير مرت عدي !
بدي عقلها يرفع ويجيب وتحلل وتخطت على كيفها !
يلي بتكون مرت عدي بتكون الكل في الكل كلمتها بتمشي عليهم كلهم في الحوش
فكرة ان مرت عدي رح تكون كللللل الاشياء هادي عندها كانت فكره جنونية !!
والكل يبيها
بدت المنافسه بين ليلى وصالحه
منو فيهم بنتها تاخد عدي ويبدا الحكم والفلوس عنها !
عكس جيداء يلي كانت مسالمه وعلى حالها ديمه تبي الهدوء بس ومتباعده على المشاكل
_____________________________
اما ليان كانت طول الليل تلف ع الحوش متع الاستراحه تبي اي مخرج اي باب اي روشن يطلعها من المكان يلي هيا فيه وتروح
لكن كل المحاولات كانت بدون فايده !
رجعت للغرفه يلي اختارتها ورقدت بعد جهد طووويل انها تهرب
______________________________
محمد:كلمت بوي اليوم الصبح
طلال:على شنو !
محمد:قتله يكلم عدي ويلخبه باش يخدمنا معاه في المحاسبه عنده
طلال:عدل نضراته وهوا مركز !
محمد :حاجة ال3000 تنكتب في الفاتوره 2500
وال500 التانيه تقعدلي
يعني 500 على 500 تشوف قداش يبدا عندي
طلال:ركز في اللاب توب متعه ....اخدمها بروحك الخدمه هيا صحت منبيهاش
محمد:علاش؟
طلال:شي منبيهاش وخلاص مش بي السيف
محمد :راهو انت بديت تعصب فيا يا ولد ....متبيش تشحط روحك بكككل
خليك راجل وقوي قلبك ودير حاجه زي الناس
طلال:ياودي اخطاني انا منبيش ندير شي في حياتي متعصبنيش في ها الليله تربح
محمد:انت الخاسر
🔥رويـــــــات بنـــــوتـــة الــشـــيخ🔥
🔥أروى الطـــــــاهـــــر المسلاتي🔥
👑القروب الاصلي400الف عضو👑
تزيد برودة الجو كل ما الوقت يتأخر !
طقت الساعه 3 في الليل والنسمه البارده خلت ليان تنوض من عز نومها وهيا حاسه ببروده غريبه تجري في جسمها
فتحت عيونها وحاولت تصحصح وتتغطى
لكن شعورها بي العطش غلبها وخلاها تلبس البطانيه بكبرها وتنزل من الطابق الثاني للمطبخ
خشت وكان المطبخ كله جديد ومفيشي ولا اي شي قابل للاكل غير شيشة اميه كبيره وباكو عصير واكياس بلاستيك
شربت الميه بي سرعه رهيبه من العطش وطلعت من المطبخ بهدوء
سمعت صوت جاي من غرفة الضيوف اول كلمتين جدبوها تسمع الباقي !
قربت بهدوء شافت عدي واقف وصاحبه ضياء واقف عاطيه بي الضهر ويحكي بي انفعال !
ضياء :ماتتتت المخلوقه ماااااااتتتت خلاص ارحمها
عدي:متكدبش عليااااااا .....نعرف كويس انها عايشه قاعده
مريضه !
منتهيه !
تاعبه
لكن ميته لااااااا متضحكش عليا ضياء متضحكش علياااااا للمره المليون !
ضياء :خدي نفس عميق .....ماتت
وحتى كان مش ميته منوصلكش بيها لانك بتقتلها وقتها وبتجي موتتها ع يدك
ليان:زادت قربت وحطت يدها على الحيط
تحرك الكاثرو يلي كان معلق ودار صوت
ضياء :انتبه ...منو في !؟
ليان:غطت نفسها كويس طلعت هاربه تجري لي الدور الثاني
عدي:الريح متحرك مفي شي
ليان :خشت للغرفه سكرت على نفسها ويديها يرجفو ...قعمزت على السرير وعيونها على السرير وهيا خايفه يجي واحد منهم وراها
بدي الخوف يتلاشى عندها لما تأكدت ان مفيش حد لحقها وحطت راسها ع المخده ورقدت بهدوء
_________________________________
ثاني يوم الساعه9 الصبح ⛅️⛅️
طلعو 3سيارات من حوش العيله وبدون اي فارق وقت استلمو العمال الحوش على طول وبدو شغلهم في الصيانه
درسو السيارات قدام الاستراحه وكانو البنات كلهم راقدين في السيارات ولابسين الف حاجه بسبب الصقع درسو وراهم سيارات الكنتر يلي كانت حامله ملابسهم و شوية كماليات للحوش رغم ان حوش الاستراحه كان مش محتاج نواقص !
___________________________
خشو السلفات ال3 وبناتهم للحوش وهما منبهرين بجماله ❤️
اطلالت الرواشن على المناضر الطبيعيه بروحه❤️
وديكور الحوش يلي كان مريح لنفس قبل العين
كل واحد بدي يختار في غرفه ليه ولي صغاره بدون اهتمام لي حد
وعدي كان مستمتع بي المنضر هادا اكتر من اي شخص وهوا يراجي فيهم يكملو فرحتهم باش يفطرو معاه ويحس بنفس الشعور يلي كل صبح يحس فيه !🔥
ساره :نزلت بسرعه من الدروج متجها لي سفرة الفطور يلي كان منضرها يشهيييي ❤️
عدي:عيونه في تالفونه وماسك قهوته ....بشويه ردي بالك تنخنقي وتموتي كولي بشويه
ناهد:قعمزت جنب ساره وطبست عليها ....خايف عليك ياحليلي
ساره :ضحكت .....الهي في روحك متحسدينيش 😂
جيداء:صباح الخيرات
عدي:مقامش عيونه من التالفون ....صباح النور
جيداء:مكلف روحك علاش هادا كله
عدي:لا كلف ولا شي لازم اول فطور هنايا يكون مميز
جيداء:ابتسمت ....كلك دوق
ليلى:خشت عليهم فجأه ...دوق عدي من يومه مش جديد عليه
عدي :عيونه في التالفون سرح وهوا يتدكر.....
ليلى:تي خليه ان شاء الله يموت شن دخلي بيه انا عيل بوه مش معدل عليه بندوره انا !
مروان:يابنت الحلال نروحو بيه اليوم بس الفرخ ضارباته مرت بوه هلبا لما بيشوفوه الناس شنو بيقولو علينا
ليلى:قلت لاااااا يعني لا
العيل هادا حوشي ميخشلاش وتممم....انا نراجي فيك في السياره
مروان:شاف بي نضرات اخيره لي عدي وهوا ماسك يده ويترجى فيه يروح معاه وميخليشي
نفض يده بقوه وطلع مخليه وراه طايح !💔
عدي:رجع للواقع من دكرياته التعيسه !
وقام عيونه ❤️.....قام عيونه لما سمع صوتها بس !
ليان:صباح الخير
عدي:قام عيونه ومقدرش يبتسم قدامهم❤️...
جيداء:صباح النور ....تعالي افطري معانا مشاء الله عدي محضر سفره ملكيه
ليان:اءء اء صحتين .....عدي نبيك شوي
عدي:قام حاجبه كانه مش مهتم قدامهم ....شن فيه !
ساره :شافت لي ليان من فوق لعند لوطه
ليان:نبي ... نبي نكلم خالتي
تطمن عليا ع الاقل ونعطيها علم اني هنايا
ليلى:شهقت .....وهيا ان شاء الله متعلمش بيك انك هنايا ليك يومين
ولا هكي انتم عادي الانحلال تباتي برا بدون علمها وعادي !
ليان:عقدت حواجبها .....انا مش ..زز
عدي:قاطعها ...تو انا نعطيها علم انك هنايا ونطمنها
ليان:نبي نكلمها انا
عدي:قام حاجبه بي نضره حاده🔥....قلت انا تو نكلمها
ليان:خدت نفس عميق وركبت بدون ما ترد عليه !
ليلى:سبحان الله في من ناس متفهميش طبيعة حياتهم كيف !
صالحه :جبدت كرسي وقعمزت ....مشاء الله السفره تجوع
جيداء:اي حق 😅
وين محمد وطلال امالا مش ع السفره ؟
صالحه :راقدين اول ماوصلو ماصدقو لقو الدنيا دافيه
ليلى:وبناتك وين ؟......ولا حتى هما زي الاولاد رقدو طوول !!
ساره :😂😂😂😂😂
عدي:سيبهم وناض من مكانه بدون كلام
صالحة:بناتي تاعبات امس طول الليل هما يلي يوتو في الحوايج مساكين مش راقدين وانا نحوس عليهم ونوتيلهم في حوايجهم
ليلى:شن قصدك انتي!؟
صالحه :مقصدي شي صاحب العله ينخصوه مرافقه ....
ليلى :اخطيني على الصبح احسنلك انتي بدات
جيداء:صلو ع النبي ياجماعه خيركم من اول يوم في الحوش هادا عراك هكي !؟
صالحه:كملو فطوركم وديرو معاي دوره خلي انسقو التحف يلي جبناهم والماعين
ليلى:وعلاش مستعجلين العفو من اول يوم هكي
صالحه:تكلمت وهيا مبتسمه .....احتمال نستقبل ناس غضوا 😌
ناهد:ناس شنووو؟؟؟
صالحه :خطابه 😌
جيداء:مشاااء الله لي منو !؟
صالحه :لي الزوز 😌
ساره:بي الجمله هكي 😂😂😂😂😂
صالحه:قل هوا الله احد 😌
_______________________________
ليان:وهيا راكبه شافت تالفون صالحه على الطاوله
كملت مشيها وسحباته معاها بدون مايحس حد وخشت لي غرفتها
ضربت الرقم وقلبها يدق وبيطلع منها ....
خديجة:ايوا
ليان:خالتي
خديجة:خلخل عضامك ان شاء الله وين انتي ؟؟وين انتييييي نكلم فيك !
ليان:تتكلم وهيا ترجف ....انا عند عدي
خديجة:شن رفعككككك غادي ......روحححححي
ليان:انا منعرفش المكان يلي انا فيه حاليا الطريق مش حافضتها !
خديجة:ابعتي الموقع متعك ع النت دبري بسرعه
ليان:انا مش م........
جبد عدي منها التالفون
ليان:بلعت ريقها
عدي:حط التالفون على ودنه ويسمع
خديجة:االووو ليان نكلم فيييييك ردي
عدي:سكر التالفون والباب
ليان :خليني نروح
عدي:يشبحلها وساكت ..
ليان:خليني نروووووح قتلك انت متعلم بي شي ولا تعرف عليا شي
عدي:لوح التالفون ع السرير ولف يديه على بعض
ليان:خدت نفس عميق ..... شي خلاص
وجايه بتطلع لكن دفها عدي ...يتبع


google-playkhamsatmostaqltradent