رواية وقعت في شباكه الفصل الخامس 5 بقلم سولييه نصار

رواية وقعت في شباكه الفصل الخامس 5 بقلم سولييه نصار 

 

الجزء الخامسشكرا على تفاعلكم السكربقلم سولييه نصار

-انتي بتقولي ايه انتي اتجننتي يا شهد ؟!

- لا انا عقلت وخلصت من وهم حلك في اليوم اللي كسرتني فيه ...انا مش هكمل في علاقة سامة زي كده ....مش هكمل مع واحد معقد زيك ...بينتقم من ست ميتة في بنتها

-ويا تري من تعيس الحظ اللي هيرضي بواحدة زيك

-يووه كتير.

-منهم حسن ابن خالتك صح ؟!

ابتسمت بخبث وقالت :

-ايه بتغير عليا معقول ؟!

ضحكت بتوتر وقولت :

- ده بعدك انتي متهمنيش بشلن حتي ....بس انتي مراتي دلوقتي وانا كراجل مسمحش ان مراتي يعزمها حد غريب

- حسن مش غريب ...بعدين انا وعدته

-تمام هروح معاكي انا وسها

-تشرفوا

روحت علي دولابها وطلعت طقم وقولتلها:

البسي ده ..

وبعدين خرجت بسرعة

قلبي كان بيتحرق ...ايه اللي بيحصل بالضبط ....ازاي الدنيا اتقلبت عليا انا ...ازاي خطتي فشلت ....حسيت ان انها هي اللي بتكسرني مش العكس ....تخيل بس انها تتجوز حد غيري كان قاتلني ...شهد مينفعش تبقي لغيري....بس انا ليه متمسك بيها كده ...ليه متغاظ وعايز اكسر دماغها علي اللي قالته ...انا مفروض أكرهها ...مفروض اصلا مكونش مهتم بيها ما تتجوز ولا تولع ...انا مالي ...انا هروح انا وسها معاها وهحرق دمها ....هخليها تحرم تتحداني تاني لما تشوفني مع سها

...

بس اللي حصل بالليل كان العكس تماما ...اللي حصل قلب حياتي في لحظة وحطني قدام الأمر الواقع !!!

كنا انا وسها مستنين شهد تنزل

-اهي نزلت البرنسيسة

قالتها سها بتريقة

بصيت واتجمدت فجأة وانا ببصلها ...كانت جميلة اووي اجمل ست انا شفتها في حياتي...فستانها الابيض الواسع كان لايق عليها ...قلبي دق جامد لما شافها ...هي دي شهد ...طلعت جميلة جدا في الفساتين ....اتضايقت من تفكيري وقلبي اللي دق بسرعة ووديت وشي الناحية التانية....قربت مني مبتسمة وقالت :

-مساء الخير

- اللي انتي لابساه ده انا حددتلك تلبسي ايه صح ولا لا ليه ملبستيش الطقم اللي اختارته

- انا حرة

-ايه ؟!!

-ببساطة انا حرة انت مش هتتحكم في لبسي كمان ...ما دام محترم يبقي ايه المشكلة ....بتمني بس تخلي بالك من لبس مراتك التانية

وشاورت علي سها اللي لابسة فستان ضيق

وبعدين سابتنا وسبقتنا

........

-يالهوووي يا جدعان هي تركيا رمت صواريخها هنا ولا ايه

قالتها سها ...بصت لشهد وقالت:

- ده قريبك يا بت

-ايوة

-يخربيت جماله هو ده وقته ...مصري ده

-مية في المية

قالتها شهد وهي بتضحك

-عمار يا مصر لا حقيقي عمار يا مصر ...هو فيه حد بالجمال ده ...انا لو اتجوزته مش هطلعه هخاف عليه

ضحكت شهد وقالت :

-عندك حق هو وسيم فعلا

انا كنت هتشل منهم ..ازاي شايفينه وسيم ....ده مفهوش ريحة الحلا حتي. ...هو عشان شعره اسود وناعم وعينيه بني واسعة وعنده غمازات يبقي حلو ....ذوق النسوان حصله ايه

-هو مرتبط يا بت يا شهد

- لا هو سنجل بس انتي متجوزة وجوزك جنبك احترميه شوية

بصتلي سها وقالت :

لا ما هو ...

بصتلها بغضب فقالت بتوتر :

-للاسف جوزي

بصيتلهم بغضب وقولت :

-بطلوا سهوكة انتي وهي ويالا امشوا نقعد بدل ما ادفنكم هنا

راحت سها اول. واحدة وسلمت عليه وهي فرحانة

-ازيك يا يا استاذ حسن انا سها عندي ٢٧ سنة وسنجل

حطيت ايدي علي راسي بسبب غبائها...بصلها هو بصدمة وقال؛

- مش انتي مرات امير

- ده ...

روحتلها قبل ما تغلط اكتر ومسكت ايديها وانا بقعدها

- مفهوش غلطة يا امير ....مفهوش غلطة انا عايزة اتجوزه

-اسكتي الله يخربيتك فضحتينا ...

سلمت شهد وهي بتضحك علي حسن وسلمت انا عليه

مر الوقت وفي العزومة كلها وانا حاسس اني علي جمرة من نار ...براقب هزار شهد وحسن ...حتي سها بدأت تهزر معاه ....الراجل ده بيمثل خطر عليا ...شهد منبهرة بيه جدا ...دي حتي مبصتش عليا ...اهتمامه بيها اخدها مني خالص ....اشتغلت موسيقي....بص حسن وقال :

تحبي نرقص يا شهد

لسه هترد رديت انا ببرود وقولت :

-معلش يا حسن شهد هترقص معايا انا

شديت ايدها وروحنا علي مكان الرقص ورقصنا ...:

- مش ملاحظة أن قريبك زودها مفروض يحترم وجودي

مردتش عليا

- انا ممكن اكسر رأسه علي فكرة ...انا محبش حد يقرب علي حاجة بتاعتي

-قولتلك مش هكون مراتك لفترة طويلة ....بعد شهر العسل هنتطلق

وبعدين سابتني وكانت هتمشي..

مسكت ايديها واخدتها برة المطعم بسرعة

بعد ما طلعنا في حديقة المطعم قالت:

-انت ايه مشكلتك بالضبط

- مش عايزك تشوفيه تاني

-وليه بقا

شديتها وانا بزعق وبهزها جامد :

- عشان بغيييير....بغييير عليكي ...بموت وانا بشوفك بتهزري وتضحكي معاه فهمتي ...انا بحبك !!

يتبع

السادس من هنا

تعديل المقال