رواية فرصة نتوب الفصل الرابع 4 بقلم سما يوسف
قرب مني اوي لدرجة لزقت في الحيطة وحاوطني بايده
- انا مش ندمان يا عاليا علي الي عملته فيكي بالعكس انا نفسي اشوفك مذلولة وضعيفة انتي اكتر انسانة بكرها ولو اتعاد بيا الزمن هعمل كده واكتر
قولت والدموع في عنيا : للدرجة دي بتكرهني ! طب انا عملتلك ايه عشان كل ده ليييه رسمت عليا الحب عشان تكسرني كده
قالي بسرعة : عارف انك معملتيش حاجة وعارف ان ملكيش ذنب بس انا كده بحب اذل في الناس واكسرهم بالذات انتي
- انا صدمتي فيك اكتر من الي عملته ، انا حاسة اني بحلم ، مش فاكر كونت بتقولي ايه زمان ، انا لسة فاكرة لمعة عيونك لما بتبصلي مستحيل يكون كل ده كدب وتمثيل ، انا بموت كل يوم من كلام اخويا لما عرف ومين بقا الي عرفه انت ! فضحتني بدل ما تصلح غلطتك وتتجوزني منغير ماحد يعرف
- قال : الله !،مانا اتجوزتك اهو ، ثم انا قولتله عشان يلم لحمه ويربيكي شوية
كل كلمة بيقولها بتبقي صدمة جديدة عليا مستحيل يكون ده الشخص الي حبيته ، فوقي يا عاليا فوقي متبقيش ضعيفة اكتر من كده
زقيته بعيد بكل القوة الي فيا جمعت وجعي كله وزقيته لورا
قالي : تفتكري هسيبك استحالة ، انتي بتاعتي انهاردة
قولت بقوة : ده عشم ابليس في الجنة
سبته وهمشي
مسك ايدي وقربني منه وانا بقاوم
- عاليا انا مجبور عليكي علي فكرة انا مش،دايب في دباديبك انا هطلقك وبكرة كمان ، لكن هتعملي الي في مزاجي والي انا اقول عليه
فضل يبصلي من فوق لتحت ويبص علي جسمي
انا مش هضعف تاني كفاية بقا
قرب مني اول كان هيهجم عليا ، حضنته عشان اهليه
اخدت الفاظة الي علي الكودينو وخبطوا
- اااه اااه ماشي يا عاليا والله لاوريكي
قالها وهو بيتوجع وقع علي الارض واغمي عليه
دخلت الاوضة وقفلت علي نفسي وغيرت هدومي
فتحت فيس بوك لقيت ماسدج من شهد بتقول : وحشتيني يا عاليا
اتصلت علي شريف بسرعة
- اي يا زفتة بترني في الوقت ده ليه
- شريف شهد كلمتني
- ارتبك وقال بتوتر : اي الي خلاها تكلمك دي كمان ، هي مش كانت غارت في داهية
- انا مش فهماك بجد انت اي حجر مش كفاية الي عملتو فيها ، وخسرتني صحبتي وكل ده ومش ندمان حتي
- والنبي تخليكي في نفسك وفي الي انتي عملتيه
- قولت بثقة : وليه ميكونش الي حصل فيا بسببك ايوا بسببك كمان تدين تدان والي انت عملته في شهد وكسرت قلبها وحياتها بوظت شغلها وفضحتها عند اهلها
- انتي متفتحيش بوقك خالص يا بت احمدي ربنا ان لسة لساني بيخاطب لسانك
وقفل في وشي السكة
بكيت بقهر شريف مكانش كده معايا كان اقرب حد ليا كان حنين لكن بعد الي حصل قسوة الدنيا كلها بقت فيه
اتوضيت وصليت ركعتين رفعت ايدي ودعيت
يارب سامحني انا نفسي تغفرلي يارب الذنب ده انا مبقتش مستحملة يارب انا ندمانة وتوبت ليك انا بحبك يارب ومتاكدة انك هتغفرلي ، يارب حنن شريف عليا واصلح حاله وحال شهد ، يارب خلصني من محمد وظلمه انا انخدعت فيه يارب نجيني وطهرني من الذنوب
كنت بدعي ببكاء
خلصت ونمت اول مرة انام بشكل كويس بعد الي حصل
طبعا مردتش علي شهد مكنتش اعرف هقولها ايه لكن هي باردو غلطانة ليه تقاطعني بسببه ، حقيقي بقيت مستغربة شريف هيخليني اكره لكن هفتكرله اي حاجة حلوة عملهالي
قبل مانام سرحت وافتكرت يوم كان مهم
- flash back
- انا بحبك
بصيتله بابتسامة : بجد من امتي
- من الان للحاضر للمستقبل لاخر يوم في عمري هحبك يا عاليا
- اتكسفت : هتتقدملي صح
- صح وهيبقي احلي يوم في عمرنا ، انتي اجمل شئ حصلي في حياتي ، اتمني تبقي جمبي لغاية ماموت
- حطيت ايدي علي ايده : انا كمان بحبك وهفضب جمبك يا حبيبي
Back
- روحت في النوم
صحيت تاني يوم قومت ولسة هخرج من الاوضة لقيت ورقة مكتوب عليها
