رواية ملاكي فهد وملاك كاملة بقلم رنا شريف

رواية شمس الحياة الفصل الثالث 3 بقلم فيروزة

شالها وخرج بيه من العربيه ..ووصلوا لحد باب البيت ...ودخل من البوابه وطلع لحد شقته وخبط وبعد دقيقه الباب اتفتح ....

مين دي يا أبيه ...

يونس ... دخلني الاول يا هنا وبعدين نرغي ونعرف مين دي ...

هنا ...صح عندك حق ادخل ...

يونس داخل علي اوضته وحط شمس ...وخرج لقه أبوه وأمه وهنا قاعدين مستنين تفسير لكل اللي بيحصل ده ...

هنا ...مين دي يا أبيه ...

يونس ...حاضر هقولك يا هنا ...

أبوه ...مين البنت دي يا يونس هي دي اخرت تربيتي فيك تجيب واحده معك البيت ...

أمه ...اهدا يا حاج لما نعرف هي مين وبتعمل ايه مع يونس ويعرفها منين ومن امته ...

يونس ...ايه كل الاساله دي ..ده انا لو في تحقيق مش هيحصل فيه كل ده ...

أبوه ...احكي يا ولد ...

يونس حاضر ..وحكي يونس من أول لما شاف شمس لحد التحقيق معهم في القسم ...بس كده يا سيده اللوه ...وبكره أن شاء الله هاخدها عند دكتور حسام اهو نفسي وانا وثق فيه ...ونشوف رايه ايه...

هنا ...بجد رايح عند حسام ...

يونس ... ايوه ...وحضرتك مسمعتيش من الكلام كله غير حسام ...

هنا ...يوه بقي يا أبيه ...انا دخله اوضتي ..( هنا دخلت تجري من الكسوف .)...

امه ...ليه كده يا يونس تكسف اختك ...

يونس ...ولا كسوف ولا حاجه ده انا بهزر معها ...

ابوه .. طيب هتعمل ايه في البنت يا يونس لو طلعت بجد عندها مشاكل عقليه...

امه ردت بسرعه يعني مجنونه يابني ...ياخوفي لتموتنا بالليل واحنا نايمين ...

يونس ...هههههه وانتي اول واحده يا بطه ...

امه ...شايف يا حاج ابنك ...

أبوه ...بيهزر معكي يا قلب الحاج ...

امه ..مش قدام الواد يا حبيبي ...

يونس ...بت يا هنا بالله عليكي شجاره هنا واتنين لمون علشان الحاج والحاجه ..

أبوه ...قوم يا كلب علي أوضتك وهات البنت تنام مع اختك لحد الصبح ونشوف هيحصل ايه ...

يونس ....حاضر يا بابا ...

دخل يونس الاوضه لقه شمس قاعده علي السرير وبتعيط جامد بصوت مكتوم ...قرب منها يونس بخوف ...مالك يا شمس ..رفعت عينها كنت زي الدم ...وبصيت علي يونس وقمت مره واحده وحضنت يونس وفضلت تعيط من غير صوت وبعد شويه بقيت تعيط بصوت وكل ده ويونس بيطبط عليه ...

شمس ...كنت فين يا عمو شمس صحيت من النوم لقيت نفسها لوحدها وخفت من الوحش ..

يونس ....وحش ايه بس يا شمس ...اللي خايفه منه ...

شمس ...الوحش اللي بيكون بره الاوضه ...

يونس ...وحش ايه اللي برا الاوضه ...

شمس ...ماما قالت لشمس أن بره الأوضه في وحش علشان كده شمس مكنتش بتخرج بره الأوضه علشان الوحش ..فهمت يا عمو ...

يونس (كنت بتخوفها علشان خايفه عليه ماهي فعلا لو كنت خرجت كنت هموت من الوحوش اللي برا فعلا.. هم وحوش وانتي بريئه اوي )متخافيش هنا مفيش وحوش ...هنا امان ليكي يا شمس ...

شمس... (...بعدت عن حضن يونس ...)بجد يا عمو (بتقول كده وفي عينها نظره بريئه اوي لسه الحياه ملوثتهاش) ...

يونس ...بجد ...بقولك ايه يا شمس هتروحي تنامي مع اختي في الاوضه لحد الصبح ...

شمس ...بخوف ...لا شمس عايزه تنام هنا مع عمو ...

يونس ..(حط ايدو علي وشه بنفذ صبر )...ماينفعش يا شمس انتي كبيره وكده عيب ...

شمس فضلت تعيط وتصرخ ...لا شمس مش هتنام مع حد شمس عايزه تفضل مع عمو شمس خايفه ....

يونس اسمعي بس

قبل يونس مايكمل كالمه لقه اللي في البيت كلهم جوه الاوضه...

امه ...في ايه يا بني البنت بتعيط ليه ....

هنا ...بسم الله ماشاء الله تبارك الرحمن ....هي دي اللي كنت بتحكي عنها يا أبيه ...دي زي الملاك ...شايفه يا ماما الملاك دي ..

شمس بغضب طفولي ومسكت في قميص يونس ...انا مش ملاك انا شمس ...شمس الحياه...

أبوه ...ماشي يا شمس متزعليش البت هنا دي مبتهمش حاجه ...

شمس ....عمو حلو ..وقمت قربت من ابو يونس وبسته من خده ...

يونس قرب منها وشدها بعيد عن أبوه ..( حسيت وهي بتبوس ابويه اني عايز اموتها ...حسيت أنه بتعتي انا بس ومش من حقها تبوس حد غيري ..هو انا قولت غيري ....ليه هو انا عايزها تبوسني ...) ...

ابو يونس ....ما تسيبها يابني كده انت خوفتها بص عليها كده ...

يونس ...بصيت عليه لقيته بتعيط بصوت مكتوم.....وبتشهق من غير صوت ...

أم يونس ...براحه عليها يابني دي غلبانه ...وراحت شدها من يونس وحضنتها وفضلت تطبط عليها وشمس سكتت في حضن ام يونس ...

شمس ...انتي حلوه اوي يا ماما ...

ام يونس ...يعني عليكي يا بنتي ...انا حبيتها اوي يونس ...حبيتها كأنها بنتي مع اني لسه شايفه بس دخلت قلبي ...

أبو يونس ...خلاص يا حاجه اهي معكي حبي فيها براحتك ...

ام يونس الدموع نزلت من عينها علي حال البنت الغلبانه دي ...

هنا قربت منها واخدت شمس في حضنها وقالت لها ....انا هنا ...ممكن نبقااا اصحاب يا شمس ...

شمس حضنت هنا وقالت ...شمس وهنا اصحاب علي طول ...

يونس ...كفايه أحضان ايه ماشيه بتوزعي احضان وبوس...

شمس ...ليه انت كمان عايز حضن من شمس ..

يونس وشه كلها بقي احمر من الكسوف ...

يونس ...يلا يا جماعه كل واحد علي اوضته عايز انام ...

هنا ..يلا يا شمس تعالي ننام مع بعض ...

شمس ...لا شمس هتنام مع عمو ...

يونس ...مينفعش يا شمس انتي كبيره لازم تنامي مع بنت زيك ...

شمس عيطت ...لا شمس عايزه تنام مع عمو ...

ام يونس ...خلاص خليها تنام معك يابني دي غلبانه بلاش تزعلها ....

أبو يونس ...امك عندها حق يا يونس ...يلا يابني تصبح علي خير ....

هنا ...تصبح على خير يا أبيه وانتي يا شموسه ....

ام يونس...يلا نامي كويس يا حبيبتي وانت حبيب ماما ...

يونس ....وانتو من اهلوا ..

الكل خرج من الاوضه مفضلش غير يونس وشمس ...

شمس ...عمو انا عايزه اغير هدومي ...

يونس ...طيب مقولتيش لهنا ليه كنت هتجيبلك حاجه ...

شمس ...شمس مكسوفه ...

يونس ...طيب خليكي هنا وانا هروح اجيبلك منها حاجه تلبيسيه....

يونس راح أوضته هنا وجاب بيجامه لشمس علشان تنام بيها ....يونس داخل واده البيجامه لشمس علشان تغير وخرج من الاوضه...

بعد مده داخل تاني لقه شمس بتعيط ومسكه البيجامه في أيدها ...

يونس ...مالك يا شمس بتعيطي ليه ...

شمس ...شمس مش عارفه تلبس لوحدها ماما اللي كنت بتلبسني...

يونس ...ازاي انتي كبيره ...لازم تلبسي لوحدك ...يلا هخرج وانتي غيري هدومك يلا ...

شمس حولت كتير تغير هدومها لحد ما في الاخر نجحت وكنت فرحانه اوي ...أنها غيرت لوحدها ...

يونس داخل لما سمع صوت ضحك في الاوضه ...

يونس ...مالك يا شمس فرحانه كده ليه ...(بص عليها لقها لبسه البيجامه بس بطريقه تضحك ...لبسه اللي قدام وراه ولا وراه قدام ...والبنطلون مقلوب ...)(يونس مقدرش يمنع نفسه ضحك بصوته كله ...)ههههه شاطره يا شمس انا فرحان بيكي انك حاولت تلبسي بنفسك ...

شمس ...كنت بتنطط من الفرحه ..بجد يا عمو شمس شاطره ...بجد ...

يونس ...بجد ...يلا ننام بقي ...

شمس نمت علي السرير ...ويونس نام علي الكنبه ...

الصبح...

شمس قمت قعدت جمب يونس وفضلت تبص عليه لحد ماصحه من النوم لقه الملاك ده في وشه ..

يونس ...صباح الخير يا شمس ..

شمس ...صباح النور ...

خرجوا من الاوضه وفطروا مع الكل وراحوا عياده الدكتور حسام ابن خالته يونس ...

قاعدو شويه في الانتظار وبعدين دخلوا عند الدكتور ...

حسام ...ازيك يا يونس وحشني اوي ...

يونس ...بخير يا حسام وانت والله وحشني اكتر ...بقولك عايزك في خدمه ...وحكي لحسام كل حاجه علشان يقوله شمس عندها ايه ...

حسام ...حاضر يا حبيبي هعمل معها الازم ...وهرد عليك بعد ساعه اكون خلصت معها الكشف والاشاعات...

يونس ...تسلم يا حسام ...ثواني وشمس تدخل ...

خرج يونس وداخل شمس ...

اول لما يونس داخل بشمس حسام قام وقف وفضل سكتت ..

يونس خبطه علي كتفه ..حسام مالك ...حسام ..

حسام ..احم احم . .سوري يا يونس ...بس هي دي شمس اللي كنت بتحكي عليها ...

يونس ...ايوه يا حسام هي ...واهم حاجه عايزها منك انك تلم نفسك ...

حسام ...عيب عليك ده انا محترم ...

يونس ...هسيبها معك ساعه وبعدين هاجي اخدها ...

حسام ...في عينيها ...

يونس ...هو انا خايف غير من عينك ... تتعامل معها باحترام يا حسام ...فاهم ...

حسام ...حاضر ..

خرج يونس وراح علي القسم ...وشمس فضلت مع حسام علشان الكشف ...

يونس واصل القسم وداخل مكتبو...وخلهم يجيبوا شوشو ..

شوشو أول لما دخلت سالت علي شمس ...

شوشو ... ياباشا بنتي عامله ايه ...

يونس ...كويسه ...بس انا عايز اعرف منك حاجه واحده بس وبعدها ترجعي الحجز تاني ومتساليش علي شمس تاني ...

شوشو ... طيب مسالش عليه ليه ياباشا دي بنتي الوحيده وبعدين اسال يا باشا برحتك انا تحت امرك .....

يونس ...لو طلعت بجد عندها حاجه انا هاخد بالي منها بس متساليش عليها تاني ...فاهمه...

شوشو ...فاهمه يا باشا اهم حاجه اكون مطمنه عليه ..

يونس ...تمام ...الاهم عايز اعرف منك هي بنتك ولا ايه حكايتها بضبط ....

شوشو ...حاضر يا باشا هقولك شمس دي

الرابع من هنا

تعديل المقال