recent
روايات مكتبة حواء

رواية ذبول ( ليلي وبراء ) الفصل الخامس عشر 15 بقلم اميرة محمد

رواية ذبول ( ليلي وبراء ) الفصل الخامس عشر 15 بقلم اميرة محمد

_ بعياط : فين ادم ي ماما
_ ببرود : ادم تاه ومش لقياه
_ انا هروح ادور عليه
_ ولسه هتخرج شخطت فيها : فررررررريده
_ البنت اتنفضت من مكانها ورجعت لورا
_ بغضب : ادخلي جوة لحد م اشوف هعمل اي ؟
_ فريده دخلت جوااا واستنت لما امها خرجت من البيت راحت ماسكه التليفون وعايزة تتصل ب ليلي بس مش عارفه
_ راحت لقت رقم عمها ماجد اتصلت بيه
_ رد عليها بسرعه وغضب : ايمان انتي .....!!!
_ قاطعته بعياط : دا انا فريده ي عمو
_ اهدي ي حبيبتي بتعيطي ليه
_ بشهقه : ادم ضاع ي عمو وماما حبستني هنا ف البيت
_ شششش متعيطيش اهدي وقوليلي اي اللي حصل انتوا مش كنتوا عند ليلي ؟؟
_ أيوة وماما جات خدتنا وقومنا الصبح من النوم ملقناش ادم
_ بحنيه : طيب انا جاي ممكن تهدي وتبطلي عياط ؟؟
_ مسحت دموعها : حاضر
_ ابتسم : شطورة ي فريده مسافة السكه وهكون عندك بس متقوليش لماما
_ ماشي ي عمو
_ ماجد قفل معاها واتصل بسرعه علي المحامي اللي سلمي بعتتله رقمه
_ السلام عليكم
_ وعليكم السلام ورحمه الله وبركاته
_ استاذ احمد عبد العزيز
_ أيوة ي فندم
_ ممكن اتكلم مع حضرتك مش هاخد من وقتك كتير
_ تمام مفيش مشكله حضرتك عارف طبعا مكتبي فين ؟؟
_ اكيد يمشي مع حضرتك بعد ساعه ؟؟
_ خلاص ماشي كويس اوي
_ مع السلامه
_ قام بسرعه للبس ونزل راح علي بيت ايمان
بقلمي أميرة محمد محمود
___________________
_ سلمي رايحه جايه ف الاوضة بتتصل علي ماجد مبيردش ، تليفونها وقع منها واترعشت اول م اخوها دخل عليها
_ قرب منها بشك : بتكلمي مين يبت ؟؟
_ برعب : م...مش بكلم حد
_ مسكها من شعرها : كدابه وريني التليفون ده
_ حطت ايديها علي ايده اللي علي شعرها : حرام عليك ي رامز شعري بيوجعني
_ تجاهلها ومسك التليفون لقي اخر رقم مكلماه ماجد ، وقعها علي الارض وفضل يضرب فيها برجليه
_ بعياط وصريخ : ااااه
_ بقي انا باعتك تشتتغلي تقومي تدوري علي حل شعرك
_ يا اخي منك لله وحسبي الله ونعم الوكيل فيك
_ بغضب : بتحسبني عليا يا بنت ال ....!!!
_ خافت من شكله ف انكمشت علي بعضها وهوة راح ماسك تليفونها وبعت رساله لماجد
_ مفيش شغل تاني ، مفيش نزول من البيت اصلا ، وربي يا ي سلمي لو رجلك خطت عتبة الباب ده هقطعهالك
_ بعياط : اسمعني ي رامز والله العظيم دا زميلي ف الشغل وك....كنت برن عليه عشان اقوله مش هاجي النهارده
_ طول عمرك كدابه
_ بعياط وعصبيه : وانت طول عمرك وسخ وبتحب نفسك ، وعمرك م هتتغير ، انا بكرهك وعمري م هسامحك ، عشان بهدلتني وكل يوم تفرج عليا اللي يسوي واللي ميسواش
_ رامز اتعصب جامد منها راح خبطتها ف طرف السرير راسها جابت دم وقبل م تفقد وعيها قالها : جهزي نفسك بالليل واحد صاحبي جاي يتقدملك واعملي حسابك انك معندكيش فرصه للرفض
_ طلع وقفل الباب وهيه غمضت عنيها واستسلمت لواقعها
_ الحياه عمرها ما كانت عادله معانا ، ومفيش حد بياخد كل حاجه ، ربنا مقسم علينا الأرزاق ، واحده حظها وقع ف أهل كويسين وواقفين جمبها ف كل وقت وبيدعموها .
_ وواحده رزقها زوج بيتقي ربنا فيها وبيعاملها بما يرضي الله ، وواحده رزقها جه ف دراستها وشغلها وعايشه حياتها......الخ !!!
_ هيه الدنيا كده بتدي قليل وبتاخد كتير وفالاخر الحمد لله علي كل شيء
بقلمي أميرة محمد محمود
______________________
_ ليلي قامت للبست وهيه كمان رايحه لمحامي معرفه كان زميلها ف الثانويه ، اتصلت عليه وبلغته أنها جايه
_ رايحه فين ي ليلي
_ رايحه للمحامي ي ماما
_ يبنتي احنا ملناش دعوة
_ بصدمه : اي اللي بتقوليه ده ي ماما دا جوزي وان موقفتش جمبه دلوقتي هقف جمبه ايمته ؟؟
_ ي حبيبي مقصدش بس يمكن فعلا براء يعني ....!!!
_ يمكن اي ي ماما قولي
_ يووووة ي ليلي يمكن حنلها م هيه كانت مراته برضو
_ بثقه مهزوزة : لا كلامك كله غلط هيه اللي حاولت تقرب منه عشان تاخد الولاد
_ عمها : طيب ي ليلي م تروحيلها وتشوفي عملت كدا ليه أو عايزة اي عشان تتنازل عن القضيه
_ بغضب : لا انا بنتي متروحش لحد الست انا مش ضامنه ممكن تعمل فيها أي
_ اهدي ي ماما ومتخافيش عليا وان شاء الله براء هيطلع من السجن
_ خرجت وطول الطريق بتفكر معقول براء حنلها ، بس عمرة ميعمل كده
_ غيرت طريقها وراحت علي بيت ايمان تعرف منها هيه ليه عملت كدا؟
بقلمي أميرة محمد محمود
____________________
_ ماجد وصل هناك وفضل يخبط علي الباب محدش رد ، شوية وجات فريده ووقفت وراا الباب ، كل ده وإيمان حابسه امها ف الاوضه ومكتفاها وقافله عليها
_ عمو ماجد ؟؟
_ أيوة ي حبيبتي انا هنا متخافيش
_ بعياط : انا خايفه اوي ي عمو مفيش غيري هنا
_ اهدي وانا جمبك اهو
_ طيب
_ قعد يهدي فيها وبيتكلم معاها عشان خوفها يروح ، ليلي جات وشافته بالشكل ده
_ بصدمه : ماجد !!
_ ليلي !!
_ بتعمل اي هنا ؟؟
_ ليلي ...ليلي
_ ليلي قربت من الباب : فريده مالك ي حبيبتي
_ بعياط : ادم اخويا ضاع ي ليلي
_ بصدمه : ضاع ازاي ؟؟
_ مش عارفه....مش عارفه
_ طب خدي نفس براحه وامسحي دموعك
_ بصت لماجد : اي اللي حصل
_ مش عارف ي ليلي انا جيت هنا بعد معرفت اللي حصل لادم ، وعندي معاد مع المحامي كمان نص ساعه
_ روح ي ماجد وخده واطلع علي قسم الشرطه عشان تخرج براء قبل م تبقي قضيه وتتحول للتحقيق ، وانا هتصرف هنا ، وكمان قدم بلاغ عشان ادم انا خايفه عليه اوي
_ متأكده ؟؟
هسيبك هنا لوحدك
_ أيوة يلا معندناش وقت
_ ماشي خلي بالك من نفسكم
_ حاضر
_ ليلي اتصلت بعمها وطلبت منه ينزل يدور علي ادم عشان مينفعش تسيب فريده لوحدها وهيه خايفه
_ ليلي ...عمو
_ أيوة ي فريده انا هنا اهوة
_ انا خايفه اوي
_ انا جمبك متخافيش
_ بعد نص ساعه ايمان جات ولقتها قاعده فزعقت بعبيصه
_ انتي بتعملي اي هنا ي حيوانه
_ اخرسي
_ انتي جايه لحد بيتي وتقلي ادبك
_ ادم وفريده فين ؟؟
_ ايمان مردتش عليها وفتحت الباب ودخلت كانت هتقفله بس ليلي زقتها وراحت حاضنه فريده
_ خديني معاكي ي ليلي متسبنيش هنا
_ شششش اهدي ومتخافيش يلا ادخلي جوة
_ حاضر
_ فريده دخلت وليلي قعدت وقالت : عايزة كام ؟؟
_ نعم ؟؟؟؟
_ عايزة كام وتتنازلي عن القضيه
_ اممممم عايزاني اتنازل عن شرفي وعرضي
_ شرف اي يا ام شرف احنا هنلف وندور علي بعض انا وانتي عارفين كويس أن براء ميعملش كدا
_ بخبث : متنسيش أنو كان جوزي وانتي يدوبك لسه عارفاه من شهرين يعني جايبه كل ثقتك فيه دي منين ؟؟
_ لعلمك لسه بيحبني وعمل كده عشان نرجع لبعض و....
_ واييي
_ وتطلبي منه الطلاق
بقلمي أميرة محمد محمود
____________________
_ رامز دخل علي سلمي لقاها واقعه ف الأرض والدم بينزل منها
_ انتي ي بت قومي
_ ........
_ نزل لمستواها : سلمي ي بت
_.....لا رد
_ شالها بسرعه وطلع بيها علي المستشفي
يتبع .....

google-playkhamsatmostaqltradent