رواية يا انا يا هي (عشق الجاسر) الفصل الخامس 5 بقلم هاجر عبدالحليم
رواية يانا ياهي الحلقة 5
ممدوح..هنا ياحبيتى اقعدي كدا وارتاحى وافهمينى كدا عشان عارف انه اللى هقولوا صعب عليكى ومش هتعرفى تسوعبيه بس انتى قوية ومفيش حاجة تعجزك ابدا عشان انتى قولتيلى زمان الشخص القوي هو اللى يواجه ظروفه ومتخليهاش تهزمه ابدا
هنا..حضرتك بتقولى الكلام دا ليه هو حصل حاجة؟ بابا ارجوك قولى انا بجد خايفة اوي وركبى بتخبط ف بعض وحاسه انه فى نصيبة حصلت مفيش داعى انك تمهد لحاجة انا قوية زي م انت قولت وان شاء الله هنعدي كل الظروف سوا
ممدوح قعدها ع الكنبة ومسك ايدها وهو بيترعش حاول يتكلم مش عارف
هنا بقلق..اهدا يابابا انا معاك ومش هسيبك اتكلم ع مهلك انا سامعاك
ممدوح..انا مش قادر اتكلم
جاسر..خلاص ياعمى متضغطش ع نفسك انا اللى هتكلم بدالك انسة هنا حضرتك عارفة انك كنتى فاقدة الذاكرة ولا انا كلامى غلط؟
هنا..وانت عرفت منين؟
جاسر..طبيعى لازم يكون عندي معلومة عشان انا مش غريب او خلينى ابقا واضح معاكى اكتر من كدا الظروف قربتنا من بعض اوي لدرجة انه احنا بقينا عيلة واحدة واللى جمعنا مع بعض الست اللى قاعدة هناك دي بس بجد مش عارف انتى ازاي مختيش بالك منها؟
هنا بصت ناحية فهيمة وحست باحساس غريب ناحيتها قامت من مكانها وهى سرحانة وتركيزها كله كان ع عنيها اللى مليانة لهفة وشوق المشاعر دي هى اللى بتحركها ومخلياها شايفة فيهمة قريية منها اوي
هنا..انا حاسة انى اعرفك
فهيمة بصت لعيون هنا اوي وقالت بعياط..احساسك ف محله يابنتى ايوة احنا نعرف بعض وعيشنا تحت سقف واحد وكنا دم واحد كمان انا شيلتك ف بطنى تسع شهور وربيتك لحد م كبرتى وبقيتى عروسة زي القمر كان حلمى اشوفك عروسة مع انسان يستاهلك وكنت بدعى ربنا يرزقك بشخص صالح يهنيكى وتعيشى معاه ربيتك ع الغالى وخليت عنيكى مليانة وشبعانة وعمرك م بصيتى للى ف ايد غيرك ولا تعرفى الحقد والحسد اللى كان يشوفك يحلف بتربيتك واخلاقك كان جوا عنيكى برأءة مش طبيعية والناس كانت بتحبك بسبب عفويتك انا كنت فخورة اوي اني كنت امك بس انتى مشيتى بعيد عنى الكل قالى انك موتي بس انا مكنتش مصدقة وكنت بشوفك دايما ف احلامي بتأكديلى انك عايشة انا من زمان وانا بدعى عشان ربنا يرزقنى باللحظة دي تعالى ف حضنى يابنتى تعالى ياحبيت امك
هنا كانت مصدومة من الكلام وفضلت ترجع لورا بخوف ودموعها كانت شلال ومكنتش قادرة تشوف الناس اللى حواليها وفجاه اتخبطت ف جاسر ومسكها عشان متقعش بصتله بخوف ورجاء انه يكذب كلامها دا بس هو قالها بعنيه انه كل كلامها دا صحيح ومفيش فيه ولا كلمة غلط
هنا بصت ف عين جاسر وحست بأحساس مبهم جواها وهو قلبه كان بيدق بخوف ومش فاهم فى اي؟
عشق كانت بتابع اللى بيحصل بقلب محروق وغيرة شديدة اوي ع حبيب عمرها بس هى لازم توقف المهزلة دي
الباب خبط بعنف شديد ولما ممدوح فتح اتصدم بعطية واحمد والصدمة كانت كبيرة اوي عشان عطية دخل وف ايديه مطوة وشكلو ناوي ع الشر
الكل اتصدم حتى جاسر رفع حاجبه باستغراب شديد وعنيه كانت ع المطوة وف عقله سؤال واحد مين دا وعايز اي؟
هنا اول م شافت المنظر دا مستحملتش واغما عليها
ف اوضة هنا
عطية بعصبية..سيبنى ياعم ممدوح اخلص عليه
ممدوح بخوف..يبنى الله يهديك سيب المطوة واغزي الشيطان انت مش فاهم حاجة الله يخرببت عقلك انت ع طول ايديك سابقاه كدا ادينى فرصة افهمك
جاسر..مش فاهم داخل علينا زي القضا المستعجل كدا ليه عرفنا انك خطيب هنا بس دا مش معناه تدخل بيوت الناس وتتهجم ع اللى فيها لولا عمى ممدوح كنت رميتك ف السجن بسبب عملتك دي وبعدين ياعم الشبح ماسك المطوة وعايز تضربنى بيها كمان طب لو راجل خليها تلمسنى كدا وهتشوف هعمل فيك اي؟
فهيمة بعياط..انتو قاعدين بتتخانقوا وسايبين هنا مغما عليها كدا مش كفايا اللى حصلها هتبقى انتوا والزمن عليها ارحموها شوية
عشق..دادة فهيمة معاها حق انا هكلم دكتور العيلة ييجى يشوفها ثوانى
وخرجت تكلم الدكتور اما عطية كان بيبص لجاسر بغيرة شديدة وشد ع ايده جامد لدرجة انه المطوة عورته ومحسش بيها عشان الجرح اللى جواه اكبر من الدم اللى نازل من ايده بكتير
عطية..ممكن افهم بقا ولا هفضل حمار كدا مش فاهم حاجة؟
جاسر..ياحبييى انا واحد متجوز وبحب مراتى ومش هبص لغيرها مهما حصل انت سامعنى وعلاقتى بهنا علاقة سطحية ولو هساعدها ف دا من باب الرحمة وتقديرا للست اللى بعتبرها والدتى
عطية..يعنى انت مكنتش جاي تتقدم لهنا؟
جاسر..لا طبعا انا جاي عشان اخدها تعيش معانا ف البيت مع والدتها اللى فضلت محرومة منها سنين
عطية بخوف..لا هنا استحالة تمشى انا بحبها ومش هعرف اعيش من غيرها
ممدوح..مش وقت الكلام دا دلوقت نطمن عليها وبعد كدا نشوف الدنيا فيها اي
عطية وجاسر بصوا لبعض بصات كلها عدم راحة وخوف كأنهم بينهم طار قديم والغريب انه جاسر مستغرب ليه مش مرتاح للشخص دا وحاسس انه مش هييجى من وراه غير المشاكل
بعد ساعتين
عشق..خير يادكتور طمنا؟
الدكتور..اطمنو خالص مفيش خطر عليها بس انا خايف من حاجة بس اتمنى ميحصلش
فهيمة بخوف.خايف من اي يادكتور انت مش بتقول مفيش خطر عليها؟
الدكتور..هى لما تصحى ممكن ترجعلها ذاكرتها وساعتها هتمر بازمة نفسية حادة هتحتاج رعاية شديدة واحساس بالامان مع كل الناس اللى عايشة معاهم والاهم مفيش اي ضغوط نفسية من اي نوع عشان دا ممكن يخلى حالتها تسوء وياريت تستحملو اي رد فعل منها حتى لو كان عنيف شوية دا هيبقى غصب عنها
وممكن كمان تصحى مش فاكرة حاجة خالص غير اللى اتقالها قبل م يحصلها حالة الاغماء ودا لمصلحتكو هتقدرو تزرعو جواها كل الحب والامان عشان مع الوقت لما ذاكرتها ترجع تقدر تواجه كل الوجع والمشاكل بيكو هى ف الحالتين محتاجة دعم منكو تمام؟
جاسر بجمود..شكرا يادكتور
الدكتور..العفو دا واجبى هى ف خلال ساعة هتفوق وانا هبقى اكلم حضرتك واتابع حالتها ع طول بالشفاء العاجل ان شاء الله
ف الصالة
عطية..عمى انا استحالة اخرج من حياه هنا بالسهولة دي انا احق واحد بيها واظن انت عارف ليه؟
فهيمة.وليه انت احق واحد بيها مش فاهمة ماسك عليها زلة يعنى؟
عطية..لا طبعا متقوليش كدا انا بحبها واستحالة أذيها او ابتذها ابدا بس انا عارف كل اللى حصل مع هنا زمان ومعنديش مشكلة ف انى اتجوزها انا كل اللى يهمنى هى وبس
جاسر..حتى لو انت متجوزتهاش هنا مفيش حاجة تعيبها ابدا عشان تبقى رمية ليك او لغيرك اي حد هيتكلم عليها كلمة باطلة او هيقلل من شأنها انا اللى هقفله انت فاهم
عطية استغرب كلامو بس كمل وقال..انا فاهم كل دا هنا ست البنات كلهم ويابختى لو ختها محدش هيحبها زيي انا طالبها بالحلال وبشرع ربنا وانا اصلا خاطبها يعنى اول م اطمن عليها هكتب الكتاب وساعتها محدش هياخدها مني
فهيمة بخوف..انت بتقول اي يعنى لما اشوفها والاقيها تاخدها مني بالسهولة دي لا طبعا انا مش موافقة انت عايز تتجوزها انا موافقة بس انا اجي اعيش معاها عشان تبقى تحت عينى انا مش عايشالها العمر كلو عايزا ابقى جمبها قبل م اموت
عشق بخوف..ايدة يادادة عايزة تسيينا بعد م اتعلقنا بيكى للدرجادي بتحبيها اكتر مننا
جت فهمية ترد بس سمعو صوت تأوه جاية من اوضة هنا ف عرفو انها صحيت ف جريو يشوفوها
ف الاوضة
ممدوح باس ايدها وقال...حمد الله ع سلامتك ياحبيتى
هنا بحب..الله يسلمك يابابا..هو انت مش بابا ولا اي؟
ممدوح شدها من ودانها وقال بمرح ممزوج بتعب
انا ابوكي غصب عنك يامفعوصة انتى وبعدين كدا تخضينا عليكى ينفع؟
هنا..انا اسفة يابابا
ممدوح..مش تسلمى بقا ع والدتك ...قلبها كان بياكلها من خوفها عليكى
هنا بحب..ماما تعالى انا عايزة احضنك
فهيمة جريت لهنا وحضنتها جامد وعمالة تعيط بصوت عالى وبتبوس وش هنا وايدها كمان ومفيش ع لسانها غير كلمة وحشتينى
هنا..انتى مش هتقعدي معايا هنا ياماما؟
جاسر..لا ياهنا انتى هتيجى تقعدي معانا ف البيت
هنا بخوف..بس انا مش هقدر ابعد عن بابا
وجاسر..وانا مش هقدر اعيش من غير امي
هنا....طب والحل؟
هنا وجاسر بصوا لبعض وحست انه فى حاجة مشتركة ما بينهم
جاسر..مفيش غير حل واحد ولازم ماما وعمى ممدوح يساعدنى فيه عشان الموضوع يمشى بسهولة من غير اي جرح لحد فينا لا عمى ممدوح يتعب بفراق بنته ولا انا كمان مش هعرف اعيش من غير ماما فهيمة استحالة
فهيمة بخوف..واي بقا الحل دا؟
هنا وجاسر بصوت واحد..
هنا..تتجوزي بابا
جاسر..تتجوزي عمي ممدوح
عطية حس ببطنو بتوجعه جامد كأنها فيها سكاكين بتغزر فيه من غير رحمة هنا عرف انه ميعاد الجرعة بتاعتو
فهيمة بصدمة..يالهوي بالى انتوا بتقولوا اي؟ ونبى دا كلام يتقال انت اتجننت ياجاسر؟
جاسر حضنها من كتفها وقال..ياحبيتى انا بحاول اقصر الطريق عشان نخلص من الموضوع دا ومتكملش فيه كتير عشان فى حاجات اهم واولى تاخد الوقت دا دلوقتى فعلا صعب ع هنا تعيش من غير والدها دا اللى رباها ومتنسيش لولاه مكنتش هتبقى موجودة معاكي دلوقت هو مصدر الامان ليها وبعدين عمى ممدوح كمان ليه حق عليها زيك تمام مينفعش بعد اللى عملوا دا كلو يبقى جزاته تبعد عنها ولا انا كلامى غلط
ممدوح..بس يينى
هنا..مفيش بس جاسر بيتكلم صح يابابا وبعدين دا جواز ع سنة الله ورسوله محدش هيقول عليكو كلمة ولو حصل هقطع لسانهم احنا نكتب الكتاب وتيجى تعيش معانا انا مش هعرف اتأقلم ع الحوار دا من غيرك يابابا انا لسة مصدومة ومش فاكرة اي حاجة عن حياتى القديمة هو اه فى احساس كبير شاددنى ليهم بس مش اكبر منك انا عايزة احس بحبك وحب ماما كمان جوايا عشان خاطرى يابابا وافق
جاسر..ولو وافقتو هننزل ونكتب الكتاب انهردة ونطلع ع البيت
عشق كانت متابعة بصدمة بس عاجبها اللى بيحصل ما عدا وجود هنا عندهم ف البيت بس مش هتقدر تتكلم احتراما لجوزها ولفهيمة
عطية..عن اذنكو
هنا بقلق..رايح فين ياعطية
عطية..هخلص حاجة وراجع تانى
هنا...خليك ياعطية عشان موضوعنا لسة مخلص
عطية بتعب..معلش ياهنا انا هروح مشوار كدا صد ورد وراجع نتكلم ف اللى انتى عايزاه كلو
هنا..لا ياعطية انت مش هتمشى من هنا
وكانت هتقوم لولا فهيمة مسكتها وقالت بقلق..رايحة فين يابنتى انتى لسة تعبانة؟
هنا..ماما انا رايحة مع عطية لازم اوقفه ع اللى عايز يعملو كدا بيأذى نفسه وهو مش حاسس
عطية بقا مش قادر خلاص لو قعد ثانية واحدة هيفقد السيطرة ع نفسو وهيخرب الدنيا وساعتها هيخافو منو واستحالة يسلموه هنا وهما مطمنين
وفعلا مشى زي الاعصار
هنا بدموع..لا مستحيل مينفعش ياخد الجرعة لا لا سيبونى لازم اروحله واقوله انى جمبو وفى حاجات حلوة كتير ف الدنيا تستاهل انه يعيشها مينفعش يبقى عبد لرغباتو ابدا دي هتموته بالبطىء اوعوا بقا
وقامت جرى من ع السرير ولبست اسدالها وخرجت وف طريقها لعطية
جاسر مصدوم ومتسمر ف مكانو مفاقش غير ع كلمة ممدوح وهو بيقول..الحقها يبنى عطية مش ف حالته الطبيعة دة مدمن مخدرات ولو هى وقفت قصادو هيقتلها وساعتها هيندم ندم عمرو ف لازم تحافظ عليها وعليه عشان يعدو الموقف دا روح يينى الله يرضى عليك ورجعهالى سليمة انا مش مطمن للجوازة دي مش عشان عطية وحش لا والله عطية حنين بس هنا مش هتقدر عليه لوحدها
فهيمة بعياط..يالهوي مدمن..اخرتها مدمن..ياحبيتى يابنتى ياللى عمرى م فرحتى ولو يوم طول عمرك بتحبى الخير للناس مشوفتيش لحظة حلوة ياحبة عينى ولما حبيتى وفرحتي حصل اي اتهموكي ف شرفك وضربوكي ورموكي ف الشارع وانا؟؟ انا معرفتش احميكى ياضنايا م هو مش بأيدي صدقينى مكنتش اعرف انه كل دة هيجرالك مكنتش اعرف انه احنا عايشين وسط ثعالب ياريتنى ختك وسافرنا بعيد ومش هاخد حاجة لا فلوس ولا نيلة الله يحرق الفلوس اللى يخلو الاخوات يحقدو ع بعض كدا
يارب يوم م الاقيكى اشوفك بين ايدين واحد مدمن لاااا الله ف سما الجوازة دي مش هتم ولو ع موتى
جاسر بقلق..انا هروحلها
عشق مسكت دراعه بخوف وقالت..لا ياجاسر متروحش عشان خاطرى انا مش هستحمل لو جرالك حاجة دا مدمن يعنى مش واعي لاي حاجة بيعملها انا عايزاك ابوس ايدك ياجاسر خليك احنا ملناش دعوة بيه خلينا نمشى من هنا
جاسر طبطب ع ايدها بحب وقال..متخافيش عمر الشقى بقي انا مش هيجرالى حاجة بس البنت محتاجانا مينفعش نمشى ونسيبها دا الغريب بنساعدو هنيجى للقريب ومنعملش كدا وبعدين دي بنت دادة فهيمة ومش هقولك هى اي بالنسبالنا انا هروح اجيبها من عندو ونمشى ع طول اطمنى وخليكى قاعدة معاهم وحاولى تقنعيهم بالجوازة دي عشان مصلحتنا بتقول لازم تتم اتفقنا ياحبيتى؟
عشق بخوف..لا اله الا الله
جاسر باس راسها وقال محمد رسول الله
ومشى فعلا وعشق مكنتش عايزة تسيب ايده هى خايفة من حاجات كتير اوي واهمها كابوسها يتحقق قدام عنيها
عند عطية
احمد..كويس انك جيتى ياهنا..انا مش قادر عليه لوحدي خالص..كل م امسكو يزوقنى وبصى عورنى ف دراعي انا بقيت بخاف منو بيبقى ف الوقت دا عامل زي الطور الهايج انتى مينفعش تقفى قصادو روحي ياهنا انا اللى غلطان ياريتنى م قولتلك ساعديه
هنا..متقولش كدا يااحمد انا هخش حاليا مفيش وقت لازم مياخدش الجرعة دي لازم انت مش فاهم حاجة
وجريت لاوضة عطية واول م فتحت لقت عطية لسة هياخد الحقنة قامت جريت وشدتها منو
عطية بتعب..انتى جيتى ليه؟
هنا..جيت عشانك
عطية..هاتيها
هنا..هى اي؟
عطية بتعب..بلاش استعباط ياهنا هاتى الحقنة انا بموت لازم اخدها انا مش قادر اقوم من مكاني هاتيها بقاااا
هنا...لا ياعطية انت مش هتاخد الحقنة ع جثتى لو ختها
عطية قام بعصيية وشدها من دراعتها جامد
هنا بوجع...ااااه ايدي سيينى ياعطية انت بتوجعنى
عطية بعصبية...انتي اللى مصممة تطلعى الوحش اللى جوايا
هنا عيطت وقالت..بس انت مش وحش انت طيب؟
عطية..ههههههههه مين قالك كدا؟ دا انتى غلبانة اوي
وخنقها وقال بصريخ هااااااتى الحقققققنة
هنا بعدت عنو وقالت بتصميم..يبقى اقتلنى الاول وبعدين لو ع الحقنة اهي الحقنة ورميتها من الشباك
عطية..لااااااااا
وجرى ناحية الشباك عشان يلحقها بس هى كانت خلاص اتكسرت
شد شعرو جامد وكسر كل اللى حواليه ومفيش ع لسانو غير كلمة واحد بس..ليييييه ليييييه انا تعبااااااان تعباااااااان اااااااااه
وركع ع رجلو وعمال يصرخ وهنا عايزة تروحلو بس خايفة منو بس مينفعش تسيبو كدا
عطية بصلها وقال..انتى السبب ف وجعى دا
وقام شدها من حجابها وقال بصريخ...دلوقت حالا تجيبلى الحقنة دي والا هطلع روحك ف ايدي انتى فاهمة انا مش فاهم انتى عايزة منى اي ها؟ اي اللى جابك انا مش قولتلك خليكى وانا شوية وراجع لو خت الحقنة كنت جيتلك وانا كويس وساعتها هتجوزك غصب عن الكل بس دلوقت انتى كرهتينى وخوفك منى زاد واهلك دول اللى طلعولى ف البخت كمان
وفضل يهزها بعنف وهو بيقول..انا مش هسمحلك تمشى وتسبينى انتى حبيتى ومراتى وليا لوحدي هنا حبيتى قوليلى انك ليا يلا
هنا كانت خايفة ومش قادرة تتكلم
عطية بصريخ..انطقققققي بقاااااااا يلااااااا ايييييي القطة كلللللت لسااااااااانك قووووولى انك بتااااااعتى
هنا بعياط..عطية سيبنى ابوس ايدك كفايا انا مش مستحملة ااااه دا حرااام والله
عطية شدها اكتر..وانتى اللى بتعمليه فيا دااا مش حرام انتى هتتجوزينى انهردة برضاكي او غصب عنك
وزقها بعيد عنو وقال..غورى بقا من وشى
راح وفتح الدرج وطلع منو برشام ضحك بامل وجاي ياخدو هنا جريت لعندو
هنا...لا هات البرشام
عطية..ليه ها انا هاخدو وابقى كويس وساعتها لا هصرخ ولا هتعصب وهتشوفى عطية الكويس اللى بتحبيه
هنا..لا ياعطية هات البرشام عشان خاطرى لازم تتعود ع الوجع دا عشان ربنا يشفيك من اللى انت فيه كدا انت ضعيف واستحالة اسيبك تضيع نفسك انا كدا مش هتجوزك ياعطية
عطية مسكها من بقها بعنف وقال..لو نطقتى الكلمة دي تانى متلوميش غير نفسك فاهمة
هنا..طب حاضر هات البرشام بقا
عطية زقها وقال..لا انا هاخدو
راحت هنا ضربته ببطنه جامد وخدت البرشام منو راح عطبة اتعصب وشدها من شعرها وضربها بالقلم وهو بيصرخ وبيقول..يابنت الكلللللب
وقعت ع الارض وخنقها بايدو ولف الحجاب ع دماغها وشعرها للاسف بان وهى فضلت تعيط وتصرخ وتستغفر وصوتها اصلا كان طالع بالعافية
لاااات ياعطية لا اله الا الله عطية انا هنا يااااااارب
الباب خبط بعنف واحمد فتح واتصدم بلكمة قوية من جاسر
احمد..الله يخربيت معرفتك ياعطية ويخربيت ايامك السودة انا مالى ياعم
جاسر..قاعد زي النسوان خايف تخش تنقذ البنت الغلبانة دي انا هبقى واحد.......لو خليتو يشم ضفر واحد منها بعد كدا
وجرى ناحية الاوضة اتصدم بعطية بيخنق هنا
جرى ناحية عطية وشدها من عليها وهى فضلت تزحف ناحية الحيطة وكورت رجليها وفضلت تعيط بصوت عالى
جاسر بعصيية..منا هستنى اي من واحد مدمن زيك انتى عملت كل دا ليه ها عشان عايزاك تبقى بنى ادم متبقاش ذليل وعبد للمخدرات والقرف اللى بتشربه وعايز تتجوزها عشان لو وقفت قصادك تقتلها وتحسر قلب امها عليها انت انسان لا يؤتمن معرفش ازاي كنت هوافق ع جوازك منها لو حد عاقل استحالة يفكر فيك عايز تتجوزها يبقى تتعالح وتبقى شخص عاقل ساعتها تتجوزها لكن من هنا لحد دا م يحصل مشوفش وشك انت فاهم ولو ع البرشام خد اهو
ورماه ف وشه وعطية خدو فعلا بلهفة جاسر جرى ناحية هنا لقاها بشعرها غض بصره عنها وشاف للطرحة راح خدها ولف راس هنا بيه
وقالها..اومى ياهنا
هنا بصت ف عنيه وافتكرت مشهد اغتصاب حسين ليها والمشهد دا كان بيقتل عقلها بالبطىء
جاسر بقلق..هنا انتى كويسة؟
هنا بعياط..عايزة اروح روحنى
جاسر..طب تعالي معايا
هنا بعياط..مش قادرة اتحرك عايزة بابا عايزة بابا ودينى لبابا
جاسر حس ناحيتها بشفقة وقالها..طب اهدي هوديكى ليه
هنا بصت لعطية لقيته بيعيط وبيبصلها بندم شديد
هنا كانت هتقع بس جاسر مسكها بقلق وبص ف عنيها هى بصتله والاتنين حسوا بأحساس غريب
مفقوش غير ع صوت فهيمة وصدمة عشق باللى شافتو واللى حصل هو
