recent
روايات مكتبة حواء

رواية يا انا يا هي (عشق الجاسر) الفصل التاسع عشر 19 بقلم هاجر عبدالحليم

رواية يا انا يا هي (عشق الجاسر) الفصل التاسع عشر 19 بقلم هاجر عبدالحليم


ف مكتب هشام

جاسر وقف مرة واحدة وعنيه كانت مليانة لهفة وحيرة ضيق عنيه وهو بيقول..هى أميرة ليها اخ؟
صفوت..ايوة ليها واخوها بيكون هو انت ياجاسر اسمعنى كويس يمكن كلامي دا صدمة ليك لكن للاسف دي حقيقة والدك كان بيحب فهيمة اوي من بعيد شافها كذا مرة واتكلمو بس اهلو اللي ف الصعيد اجبرو يتجوز واحدة مش بيحبها بس كان لازم يعمل كدا اخر زيارة ليه غويته وحاولت تقرب منو وهو زي اي راجل ضعف وغلط معاها طبعا اهلها لما عرفو اتعصبو جامد وحاولو يقتلوه بس اهلك وقفو ف طريقهم واقترحو بدل م حنفية الدم تتفتح وساعتها مش هنعرف نطفيها نجوزهم لبعض ونستر عليهم احسن ولما والدك رفض اهلها قالوا خلاص هنحبسو مهما يتكلم ويقول انه م اغتصبهاش وكلو كان بمزاجها محدش كان بيصدقو ف اضطر يتجوزها وزهقها ف عيشتها ف اول شهر لدرجة انها زهقت وكرهت عيشتها معاه ف سافر القاهرة عشان شغلو كان متعطل وبقا متراكم عليه ساعتها والدتك حملت فيك وخبيت عليه الخبر دا وفعلا هو م صدق اصلا انه محدش بعتلو ف عاش حياتو عادي وناسيها تماما وطلقها خلاص مكنش متخيل انه ابنه بيكبر بعيد عنو
انا لما روحت الصعيد وقابلت جدك الكبير حكالى عنك وليه مشيت من الصعيد؟
قالى انه عبدالحكيم كان بيتعامل معاك وحش جدا طبعا هى اتجوزته بعد شهور العدة م خلصت كان هيمنعك من التعليم عشان تنزل تشتغل ف الارض بتاعته كان بيزعقلك وممكن يمد ايدو عليك كمان ومهما تشتكي مفيش حد بيسمعك ولا بيحاولوا يساعدوك كنت عايز تفهم اي سر القسوة دي كلها وهو اب؟ بس دا جوز والدتك عبدالحكيم كان طمعان ف الفلوس والارض بتاعة اهل والدتك وعشان هى عارفة كدا قالتله حاجة قصاد حاجة عملتلو توكيل عام لكل ورثها من اهلها قصاد انه يكتبك بأسمو كان رافض الموضوع دا عشان انت مش من صلبو ازاي تاخد اسمو بالسهولة دي لكن هى كانت عارفة نقطة ضعفو كويس اوي واشتغلت ع دا قالتله خلاص براحتك وريتله عقد التوكيل مكنش قادر مياخدوش دي ملايين هتترمي تحت رجليه ف وافق ع مضص بس انت كنت الضحية مكنش قادر يحسن معامتلك ووالدتك كانت بتسمع وبتسكت كأنو مفيش ف ايدها اي حاجة تعملها
جدك قالي انه ساعة الحريق اللي حصل ف الشقة عبدالحكيم اتهمك انت ف عملت معاه مشكلة وسافرت القاهرا وبدات من الصفر هناك ومن ساعتها محدش يعرف عنك حاجة وشافوك بس ساعة دفنة فهيمة الله يرحمها وسبحان الله اتدفنت جمب جوزها حاجة كدا محدش يصدقها اصلا بس القدر لما بيلعب لعبته محدش يقدر بتوقع حاجة
مدحت قبل بيتوفا بفترة شاف عبدالحكيم وف لحظة سرعة وغضب منو حكالو كل حاجة والدك حس بالذنب ناحيتك ف جالي وقالي اكتب وصية انه املاكو كلها تروحلك انت وكتب املاكه كلها بأسمك انت بشهادة من عبدالحكيم انت ابن مدحت الاسيوطى كان لازم نوصل لعمام أميرة انه الوصية بأسمها عشان محدش يكتشف حاجة لحد م اوصلك والوصية تتفتح ف حضورك انت وهي مع بعض قلبه كان حاسس انه اخواته بيدبرو مكيدة ف كان لازم يشغلهم بأميرة لحد م اتصرف واوصلك انا غلط جامد معرفتش احميها ساعة م حسين اغتصبها بس هو تاب وساعدنى نصلح الغلط دا والقدر كان حليفنا ووصلنا لهنا
انت اسمك جاسر عبدالحكيم الدهشورى دا ف الورق لكن للحقيقة انت جاسر مدحت الاسيوطي
غصب عن الكل انت ابنو وأميرة اختك دلوقت بعد م كل حاجة وضحت خلاص هتاخد حقك انت وأميرة وهتعوضو بعض عن كل اللى شوفتو وابقي انا عملت واجبى واديت الرسالة اللى عليا اللى كلفنى بيها مدحت الله يرحمه
هشام..يعنى جاسر واميرة اخوات من الاب دا بجد انا مش مصدق
جاسر بدموع..دلوقت بس عرفت ليه بحس ناحيتها بحب غريب مش حب واحد لحبيتو لا حب اقوي من كدا مليون مرة عشق كانت بتغير من اختى ربنا كان رحيم وخلة حسين يظهر ف الصورة ف الوقت دا بالذات عشان متهورش واتجوزها وساعتها انا كنت استحالة اسامح نفسى ابدا كنا هنغلط ف حق نفسنا ودينا جامد كنت لما بشوفها بحس براحة وامان غريب كنت بستغفر وبلوم نفسى وبقول انت ليه بتعمل كدا دا جزاء عشق لما وقفت قصاد اهلها ووقفت تتجوزك وتبعد عن الكل عشانك كانت تقدر تعيش ف مستوي احلى بكتير بس وافقت تعيش معايا وع ادي ونبدا حياتنا سوا دلوقت بس عرفت ليه لما بشوفها بحس انها ضلع واتخلق مني وجوايا مسؤلة منى انا وبس وانا الوحيد اللي ليا حق اني احميها مش حد تاني؟ دلوقت بس عرفت ليه لما بشوف حسين الله يرحمو بحس بغيرة مش طبيعية غيرة مش قادرة استوعبها ولا افهمها بقول ليه انا حقير كدا بحب واحدة وتفكيرى معاها بس ف نفس الوقت اميرة كانت واخدة حيز كبير اوي مني؟ كان نفسى تعيش مرتاحة ياما شافت المر كفايا عليها الألام والعذاب دا كلو كان نفسى تاخد واحد علاقته بيها من اولها نضيفة مفيهاش لا اغتصاب ولا ضرب ولا اهانة طاهرة مفيهاش دنس حد يكون ليها دواء وامان وسند انا كنت عايزلها كل دا ومكنتش فاهم ليه انا كدا معاها؟
هشام بمواساه..جاسر اهدا شوية مينفعش كدا الحمد الله انه ربنا ظهر الحق دلوقت اختك معاك عوضها عن كل اللى شافتو دلوقت هى محتاجاك اكتر من اي حد روحلها واحضنها وقولها انك اخوها ودعمها عشان صدمة موت حسين الله يرحمو مش هتبقى سهلة عليها ابدا موته كانت صعبة دا فداها بروحه هى مش هتقدر تستوعب انه مات خلاص اكيد هتقول انها السبب وهتربط موته بموت عطية وممكن تدخل ف حالة نفسية صعبة انا بقول لو عرفتها اللى حصل صدمتها هتبقى كبيرة وجايز دا يخفف عنها الالم شوية ربنا رحيم بيقطع من حتة وبيوصل من حتة وبيعوض بالاحلى والاحسن واحنا مش بنعرف دا غير ف الاخر للاسف
جاسر بدموع..نفسى اخدها ف حضنى دي اختي ياهشام انا بقالي اخت بعد سنين كنت فيها لوحدي مش عارف ليه بيحصلي دا كلو؟ انا تعبت من كتر الذل اللي كنت بشوفه ع ايد جوز امي معقولة يعنى هو مش ابويا والله كنت حاسس ساعات بقعد مع نفسى وبقول ازاي اب بيقدر بكل جبروت وظلم ملوش اخر يعامل ابنو بالحقارة دي ساعات كان بيعاقبنى اني اقعد ع السيراميك ف عز الشتاء من غير غطاء كان بيورينى الغذاب الوان لحد م فاض بيا ومشيت لولا عشق كان زماني انتهيت هى اللي وقفت جمبي وساعدتنى بعد ربنا عشان اوصل لحد هنا عشق دي روحي وكملت النقص اللي حوايا بس كسرتى مكنتش لسة اترممت لما ربنا جمعني ماما فهيمة الله يرحمها حسيت انه ربنا بيعوضنى عن الحنية والامان اللى كانت ناقصاني مع اهلي ولما ماتت شوفتها مع اميرة بس انا كنت عايز اوريها اللى اتحرمت منو كنت عايز اديهولها لسبب انا معرفوش بس كنت حابب اعمل دا
صفوت..دلوقت عرفت؟
جاسر..انا تعبان
هشام..طبيعي انا اهو اللى مليش دعوة حاسس انه هيغما عليا وقلبى بيدق جامد
جاسر..مش عارف اي حكمة دخولك ف حياتنا ياحضرة الظابط؟
هشام تنهد بتعب.انا والله م اعرف لو كان عندي الاجابة كنت قولتلك
صفوت..هشام ببحب اميرة ودا واضح جدا أميرة عند هشام بيه مش مجرد قضية مسكها وخلاص الموضوع كان اكبر من كدا مليون مرة
جاسر..خلي جواك امل انها تكون ليك ف يوم وانا هساعدك صدقنى متمناش ليها حد احسن منك والله انت احق واحد بيها ربنا رايد يكون ليك نصيب معاها وكل اللي بيحصل دا هيقربك اوي منها لولاك مكنش دا حصل
هشام..انا بحبها دي حقيقة مقدرش انكرها بس هي مش هتتحوز بعد حسين ايا كان اللي عملو هى لسة بتحبو وانا واثق من كدا كانت بتعيط ساعة م كان ف العملية انا حسيت بحب كان طالع من عنيها غير الندم اللي حسيت بيه عشان هو فداها بروحه ومات بدالها بس دا نصيب وربنا هو اللي اختارو مكناش هنعرف نمنع القدر ابدا
جاسر.كله خير ياهشام اطمن
صفوت..انا من رايي ياجاسر تروح لأميرة دلوقت تطمن عليها وترتاح يومين لحد ميعاد جلسة المحكمة وتنفيذ الحكم بعديها هنفتح الوصية وانا هعمل اللي اقدر عليه عشان اميرة وهشام
هشام..لا انا مش هقبل ادخل ف حياتها دلوقت وهى تعبانة وهشة مش هبقى عديم الرجولة عشان استغل ضعفعا واوهمها انها بتحبنى ومش هقبل ابقى سند خانة لحسين انا عايزها لما تبقى ليا تكون معايا بكل كيانها وانا متاكد انه ربنا هيعملي كل خير وانا راضي باي حاجة
جاسر..خير ياهشام بيه انا هروح بقا اشوف أميرة هستناك اوعي متجيش انا عايزها تشوفك
هشام بحيرة..حاضر جاي ربنا يسترها بقا
ف المستشفى
ف اوضة اميرة
جاسر دخل الاوضة كان ملهوف عشان يشوفها لقاها نايمة وعنيها كانت متورمة من كتر العيط نفسو ياخدها ف حضنه دلوقت عايز يتكلم مش عارف لسانو مش سعفه باي حاجة عنيه كانت بتدمع بحنين وشوق غريب
عشق كانت قاعدة مع أميرة واول م لمحت جاسر جريت عليه وحضنته هو استقبلها بصدر رحب حضنها جامد اوي وجسمها طلع عن الارض شوية كانت هتدخل جواه من قوة الحضن لا هى غرقانة فعلا ف حضنه
عشق بحب..قلقتني عليك كل دا؟
جاسر..هى صحيت؟
عشق..اه فضلت تعيط كتير اوي ختها ف حضنى وفضلت اقرالها قرءان لحد م هديت ونامت تانى
جاسر مسك ايدها بوجع وباسها ببطىء شديد كانو بيقولها تعالي واحتوينى انا محتاجك وهى قرت دا ف عنيه لفت ايدها حوالين رقبته وقالت..مالك ياجاسر؟
جاسر..نفسى اخلف منك اوي ياعشق
عشق بتوتر..هو دا وقته ياجاسر؟
جاسر..حبيت اقولك كدا دلوقت
عشق..وانا اتمنا ياجاسر بس
جاسر..خايقة شغلك يتأثر بالحمل وجسمك يبوظ مش كدا؟
عشق..لا ياجاسر مش كدا والله انا نفسى فعلا يكون لينا طفل بس مش بأيدي دي حاجة بتاعة ربنا وانا مش باخد حاجة تمنع الخلفة بس وقتها لسة مجاش وصدقنى هبقى فرحانة لو شيلت جوايا طفل منك الفرحة بجد هتبقى مش سايعاني
جاسر..عشق انا عايز اقولك ع حاجة لما روحت للمحامي عشان اشوف اي اخر الاخبار قالى انه اميرة تبقى اختي
عشق بعدت عنو بصدمة وقالت..اختك!! اميرة تبقى اختك
جاسر..تعالي برة احكيلك كل حاجة عشان بس متفوقش مش قادر اواجها دلوقت خالص محتاجك جمبي عشان اعرف اعمل دا تعالي يلا
واول م خرجو جاسر قعد وحط ايدو ع راسه بوجع وتعب
عشق فضلت تطبطب ع كتفه عشان تقوله انها جمبو وتشجعو انه يحكي وفعلا بدا يحكيلها كل حاجة
عشق.سبحان الله ايدة انا مكنتش متخيلة انه أميرة تبقى اختك خالص
جاسر..يعنى انا اللى كنت متخيل
عشق..يعنى طول المدة دي كنت بغير من اختك؟
جاسر..اه تصدقى بقا بس دلوقت انا ليا عندك طلب
عشق.عارفاه عايزنى انا اللي ابلغها الخبر صح؟
جاسر..ياريت بعديها هتكلم معاها بس تكونى مهدتى للموضوع دا افضل بكتير
عشق..حاضر ياجاسر بس انا بقول انت احق واحد تعمل كدا لكن مفيش فرق بينا هكلمها وبعديها هناديلك أميرة لازم يكون ليها ضهر وانت اخوها تصدق ياجاسر فرحانة اوي عايزة كل شوية اقول انت اخوها اللي حصل دا كلو كان ممكن ميحصلش لو كنا نعرف بالموضوع بس ماما فهيمة مكنتش تعرف اصلا بس والله لو كانت عرفت معاملتها هتفضل زي م هي كانت بتعتبرك ابنها واكتر عايزا ازورها ياجاسر وحشتنى اوي
جاسر..هاخد تزوريها حاضر هى وحشانا كلنا
عشق..وحاجة كمان عايزا اطلبها منك عايزة اعمر عمرة بس نطمن ع اميرة وبعد كدا نروح ممكن؟
جاسر بفرحة..انتى خلاص قررتي؟
عشق بحب..ايوة ياجاسر هسيب الشغل انا قررت ومش هرجع عن قرارى مهما حصل
سمعو تاوهات جاية من اوضة اميرة
جاسر وقف مفزوع وجاي يدخل بس عشق مسكتو وقالتله..خليك هنا انا هكلمها وبعديها هناديلك
جاسر بلهفة..مش قادر استنى عايز اخدها ف حضنى والله
عشق..انا مقدرة احساسك بس لازم تصبر
جاسر تنهد بتعب وقال حاضر عشق باستو ف خدو بحب وراحتلها من
ف اوضة اميرة
عشق شربتها المياه وقالت..اي احسن؟
اميرة شاورت براسها ب اه ولسة بردو بتعيط
عشق..دموعك ورمت من العياط اللى بتعمليه دا مش هيرجعه؟
أميرة بعياط.بفوك شوية ياعشق اللي حصلي مش شوية انا ابتديت احس انه كل اللي بقرب منهم بيموتو امي عطية حسين الله اعلم بعد كدا مين انا شؤم ع كل اللي حواليا انا والله بطلب من ربنا الموت انهردة قبل بكرة بس مش عارفة ليه مش بيتستجيب
عشق..عشان لسة عمرك منتهاش وليكي نصيب تعيشى لسة في حاجات حلوة مستنياكي اتوقعي الحلو عشان يجيلك وع فكرة فى خبر اوي هيفرحك
اميرة بصتلها بلهفة طفل كأنها عايزا حاجة تحصل تفرحها
عشق بفرحة..احنا طلعنا قرايب
اميرة بهس..قرايب!
عشق..جاسر يبقى اخوكي من الاب ياأميرة
اميرة ضيقت عنيها مش فاهمة كلام عشق كأنها بتتكلم لغة تانية غيرها
عشق..انتي مش سامعاني بقولك جاسر اخوكي يعنى انتى تبقى اخت جوزي يعنى قرايب والقدر جمعنا وماما فهيمة هى السبب
اميرة ساكتة عمالة تعيط وبتضحك ف نفس الوقت كلامها مش واضح
جاسر اخويا يعنى انا ليا اخ جاسر اخويا اخويا جاسر انتى مرات اخويا
عشق خدتها ف حضنها وهى بتحكيلها كل حاجة جاسر قالهالها
اميرة فضلت تضحك بصوت عالي وهى فرحانة ودموعها مغرقة وشها
أميرة..فين جاسر انا عايزاه خليه ييجى ياعشق
جاسر كان واقف مستنيها تنادي عليه متابع كل اللي بيحصل وعنيه كلها دموع
معرفش اي العيلة اللى بتعيط ع طول دي🙄🙂
المهم نكمل بقا
جاسر دخل وجسمو كلو بيترعش راح وقعد جمبها وهى فضلت تملس ع وشو بحب وهى بتقول..اخويا انت اخويا ياجاسر صح
جاسر مسك ايدها وباسها بحب اخوي صادق وبيهز راسه ب اه بشكل هيستيرى
خدها ف حضنه وملس ع شعرها وهى اترمت ف حضنه وشدت عليه غمض عينه بألم كانو محتاج عشقو تدعمه وفعلا حطت ايدها ع كتفه عشان تدعمو وهى بتعيط معاهم
خرجها من حضنه وفضل يبوس راسها ووشها بحب وهى بتضحك وبتبوس ايدو وبعديها حضنته جامد وهى بتقول اخويا انت اخويا كنت فين من زمان حرام عليك كل دا ليه اتاخرت؟ ليه سيبتنى اعاني كل دا لوحدي..انت اخويا ومعايا صح يعنى مش هبقى لوحدي تانى
جاسر..ايوة ياأميرة انا اخوكي وجمبك ومش هتبقى لوحدك تاني
ضحكت وفضلت جوة حضنه
لحظات مش محتاجة كلام بس احساسها كفايا
رحلة أميرة كان البحث عن الامان ولقيته فعلا مع اخوها من اول لقاء بينهم كان في احساس بيشدهم لبعض مش فاهمينه واخيرا عرفو سر العلاقة الغرببة اللى كانت بتجمعهم علاقة قوية محدش عارف قيمتها وهي الاخوة ف الاخ سند وحماية وامان ودا اللى لقيته أميرا معاه كان حواليها وحاسة بيه وعنبها معمية عنه بس قلبها كان حاسس وكلو انكشف بلعبة من القدر
ما احلى لم الشمل حين يكون بعد فترة من العذاب حينها كل شىء يهون من اجل لحظة من الدفء مع الامان❤️
فضلت جوة حضنه لحد منامت
جاسر..هى ف حضنى دلوقت باعشق
عشق..ماسكة فيك زي العيلة الصغيرة
جاسر بصلها بحب وهو ببقول..ليها حق انا اصلا مش عايز اسيبها
عشق..انا كلمت الدكتور وقالي هنروح انهردة خدها بقا وانا رايحة لتارا عشان عايزاني ف موضوع هخلص معاها وبالمرة هقدملها استقالتي وهرجع نحط بقا النقط ع الحروف واخدك كدا نشترى كام حجاب عشان العمرة انت مش وعدتنى؟
جاسر بحب..حاضر هعملك كل اللي انتى عايزاه ولينا قاعدة مع بعض مش هسيبك ع فكرة غير لما اعرف اي اللى غير تفكيرك كدا؟
عشق باست راسو وقالت..هقولك ع كل حاجة ياجاسر بس لما ارجع ان شاء الله خد بالك ع نفسك
جاسر بحب..وانتي كمان متتاخريش وهتابعك فون ع طول كل شوية رنى عليا بس خدي هنا هو حسن هيكون هناك؟
عشق..لا اي اللي هيجيبو هناك دي شقة تارا اطمن خالص مش هيكون موجود
جاسر..تمام ياحبيتي لا اله الا الله
عشق..محمد رسول الله
اول م مشيت جاسر بص ل اميرة وهو بيضحك باس راسها بحب اخوي وقام عشان يخلص حبة ورق
ف عرببة عشق
عشق بقلق..انا مش مطمنة ياترى عايزاني ف اي ياتارا
فلاش باك
عشق.الو
تارا..اهلا حبيتي كيفك؟
عشق..الحمد الله كويسة بس ع فكرا انا كنت عايزاكي ف موضوع
تارا..ايا كان الموضوع ما بيخلص ع الفون تعي لعندي تحكي شوي انا يدي ياكي ف موضوع ما بيخص الشغل اصلا مهم كتير صعب احكي لحدا غيرك لانه بثق فيكي كتير
عشق..خير ياتارا قلقتينى
تارا..راح تعرفي بس لازم تيجى لعندي راح ابعتلك العنوان ع الواتس اوكي
عشق بقلق..اوكي تمام جيالك
باك
عشق وصلت للعنوان وطلعت فعلا خبطت كانت تارا فضلوا يهزروا مع بعض شوية بعديها عشق قالتلها انها حبة تستقيل تارا هودتها وقالتلها تمام بعديها جابت مشروب وحطت فيه الدواء وقلبته كويس وراحتلها تاني عشق حست انه في حاجة مش مظبوطة قلبها مش مطمن خالص
عشق خدت منها الكوباية بس ربنا كان معاها كانت هتشربو بس سمعو خبط جاي من الاوضة تارا راحت عشان تشوف ف اي وهنا عشق قررت ترمي المشروب وراء الكنبة عشان تارا متحسش بحاجة استنيت شوية لقت حسن خارج من الاوضة وع وشه ابتسامة ماكرة
عشق بخوف..حسن!
ف مكتب هشام
هشام قاعد ع مكتبو وماسك صورة أميرة وسرحان فيها تليفونو رن واول م رد اتصدم بكلام المتصل ليه وقف بصدمة وخوف
وقال..عايز تتابع كل اللي بيحصل اول بأول وتبلغني بيه مفهوم
قفل معاه وتنهد بخوف وهو بيقول استرها يارب دا روحه فيها
انا لازم اتصرف
ف عرببة جاسر
جاسر بيرن ع عشق مش بترد قلق عليها جامد اوي
ردي بقا
فضل يضرب دريكسيون العربية وهو مش قادر يسيطر ع قلقو
أميرة..اطمن ياجاسر هتبقى كويسة
جاسر..انا قولتلها ترن عليا ع طول دلوقت تليفونها مقفول دا ينفع؟
اميرة..اكيد حصلها حاجة انت متعرفش ظروفها اي؟
جاسر..طب تطمنى عليها ع الاقل ارتاحي انتى لسة تعبانة الكلام مش كويسة عشانك
أميرة..مقدرش اشوفك كدا واسكت
جاسر..ربنا يباركلى فيكي انا هكلم هشام يطمنى قلبي بيقولى عشق فيها حاجة
اميرة..هشام مين؟
جاسر..دا ظابط كان متابع قضيتك من الاول مع المحامى بتاع والدك
جاسر مرداش يجيب سيرة حسين عشان ميزعلهاش بس هى فاكراه وصعب تنساه دا اللى مش عارفو
أميرة..كلمو يمكن تلاقى عندو اخبار تريحك
جاسر فعلا رن ع هشام
جاسر..الو
هشام..ايوة ياجاسر
جاسر..مال صوتك؟
هشام..مفيش
جاسر..انت عارف انا برن عليك ليه؟
هشام..مش مخاوي عشان اعرف الحقيقة
جاسر..ظابط اه بس مش بتعرف تكدب فى اي ياهشام؟
هشام..عشق اتقبض عليها وهى دلوقت ف القسم
جاسر بتلعثم..عشق ف القسم ازاي دا حصل؟
جاسر تليفونه وقع من ايدو وهو بيشك ف حسن لو كان دا حصل يبقى موته ع ايدو اما أميرة قلقت ف مسكت التليفون عشان تعرف فى اي هشام اول م سمع صوتها جسمو اتنفض بس حاول يتماسك ع اد ميقدر
أميرة..اي اللي حصل انت قولتله اي خلاه بقا كدا؟
هشام..خليه يطمن انا متابع الاخبار كلها وهى هتبقى براءة ان شاء الله دي حالة دفاع عن النفس
اميرة بخوف..هى عملت اي انا مش فاهمة حاجة؟
جاسر كان بيسوق بسرعة ف طريقه للقسم وهو مش شايف ولا حاسس بحاجة
اميرة قفلت ف وش هشام بسبب قلقها ع اخوها
اما هشام فضل مصدوم وهو باصص ع التليفون
ايدة هى قفلت ف وشى السكة ولا انا بتهيالي؟
أميرة فضلت تطمن جاسر لحد م هدا السرعة
واول م وصلو القسم اميرة مسكت ايدو عشان تدعمو وراحو فعلا
فضلوا ماشيين ف طريقهم لمكتب هشام
جاسر..اهو هشام واقف مع العسكرى هناك اهو تعالي نشوفو
أميرة راحت معاه بس اتخشبت اول م شافت ملامح هشام
فلاش باك
هشام..حضرتك مش فاكرة اي حاجة خالص؟
أميرة بدموع..لا مش فاكرا انا مش عارفة انا مين
الدكتور..لو سمحت ياحضرة الظابط المريضة تعبانة وف حالة صعبة مش هتعرف تاخد منها اي حاجة تخص القضية دي مش عارفة حتة اسمها اي؟
هشام بصلها وقال..بس وعد مني ليكي حقك هيتجاب ولو ع موتى
باك
جاسر..اميرة اميرة
اميرة..ها ايوة
جاسر..انتى اتخشبتى مرة واحدة كدا ليه؟
اميرة بصت لهشام وقالت..دا هو مش معقول
هشام بصلها وسرح جامد اميرة حطت وشها ف الارض وهى محرجة
جاسر بعصبية..مش وقته خالص
هشام وهو لسة عنيه ع أميرة
اطمن ياجاسر عشق هتخرج معانا دلوقت دي حالة دفاع عن النفس وكان في كاميرات ف الشقة البنى ادم دا حاول يعتدي عليها بس هى ضربته جامد ف راسو مستحملش طب ساكت
جاسر..وانت روحت فتشت المكان؟
هشام.كان لازم دليل وربنا نصرها عليه بس الغبي مكنش يعرف انه فى كاميرات ازاي بس لما فحصناها لقيناها وقفت نص ساعة واشتغلت تاني يبقى اكيد حد وقفها لسبب وشغلها بردو لسبب
جاسر فكر شوية وقال ف سرو.طالما تارا هى اللى ودينها للمكان اي اللى خلاها تفتح الكاميرات الا اذا كان كانت حبة توثق اللي بيحصل يمكن كانت عايزا تنقذها طب ليه وديتها من الاول انا مش فاهم؟
اميرة..مش مهم كل دا دلوقت احنا عايزين ناخدها ونمشى
هشام..هى ف مكتبى اتفضلوا معايا
جاسر دخل المكتب لقا عشق
اول م شافته اترمت عليه وحضنته بشوق
هشام..حمد الله ع سلامتك يامدام عشق
عشق..شكرا ياهشام بيه انت اتقذتني
هشام..لو حد مكانى كان عمل كدا واكتر
عشق بصتله بامتنان حقيقى كان باعت حد بيراقبها حماية ليها
وهشام راح المكان لقاها خارجة وملامح الذعر ع وشها بص بقا جثة حسن حاول يطمنها وراح بيها ع القسم وتابع هو التحقيقات بنفسه
اميرة حضنت عشق وهشام كان بببصلها
اميرة حست انها مخنوقة من نظراته مش كره ليه لكن هى لسة مفقتش من ازمة حسين عشان تشوف واحد بيبصلها البصات دي ف خبت راسها ف حضن عشق اكتر
جاسر حضن عشق وأميرة بحب الدنيا كلها وباس راسهم هما الاتنين وهو بيقول ربنا يباركلي فيكو
تانى يوم
كانت دفنة حسين اميرا كانت حالتها صعبة اوي بس عشق كانت سند ليها بجد كان من اصعب اللحظات ع حياه اميرة وهى بتشوف حب طفولتها بيدفن ف الارض كان اخر وداع ليها معاه قريتله الفاتحة ودعيتلو كتير وهشام كان متابع اللى بيحصل بقلب مكسور لانه مش قادر يعمل حاجة
بعديها بأسبوع كانت جلسة المحكمة والنطق الاخير بالحكم
فضلوا ع اعصابهم اميرة مسكت ايد جاسر بخوف وهو حاول يطمنها ع قد م يقدر
محكمااااا
الكل وقف مستنين النطق بالحكم واول م قعدو سمعوا القاضى وهو بيقول
بعد الاطلاع ع القضية وسماع الشهود حكمت المحكمة حضوريا ع المتهم
يوسف احمد الاسيوطي
عبدالرحمن احمد الاسيوطي
بأحالة اوراقهم الي فضيلة المفتى رفعة الجلسة
عشق حضنت اميرة وهى بتقول..حق حسين وابوكي رجع ياأميرة
اميرة حضنتها جامد وهى بتعيط
اما جاسر بص للمتهمين اللى ف القفص نظره كلو
جاسر..اللهم لا شماتة بس دا الجزاء اللى يستحقو
حضنهم وخرج برة المحكمة
كان ياما كان قلب الحدوتة رق وحن
رق وحن
ع البنوتة ف زمن الجد
كان ياما كان قلب الحدوتة رق وحن
رق وحن
ع البنوتة ف زمن الجد
زمن الناس ف قلوبها وحوش
زمن الغاب والنام ووشوش
زمن الناس ف قلوبها وحوش
زمن الغاب والنام ووشوش
تحزن غش وتضحك زور
كان ياما كان
احلام بضفاير قلب وبس
ذنبها اي
لو قلبها طاير حب وحس
بنوتة بحدوتة تنام
وتجرى وراها الايام
وهى كل بنات الحور
كان ياما كان💔
اول م خرجو من المحكمة لقوا هشام
اميرة شافت محفظته ووقع منها صورتها وهو مخدش بالو
جاسر.دا الضلع الاساسى ف نجاح القضية ياأميرة
هشام مد ايدو عشان يسلم عليها وهى بشكل عفوي مدت ايدها ليه وكل شوية عنيها بتروح ع صورتها اللى ف الارض
ياترى هشام هيقدر يفتح قلب اميرة ولا القدر ليه راي تاني

google-playkhamsatmostaqltradent