recent
روايات مكتبة حواء

رواية يا انا يا هي (عشق الجاسر) الفصل السابع عشر 17 بقلم هاجر عبدالحليم

رواية يا انا يا هي (عشق الجاسر) الفصل السابع عشر 17 بقلم هاجر عبدالحليم



رواية يانا ياهي الحلقة ١٧
حسين..انتوا عايزين اي ابعدو عن طريقنا حالا
أميرة كانت مفزوعة وخايفة جدا وعمالة تعيط
حسين طبطب ع ايدها وقالها متخافيش محدش يقدر يقرب منك
احد الملثمين..احنا بقا نقدر وبلاش تعمل فيها راجل شهم عشان اخرتها هيتحط عليك جامد انت شكلك كدا مش خايف ع نفسك رغم انك صغير حرام تتقتل بالسهولة دي بقولك اي احنا كدا كدا هناخدها ناخدها وانت سليم مفيش فيك حاجة ولا سايح وغرقان ف دمك اختار ومش هنحرمك من حاجة
أميرة فضلت تعيط بصوت عالى وبتترجاهم انهم يمشو ويحلو عنهم
حسين بعصبية..هقولك انا بقا ع الاحلى انت ولا هتقدر تلمسنى ولا تلمسها والراجل يقرب خطوة أميرة خط احمر انتو سامعين؟
احد الملثمين كان ياخد اميرة بس حسين مسك ايده وكسرها ودارت معركة دامية بينهم وأميرة قاعدة بتعيط مش عارفة تعمل اي
فى موتسيكل كان معدي راكب فيه شخص معاه سلاح حسين خد بالو انه جاي لهدف وهو قتل اميرة بصلها بصدمة وصرخ بأسمها وكان عايز ينقذها ف زق الملثم وجرى ناحيتها وخد هو الرصاصة بدالها
المثلمين خافو وجريو لحسن حد يشوفهم ويلبسو هما القضية هما مش ف نيتهم القتل اصلا
حسين وأميرة بصوا لبعض الخوف والذعر كانو من نصيب اميرة مسكت ف كتفه جامد وجواها حالة انكار للى شافتو مش معقول حسين يكون فداها بروحه خد الرصالة بدالها يعنى فى حد كان عايز يقتلها مين بس اللى ليه عداوة مع المخلوقة اللى كلها برأءة وجمال يجذب اي حد ليها؟
فضلت تدمع وعنيها ف عينه وعمالة تكرر اسمو بهمس
حسين ماسك نفسو بالعافية عشان ميخوفهاش مسح دموعها برقة وقال بهمس.سامحينى
أميرة حطت ايدها ع مكان الجرح وكان غرقان دم
غمض عنيه بوجع ووقع ع الارض وهى وقعت معاه
راسه كانت ع رجلها وماسك ايدها مش عايز يسيبها
حسين بوجع..انا حاسس اني هموت
أميرة عايزة تتكلم بس صوتها مش طالع من خوفها عليه هى لحد دلوقت مش مصدقة انها ممكن تكون هى مكانو دلوقت وانه بيروح منها
حسين بهمس.انا راضى اني اموت عارفة ليه؟
أميرة شاورت براسها ب لا وهى بتعيط
حسين بوجع وهمس كلو تعب..انتى هتكونى اخر حاجة شافتها عينى وانى اخيرا حسيت بروحك بتطبطب عليا وبتدواينى وخوفك الواضح اللى باين ع وشك انا استنيت اشوف دا من زمان
أميرة بهمس..حسين اسكت ابوس ايدك انت تعبان انا هتصل بعشق اكيد هتتصرف انت هتقوم بسلامة متفولش ع نفسك عشان خاطرى
حسين بدموع..مش عايز اموت وانتي زعلانة مني كان نفسى اجيبلك حقك
اميرا..انت مش هتموت اصلا ياحسين وهتعمل كل اللي انت عايزو
حسين قالها بهمس
لا اله الا الله
بعديها اغمي عليها اميرة فضلت تصرخ وتنادي عليها بوجع لا هى عايزاه يعيش لا موت لا مش كفايا عليها موت فهيمة كمان هو يموت لا حرام دا يستاهل تسامحو فداها بروحه هو مش عايز خلاص هى مسامحاه وهتبدا معاه من جديد بس هو يقوم
جسمها كلو كان بيترعش واتصلت بعشق ومسكت الموبايل بالعافية
أميرة..عشق الحقينى
عشق بخوف..مالك ياأميرا فى اي انتوا بخير؟
أميرة بعياط..حسين اتصاب وهو دلوقت مغما عليه وخايفة مش عارفة اتصرف اتصلى بالاسعاف بسرعة مفيش وقت ممكن يجرالو حاجة ونفسه ضعيف انا بموت من جوايا ياعشق مش قادرة استحمل كل دا كتير عليا بجد
عشق..طب اهدي انتى فين دلوقت انا هتصل بالاسعاف وجيالك انا وجاسر اطمنى كلو هيبقى كويس
اميرة..يارب ياعشق يارب
ف المستشفى
جاسر كلم الاسعاف وراح للمكان اللى قالت عليه اميرة
كانت منهارة وم صدقت لقت عشق
حضنتها جامد اوي وسندتها لحد العربية
وطلعو ع المستشفى
ف مكان ما
عبدالرحمن بصريخ..انت غبي اي اللى عملتو دا؟
يوسف..خلاص ياعبدالرحمن نصيبو كدا هو عمل اللى عليه وراح عشان يخلص بس ابنك هو اللي وقف وخد الرصاصة ادعيلو بقا
فتحي..انا بصراحة مش عارف هو خد بالو ازاي خصوصا انه شوفتو كان بيتخانق مع قطاع طرق انا لما لقيته هو اللى اتصاب اترعبت وجريت مفكرتش الرصالة جتلو فين اصلا؟
عبدالرحمن بعصبية..ابنى لو جرالو حاجة مش هيكفينى فيك عمرك
يوسف..م خلاص ياعبدالرحمن انا كلمت حد من المستشفى اللى هو فيها وهيقولنا الاخبار كلها انا خايف لما بقوم يعرف انه احنا اللى عملنا كدا ويبلغ عننا وساعتها محدش هيرحمنا
فتحى..لا ياباشا انا مليش دعوة بالمواضيع دي انا نفذت بس
عبدالرحمن..مفيش حاجة هتحصل بلاش تخوفو نفسكو ع الفاضى
يوسف..احنا اللى لينا مصلحة ف قتلها بس اكيد حسين اصيل مش هيحبسنا مهما كان احنا اهلو بردو واللى يصيينا يصيبو
عبدالرحمن..وطالما انت جبان كدا ليه عملت فيها وحش الشاسة وقادر تعمل كل حاجة مش دا كان اقتراحك؟
يوسف..ايوة بس احنا لازم نهرب فتحي دا خالص عشان محدش يوصلو ومحدش يقدر يمسك علينا حاجة ف الوقت اللي حصلت فيه الحادثة كنا ف مكان حكومي بنخلص شوية ورق ودا بشهادة ناس كتير
فتحي..اروح فين بقا بس اعملو حسابكو لو حد افشنى انا هعترف اه مش هشيل الليلة لوحدي دة شيوع ف قتل ياباشا مفيش فيه هزار
عبدالرحمن..واطي معرفش انت جايبو منين دا؟
يوسف..اللى لقيته بقا بقولك يافتحي روح للعنوان دا وقولهم انك تبع يوسف محمد وهيقومو معاك بالواجب هتقد فترا كدا لحد م الموضوع ينام ونشوف بقا هنعمل اي؟
عبدالرحمن..لو حسين قام اكيد الوصية هتتفتح انا مش عايز بنت......تاخد مليم من الفلوس دي
يوسف..انا سالت وعرفت انه الوصية لازم تتنفذ زي م مكتوب فيها بس شرعا لينا حق زي م حسين قال
عبدالرحمن بعصبية..هى مش بنته اصلا عشان تاخد مليم واحد من فلوس اخونا ولو مليون واحد قال غير كدا مش هصدق احنا السبب لما جوزنا فهميمة ليه كانت جوازة شوم ع الواحد اسكت متفركنيش السيرة دي بتعصبني
يوسف..نطمن ع ابنك بس بعديها لينا قاعدة واطمن وعد منى ليك أميرة العد التنازلى ليها هيبدا من دلوقت وهتخرج من حياتنا قريب
ف المستشفى
اميرة بعياط..خد الرصاصة بدالى ياعشق
عشق..هو مكنش فارق معاه حياتو عشان كدا فداكي بيها انتى تهميه اكتر من نفسو
جاسر..انا بصراحة مقدر اللي عملو لكن مش قادر اسامحو ع اللى عملو ف اميرة
عشق..وانت زعلان ليه؟
جاسر ضحك وقال..غيرة تانى ايش حال انك خلاص بقيت صحبتك
عشق..بردو لازم اغير حتى لو انت بتتكلم من باب الواجب انا فاهمة دا كويس بس انت لازم تشجع اميرة انها اسامحو مش تسخنها عليه زيادة
أميرة..انا بس كل اللى عايزاه يقوم
جاسر..خايفة عليه اوي
أميرة..انت ليه بتكرهو كدا؟
جاسر..الكره دي معناها كبير انا بس مش بحترمو
أميرة. بعصبية.المفروض دا يكون احساسى وافتكر انه هو اللى انقذك ساعة الحادثة يعنى انت مدين ليه بشكر انت ليك تعاملو معاك ازاي اللى حصل زمان بينى وبينه بس مش عايزة حد يدخل بينا ابدا
عشق..اميرة جاسر ميقصدش
اميرة بعياط..انا عارفة بس احنا لازم ندعيلو مش نقعد نتكلم عليه وحش والمفروض نكره اللى عملو مش نكرهه هو انا بعترف انه غلط ف حقى كتير وقبل انه يرمينى ف الشارع بين الحياه والموت وحقيقى انا كل م افتكر بتجنن مش متخيلة انه ممكن يعمل فيا كدا بس هو فداني بروحه يعنى كان ممكن انا اللي اموت انا عارفة حسين مكنش هيسامح نفسو ابدا لو كان جرالي حاجة ولسة مش مسامحاه انا بس عايزاه يقوم بسلامة وانا والله هسامحو انا تعبت بقااااا
جاسر بندم..خلاص ياأميرة متعيطيش انا اسف
عشق..انت بصراحة مزودها براحة ع البت مش كدا
جاسر..وانا اتكلمت ولا فتحت بقي انتى غريبة اوي انا رايح اشوف حاجة عقبال الدكتور م يخرج
عشق..متتاخرش
باس ايدها وقال..اطمنى انا هبقي كويس
جاسر خرج لمح الظابط هشام
هشام..اهلا بجاسر بيه
جاسر..انت ليك فضل كبير اوي علينا ياحضرة الظابط
هشام..متقولش كدا دا واجبي
جاسر..بس انت مكنتش مجبر تعمل دا كلو
هشام..ازاي يعنى انا توليت قضية أميرة من بدرى اوي تقريبا من ساعة م شوفتها ف المستشفى وهى خطفت قلبى انا اه بحمل ف قلبى مشاعر ناحيتها بس مينفعش اتكلم عنها دي مهما كان ع زمة راجل تاني
جاسر..أميرة فعلا تتحب واي راجل ميقدرش يقاومها مش عشان جمالها بس لا فيها حاجات كتير اوي مش موجودة عند بنات كتير
هشام..بس انت قاومتها ليه محبتهاش؟
جاسر..عشان انا قلبى مش ملكي عشان احبها ياهشام انا بحب عشق
هشام..يابختها بيك حقيقى انت زوج مخلص بكل معنى الكلمة جايز الظروف هى اللى بعدتكو عن بعض
جاسر..وصية ماما فهيمة الله يرحمها لجمتنى حسيت انه انانية منها تجبرنى اتجوز ع عشق عشان احمى بنتها وانا كنت اقدر اعمل كدا بس من غير جواز كنت حيران اوي ومخنوق مش هستحمل نظرة كره واحدة من عشق مش هسامح نفسى لو مخاوفها اللى قلبت حياتنا تتحول لحقيقة انا مكنتش بعرف انام
هشام..انا مبسوط انى اتعرفت عليك وشرف ليا نكون اصدقاء
جاسر..انا اللي مبسوط عشان شوفتك لما اخت ماما فهيمة كلمتنى وقالتلى انه فى ظابط هو اللي ساعدها لفيت عليك كعب داير عشان الاقيك كان لازم اشكرك
هشام..انا بصراحة حابب اقولك حاجة بس اتمنى تقدر الموقف انا كنت بتابع أميرة من بعيد لحد م المحامي الخاص بيها كلمنى معرفش جاب رقمى منين اصلا بس طلب منى اساعدو ارجع حقها بس يعنى رفضت لما شوفت حسين وعرفت انه دا المسؤل عن اللي حصلها لقيته مستسلم وقالى لو عايز احسبو اعمل كدا مكدبش عليك كنت عايز اعمل كدا بس المحامى اقنعنى انه وجودو ليه مصلحة لأميرة طبعا هو ميعرفش انه يعنى احم معجب بيها وكدا ف اضطريت اوافق واساعدهم بس المحامى وعدنى لما موضوع الوصية يخلص هنشوفها بقا عايزة حسين يتحاسب ولا لا بس انا بقولك لا مش هيتسجن اميرة هتسامحو انا متاكد
جاسر..معرفش ليه موضوع اميرة دا مليان غموض ومفجأت مش بتخلص؟
هشام..فاضل بس حسين يفوق والمحامي هيفتح الوصية ولازم الفلوس تروح ل أميرة انت عارف طالما موصي بكدا لازم نعملها وهو بقا يتحاسب
جاسر..لا الورث هيتوزع حسب م ربنا قال دي مش ولد هيقش دي بنت واخواته ليهم نصيب هو غلط ومات لكن احنا عايشين لازم نصلح الغلط دا
هشام..مش لما يبقوا برة السجن الاول؟
جاسر..انت تقصد اي؟
هشام..اقصد انه خلاص فاضل تكة وهيترمو ف السجن بتهمة القتل
جاسر..يعنى فعلا قتلو اخوهم عشان الفلوس لا حول ولا قوة الا بالله هى الدنيا جرالها اي
وهما بيتكلمو عشق نادت ع جاسر
عشق..اسفة لو ازعجتكو بس الدكتور قال انه نزف كتير اوي ومحتاج نقل دم والمشكلة انه مفيش حد فصيلتو زي فصيلة دمه حتى اميرة بس انا مقولتلهاش انه حالتو صعبة وممكن يعني
جاسر بقلق..ممكن اي ياعشق؟
عشق..مش عارفة ياجاسر بس الموضوع فعلا ميطمنش خالص
جاسر..ربنا يستر
هشام..تقريبا انا نفس فصيلتو
عشق..حضرتك مين؟
جاسر شدها من ايدها بغيرة وقال.ملكيش دعوة ويلة ببنا نشوفه
هشام ضحك بهدوء وراح معاهم تنهد بتعب وقال..تعبينى اوي ياأميرة ورغم اللي بعملو دا كلو انتى مش ليا ولا عمرك هتكونى🙂
هشام كلم الدكتور وقالو انه مستعد يتبرع بالدم وفعلا راح بص لحسين بحزن وف نفس الوقت بغيرة شديدة مكانو دا هو احق واحد بيه بس خلاص دا نصييو وهو راضى بيه
اول م خرج بص ل أميرة وهى قاعدة بتعيط اتمنى لو يقدر يخرج الحزن دا من قلبها
اميرة..متشكرة اوي
هشام..العفو انا معملتش حاجة
االكل كان قاعد ع اعصابو واول م الدكتور خرج جريو عليه وصدمهم بكلمة
البقاء لله عملنا كل اللى نقدر عليه بس النزيف كان شديد والرصاصة اخترقت مكان حساس اوي ف جسمو دا نصيبو ادعولو بالرحمة
اميرة حطت ايدها ع ودانها وهى بتصرخ جامد.اااااااااااااااااااااااه
واغمى عليها بس هشام لحقها قبل م تقع💔
ف شقة عبدالرحمن
عبدالرحمن رما نفسو ع الكرسى وهو بيردد بدموع..مات حسين مات
يوسف..ايوة للاسف لسة عارف الخبر من شوية
عبدالرحمن..احنا اللى موتناه
يوسف حاول يتهرب من المواجهه بس عبدالرحمن شدو جامد وقالو بزعيق..اي ساكت ليه خايف تحط عينك ف عيني وتقول انه خلاص ربنا اذن بالعقاب فضل صابر علينا كتير يمكن نتعظ بس بردو فضلت الفلوس هى اهم حاجة عندنا وخلت قلوبنا معمية عن الحق محدش غلط غيرى انا اللى لازم اتحاسب انا اللى كنت بدبر وبخطط كنت متخيل اني كدة بعمل الصح كنا فاكرين ان احنا اذكياء بس اتضح انه دي غشاوة مش فاهم احنا كدا ليه م نرضا باللي ربنا كتبو وقسمو فضلنا نجرى جرى وحوش وبردو مخدناش حاجة غير اللي ربنا كتبو موت ابنى بأيدي
قطع كلامو صريخ اسماء بأسم حسين
ومحمد كان محاوطها وهو بيعيط ع اخوه وندمان اوي انه كان طرف ف المؤامرة الحقيرة دي اللى وقعتهم هما مش حد تاني..يمكرون ويمكر الله والله خير الماكرين💔
يوسف..بس ياعبدالرحمن الحي ابقا من الميت ممكن نعمل
عبداارحمن بصريخ..بس كفاااايا انت اي يااخي هو لو كان ابنك كنت هتبقى بالبرود دا انا مش عايز فلوس ولا نيلة يلعنها وياخدها م هو بسببها الاخوات بتقتل ف بعض والاخ بيشيل من اخوه بسبب ورث او غيرو انت فاكر انه احنا هناخد حاجة دا قتل يابابا الله اعلم هيحصل اي دلوقت احنا بننتهى يايوسف ولا مش واخد بالك امشى بعيد عننا وسيبنى الم اللى فاضل منى دا لو فى اصلا حسبي يالله ونعمة الوكيل فيك وفيا
ممكن ف اي لحظة الباب يخبط وتلاقى البوليس جاي يقبض علينا وهننسجن وكل اللى زرعناه هنحصدو انت ناسى انه احتا اللى قتلنا اخونا واهو قلنا ابني يعنى كدا محكوم علينا بالاعدام ودا اقل جزاء ممكن اخدو دا استاهل حرق نار ف جتتي والله
محمد بعياط..ابويا امي مش عايزة تفوق انا خايف يكون جرالها حاجة
عبدالرحمن مسح دموعه وراح عشان يشوفها اما يوسف قرر يكمل المشوار لوحده وقام عشان يفتح اتصدم بالبوليس
هشام بكره..يوسف وعبدالرحمن محمد مطلوب القبض عليكو بتهمة قتل المدعو حسين عبدالرحمن محمد الاسيوطى ومدحت الاسيوطي ومحاولة قتل واخفاء المدعوة اميرة مدحت الاسيوطى اتفضلو معايا من غير شوشرة حالا والا هفضحكو ف الحارة كلها اتفضلو
وفعلا كلبشهم وركبو البوكس وسط صدمة الكل
ومحمد مكنش قادر يتحرك من خوفو ليكون مشترك معاهم بس بيحمد ربنا انهم سابو تنهد براحة وسند امه لحد الاوضة
مهما الظالم طال ظلمه ليه يوم وهينتهي
حلقة حزينة وصدمة للبعض عارفة بس الرواية الطابع بتاعها درامي حزين هو نوع جديد جايز ناس كتير مش متعودة عليه لكن اهو تغيير
خليكو معايا للاخر

google-playkhamsatmostaqltradent