رواية صعيدي علمني الادب الفصل الثامن 8 بقلم حنين عادل

رواية صعيدي علمني الادب الفصل الثامن 8 بقلم حنين عادل

 بيلم يونس الرجاله وبيمشي وهما وراه وبيفتشوا بكل بيت في البلد...

بيخبطوا علي بيت بيت وبيفتشوه ..

ويونس اول واحد بيدخل..

وماحدش قادر يمنعنه لانه النمر ابن العمده اللي ماحدش يعرف يقف قدامه في عصبيته وعقيد في الشرطه..

يونس بعصبيه: هيا فين ...انت فين يا روح؟!

...................

طلع روح وكرم من البيت وركبوا العربيه ..

كرم: ليه عاتبكي دلوك عاد؟!

روح: حيوان ربطني بالحصان وشدني وراه وكمان خلي التعبان يقرصني تفتكر ده بني ادم.

كرم: اهدي كل حاجه هاتبقي تمام بس مش الحل انك تهربي ..

روح: مش الحل بس حل موقتا استني لحد ما يموتني يعني.

كرم: لاه بعيد الشر عنك ياقمر

روح: من ساعه ما كنت في البيت عندكم وانت بتقولي يا قمر انا اسمي روح ..

كرم: قمر لايق عليكي اكتر ..

روح: خليها روح احسن ..

كرم: طيب انا هاوديكي محطه القطر عاتعرفي تروحي القاهره لوحدك ..

روح: ايوه هاعرف بس المهم اطلع من البلد دي .

.....................

يونس بعصبيه: ازاي يعني الارض انشقت وبلعتها ..

الغفير: دورنا عليها في كل البلد يا يونس بيه عانعمل ايه دلوك..

يونس: مفيش عربيه تخرج ولا تدخل الا ما تتفتش ..ودوركم انتهي لهنا وانا اللي عليا الباقي .

الغفير: امرك يا بيه

بقلم حنين عادل

......................

في محطه القطر..

كرم: حجزتلك تذكره القاهره تحبي اجي اوصلك

روح: لا كتر خيرك..

كرم : هتسافري اخر كلام ماتشوفي حل تاني مش لازمن السفر

روح: ده اللي عرفت افكر فيه دلوقتي شكرا يا كرم كتر خيرك ..

بيطلع كرم ورقه وقلم وبيكتب فيها..

كرم: ده رقمي ان عوزتي حاجه

بتاخد روح الورقه بابتسامه

بيطلع من جيبه فلوس .

كرم: خلي دول معاكي ..

روح: كتر خيرك يا كرم بس انا ماقدرش اخد منك فلوس

كرم:انا عارف انك مش معاكي دلوك وماعملتيش حسابك وعالعموم اعتبريهم سلف ..

روح باحراج: شكرا يا كرم.

القطر بيجي وكرم وروح واقفين...

بتدخل روح وكرم بيطمن عليها وبيفضل واقف..

خمس دقايق والقطر بدأ يمشي وبيزمر ...

روح بتفكير: كان اكبر غلطه في حياتي اني جيت هنا انا ماشيه يا بابا عشان ان فضلت هاموتلك النمر الحيوان ده

كرم بعد ما اطمن عليها والقطر طلع ..مشي..

القطر مشي وروح غمضت عينها وارتاحت ..لقت القطر وقف مره واحده ..

روح استغربت ....وبصت ناحيه الشباك..

هربانه علي فين يابت عمي ؟!

اتسعت عيونها من الصدمه وبصت جمبها ..

لقته واقف مربع ايده ببرود..

روح بعصبيه: انتي عايز ايه انت مالك بيا انت بارد سيبني في حالي بقا..

يونس بعصبيه: صوتك مايعلاش ...

بيشدها من ايدها وبيمشي وبتمشي وراه بتحاول تفك ايدها مش بتعرف..

روح بعصبيه: سيب ايدي يا حيوان ...

بيضغط علي ايدها جامد بعصبيه ..

بتوطي دماغها وبتعضه جامد في ايده ..

بيشد ايده بيلاقي انها بتطلع دم من عضتها..

بتجري منه..وهوا بيجري وراها .

يونس: روووووح وقفي وقفي احسنلك

بتفضل تجري كل همها انها تهرب منه وبتدخل في الزحمه عشان مايشوفهاش ....

..........................

بقلم حنين عادل

شاكر: ما خلاص بقا يا بدر خبرتك ان يونس عايرجعها ..

بدر: انا اللي غلطان من البدايه وعايز اغير طباع في يوم وليله صدقني ان حوصل لبتي حاجه مش هسامحك انت وولدك ولا عاسامح نفسي ..

......................

روح فضلت تجري وتجري ومش عارفه هيا فين لحد ما قرأت لوحه مكتوب عليها مركز شرطه ..

اتنهدت بارتياح .. ودخلت ...

العسكري: رايحه فين يا انسه..

روح بتنهيده: عا..عاوزه اعمل بلاغ عايزه حد كبير هنا انا عايزه حقي يا حكومه ..

العسكري: طب اهدي اسمك ايه

روح: روح بدر النمر..

العسكري بيقوم من مكانه ...

العسكري: اتفضلي في المكتب اهنيه لحد ما الظابط ياجيكي ..

بيمسك العسكري تليفونه ..

لقت روح ميه علي المكتب فتحت الازازه وشربت ...

بعدها ب 10 دقايق دخل الظابط

روح قامت وقفت..

الظابط: اتفضلي اقعدي ..

روح قعدت ..

الظابط : ها خير ..

روح: انا عايزه حقي يا حضره الظابط انا عايزه حقي يا حكومه من المجنون ده ده ربطني في الحصاان وجرجرني وراه وضرب عليا نار واتحرش بيا وكان عايز يغتصبني ماسابش حاجه وحشه واللهي الا وعملها اغيتوني انقذوني من الطور الهايج ده

الظابط: اهدي بس اكده ..

بيضغط علي زرار قدامه ...يا عسكري هات اتنين ليمون .

الظابط باعجاب: انتي اسمك ايه وباين عليكي انك مش من اهنيه انتي منين ومين اللي اتجرا وعمل اكده..

روح: اسمي روح فعلا مش من هنا انا من القاهره وهوا خطفني هوا شكله مجرم وهربان من مستشفي المجانين اه واللهي ..

الظابط: ما تخافيش ولا تشيلي هم انا احميكي بروحي

روح: يا محنو

الظابط: نعم ؟!

روح: عاوزه حقي يا حكومه عاوزه حقي ولا اكمني لا ليا قريب ولا حبيب ولا غريب .

الظابط: هافتحلك محضر وقولي التفاصيل..

بقلم حنين عادل

روح: ماشي ..انا روح بدر النمر .

الظابط: النمر؟؟! انتي تعرفي يونس النمر..

روح: ماهو ده يبقي....

بيقاطع كلامها حد بيخبط...

الظابط: ادخل...

بيدخل يونس ...وروح بتقف من صدمتها ...

الظابط: تمام يا فندم...

بتطلع روح تجري تقف ورا الظابط...

روح: تمام ايه ده مجرم...

الظابط بصوت واطي: يخربيتك ده العقيد يونس النمر...

روح: عا ..ايه لا اله الا الله ...

يونس بعصبيه: تعالي اهنيه يا روووح ..

طلعت روح من وراه ووقفت بعيد...

الظابط: الانسه يا فندم كانت بتقول ان مجرم ومجنون وهربان من مستشفي المجانين خطفها من القاهره و كان بيجري وراها ..

روح بتوتر: يعني لازم التفاصيل منك لله..

الظابط: بتقولي حاجه يا انسه..

روح: الطموووح حلوو..

الظابط بابتسامه: هوا في احلي من كده..

يونس برفعه حاجب: نعم بتقول حاجه يا حضره الظابط

الظابط وهوا بيبص ل روح اللي راحت غمزاله: الطموح حلو..

يونس: نعم ؟!

الظابط: احم لا ولا حاجه يا فندم اسف..

يونس: لو فتحت محضر قفله رووح تبقي مرتي

روح: ولا اعرفه يا ظبوطه ..

يونس بيقرب من روح وبيحط ايده علي كتفها : انتي لسه زعلانه مني يا حبيبتي ..

روح: ما تصدقوش يا حظابط مش جوزي وحتي لو عقيد مافيش حد اعلي من القانون مش بتقولوا كده..

يونس: لسه شايله مني يا حبيبتي..

الظابط بابتسامه: ربنا يسعدكم ..مبروك يا سياده العقيد ماحدش عرف يعني

يونس: لسه كتب كتاب ماعملناش فرح ..

الظابط: ربنا يهنيكم..

يونس بيمشي وروح معاه لحد ما طلع بره مركز الشرطه

يونس: لينا بيت يلمنا ..

روح: مستعجل ليه علي رزقك يا نمر ماتصبر

يونس: قصدك ايه ...

روح: هاتعرفه قريب يا يونس بيه وحوش ايدك بدل ما اكسرهالك..بقلم حنين عادل

يونس: اكسريها كده ووريني ..

روح : حاضر...

طاق طاق ...فجأه ايده بقت وراه وطرقعت ..بعدت عنه ..

روح بضحك: عاوزه اعرف بقا روحت شرطه ازاي اكيد غشيت يا غشاش

مسك ايده بألم ومسكها بالتانيه فتح العربيه ورماها فيها وركب...

روح : ما براحه الله .

.........................

شاكر: عاتروح علي فين بس يا بدر ..

بدر بعصبيه: عاروح ادور علي بتي ..

شاكر: يونس كلمني ولقيها

بدر: وساكت يا شاكر

شاكر: لسه مكلمني دلوك

بدر بقلق: هيا بخير؟!!

شاكر: زي القرده ..

...........................

بقلم حنين عادل

بينزل يونس من عربيته وبيقفل علي روح العربيه ...

روح: راح فين العجل ده ..

بيرجع بعد نص ساعه بتكون روح نايمه ...

بيسوق العربيه روح بتصحي...

روح بضحك: ههههههه اتكسر واتجبس ايه الجمال ده لأ انا كبيهره انبهرت بنفسي ولسه يا نمر هاوريك

بيقف بالعربيه مره واحده بعصبيه لدرجه دماغها بتتخبط ..

روح: اااه مش تحاسب..

يونس: حسابك تقل معايا اوي..

روح باستفزاز: الحساب يوم الحساب يا روح قلبي

يونس بعصبيه: ما اسمعش حسك واصل

روح بتبص من الشباك وهيا بتضحك ..

بيكمل يونس سواقه وهوا متعصب..

.......................

بقلم حنين عادل

بدر: عوقوا قوي

شاكر: فاتهم في الطريق يا خوي..

بيدخل يونس وروح...

بدر بيجري علي روح وبيحضنها وروح بتحضنه وبتعيط...

شاكر: ماله دراعك يا ولدي..

يونس: بخير يا بوي

بدر بيبعد عنها وبيبص عليها: انتي بخير ..

روح ببكاء: وانا هابقي بخير طول ما انا هنا يا بابا ..

بدر: خلاص يا بنتي انا اسف انا اللي غلطت اني جبتك هنا احنا هنرجع تاني..

روح: بجد يا بابا

بدر: ايوه بجد انا ماعنديش اغلي منك روحي جهزي شنطك....يتبع ...

ولسه اللي جاي تقيل مع كاتبه الجيل

ها عايزنها تمشي ولا ايه تفتكروا هتمشي ويونس هيسبها بسهوله كده...

التاسع من هنا

تعديل المقال