recent
روايات مكتبة حواء

رواية حبيبتي المسترجلة الفصل السادس 6 بقلم روميساء عصام

رواية حبيبتي المسترجلة الفصل السادس 6 بقلم روميساء عصام

(البارت6)

سليم وهو ينظر لياسمين بغضب ولكن أخفى غضبه حتى لايفعل شئ يندم عليه
سليم مسك الورد ورماه فى الباسكت وخاد الكارت وقعد على الكرسى بهدوء
سليم وهو بيكمل اكله : اقعدى يا ماما كملى اكلك البوكيه جاى من واحده صاحبتها اقعدى وانا رميته اصل مش بحب الورد ولا ريحته
نظرت ياسمين لسليم الذى ينظر لها نظرات غامضه
ياسمين فى نفسها: صحبتى مين إلى بعتت الورد وليه رماه كدا آه يارب استر انا مش مطمنه
سليم وهو ينظر لها: الصبح واحد يكلمك بليل لبسك يتغير ودلوقتي ورد وانا إلى عامل زى الهبل وبحسبك قطه مغمضه
اسماء لحسناء بصوت منخفض:هو حضرتك إلى باعته الورد
حسناء بنهى:لا والله انا مش عارفه مين جابه وانا قلقنى هدوءه دا
اسماء: ربنا يستر
خالد فى نفسه:اى دا بقى احنا متفقناش على كدا كدا الموضوع ذاد عن حده ربنا يستر على البت الغلبانه دى
انتهت اسماء من تناول الطعام
اسماء للجميع:انا كلت الحمدلله هروح بقى انا عشان الوقت أتأخر
عز بجديه:هتروحى لوحدك دلوقت سليم يوصلك يابنتى
سليم بهدوء وهو ينهض : اكيد هوصلها مش هتمشى لوحدها دلوقتي
خالد بمقاطعة: انا بيتى عند بيتها هوصلها انا بدل أما تروح وترجع وبعدين انت مش هتسهر انهارده يا سليم
ياسمين تنظر لسليم ومستنيه الاجابه
سليم :لا هسهر لان بعد كده هنزل الشركه
خالد :خلاص هوصلها و هروح انا وابقى تعالى
سليم وهو ينظر لياسمين نظرات ارعبتها
سليم وهو يضع الشوكه فى فمه :تمام
خرجت اسماء و خالد بعد توديع الجميع لهم وانتهت حسناء من تناول الطعام ونهض عز
عز لسليم:عايزك ياسليم بعد اما تخلص اكل
سليم : حاضر .
ذهب الجميع من غرفه الطعام وبقى سليم وياسمين وسط نظرات سليم التى ترعب ياسمين
سليم وهو يخرج الكارت من جيبه وقال :وحشتيني ياياسمينا بقالى اكتر من يومين مشوفتكيش بس معلش هنتاقبل فى مكانا المعتاد بحبك وياريت الورد يعجبك
سليم بحده:عجبك الورد يا يا ياسمينا
ياسمين بصدمه:مين دا اصلاا ومين دا إلى بقابله سليم والله معرف اى دا انا مستغربه زى زيك
سليم بغضب وبصوت منخفض:قالو للحرامى احلف بس علفكره اكيد انا هعرفه ماشى انا مرضتش اتكلم قدام حد لأن مهما كان انتى بنت عمى واخاف على شرفك إلى مش خايفه عليه
ياسمين بدموع وصدمه؛ انت بتقول اى يا سليم مستحيل اعمل كدا مستحيل
سليم بغيره:تقدرى تقوليلى اى إلى بيحصل من الصبح دا ياياسمين انهارده حصلت مليون حاجه تأكد أن انتى ليكى علاقة بواحد
نهض سليم وخرج من الغرفه لانه يعلم إذا ظل لحظه واحده ستنتهي بشئ لا يعجب ياسمين
بعد خروج سليم انهارت ياسمين بالبكاء
...............................................................................
‏فى المكتب )
‏عز لسليم:فكرت فى الموضوع الى كلمتك فيه
‏سليم بجمود:آه وموافق
‏عز بأستغراب،: واى إلى غير كلامك كدا
‏سليم بغيره : ياسمين بنت عمى ومحترمه وانا اولى بيها ودى كمان وصيه عمى الله يرحمه
‏عز بتفهم :عين العقل يا سليم وآه فى صفقه عربيات جديدة هتبقى نقله كويسه فى للشركه وعلفكره التعامل هيبقى مع شركه المانيا والمدير بتعها مصرى ورينى شاطرتك بقى
‏سليم بهدوء: أن شاء الله يا بابا
‏نهض سليم من مكانه
‏عز بهدوء:انت بتحب ياسمين يا سليم
‏سليم بغضب مكتوم : ياسمين بنت عمى مش اكتر وهتجوزها بس عشان خاطر حضرتك
‏ترك سليم والده وخرج خارج المنزل
‏..............................................................................
‏ذهبت عشق ووقفت أمام منزلها وصعدت السلم وهى فى فرح بالغ فقد اشتاقت الى والدتها فهى لم ترها منذ اسبوعين وستأخده لتعمل العملية
‏عشق وهى تقف وتدق الباب لقت أن محدش بيفتح فتحت الباب ودخلت جوه لقت الشقه بايظه ومحدش فيها
‏طلعت وخبطت على جارتها خرجت لها
‏عشق بقلق: متعرفيش أمى راحت فين يا أم محمود
‏ام محمود: لاحول ولا قوة الا بالله انتى متعرفيش يابنتى إلى حصل
‏عشق بقلق:اى إلى حصل يا ام محمود قولى بسرعه قلقتينى
‏ام محمود بحزن:اصل الصراحه يا عشق والدتك تعبت ونقلوها المستشفى وتوفاها الله
‏عشق بصراخ:لاااا ماما
‏ثم اغمى عليها
‏...............................................................................
‏عند سليم فى النيت كان قاعد ومعاه سالى
‏(كانت ترتدى فستان قصير من الون الاصفر)
‏سالى وهى تتصنع الحزن:مالك كده يا سليم حساك مش فى المود
‏سليم نظر اليها : حقيقى مزاجى مش مظبوط يا سالى اليومين دول
‏سالى بخبث:احكى لى يا سليم يمكن اشيل عنك
سليم بأبتسامه:شكرا يا سالى جدا مش عايز اشغلك
‏سالى وهى تنظر لسليم بأعجاب : سليم انا بحبك وراحتك هى راحتى
‏سليم بخنقه:سالى احنا قولنا مش هنتكلم فى الموضوع ده
‏سالى وهى تقترب منه:بس انا بحبك يا سليم ومقدرش اعيش من غيرك
‏نهض سليم وبعصبيه:ياريت لما تشوفينى قاعد في مكان متجيش وتقعدى معايا يا سالى صدقتنا انتهت لحد هنا
‏سالى اقتربت منه بخبث وهى بتمثل العياط وحضنته:طب خلينى احضنك وصدقنى مش هقرب ليك تانى
‏اتعدت سالى بمكر: خلاص يا سليم انا همشى واتمنى ليك حياه جميله مع ياسمين
‏ذهبت سالى وهى تبتسم بأنتصار أما عن سليم فغادر المكان
‏سالى لروقه :عملتى إلى قولتلك عليه
‏روقه بضحك: عملته بس انتى عرفتى تحضنيه ازاى كده
‏سالى بضحك:دا مش صعب عليا اهم حاجه الصورة دى تبعتيها ليا على الفون لانى هحتاجها
‏...............................................................................
‏عند اسماء وخالد
اسماء وهى بتنزل من العربية: شكرا على التوصيله دى
‏خالد بضحك:العفو على اى يا اسماء هو انا اطول اوصل قمر زيك
‏اسماء بخجل: متشكره
‏خالد بضحك:تانى شكرا بقولك صحيح هى ماما حسناء جابت ورد ليه كده الموضوع كبر
‏اسماء :مش ماما حسناء إلى جابته اصلاا سليم بيقول واحده صحبت ياسمين
‏خالد بتفكير : امممممم تمام اطلعى انتى بقى عشان الوقت أتأخر هتنزلى الشركه بكره
‏اسماء بأبتسامه:أن شاء الله
‏خالد :خلاص ابقى تعالى نروح سوا وانا هوصلك
‏اسماء:بس كدا اتعبك مش عايزه اشغلك
‏خالد بضحك:انا واحد بحب ابقى مشغول يا ستى
‏اسماء بضحك:خلاص أن شاء الله هبقى استنى حضرتك تصبح على خير انا هطلع بقى
‏خالد:وانتى من أهل الخير
‏دخل خالد العربية لقى تليفونه بيرن :
‏خالد :الووو يا سليم
‏سليم :اى يابنى كل دا رن
‏خالد بضحك:معلش كان الفون فى العربية وانا مش فيها
‏سليم بزهق:طيب يا اخويا وعلفكره انا مروح ماشى
‏خالد :ليه يا بنى كدا انا كنت لسه هجيلك
‏سليم :مزاجى مش حلو انا هروح الشقه بتاعى مش هروح الڤيلاا
‏خالد :تمام يا صاحبي هقبلك فى الشركه
‏...............................................................................
‏عند جاسر كان قاعد مع الدكتور النفسي بتاعه
‏الدكتور :قولى يا جاسر مش بتفكر تخرج وتشوف صحابك
‏جاسر بحزن: أنا بقالى اكتر من سنتين تعبان ومحدش جه ولا سأل عني هعوز انا اخرج واشوفهم كمان
‏الدكتور : ممكن يكون كل واحد فى حياته كل واحد عنده مشاكل بتخليه يقصر مع اقرب حد ليه حاول تتقبل الفكره دى
‏جاسر :بس احساس انك لواحدك دا وحش
‏الدكتور بأبتسامه: انت مش لوحدك بل بلعكس معاك ناهد هانم وراندا وانا وعشق وقبلنا كلنا ربنا إلى قرب ليك من حبل الوريد
‏جاسر بأبتسامه: ونعم بالله فعلا انا حسيت أن حياتى اتملت من ساعه أما عشق جات
‏الدكتور بأبتسامه:حاول تشوف الجانب الحلو عندك يعنى شوف انك تعبان لان ربنا فاكرك وابتلاك عشان تقرب منه تعرف انك ملكش غيره ليه ناخد الحياه على قلبنا كدا
‏جاسر بأبتسامه: انا مش واخده على قلبى بل بلعكس حبيتها وانا واثق أن ربنا عاين ليا الخير والحمد لله على كل حال
‏...............................................................................
‏عند راندا كانت قاعده الفون وجالها رساله تانى من نفس الرقم: أحبك يا نبض قلبي ❤️
‏راندا بخوف:اى دا بقى هو كل شويه
‏...............................................................................
‏عند ياسمين البيت كله كان نايم وهى فضلت صاحيه مستنيه سليم عشان تتكلم معاه
‏ياسمن وهى قاعده على السرير وضامه رجليها وبتعيط
‏ياسمين فى نفسها: انا معملتش حاجه عشان يزعل منى ويعاملنى كده هو مصدق بقى
‏ياسمين لنفسها بعنف: وبعدين انتى زعلانه ليه ميزعل ولا ميزعلش هو حُر انتى قولتيله انك متعرفيش مين دا وبعدين مهو زمانه سهران ولا انتى على باله
‏ياسمين بغيره:هو ممكن يكون قاعد مع واحده دلوقت دا يبقى نهاره اسود عليه
‏ياسمين بأنتباه:انتى مالك اصلا يسهر ولا ميسهرش دا شئ ميخصكيش اصلا
‏ياسمين بأحباط:انا شكلى بحبه بجد ولا اى بقى
‏افتكرت ياسمين لما راحت ليه الاوضه وهو كان قريب منها
‏ياسمين بأبتسامه: مش عارفه كان قلبى قاعد يدق اووى كدا ليه وكنت مبسوطه أنه قريب منى كدا (افتكرت بعدها لما ضربها)بس بنى ادم فصيل رزعنى قلم لسه ودنى بتصفر بسببه أيده تقيله اووى
‏اخذت ياسمين تتحدث مع نفسها إلى أن ذهبت فى نوم عميق
‏...............................................................................
‏كان سليم بيتمشى بلعربيه بتاعه وسرحان وهو ماشى بيفكر فى ياسمين مخدتش باله أن فى عربيه نقل ماشيه
‏سليم بيبص قدامه وقاعد يدوس على الفرامل لقاها سايبه
‏سليم بفزع :اى دا فى اى
‏سواق العربية النقل:اى دا فى اى هى العربيه دى ماشيه كدا ليه الواد دا سكران باين عليه
‏سليم قعد يحاول أنه يروح فى عكس اتجاه الراجل مش عارف
‏سليم بيص قدامه لقى العربيه النقل جايه عليه
‏وانصدمت عربيته بلعربيه النقل و العربيه اتقلبت على ضهرها وبدأ يخرج منها دخان
‏...............................................................................
‏يتبع .........


google-playkhamsatmostaqltradent