رواية حبيبتي المسترجلة الفصل الرابع 4 بقلم روميساء عصام
(البارت 4)
سليم رجع البيت و دخل لقى ياسمين قاعده وماسكه الاب توب ومركزه حتى مخدتش بالها أنه جه
سليم وهو طالع السلم:ازيك يا ابن عمي
ياسمين:......مفيش رد
سليم رجع تاني وقف قدامها وقال:هو اى إلى مخليها متنحه كدا
سليم قعد جنبها ولاقها بتقراء روايه رعب
سليم بضحك وهو بيضربها على جبهتها:انتى متنحه كدا ليه فى بنت تقراء رعب
ياسمين برخامه:آه انا
سليم وهو بيقرب منها: طب متجربى الرومانسي (وبغمز) هيعجبك
ياسمين بخجل:مش بحبه اصلاا الرعب احلى بحبه
سليم بأبتسامه:لا ازاى جربى كدا تقرأى رومانسي
ياسمين وهى تبعده عنها:لا انا كده بحب الرعب
سليم بضحك:ماشى يا بن عمى انت حُر
ياسمين بزهق:كتك ق...
سكتت خوف من نظراته
سليم:كتنى اى
ياسمين بزهق:مفيش
حسناء وهى داخله عليهم
حسناء بأبتسامه: اى إلى لم الشامي على المغربى
سليم بضحك:الهوا إلى رمانى يا ماما عشان اشوف ابن عمى وهو بيقراء رعب قلبه ميت مش بيخاف
ياسمين وهى بتضربه:احترم نفسك بقى انا مستحمله رخمتك من الصبح
سليم وهو بيضحك وبيحاول يمسك ايديها:هو انا قولت حاجه غلط يا رجوله ولا اى
ياسمين وهى بتكمل ضرب فيه:بص متقولش يابن عمي دى تانى ولا تقول يا رجوله ماشى عشان أنا اسمى ياسمين ماشي عشان مزعلكش
حسناء بضحك:خلاص بقى وانتم عاملين زى العيال الصغيره كده
سليم برفع حاجب:استنى بس كدا دى بتقولى هزعلك (سليم مسك ايديها الاتنين فى ايد واحده) انتى يابن عمي انت مش هتحترم نفسك ولا اى
ياسمين وهى بتحاول تفك أيده من ايديها:سيب ايدى بقى وشوف انت رايح فين ياماما خليه يسيب ايدى عشان وجعتنى اووى
حسناء وهى تبعده عنها:سيبها بقى يا سليم واطلع غير ونام شويه وريح لى دماغى من وانتو صغيرين متتجمعوش غير لما تضربو بعض الناس تكبر تعقل الا انتوا
ياسمين بتكشيره:ماما انا عاقله سليم هو إلى مش عاقل
سليم وهو بياخد الاب توب والتليفون بتاعها ويقوم : طب شوفى بقى مين هيديكى تليفونك ولا الاب مش هتاخديهم غير لما تتأسفى يا رجوله
ياسمين بدموع:ياماما خليه يديهولى بقى انا معملتش ليه حاجه
حسناء بصراخ:يووووه حرام عليكم انا راحه اشوف الاكل إلى زمانه اتحرق دا
غادرت حسناء إلى المطبخ أما ياسمين نظرت لسليم
ياسمين بدموع:سليم
سليم وهو قاعد يلعب فى تليفونها:نعم يا بن عمى
ياسمين وهى تكتم غيظها: عايزه التليفون والاب ومش هكلمك وحش تانى
سليم بخبث وهو ينظر لها :قولى انا اسفه يا سليم
ياسمين بغضب:مش قايله
سليم وهو بيطلع على السلم :خلاص مش هتخديهم
سليم بصوت عالى وهو طالع:ياماما خالد جاى اعملى حسابه على الغدا
حسناء من الداخل : حاضر يا حبيبي انا عامله غدا بذياده عشان اسماء جايه كمان
سليم طلع اوضته
ياسمين دخلت المطبخ و عملت سندوتش وقعدت على التربيزه
ياسمين :ماما و حياتى عندك قولى لسليم يجيب التليفون
حسناء بزهق: ياسمين انتو صدعتونى من الصبح روحى خديه منه انتى
ياسمين بدموع:مهو عايزنى اتأسف وأنا مش هتأسف ليه اصلاا
حسناء بضحك:اتأسفى وخديه منه وبعد كده اسحبى الاسف
ياسمين طلعت من المطبخ وخبطت على الباب
سليم فتح ليها الباب وكان واقف من غير التشيرت ولابس بنطلون بيتى لانه كان بيحسب مامته إلى بتخبط
ياسمين قفلت عنيها بشده وجهها احمر من الخجل
سليم وهو بيضحك على شكلها: عايز اى يا بن عمى
ياسمين بخجل :البس بس عشان اعرف اتكلم
سليم قرب منها وهى مغمضه عنيها: مكسوف يابن عمي ولا اى مش انا اخوكى زى أما بتقولى
ياسمين حست أنه قرب منها :طب انا همشى وهكلمك لما تنزل بقى
كانت ياسمين هتمشى لكن لقت سليم مسك ايديها وشدها عليه وحاوط خصرها
انصدمت ياسمين من إلى هو عمله لان اول مره تبقى قريبه منه لدرجه دى
ياسمين بخجل وهى لسه مغمضه عنيها: سليم ابعد عيب كدا
سليم وهو ينظر لها بخبث : كنتى طالعه ليه
ياسمين بلغبطه وكسوف وكمان لأن قلبها قاعد يدق جامد مش عارفه ليه وجه فى بالها سؤالين هل لان هى مكسوفه منه ومن قربه ولا حاجه تانيه:كنت ج..ايه ..عش..عشان عايزه التليفون والاب بتاعى
سليم بضحك:طب فتحي عينك
ياسمين بخجل:لا مش هفتح عيب كده البس التشيرت وبعدين انت قاعد كده ليه اصلا
سليم سابها وهى بعدت عنه
سليم بضحك:واحد حران وقاعد فى اوضته استنى هلبس وهجيبهولك
سليم خاد التشيرت ولبسه
سليم بضحك:افتحى عينك بقى
ياسمين بخجل:لبست
سليم بضحك:آه والله لبست
فتحت عنيها ببطئ
ياسمين :انا اسفه حات بقى الحاجه
سليم بضحك وهو بيديها الفون :خدى اهو مكنش لازم تتأسفى أساساً كنت بضَحك معاكى
ياسمين بضحك : شكراً يا سولم
سليم وهو بيضربها على جبهتها: احنا هنتصاحب ولا اى
قاطع كلامهم صوت رنين التليفون
سليم :مين بيرن
ياسمين بأستغراب: معرفش رقم غريب
سليم :طب ردى لاتكون اسماء ولا حاجه
ردت ياسمين على التليفون:الو مين معايا
المجهول: وحشتينى يا ياسمين
ياسمين بصدمه وهى تنظر لسليم:مين حضرتك
اخذ سليم منها الهاتف
المجهول: اى يا حبيبتي هو فى حد واقف معاكى عشان كده مش عارفه تردى طب هكلمك وقت تانى
اغلق المجهول الهاتف ونظر سليم لياسمين بهدوء عكس العاصفه التى توجد بداخله : مين دا يا ياسمين
ياسمين بستغراب:معرفش مين دا يا سل....
قبل أن تكمل الجمله وجدت صفعه على وجهها
سليم بغضب : مين دا الى مش عايز يكلمك لما حس أن حد معاكى
ياسمين بصدمه لان دى اول مره حد يضربها :انت بتضربنى يا سليم
سليم وهو ينظر لها : مين دا انا بسئلك
ياسمين وهى تنظر له بدموع: معرفش مين دا يا سليم
خرجت ياسمين وهى تبكى وذهبت إلى غرفتها
اما سليم ظل واقفا مكانه وبيفكر هل ممكن ياسمين بتحب حد او تعرف حد من وراهم
سليم بغضب:مهو انا لازم اعرف مين دا
..............................................................................
فى حديقة المنزل عند جاسر وعشق
عشق وهى قاعده قدام جاسر إلى ساكت بقاله ساعه ساكت
عشق بملل: اتكلم فى اى حاجه يا بشمهندس
جاسر بيبص بطرف عينه وبيسكت
عشق بزهق:طب اقراء ليك كتاب
جاسر بزهق:لا وياريت تسكتى بقى
عشق بأحراج: اصل الصراحه زهقت من القاعدة دى بقالنا اكتر من ساعه ساكتين
لاحظت عشق أن جاسر عايز يبص ليها مش عارف يحرك الكرسى شويه قامت وعدلته ليه
عشق بأبتسامه:كدا كويس ولا لا
جاسر :كويس متشكر
عشق قعدت قدامه : اى رأى حضرتك لما تدخل تقعد مع ناهد هانم وتتغدى معاهم انهارده بدل أما تقعد فى الاوضه وتأكل لوحدك
جاسر بتنهيده: لا انا بحب اقعد لوحدى
عشق بأشفاق:ليه كل دا بس
جاسر بخنقه: انا كده بحب اقعد لوحدى ومش عايز اشوف حد ماشى وياريت انتى كمان تسيبى الشغل
عشق بدموع: انا مقولتش حاجه لحضرتك عشان تكلمنى كده وبعدين انا بشتغل عشان خاطر اعمل ل امى العمليه مش اكتر
جاسر بندم:انا اسف يا عشق انى اتكلمت كده معاكى انا عارف انك ملكيش ذنب
عشق وهى تمسح دموعها:انا إلى أسفه انى ادخلت فى إلى مليش فيه
جاسر:دخلينى الاوضه بقى يا ريت
عشق وهى تنظر له : حاضر
مسكت عشق ايد الكرسى وزقته لجوه
عشق لجاسر: ممكن اروح اصلى واجى لحضرتك تانى
جاسر بأبتسامه :طبعا اتفضلى وياريت تساعديني انى أروح السرير عشان انام قبل اما تروحى
عشق ساعدته و قعدته على السرير وخرجت
عشق وهى خارجه قابلت راندا
راندا بصت ليها :مين حضرتك
عشق:انا عشق الممرضه الجديدة للبشهندس جاسر
راندا بأبتسامه:آه اهلا بيكى انا راندا اخت جاسر
عشق بأبتسامه:اتشرفت بحضرتك
راندا:طب هو نايم ولا صاحى
عشق:هو نام دلوقت وهصحيه على وقت العلاج
راندا بأبتسامه:تمام انا هروح انا كمان ارتاح
غادرت راندا المكان ودخلت عشق غرفتها
................................................................................
عند سالى كانت قاعده مع صحبتها روقه فى غرفتها
سالى قاعده بتحكى لروقه على إلى سليم قاله
روقه بصدمه:مش معقول سليم هيتجوز البت المسترجله دى
سالى بغيظ:للاسف آه هيتجوزها مش عارفه ازاى سليم اصلا يسبنى انا ويبص ليها يا روقه دا انا بحبه
روقه بتفكير :خلاص يا بنتى فكرى بقى ازاى تجيبى سليم لعندك
سالى بخبث:أكيد انا هعمل كدا
................................................................................
عند مراد فى المطعم قاعد بيفكر فى راندا
مراد فنفسه: ياترى راندا حد فى حياتها أو انا لو اعترفت ليها بحبى وعرفتها انى كنت متجوز هل ممكن توافق على جوازى منها انا بحبها من ساعه أما فتحت المحل بتاعها قدام البيت عندى انا لازم أعترف ليها انى بحبها
................................................................................
فى غرفه ياسمين
كانت ياسمين قاعده مع اسماء وبتحكى ليها إلى حصل وان فى رقم كلمها وبيقولها وحشتينى
ياسمين بعياط:انا معرفش مين دا ليه بقى يضربني وهو اصلا ملهوش أنه يمد أيده عليه
اسماء بحزن : معلش يا ياسمين اصل بردوا غريبه أن حد يرن عليكى وبقولك وحشتيني وانتى بتقولى أن سليم كان بيقولك هو مين إلى مش عايز يكلمك لما حس أن معاكى حد
ياسمين بدموع: المشكلة اصلاا أن اول مره الرقم دا يرن وكمان انا عمرى مكلمت ولد ولا حتى بقف مع حد
اسماء:بصى هو إلى انا حسيته من كلامك أن سليم غيران عليكى
ياسمين بدموع:غيران اى دا ادانى قلم خلانى مش حسه بوشى اصلاا أيده تقيله
اسماء بضحك: هههههههههه ياخرابى عليكى ياسمين المهم بقى عايزين نعرف مين دا حاولى ترنى عليه ونعرف هو مين
مسكت ياسمين الرقم ورنت لقت التليفون مقفول
ياسمين: مقفول
اسماء بتفكير : طب لو رن تانى مترديش ياسمين
ياسمين: حاضر تعالى ننزل ناكل بقى زمان ماما جهزت الاكل
اسماء بضحك:ليكى نفس يابت انتى تاكلى بعد كل دا
ياسمين بزهق:بطنى ملهاش دخل
اسماء بضحك:طب هتنزل بوشك الوارم دا
ياسمين وهى واقفه قدام المرايا :اعمل اى يعنى
اسماء بضحك: فكى شعرك وسيبيه عشان تداريه
ياسمين:لا مش هفكه مش بحب
اسماء وهى تقف أمامها:لا هتفكيه دا لو شعرى بطول بتاعك دا كده كنت زمانى جننت اى بنت وبعدين تعالى نخرج بعد اما نتغدا وغيرى بقى البس الواسع دا
ياسمين بزهق:هو انا راحه اتجوز سيبى شعرك غير لبسك فى اى يا اسماء
اسماء وهى متجهه الى الدولاب:فى انك لازم تبقى بنت يا ياسمين مش معقول تبقى جميله وبتلبسى لبس زى دا المشكله انك بتلبسيه واسع جدا
اخرجت أسماء بنطلون تلجى وشميز ابيض
اسماء بزهق:بصى بقى يا ياسمين مفيش اى حاجه عندك مش طويله فهتلبسى دا وتدخلى الشيميز فى البنطلون
ياسمين بزهق:هو انتى حد حيلك عليه
اسماء:بليزززز البسى بقى كده زى أما بقولك هتبقى جميله يا ياسمين
ياسمين :ماشى يا اسماء
دخلت ياسمين الحمام تلبس وطلعت اسماء لحسناء إلى واقفه بره
حسناء بصوت منخفض: اى هتلبس زى أما قالت لك
اسماء بضحك وصوت واطى:عزبتنى على أما وافقت بس قاعده تعيط من إلى سليم عمله فيها
حسناء بحزن :انا عملت كدا بس عشان سليم يحس بلغيره عليها ويبدأ يبين ليها يلاا ربنا يسمحنا و كمان سليم يسامح خالد لما يعرف أن هو إلى كلم ياسمين
اسماء بضحك: آه هو صاحبه إلى كلمها طب انا هدخل بقى قبل أما تطلع
حسناء بضحك:ماشى يلاا روحي
دخلت اسماء وقعدت على السرير وطلعت ياسمين والقميص واسع عليها
اسماء:يلهووووى اى دا واسع اوووى
قامت اسماء وعدلت لياسمين البس بتاعها و فكت لياسمين شعرها إلى انسدل على ضهرها و وصل لحد بعد ظهرها بشويه
اسماء بتبص عليها :اى يابت الحلاوه دى يابت
ياسمين بتبص لنفسها: اى دا انا همشى معاكى كده
اسماء وهى بتمسكها من ايديها :آه هتمشى كدا وهننزل دلوقتي نشترى لبس حلو ليكى
................................................................................
يتبع..........
