recent
روايات مكتبة حواء

رواية حكايتي في الثانوي الفصل الرابع 4 بقلم اسراء ابراهيم

رواية حكايتي في الثانوي الفصل الرابع 4 بقلم اسراء ابراهيم 

 آلاء قاعدة في غرفتها وجملة المستر اللي قالها لباباها إن بنتك درجتها وحشة في مادة الإنجليزي مش هتنفع هنا روح قدم ليها أحسن في دبلوم

آلاء في نفسها أنا لازم اسبتله إني شاطرة في الانجليزي لازم اجتهد واذاكر
آلاء:.بدأت تذاكر عشان لسه على امتحانها أسبوع وكان المدرسين بدأوا المراجعة
وعدى الأسبوع وجه يوم يوم امتحان اللغة العربية
ذهبت وللأسف وجدت نفسها مع بنتين فقط في اللجنة والباقي ولاد
اسماء:.ازيك يا لولو مذاكرة ولا إيه
آلاء: ملحقتش أذاكر قريت أول درسين بس
اسماء عوجت بقها وقالت ماشي
والامتحان بدأ
آلاء:.قرأت قرآن وبدأت تحل
خلصت التعبير ودخلت على القراءة سؤال في الدروس وسؤال في القصة
بسم الله إيه ده ياترى هختار الأولى ولا التانية ما الإتنين
نفس المعنى حسبي الله في اللي حط السؤال ده خلصت ودخلت عالقصة
يا حلاوة ايه السؤال الغبي ده وغامض قاعدين بنحل ألغاز
احنا حاجة قرف وخلصت ودخلت عالنصوص والبلاغة وحلتهم وجه الدور على النحو
آلاء: اها دخلنا في الحرب كده بسم الله قرأت القطعة والحمد لله مفهمتش حاجة
دخلت عالادب وربنا بحل فيه أي حاجة
يا ترى هتبقى فاعل ولا خبر بس هى باين ليها هتبقى
منصوبة اعمل إيه هعربها مفعول به وخلاص
وخلصت الإعراب ودخلت عالاستخراج
آلاء: هو ده الوحيد اللي بحبه في النحو وحلت وخلصت
مش المفروض يحطوا سؤال إملاء كان بينجحنا السؤال ده
وخلصت وطلعت
أسماء بتكلم البنت اللي قدامها وبتقول شايفة اللي كانت بتقول مذكرتش حاجة خلصت قبلنا ومشيت
إسراء: ملناش دعوة حلي واسكتي
وخلص وقت الإمتحان
واسماء راحت وقفت جمب آلاء وقالت كان في ناس بتقول مش ذاكرنا حاجة وحلت وطلعت قبلنا
آلاء بصت ليها بقرف وسابتها ومشيت
آلاء: أشكال معفنة مش بيبطلوا نق وحسد اللهم ابعدهم عنا
ودخلوا بعد كده عشان يمتحنوا مادة الدين
ا آلاء: كانت حافظة السورة وكتبتها
ودخلت على باقي الاسئلة كتبت حسب فهمها
الولد اللي وراها بينقل منها وهى لاحظت عليها
رجعت بضهرها لورا وقالتله: عارف لو مشلتش عينك من
ورقتي هخليهم يعملولك محضر غش يا غشاش مش كفاية
سبتك في العربي نقلت نصه مني إنما الدين لأ يعني مش
مكسوف وأنت كمان بتغش في مادة الدين أنت أهبل يلا
الولد انكسف وبص في ورقته
آلاء: راجعت وسلمت ورقتها وروحت
وصلت البيت سلمت عليهم
أهلها سألوها عملتي ايه
آلاء: الحمد لله حليت والتوفيق من عند ربنا
أهلها : ونعم المولى ونعم النصير
آلاء صلت فرضها ودخلت تنام عشان تروح مراجعة الجبر
نامت وبعد ساعة والدتها صحتها عشان تقوم للدرس
آلاء قامت واغتسلت وصلت العصر وذهبت للدرس
وصلت ودخلت قعدت
الأستاذ دخل وبدأ في مراجعة سريعة عن طريق الأسئلة وكان بيسال طبعا بعض الأشخاص
الأستاذ سأل بنت قدام في سؤال معرفتش تجاوب
قال لواحدة تانية معرفتش تجاوب بردوا
بص على آلاء وقال آلاء : جاوبي
آلاء: هنفك الأول المعادلة وبعد كده نبدأ بالحل
الأستاذ:.ممتازة يا آلاء كنت متأكد إنك هتحليها وبص للطلبة
وقال المسألة صعوبتها إنها إنها مش جاية مفكوكة زي إللي
كنا متعودين عليها هنبدا نحلل المعادلة الأول وهتبقى زي اللي بنحلهم
وقال كملي يا آلاء
وبالفعل كملت حلت تحت نظرات الحاقدين عليها
وخلصوا الحصة وذهبت لبيتها صلت وبدأت تحل محافظات
وخلصت حل المحافظات كلها ودعت ربنا يوفقها ودخلت نامت
تعدي الأيام وكان آخر يوم في الامتحانات كان آخر مادة تاريخ
آلاء: ياربي على دي مادة يارب انجح فيها
ودخلت الإمتحان وبدأت تقرأ الأسئلة
آلاء: هوف هما جايبين الأسئلة دي منين
أحسن حاجة أحل حسب فهمي والسؤال اللي معرفهوش
أكتب مكانه سؤال من ورقة الأسئلة في الإجابة وخلاص
وبالفعل عملت كده وخلصت أول تلت ساعة في الإمتحان
وحلفت ما هى ما مراجعة هى مش عارفة حاجة اصلا
وسلمت ونزلت قابلت كام مدرس كل لما مدرس يشوفها يسألها رايحة فين
آلاء: عادي خلصت وسلمت ومروحة اهو
المدرسين: خلصتي! دا الإمتحان مكملش نص ساعة
آلاء: وربنا خلصت وسلمت
المدرسين: باين إنك شاطرة أوي في المواد الأدبية
آلاء: أوي اوي ممتازة فيهم وقال في سرها اومال لو عرفتوا اللي هببته في الورقة هتقولوا إيه
المدرسين: يبقى كده هتدخلي أدبي
آلاء: مش عارفة لسه ومشيت
قال أدبي قال
روحت ووصلت البيت وألقت السلام عليهم
أهلها ردوا وسالوها زي كل يوم أخبار الإمتحان
آلاء: والله ما عارفة اقولوكوا إيه أنا حليت أي حاجة وخلاص وادعولي أنجح
ودخلت اوضتها
واغتسلت وصلت وفضلت تدعي ربنا إن ينجحها

google-playkhamsatmostaqltradent