recent
روايات مكتبة حواء

رواية خطوة مميتة 15 الفصل الخامس عشر بقلم بنوتة الشيخ

رواية خطوة مميتة 15 الفصل الخامس عشر بقلم بنوتة الشيخ

رغم ان الساعه كانت ال10الصبح

لكن مكانش فيه شمس
كانت السماء كلها غيووووم والريح يضرب يمين ويسار ❤️
الرعد يضرب بقوه رهيبه والمطر تنزل شويه وتوقف شويه
كانت هديل حاسه بي الصقع هلبا تحت البطانيه خصوصا ان الضي كان مقطوع
تململت في سريرها بكسل واول ما تلفتت جي وجها في وجه سيف يلي كان غارق في النوم
هديل:صبح يافتاح ....ونزلت من سريرها وهيا ترجف من الصقع لبست روبها متع الصوف وتجهت للمطبخ طول❤️
__________________________________
مصعب :صباح الخير
جمانه:تلفتت وشافاته رايق ومبدل حوايجه❤️
لابس حوايج الخدمه ومرتب شعره ...صباح الورد
وكملت ادير في شيشة ولدها
مصعب:شنو مفيش فطور؟!
جمانه:شافتله وقامت عيونها بي استغراب ....بتفطر معاي؟!
مصعب:اي علاش وين الغريب في الموضوع؟
جمانه:ابتسمت بفرح....لل لا لاغريب ولا شي بي العكس
وبدت ترتب في سفرة الفطور ونست حتى شيشة ولدها
مصعب:سمع ولده يعيط خش لي الدار جابه ورجع لي جمانه
جمانه:الايام هاذي بدي يرقد كويس حسيته نومه تعدل احسن من قبل
مصعب:يبتسم ويلعب في ولده ....قربت منه جمانه خداته بحب وعطاته الشيشه
وقعمزت مع مصعب تفطر معاه❤️
مصعب:وتي روحك اليوم في طلعه
جمانه:الله اخيرااا بنطلع وين؟
مصعب:حوش عمي ....كلمني بوي امس قالي ماشيين حوش عمي الله يرحمه
جمانه:سكتت ووجها تغير
مصعب:خيرك؟
جمانه:لا شي لكن....
مصعب:متبيش تمشي؟!
جمانه:لالااا نبيي لكن مش عارف نحس كيف بنتعود يعني معاهم
مصعب:ابتسملها......تتعودي متخافيش
هما ناس كويسين ورح تندمجي معاهم
جمانه:ان شاء الله ❤️
____________________________________
انفتح باب الدار ونطت ريان من مكانها بخوف
تهاني:خشت وسكرت الباب بسم الله خيرك؟
ريان:خلعتيني نسحابك ادم طول اليوم نراجي فيه وانا على اعصابي
تهاني:هدي بالك كان يبي يدير حاجه راهو دارها من امس
ريان:قامت شعرها وهيا تتنفس بعمق ...
تهاني:انا اليوم بنروح
ريان:لااااا الله يخليك اقعدي كيف بنقعد بروحي مستحيل نقدر بالله عليك معنديش حد
اسيل:طلعت من حمام الغرفه وتتفرج عليهم
تهاني:والله معاد نقدر امي قتلي خلاص ياسرك
ريان:نكدت.....افففف تهاني اففف
اسيل:وانتي خيرك هكي خايفه ومش قادره توقفي على رجليك ؟
ريان:انتي ا.....
فجره:فتحت الباب....ريان
ريان:بتوتر....نن نعم
فجره:تعالي انتي و ....شن اسمها البنيه ؟
تهاني:اسيل
فجره:تمام تعالي انتي وياها ادم مستنيكم
اسيل:ابتسمت بخبث....لحقتني حتى هنايا انت 😈
وطلعت بسرعه وحماس
اما ريان كانت تمشي وراها ببطئ ويديها يحكو في بعض بتوتر
____________________________________
ادم:يشوف لي الشاب يلي مقعمز قدامه وعاقد حواجبه
نحط في موقف غريب ومش عارف كيف يتصرف
سيف:مقعمز قدامه وقاعد يحك في عيونه من النوم ويحاول يستوعب يلي يسمع فيه
ادم:شن مصلحتك تدفع الفلوس وتاخدها وانت لا بوها ولا خوها!؟
حسام:بلع ريقه بهدوء ....اسيل
هيا اسمها مروه في البطاقه لكن ينادو فيها اسيل
اسيل تكون خطيبتي الله يهديها هيا شطانه شويه
لكن معندهاش غيري بوها في العنايه ليه اسبوع وكل التقارير عندك
ادم:تبيني نخليها بي الساهل؟بعد ماربينا بنت تانيه طول ها السنين وهوا يضحك علينا ع اساس بنته
حسام:توا قدامك وقبل مايطلع يكون عندك شيك بضعف المبلغ
يعني بدل النص مليون رح يكون عندك مليون وفوقها حبت مسك
يعني اسناد ادم انت بعقلك اسمحلي نقولك ها الكامتين
في حالة انت مخديتش الفلوس وخليت عندك البنت
اسف يعني لكن تكون غبي
لانك ببساطه انت انت بتزيد الحمل عليك وبتحتوي بنت جديده بتصرف عليها وصدقني مستحيل تتحملها اسيل وانا عارفها كويس
ف خود الفلوس وخلي البنتين يمشو في حالهم
ادم:ضحك بهزوه....البنتين؟!
تحلم انت ؟!
حسام:ابتسم....الافضل انك تخليهم بي ارادتك استاد ادم لان ريان بنت الاستاذ حمدي لازم ترجع لي حضن بوها بحكم انك خلاص حقك وحق بوك الله يرحمه بتاخده
ادم:شن تحكككككي انت ...البنت مرتي وكاتب كتابي عليها
حسام:يحكي بي استفزاز كأنه حافظ الكلام حفظ...لكن مدخلتش عليها
والطلاق رح يصير بي التراضي
ادم:قرن حواجبه وهوا مصدوم....طلاق!؟
سيف:ابتسم بي شماته
اسيل:وربي توقعتك انت هي
حسام:ابتسملها......هوا انا نخليك ؟
اسيل:كم مره نقولك نكرهك بعد عليا ؟...كم مره!
حسام:ابتسامته متغيرتش....طلع الشيك وكتب فيه الفلوس وقربه لي ادم .
وهاذت الشيك يا استاذ ادم ....نقدر نرفعها؟
ادم:مسك الشيك وهوا يشوفله وقت طويل
سيف:عيونه على الشيك وناض لي ادم.....خلاص تمام
حقنا وجعلنا الضعف خلي البنت تمشي في حالها
ادم:حط الشيك في ملف وسكره ....تمام
حسام:ابتسم لي اسيل ....هيا
اسيل:اففففف اف.....وخشت بسرعه بتجيب شناطيها كأنها عارفه مفيش مفر تاني!
حسام؛شاف لي ريان يلي كانت وتقفه بعيد بتوتر....وحتى انتي جهزي حالك
ادم:واقف على الروشن يراقب في المطر كيف تنزل بغزاره....ولا تحلم حتى تقرب عليها
حسام:تلفت....بس اتفاقنا كان واضح استاد ادم!
ادم:عاطيه بضهر ....لا انت ولا الف غيرك يطلعها من الحوش هاذا
حسام:يشوفله وساكت
ادم:تلفت ....وانتي بري لي غرفتك منبيش نشوف وجهك اليوم
ريان:مشت بسرعه وهيا مرتبكه وملفوفه في وشاحها
تحاول تخبي وجها على حسام زي ماتعودت مع اي شاب غريب
ادم:احمد ربك اني رضيت!
رضيت فلوس مخلصتش رقبه
لو بوها كانت صحته تمام صدقني ميقعدش دقيقه عايش
لكن مش انا يلي نستقوى على حد ضعيف...خودها ووجهك معش نبي نشوفه هنايا
حسام:طلع دخانه وهوا يشوف لي ادم.....تمام
بس حط في بالك
مهما قعدت البنت عندك سيورها وترجع لي بوها
قرب منها وقاله ببطئ ....بوها حمدي
اسيل:وقفت وماسكه شنطتها وعلامات النكد على وجها....انا واتيه
ادم؛خودها واطلع من هني
احسن ما نطلع بي روحك اليوم
حسام:وسع ابتسامته ....تشرفت بيك
ادم:ولا بيك
حسام:مسك اسيل وطلع هوا وياها
سيف:يحاول يرتب شعره....مليون؟؟
ادم:اي
سيف:كم نصيبي ؟
ادم:باله مشغول ...يصير خير
اركب نضم امورك وصحصح وتو نهدرزو
سيف:وقف وعلى وجها ملامح الفرح....تمام
رجعت اسيل لي مكانها الاصلي !
ورجع حق بو ادم يلي ليه سنين ضايع
ورجع خوف ادم على ريان بقوه المره هاذي !!
🔥رويـــــــات بنـــــوتـــة الــشـــيخ🔥
🔥أروى الطـــــــاهـــــر المسلاتي🔥
👑القروب الاصلي400الف عضو👑
مصعب:بخ العطر متعه وسكر التلفزيون....جمااااانه
هيا منبيش نعطل بنحطة وماشي لي ولاد
جمانه:ردت عليه من غرفة النوم....خلاص واتيه تعالا طلع مجد
مصعب:خش لي غرفة النوم وعيونه ضحكو لما شافوها❤️
لابسه قفطان لونه اصفر هااااادي وقايمه شعرها فوق ونازله شوية خصلات على جنب
ومكياجها البسيط واكسسوارها الابسط محليها❤️
ابتسم بصدمه لما زاد شاف ولده كيف متكماته وريحته بارفان اطفال
مصعب:مسك ولده ووقف يشوف لي جمانه يلي كانت واقفه ع المرايه تبخ في عطرها وتلبس في عبايتها
لبست وشاحها بطريقه راقيه هلبا ومسكت شنطتها ...
جمانه:هيا مصعب خلي نسكر ضي الغرفه و.....
خيرك تشوفلي هكي ؟
مصعب؛ابتسم....شي
عاجبتيني❤️
جمانه:ضحكت....متخجلنيش توا 🙈....هيا نمشو تأخرنا
مصعب:طلع وولده راقد في حضنه يفكر
كيف تغيرت جمانه بعد الحادث!
لبسها كلامها صوتها انوثتها كل شي فيها
ركب السياره يولع فيها وجنبه مرته
جمانه:هات عليك باش تسوق براحتك
مصعب:عطاها ولده وهوا داخله قاعد مصدوم !!
جمانه:مسكاته بلقطه حلوه وضماته لي حضنها❤️
نزلت المرايه تشوف في نفسها وردتها
وطول الوقت مصعب عينه عليها كأن اول مره يتعرف عليها!
____________________________________
سيف:مقعمز ومنضره مبهدل ع السرير ويراقب في هديل ماشيه جايه تجهز في نفسها
لكن هديل قاطعت اللحضه الحلوه يلي كان سيف عايشها وهوا يتفرج عليها
هديل:ان شاء الله خير....خيرك تشبحلي زي المهبول ؟؟!
سيف:مصدوم فيك ....من وين جام الجمالك والانوثه هاذي كلها فجآه
هديل:ع اساس انت خليتلي طريق يعني تخبط فيا صبح وليل ومن يوم خديتك معمريش طلعت لي حد ...وعطاته بضهر وقعدت تساوي في شعرها
سيف:غمزلها.....لكن حلو طالع عليك الجو😉
هديل:تلفتتله بي ربع عين وهيا قايمه حاجبها....عارفه
نوض شوف روحك ومنضرك وانت رايح زي الكلب السلوقي
سيف:اختفت ع وجها الابتسامه وعقد حواجبه وناضلها
هديل:تلفتتله وهيا تسكر في بطم قفطانها وكل شي باين
سيف:وقف وقعد مرتبك في مكانه مدار شي وهوا يشوفلها
هديل:خيرك بسم الله جايني تجري ؟
سيف:يشوف للبطم وهيا تسكر فيهم.....اءء لو يعني
هديل:شني ....وسكرت اخر بطمه
سيف:خذي نفس عميق.....تمام ياهديل ساهل ساهل
هديل:باست يدها .....ان شاء الله بلطف عليك وخلاص ....ومشت من قدامه
سيف:يا انا صايرلي جفاف ووجهي في خليقتها بديت نشوف فيها حلوه
يا مدايرتلي خطين الفرخه هيا
_________________________________
ادم:مقعمز يشبحً لي الشيك وقاعد مش مستوعب يلي صار!
فجره:ولدي
ادم:شافلها وهيا واقفه ع الباب
خدي نفس عميق .....تفضلي
فجره:قعمزت جنبه في دار الضيوف....شن صار
ادم:سكت لحضات بعدين تكلم.....عطاني فلوس بوي
وخدي البنت
فجره:وريان؟
ادم:تكى راسه على كرسي الجلد ويشوف لي السقف تكلم ببطئ وسارح....ريان
فجره:اسمع سلم ولدي
الكلام يلي بنقوله شهاده من ربي ان قلبي يتقطع وانا نقول فيه
عاشت بينا ويعلم ربي قداش حبيتها وسط قلبي انا وبوك
وهيا مليهاش ذنب في كل شي صار الله غالب كانت خايفه
شوفها كيف متربيه كويس الله يبارك عليها زين واخلاق
لكن الله غالب عندها اهل توا و........
ادم:شافلها بحده وهوا يفنص.....رددددي بالك
ردي بااااالك تكملي كلمتك هاذي
ريان معندها حد
معندهاش حد انا وانتي بس
ولا تفكر يكون عندها حد تاني يا امي
فجره:تنهدت....يا ادم بوها عايش وهيا من حقها ت....
ادم:مفيش قلت!
مفيش حد
فجره:تكلمت بغضب....البنت مش طااااايقاتك
خلاص يعلم ربي كيف تحملت الفاتحه يلي قريتها عليها
خليها في حالها
ادم:شاف لي امه وقت طويل وهوا سارح....
كلميها توتي حاجاتها غضوا بننتقل لي حوشي الجديد وهيا معاي
گ اي راجل ومرته
فجره:ادم
ادم:كلامي واضح امي ....وناض سيبها
فجره:حطت يديها على وجها......تحبها وهيا مش طايقه اسمك وتخاف منك
نزل الحل من عندك ياربي بس
___________________________________
نعيمه:صار سيفتونا هنايا ....وضحكة وحضنت مصعب
مصعب:اي ريتي ولا
نعيمه:حضناته وبعدت عليه تشوف فيه.....معقوله هكي لاعاد جيت ولا سألت على امك ؟
مصعب:شن بديري هي والله خدمه ومضغوط شويه
جمانه:نزلت من السياره ماسكه ولدها.....كيف الحال عمتي
نعيمه:اختفت ابتسامتها لما شافت جمانه وردت عليها بي اسلوب جاف هلبا....كويسه
رجعت شافت لي مصعب.....خش هيا داخل مع ولاد عمك وخوك
مصعب:حس بي امه وشاف لي جمانه لقاها مرتبكه....تعالي وراي
خشت جمانه زي الغريبه مش عارفه حد ولا مذكره حد فيهم
وقفت هديل سلمت عليها وقعمزو الزوز كأنهم عرايس جدد❤️
وكانت تهاني وريان جنب بعض واخدين تركينه بروحهم ويهدرزو بشويه
وريان كانت متوتره طول الوقت
تهاني :كيف كيف ؟؟...شن قال لي خالتي فجره !!!
ريان:تحكي ويدها ع فمها باش متوضحش ....بيرفعني معاه لي حوشه بكرا
مش مستوعبه كيف بنعيش معاه مش قادره
تهاني:سكتت شويه...اسمعي ريان
تبي الحق ولا
ريان:شنو
تهاني:قصدي بجديات ادم تقدري تحبيه
قنين وجنتل وشخصيته حلوه
ريان:ويكرهني ويقتلني بعد يلي صار اي اي كملي
تهاني:متخافيش مدام مقتلكش امس مش رح يديرها اليوم ....
ريان:شافتلها وساكته
وفجآه الزوز نفجرو بي الضحك
فجره:يابنات ....نوضي تحركي انتي وياها ديرو قهوا
تهاني:بدينااا افففف....نوضي معاي ياعروس المستقبل
ريان:ناضت وهيا تضحك وراها
فجره:قالت في خاطرها ...الحمد الله يلي شفت ابتسامتها من جديد
رغم كل شي البنت هاذي في وسط كبدي نحبها ❤️
__________________________________
سند:شن يلي شني البنت عاجبتني
مصعب:مبتسم قدام التريس يلي كانو ماليين المربوعه ....هبلت انت بتاخد وحده من العيله ؟
سند:علاش وين الغلط ؟
اهو سيف ولد عمك البغل واخد اختك الفاسده
مصعب:شافله وهوا بيتفجر....يا حيوان الف مره نقولك مهما صار ومهما كان سبب زواجهم في النهايه اختك
سكر فمك ومعش تدوي عليها هكي
سند:افففف....به تمام مش موضوعي انا
البنت نبيها كلملي بوها ولا دير راي
مصعب:يصير خير مش وقته توا
سند:شاف لي سيف وهوا يهدرز مع الرجاله....تو شكل زي هاذا يحصل ورث مليون ؟!
مصعب:متنساش انه بيتقسم حتى على بوك بالك تطلعلك فيه حصه
سند:رسمي هاذي فاتت عليا
خلي الواحد يتزوج بيهم ويرتاح
مصعب:حالتك ميؤس منها انت
سند:اخخخخ وخلاص محلا فيتها البنت
____________________________________
جمانه:تغطي في ولدها بي البطانيه كويس وتحكي بصوت هادي...اي الحمد الله تعدل نومه
فجره:ترغي في الشاهي به كويس شن حال اماليك
جمانه:بخير
اولامس جو هدرزو عندي
فجره:به الحمد الله ربي يدوم النعمه يارب
طق طق طق
فجره:خش ادم مفيش حد غريب
سارعو هديل وجمانه يلبسو في اوشحتهم
خش ادم وسيف وسند بعد ما روحو الضيوف وقعمزو كلهم في الصاله يشربو في الشاهي ويهدرزو
هديل:تشرب في الشاهي واطلع فيه من فمها عمداً عشان تمسحه من على شفايفها بطريقه مغريه قدام سيف
وسيف طول الوقت عينه عليها ويفنص فيها بيهببببل
وهديل مستمتعه بي نقطة ضعفه يلي اكتشفتها 🔥
اما جمانه لفتت قلب مصعب قبل عيونه بي هدرزتها المرتبه والرزينه وضحكتها الهاديه
طول الوقت مصعب يدكر كيف كانت معندهاش اسلوب وتعيط ومحدش يحب يهدرز معاها
لكن توا مفيش حد مقعمزش فتح مواضيع معاها واولهم امه يلي كانت مش طايقتها في البدايه ❤️
جت ريان ماسكا السفره وتفرق في الشاهي
خدي منها سند وعيونه بيطلعو في تهاني يلي كانت واقفه ع الباب تشوفله بنضرات تقتل
وخدي منها سيف وعيونه على هديل لاول مره!
وخدي منها مصعب وشكرها بكل احترام
بعدين خدي منها ادم وهمسلها....اليوم في الليل بتباتي في حوشك الجديد
معش نتحمل لا بكرا
شافتله ريان بصدمه وهوا ابتسم كأنه مفي شي
ريان:ساوت وقفتها ونطقت بصوت عالي بدون همس ..حاضر يا ادم
ادم استغرب من جوابها لكن مركزش هلبا !
🔥رويـــــــات بنـــــوتـــة الــشـــيخ🔥
🔥أروى الطـــــــاهـــــر المسلاتي🔥
👑القروب الاصلي400الف عضو👑
استمرت لمة العيله الحلوه هاذي ساعات طوال وليل الشتي كان طويل❤️
تعشو وقعمزو البنات تهاني وريان وهديل وجمانه يهدرزو ويضحكو منسجمين لين طقت الساعه 10ونص
روحت جمانه بعد ماجاها مصعب
وركبت هديل وهيا تنفخ وتعاود بعد ما كلمها سيف وقلها هيا
وجت ام تهاني روحت بيها
ومقعدش حد غير فجره وريان
خشت ريان خدت شنطه صغيره حطت فيها ملابس داخليه وزوز بجامات وشالها متع الصوف يلي ديمه لافه نفسها بيه ❤️
وطلعت مع ادم بعد ماسلمت ع فجره
_______________________________________
جمانه:غطت ولدها واتجهت لي غرفة النوم ❤️
كان مصعب مبدل وراقد ع السرير يراجي فيها تخش
ومن اول ماخشت وهيا تحكي بي فرح وحماس
جمانه:تنحي في اكسسوارها .....في البدايه خاشه بعضي وهكي لكن جديات بعدين انسجمت
وهاذي يلي اسمها ريان محلاه جوها
هديل اضحكككك عفويه هلبا بس من امتى ولد عمك متزوجها ؟
لما مردش عليها تلفتت وشهقت فجآه لما لقاته وراها....
ابتسمت بخوف....خ خلعتني
نسحابك ع السرير
مصعب:سكت ثواني وهوا يشوفلها ....جمانه
جمانه:ردت وهيا مبتسمه....عيونها
مصعب:جهزيلي روحك نطلع ندخن ونجي
جمانه:نصدمت...گ اي زوز متزوجين؟!
مصعب:ابتسملها ورجع شعرها للخلف....اي
گ اي زوز متزوجين❤️
طلع مصعب وهلا جمانه قلبها بيطلع من مكانه ومش قادره تفكر شنو بدير ولا شنو بتلبس
_________________________________
هديل:بي اعلى صوتها.....لا ياباااااابااااا هذاكه زمان نخاف منك ونسحابه عقلك في راسك
سيف:علااااش وين طلع عقلي؟
هديل:ضحكت بهزوه....منبيش نقولك وين طلع بالك تزعل ولا حاجه
سيف:نزلها من الكنبه وجايها يجرري
هديل:وقفتله...اي تعالا اضربني اي هاذا فاش فالح اصلا ن.......
وقاطعها بي بوسه🤭
_____________________________________
ريان:تشوف للحوش وتتفحص فيه
كان الحوش بسيط وقنين
اثاثه كله جديد وكان واتي مش محتاج شي مشطب واموره تمام
قعمزت في الصاله وادم سكر الباب وجاها
ادم:خيرك قعمزتي هنايا؟
ريان:بنرقد
ادم:شافلها بنضره غريبه....نوضي غرفة النوم فيها سرير
صقع هنايا مترقديش
ريان:انا م......
ادم:نووووضي قلت
ريان:خذت شالها وخشت لي الغرفه
كانت الدار لونها بيج في الازرق ملكي ❤️
مرتبه وحلوه هلبا ❤️
جي ادم وراها وهيا واقفه تتفرج على اثاث الدار
ادم:كيف لقيتي الحوش
ريان؛تلفتت بي فزع.... اي قنين
مكنتش نسحابه كامل هكي
ادم:مسك يدها .....لكن في هلبا حاجات مش كاماه
ريان:بتباعد يدها لكن مخلاهاش....لعند امتى بتقعدي هكي ؟
ريان:تكلمت بنبره اول مره يسمعها ادم....انت علاش متبيش تفهم؟؟
انا مش متقبلاتك
ادم:ابتسم وقربها من يدها ليه .....تو تتقبلي
ريان:دفاته بقوه لين شالها طاح .....نكرهك زي ماتكرهني بي اللاف الاضعاف ادم
لا طايقه نشوفك ولا نسمع صوتك ولا نبيك ولا طايقااااااتك
ادم :....يتبع

google-playkhamsatmostaqltradent