رواية ياقوت قلبي ( ياقوت ومالك ) الفصل الثالث عشر 13 بقلم اية عزازي
الشرطى:معانا أمر بالقبض علي ياقوت مجدى الغريب.
مالك:ايه ال حضرتك بتقوله ده
الشرطى: ياقوت مجدى الغريب متهمة فى قضية قتل
ياقوت تخرج من الغرفة بصدمة:ايه!
ذهبوا الى مركز الشرطة.
____________________________
فى مركز الشرطة:-
الشرطى:اسمك؟
ياقوت بصوت متقطع: ياقوت مجدى ابو بكر الغريب.
الشرطى:سنك؟
ياقوت:19
الشرطى: حضرتك كنتى فين وقت وقوع الحادثة؟
ياقوت بحزن:كنت فى المستشفى لأن والدى اتوفى.
الشرطى: في عداوه بينك وبين المقتول(جلال)
ياقوت:ده ابو صاحبتى وأنا مشوفتوش غير 3مرات تقريبًا.
الشرطى:يمنى بنت المقتول(جلال)قالت ان فيه عداوه بينك وبين المقتول عشان كده اتهمتك بالقتل.
ياقوت: الحقيقة مفيش اى حاجة بينى وبين عمو جلال بس فى مشاكل بينى وبين يمنى ينته عشان كده هى عايزه تنتقم منى.
دخل شرطى فجأة في وقت التحقيق...
الشرطى:اؤمن بيه احنا عرفنا من البصمات مين القاتل الحقيقى..
الشرطى (ايمن):بجد وجبتوه..!
ياقوت بتلقائيه:طنط وفاء صح..
نظر اليها الشرطى بإستغراب....
الشرطى: حضرتك تعرفيها..
ياقوت:ايوه هى فى مشاكل بينها وبين عمو جلال أكيد هى ال قتلته.
الشرطى:ايوه فعلاً وفاء هى القاتل الحقيقى حضرتك تعرفي مكانها.
ياقوت بفرحة:ايوه فى بيتنا القديم.
الشرطى (ايمن):يلا بينا على العنوان بسرعة.،دى اسرع قضية شوفتها فى حياتي.
خرجو بره المكتب...
مالك: ياقوت أنا جبت المحامى،هما واخدينك على فين!؟
ياقوت:عرفنا القاتل الحقيقى يا مالك،عرفنا مين ال قتل عمو جلال.
مالك بفرحة:بجد مين؟
ياقوت بفرحة:طنط وفاء..
اختفت الابتسامة من وش مالك فجأة...
مالك بحزن:ماما..
الشرطى:يلا ياآنسه ياقوت
ياقوت سابت مالك وهى مدركة الموقف..
ذهبوا الى بيت مجدى ،كسر الشرطى الباب ودخل ،ليرى وفاء تأكل الفشار وتشاهد فلم كوميدي وتضحك...
الشرطى:انتى وفاء.؟
وفاء وهى تنظر ببهجة:ياااه الشهره عايزه منى ايه.
الشرطى:مطلوب القبض عليكى.
وفاء بسخريه: عشان جلال والله ده يستحق القتل.
الشرطى:انتى معترفة ان انتى القاتل.
وفاء:القاتلة يا باشا ،انثى ايه القاتل دى.
الشرطى:ماانا هعرفك القاتلة ولا القاتل..
خرج العسكرى بوفاء ليذهب بها الى مركز الشرطة..
الشرطى لياقوت:أنا آسف جداً ياآنسه ياقوت ،وشكراً جداً انك ساعدتينا.
ياقوت بضحك:ولا يهمك يا باشا مش بيقولو الشعب فى خدمة الشرطة ههههه
الشرطى:ههههه بيقولو بقى..
يدخل مالك البيت ،الشرطى يسلم عليه..
الشرطى:احنا آسفين يامالك بيه
مالك بحزن:خلاص قبضتو عليها
الشرطى:كل مجرم يستحق العقاب،بعد اذنكوا
مالك:اتفضل
( ياقوت قربت من مالك وحضنته...)
ياقوت:أنا مقدرة ال أنت فيه
مالك:مكتوب عليا إنى أعيش يتيم
ياقوت:وأنت مين قالك ان جلال باباك.
مالك:اه صحيح أنا نسيت أجيب التحاليل
ياقوت:طب يلا بينا أنت مستنى ايه؟
(روحنا المركز الطبى وجبنا تحاليل DNA ال مالك عملها مع عمو جلال ورجعنا ڤلة مالك)
ياقوت:هو فى حد فى الڤلة؟
مالك:اه نور مرات ياسين ابن عمك
ياقوت:طب افتح التحاليل بقى الفضول قاتلنى
مالك بضحك:اصبري شوية
ياقوت:أنت ناسي وعدك ليا لما قولتلى لو عرفت مين ابويا هتجوزك على طول.
مالك:لأ هجوزك على عرض هههه مستعجلة اوى
_______________________
فى الڤلة:-
ياقوت:اومال ياسين فين يا نور.
نور:هو قالى انه بيخلص اوراق وجاى،ابن عمك ده محدش عارفله حال.
مالك:وبتسألى ليه بقى يا ياقوت هانم؟
ياقوت ببرود:عادى يعنى ابن عمي.
باب الڤلة خبط...
نور:أنا هقوم افتح.
مالك:لأ ابوس ايدك الا انتى،المرة الوحيدة ال فتحتى فيها كان بوليس،انا هفتح أنا.
نور:هههه،ايه التشاؤم ده يا كابتن
ياقوت:أحسن
------فتح مالك الباب.
مالك:مين حضرتك؟
ياسين:ايه ده يا مالك أنت أول مرة تشوفنى.
مالك: الحقيقة مش واخد بالى.
ياسين: أنا ياسين ابن عم ياقوت
مالك:اه اهلاً وسهلاً أكيد حضرتك جاى عشان نور مراتك.
ياسين:لأ يا مالك أنا جاى عشان اخويا.
جت نور وياقوت كمان....
ياقوت:ايه يا جماعة واقفين ع الباب ليه؟
ياسين لمالك:مش عايز تحضن اخوك الصغير ولا ايه يا أستاذ مالك.
ياقوت:أنا مش فاهمه حاجة!
نور:بس انا فاهمة...
بصينا ليها بإستغراب.
نور لياسين:أنا فتحت وصية عمو رفعت باباك ال كانت فى اوضة المكتب وقريتها بس مفهمتش حاجة.!
ياسين:وأنا بقى جاى افهمكوا كل حاجة،وافهم ابن ابويا.
مالك:طب ممكن نتكلم جوه.
ياقوت لياسين:استنى استنى ،طنط وفاء دخلت فى علاقة مع عمو رفعت قبل ما يتجوز مامتك...يعنى...معنى كلامك ان مالك يبقى اخوك من الأب!
(دخل مالك بسرعة وفتح تحليل DNA ...)
ياقوت بتوتر: قريت ايه..!
مالك بدهشة:أنا فعلاً مش ابن جلال زى ما ماما (طنط وفاء) قالت!
ياسين:واللى جاى عشان اضيفه إنى لما فتحت وصية بابا كان كتاب:
"أنا آسف يابنى أنت كنت غلطة فى حياتي بس انا تسرعت وتخلصت منك ياريت تسامحنى،ووصيتى ليك انك تتجوز بنت عمك مجدى". من رفعت الغريب إلى مالك الغريب
ياسين كمل كلامه وقال أنا كنت فاكر طول المدة دى ان بابا يقصدنى أنا عشان كده أنا جاى اطلب من مالك اخويا ابن ابويا انه ينفذ وصية ابويا ويتجوز ياقوت بنت عمه.
(مالك قام حضن ياسين جامد وعيونهم دمعت)
مالك بفرحة:طب والفرح امتى بقى؟
ياسين:الخميس ال جاى يا عريس ههه
___________________
المأذون:بارك الله لكما وبارك عليكما وجمع بينكما فى خير..
قام مالك حضن ياقوت جامد ،ده على أساس انهم محضنوش بعض قبل كده هههههه
(وفجأة نور زوجة ياسين اغمى عليها في كتب الكتاب وطلبوا الدكتور..)
الدكتور:ألف مبروك المدام حامل
ياسين بفرحة:بجد حامل يعنى.. يعنى فى لكنها نونو
مالك لياسين:ههههه اجمد ياابو عتريس
ياسين:بالحضن ياعريس ،ههه
"خاطره"
^نهاية سعيدة وهذا ما اتمناه بعد كل هذه المُأساه، إنى متيقنه أنَّ حبنا ضاجع كثير من الصعوبات وبالرغمٍ منها قلوبنا اشتهت لبعضها ونوايا صدق حبنا ارادت أن تجمعنا فى غصنٍ واحد وبعد ذلك إنى ممتنه للظروف السيئة التى جعلتنى اجد سعادتى معكَ،كنت رفيق دربى،وقلبى،وخطواتى..
كنت رفيقى فى الحقيقة وفى الخيال.، إنك رفيقى في دنياي ياأول من دخل قلبى.
آيه عزازي
