رواية حبيبتي المسترجلة الفصل الثاني عشر 12 بقلم روميساء عصام
(البارت 12)
فى غرفة السفره كان يجلس الجميع على السفره بفرح وسعادة
سليم وهى يمسك ايد ياسمين:اهو انا دلوقتي ماسك ايدك وانا ضميرى مش وجعنى ياياسمين لأن كنت لما باجى امسكها افتكر انى هتحاسب أما دلوقتي فأنتى من حقى مبروك يا مراتى
ياسمين بخجل شديد:الله يبارك فيك يا سليم
عز بأبتسامه:اهو انا دلوقتي مش محتاج اى حاجه من الدنيا تانى بعد اما شوفت ياسمين وسليم متجوزين عقبالك يا خالد انت واسماء
خالد بأبتسامه وهو ينظر لاسماء:قريب إن شاء الله قريب اووى
ابتسمت اسماء له بخجل
حسناء بسعاده:انا بقى عايزه اشوف ولادهم كده واشيلهم
أنهى سليم طعامه وايضا ياسمين
سليم مسك ايد ياسمين وقام وقف :احنا هنمشى بقى وعلفكره يابابا احنا هنسافر من بكره الساحل
عز بأبتسامه:ربنا يهنيكم يا ولاد
...............................................................................
عند سالى شافت صوره لسليم وياسمين نازله على مواقع التواصل الاجتماعي ومكتوب تحتها
*اليوم هو حفل زفاف سليم الخولى رجل الأعمال المشهور ابن عز الخولى تزوج عن حب ابنت عمه ياسمين الخولى *
سالى بصدمه:ازاى يتجوزو بسرعه دى وليه سليم معملش فرح
روقه بخبث:يابنتى مهو الخبر بيقول عن حب يعنى الحب مش بيستنى ياسالى وسليم باين عليه بيموت فيها انتى مش واخده بالك أنه معدتش بيجى النيت
سالى بِغل :انتى بتسفزينى ياروقه ولا اى وبعدين تعالى هنا يا بت انتى هو ازاى سليم عرف موضوع الصورة دا وهو مفيش غيرى انا ونتى نعرفه
روقه بأرتباك:وهو أنا هعرف منين يعنى يا سالى
سالى :والله متعرفيش ولا سليم طلع ارشين زغللو فى عينك منا عارفه انك كلبه فلوس
روقه بزعيق:لا بقولك اى انا اصلا مستحمله لسانك الطويل دا بس عشان بطلع منك بمصلحه ومتخفيش بعتك بلغالى يا حبيبتي
سالى بصدمه:انتى بتقولى ليا الكلام دا يا زباله انتى
روقه بضحك:لا مش انا الزباله أظن كدا مش انا إلى سليم شاف واحد فى بيتى وبلبس مينفعش حد يشوفه على العموم هستناكى فى افتتاح المحل بتاعى متتأخريش بقى يا حبى باى يا بيبى
*خرجت روقه تحت نظرات التوعد والغضب فى عين سالى *
*............................................................................*
عند سليم وياسمين
سليم فتح باب الشقه و حط ايده تحت راس ياسمين وايد تانيه تحت ركبتها
ياسمين بخجل:اى يا سليم هبقى تقيله عليك
سليم بحب وسعاده: دا انتى اخف واحده عليا يا عيونى
دخل سليم الشقه ونزل ياسمين إلى عجبها تصميم الشقه وقفل سليم الباب
سليم قرب منها و يحيط خصرها من الخلف ودفن رأسه فى عنقها
سليم بحنان:عجبك الشقه
ياسمين بخجل من قربه لها:آه يا حبيبي اووى عجبتنى
سليم وهو يجعلها تنظر له
سليم وهو ينظر فى عينها: عارفه انا بحلم بليوم دا من زمان اليوم إلى هتبقى فيه مراتى ويبقى ليا أنا ونتى بيت بحلم بليوم إلى هتنامى فى حضنى فيه ياياسمين تعرفى انك اجمل واحده شفتها في حياتي بلحجاب وفستان الفرح كمان
ياسمين بأبتسامه لسليم :عارف انا بحبك قد اى يا سليم بحبك من و احنا صغيرين عُمر ما واحد مله عينى غيرك وحبيتك اكتر لما بقيت تصلى وخلتنى اتحجب هفضل احبك لاخر نفس يا سليم
سليم بأبتسامه: وانا بعشقك يا عيون سليم ادخلى غيرى هدومك واتوضى عشان نصلى
ياسمين بخجل: حاضر يا حبيبي هخلص وانادى عليك
............................................................................
عشق كانت قاعده جنب جاسر ماسكه المصحف وبتقراء قرآن
جاسر بيبص ليها بحب وفى نفسه:اكيد بابها دا مش بيفهم أنه يسيب ملااك زى دا أو أنه يبهدلها
خلصت عشق قراءه وبصت لجاسر وخدت بالها أنه بيبص ليها
عشق بخجل:بتبص ليا كدا ليه
جاسر بأبتسامه: مش عارف انا عملت اى حلو فى حياتى عشان ربنا يجعلك فى حياتى يا عشق
عشق نظرت له بخجل وابتسمت
جاسر بأبتسامه:هو انا ممكن اقولك حاجه
عشق بأستغراب: اكيد اتفضل
جاسر بأبتسامه: هو انا لو طلبتك للجواز ترفضى
عشق انصدمت وبصت ليه من غير ما تتكلم
جاسر بأبتسامه:عشان يعنى انا مش بمشى وكدا واحتمال العمليه لاتنجح لا متنجحش فأنا بسئلك انتى توافقى تتجوزيني يا عشق
عشق سكتت وبصت فى الارض بخجل جاسر فهم أن ممكن هى متوافش عشان هو تعبان
جاسر بحزن:علفكره من حقك ترفضى انا عارف ان مستحيل واحده جميله زيك تقبل تتجوز واحد عاج....
قاطعته عشق بصدمه: جاسر أنت بتقول اى انت ازاى فهمت كدا انا قولتلك مليون مره انت احسن من اى واحد بيمشى يا جاسر ازاى تفكر كدا بجد ازاى
جاسر :طب ليه مرضتيش عليا
عشق بخجل:لانك فجأتنى يا جاسر
جاسر بأبتسامه:عشق انا بحبك انا هبقى اكتر واحد سعيد فى حياته لو وفقتى عشق مفيش حاجه فى حياتى خلاانى اشوف الجانب الحلو غيرك انتى عوض ربنا بعته ليا يا عشق بعد إلى انا شفته فى حياتى اى ردك يا عشق
عشق بخجل وهى تنظر للاسفل:هصلى استخاره الاول وارد عليك
جاسر بحب:وانا مستنى ردك على نار يا عشق
.............................................................................
عند سليم قاعد في الصالون
سليم بزهق:انا بقالى اكتر من نص ساعه قاعد هى كل دا بتغير
سليم لنفسه بقلق:لاتكون حصل ليها حاجه
نهض سليم ووقف قدام الباب وخبط عليها ومفيش رد سليم قلق وفتح الباب ودخل لقى ياسمين غيرت ونامت على السرير سليم قرب منها وبيضرب براحه على جبينها: ياسمين ياسمينا انتى نمتى ولا اى لا كدا مينفعش
ياسمين:......مفيش رد
سليم خطها وقال لنفسه: حلاوتك يا سليم البت نامت يعنى سليم الخولى إلى نص بنات القاهره وقاعه فيه هينام بدرى وانهارده حرام عليكى يا ياسمين
دخل سليم الحمام إلى فى الاوضه عشان يتوضى ويصلى وينام قامت ياسمين بعد اما دخل وقعدت تنطت على السرير وبفرح:معلش بقى ياسلومى مهو انا لازم اخد حقى منك هو انت لسه شوفت حاجه أهدى عليا بس
نامت ياسمين تانى على السرير بس المره دي بجد
سليم خرج وصلى وراح نام جانبها سليم قرب منها واخدها فى حضنه
سليم بأبتسامه وهو يقبل شعرها:اهو الحضن دا عندى بدنيا ومافيها
ثم ذهب كل منهما إلى نوم عميق للأول مره
..............................................................................
فى صباح اليوم التالي
اسماء كانت بتفطر ولقت الباب بتاعها بيخبط جامد
اسماء راحت عند الباب وبصت فى العين السحريه
وفتحت الباب علطول واحتضنت الشاب الواقف بلخارج بشده
اسماء بدموع : وحشتنى اوووى يا احمد وحشتنى
احمد (شاب وسيم وطويل وجسمه رياضي شعره اسمر وعيونه عسلى وابن خالت أسماء واخوها فى الرضاعه)
احمد بحنان :انتى إلى وحشتينى اووى يا اوزعه والله
دخل احمد وقعد على الكرسى واسماء قفلت الباب وراحت وقفت قدامه:انا مش ازعه يا حبيبي انت إلى طويل
احمد بضحك: خلاص متزعليش انا إلى طويل
اسماء وهى بتقعد جنبه:وحشتنى يا احمد اووى ليه مكنتش بترن عليه ولا انت ولا بابا ولا ماما
احمد وهو بيمسح على شعرها:حقك عليا بس كان غظب عنى صدقيني كانا مشغولين كلنا الفترة إلى الفاتت احنا أخدنا بضاعه من واحده هناك على أساس ان احنا هنبعها وبعدين ندفع حقها بس البضاعه إلمخزن إلى كان فيها اتحرق بس الحمد لله كل حاجه اتحلت ودفعنا فلوسها وفتحنا المحل تانى
اسماء بقلق:وبابا وماما كويسين
احمد بأبتسامه:آه يا حبيبي كويسين متخفيش
اسماء براحه: الحمدلله يلاا قوم ارتاح على أما احضر الغدا ليك
احمد بأبتسامه وهو ينهض: حاضر يا حبيبتي أنا اصلاا هموت وانام
...............................................................................
راندا كانت قاعده مع مراد وشادى فى مطعم
مراد بأبتسامه:تعبتك معلش بس كان لازم انتى تيجى وتشوفى عايزه تغيري اى فى الڤيلا
راندا بأبتسامه:مكنش ليه لزوم التغير هى حلوه كدا انا نزلت لانك اصريت عليا (وهى بداعب وجنتى شادى)وكمان عشان شادى لانه وحشنى اووى
شادى بأبتسامه:وانتى وحشانى اووى يا مامى
راندا بحب وهى بتأكله:انت حبيب مامى والله انا بس نتجوز وهتنام فى حضنى علطول
مراد بصدمه: وبنسبه ل ابوه بقى هينام فى حضن مين
راندا بخجل:مراد عيب كدا الولد قاعد
مراد :منا واخد بالى علفكره انا كده هبدأ اغير من دلوقتي
راندا بضحك :بتغير من ابنك الصغير لا مش من حقك
شادى وهو يحتضن راندا :مامى بتاعى انا وبس وانا بحبها
راندا وهى تنظر لشادى بحنان : حبيبي يا شادي وأنا بحبك اووى
مراد وهو ينظر لهم بغضب:باين الواحد هيتعب كتير معاكم علفكره وبعدين مش انا بابى حبيبك يا شادى
شادى بطفوله:انا احبكم انتم الاتنين
...............................................................................
استيقظت ياسمين قبل سليم وشعرت بيده المحاوطه خصرها نهضت ياسمين براحه ونظرت له بحنان وهى تلعب فى شعره
ياسمين بأبتسامه: يسلام يا سليم هو انا فى حلم ولا حقيقة بس انا بجد قاعده معاك دلوقتي وببص ليك من غير ما حد يشاركنى فيك
طبعت ياسمين قبله على وجنته استيقظ عليها سليم ونظر لها بأبتسامه كانت ياسمين على وشك الذهاب امسكها سليم من خصرها وقربها منه ونظر في عينها :مفيش صباح الخير
ياسمين بخجل: صباح الخير يا حبيبي
سليم وهو يقترب منها ويطبع قبله بجانب شفتيها:صباح الخير اى بقى هى صباح الياسمين
ياسمين بخجل وارتباك:انا هقوم احضر ليك الفطار
سليم مسك ايديها ورجعها تانى ليه وطبع قبله على جبينها:مش عايز حاجه خليكى معايا
ياسمين بخجل من قربه أمسكت رأسها وبتصنع الوجع :أهااااااااا سليم الحقنى دماغى مصدعه اووى اهااااا
سليم بخوف وقلق عليها: حاسه بى أى يا ياسمين ارن على الدكتور
ياسمين بتمثيل:لا ياحبيبي حات بس ليا مسكن وانا هبقى كويسه
سليم راح يجيب من الدرج برشامه وياسمين بتنظر له بتوعد و خبث
رجع سليم ليها وفى أيده برشامه ومايه
ياسمين وهى تضع يدها على جبينها:لقيت يا حبيبي ولا لا
سليم وهو بيعطى لها المايه:اه يا حبيبتي بلشفا أن شاء الله
ياسمين شربت وحطت المايه جنبها
سليم بقلق:بقيتى كويسه
ياسمين بخبث :البرشامه ملحقتش تعمل حاجه يا سليم انا هدخل اتوضى واصلى وان شاء الله هبقى كويسه
سليم بخوف وزهق:لا استنى انا هقوم اتوضى الاول واصلى تكونى ارتاحتى شويه
قام سليم وفنفسه:دا باين حد باصص لينا فيها اكيد عينك انت ياخالد الكلب
ياسمين بكتم ضحكتها:ادعيلى يا حبيبي وانت بتصلى
دخل سليم الحمام ورزع الباب
ياسمين بضحك محاولة متخرجش صوت:كده ترزع الباب وانا مصدعه يا سولم
.............................................................................
عند خالد قاعد فى البلكونه مستنى اسماء تخرج منها عشان يكلمها لقى احمد بيفتح البلكونه
خالد بصدمه :انت مين وبتعمل اى هنا
احمد بأستغراب:انت إلى مين وبتدخل فى إلى ملكش فيه ليه
جاءت اسماء من خلف احمد :تعالى يا حبيبي يلاا عشان تتغدى
خالد بصدمه:حبيبى
...............................................................................
يتبع ......
