أخر الاخبار

رواية ياقوت قلبي ( ياقوت ومالك ) الفصل العاشر 10 بقلم اية عزازي

رواية ياقوت قلبي ( ياقوت ومالك ) الفصل العاشر 10 بقلم اية عزازي

 ياسين:الو..

المتصل:ياسين الحقنى
ياسين بخضه:مين معايا..؟!
المتصل:أنا وفاء وعمك في المستشفى وتعبان اوى.
ياسين:انا جاى حالاً..
ياقوت:فيه ايه؟
ياسين:ابوكى تعبان اوى..
ياقوت:دى لعبة بقى انتو عملينها عليا..
ياسين:لعبه ،لعبة ايه!
ياقوت وهى رافعه حاجب:وبابا بقى تعب اول ما انت لقتنى .
ياسين:ياقوت انتى اتجننتى ،انا لا يمكن اعمل فيكى حاجه.
(فضلت ساكته وياسين طلع بالعربيه على المستشفى،اول ما دخلنا...)
ياقوت بخضة:بابا..
(طنط وفاء كانت واقفة مستغربه وكانت مضايقة جداً من رجوعى..)
مجدي (الأب):ياقوت بنتى
طنط وفاء (زوجة الأب):انتى السبب في كل ال احنا فيه ده.
(بصت ياقوت ليها ومش اهتمت لكلامها)
ياقوت بدموع:أنا آسفة يا بابا.
مجدى(الأب):أنا ال آسف يابنتى انا ال دمرت حياتك
ياقوت:متزعلش نفسك يا بابا
طنط وفاء(زوجة الأب):هندفع مصاريف المستشفى منين دلوقتي.؟
ياسين:ماتحملوش هم،انا هدفعهم.
مجدى(الأب):لأ،أنت ماتصرفش عليا ولا مليم
ياقوت:خلاص يابابا مش تضايق نفسك انا هدفعهم.
مجدى(الأب):منين بس يابنتى!
ياقوت بفرحه:ماانا دلوقتي بقيت بشتغل وبدرس كمان.
مجدى (الأب) بفرحه:بتشتغلى ايه بقى ياستى
ياقوت:بشتغل في شركة كبيرة ،حتى اسمها M.E.D اختصار لمالك عز الدين كملت كلامها بشماته تعرفيه ياطنط وفاء،انا هجيب فلوس واجيلك بكره يابابا.
طنط وفاء بشماته:اه،قولى كده بقى،انتى بتعملى كده عشان تهربى تانى.
(بصيت ليها بضيق ومش رديت..)
مجدى لوفاء:ملكيش دعوة انتى.،مفهوم
ياقوت:عايز حاجه ياحبييى
مجدى(الأب):انا عايزك انتى يابنتى،عايزك جمبى وانا في آخر أيامى.
ياقوت بدموع:مش تقول كده بس والله هترجع احسن من الأول.
مجدى(الأب):أنا آسف على ال عملته فيكى،انا والله كنت بعمل كده عشان اطمن عليكي قبل ما اموت.
ياقوت بدموع:بعد الشر عليك يا بابا.
ياسين:لا لا ياجماعة انتو قلبتوها حزن كده ليه فرفشو كده
ياقوت:ههه،خلاص انا هروح اجيب فلوس واجى بكره.
ياسين: خلاص،هاجى اوصلك.
ياقوت:لأ،عشان المدام مش تشوفك معايا وتغير هه،بقولك ايه يا ياسين خلى بالك من بابا عشان خاطرى.
ياسين:انتى بتقولى ايه يا ياقوت ده عمى يعنى زى ابويا.
ياقوت:تسلم يا ياسين ،يلا سلام بقى.
(كنت طول الطريق بفكر في ابويا ال المرض هده وغيره زى ما يكون حاسس بالذنب من ال عمله فيا ،بس كويس ان ياسين ابن عمى اتجوز وانا كده بقى من حقى اختار الراجل ال قلبى يحبه،قررت اروح لمالك واطلب منه فلوس انا عارفه أنه بيحبنى ومش هيقول لأ انا حقيقى فرحانه انى قابلته تانى)
_____________________________
فى الشركة:-
ياقوت:مالك بيه موجود
السكرتيرة:ايوه موجود، اتفضلى
ياقوت:مرسي
(أول ما دخلت مكتبه ،بص ليا بإستغراب..)
ياقوت:ممكن اقعد..
مالك:...اتفضلى
(فضلنا باصين في عيون بعض لبرهه من الزمن)
ياقوت:ممكن أسألك سؤال
مالك:اتفضلى..
ياقوت:انت لسه بتحبنى؟
مالك:ياااه يا ياقوت دى كلمه شويه على ال فى قلبى من ناحيتك.
ياقوت بإبتسامه:طب ماذا لو عدت معتذرة،ههه؟
(قام من على كرسى مكتبة وقرب منى واتنهد وهمس في ودانى واتكلم بهدوء وقال..)
مالك:لفتحتُ ابوابَ قلبى السبعة وعززتكُ في اجمل قصورَ عقلى ولجعلتك عصفور في قفص صدري وأغلقتُ عليكى الف باب.
ياقوت:طب ممكن سؤال بس؟
مالك بفرحه:سؤال واحد بس ،قولى سؤالين،تلاته..
ياقوت:هههه،هو قلبك عنده سبع ابواب؟
مالك:تصدقى أن انتى رخمه..
ياقوت:أنا!
مالك:اه أنتى.،بقول فيكى شعر وغزل وفى الآخر تقوليلي هو قلبك عنده سبع ابواب..
ياقوت:ههههههه،طب خلاص انا اسفه وادى راسك أبوسها..
(قربت منه عشان تبوس على جبينه مسكها مالك من رقبتها واعطاها قبلة فى شفتاها...،بتبتسمى ليه ياختى هو أعطى القُبله لياقوت مش ليكى،عادى اتنين بيحبو بعض ملناش دعوه ههههه،نرجع تانى بقى)
ياقوت ضربته بالقلم على وشه:تصدق أن انت قليل الأدب.
مالك:انا!
ياقوت:وسافل كمان.
مالك:ههههه ده احنا بنتكسف اهوه.
(قرب منها وهمس في ودانها ..)
مالك بخبث:بكره لما نتجوز هعمل ال انا عايزه ومش هتقدرى تقولى حاجة هتبقى مراتى بقى،ههه.
ياقوت:طب ممكن أسألك سؤال شاغلنى..
مالك:مش هنخلص بقى من فقرة الأسئلة،اتفضلى ياستى
ياقوت:انت بتخونى مع السكرتيرة
مالك:انا..!
ياقوت بنرفزه:اه انتَ هتنكر بقى ولا ايه.
مالك:اه تقصدى لما كنتى انتى ويمنى جايين،هههههه
ياقوت:اه
مالك:هههه ملحوظه بس انا اتفقت مع يمنى صاحبتك أننا نعمل كده عشان اشوف انتى لسه بتحبينى ولا لأ.
ياقوت:يابنت الإيه يا يمنى
مالك:ههه انا لا يمكن اخونك ياجميل
ياقوت بتوتر:طب انا كنت عايزه....أطلب منك طلب..
مالك:كام؟
ياقوت:كام ايه؟
مالك:عايزه فلوس كام؟
ياقوت ببراءة:من فضلك يا مالك مش تفهمنى غلط ،انا بحبك.
مالك:ياعبيطة،انتى هتبقى مراتى يعنى مفيهاش حاجه لما تطلبى منى فلوس.
ياقوت بفرحه:يعنى انت عايز تتجوزنى.!
مالك:وعد منى اعرف مين ابويا بس واطلع على ابوكى واطلبك منه عشان لما ابوسك مش تقوليلى ياسافل.
ياقوت بحزن:بس حتى لو عرفت مين باباك مش هنعرف نتجوز.
مالك:انتى لسه خايفه لنكون اخوات من الاب،يابنتى صدقينى احنا مش اخوات.
ياقوت:مش عشان كده يامالك،بابا تعبان جداً،وانا جيت اطلب منك فلوس مصاريف المستشفى..
(رجع مكتبة وفتح خازنه وطلع منها فلوس...)
مالك:يلا يا ياقوت.
ياقوت:على فين؟
مالك:نروح لأبوكى ال هو حمايا
ياقوت حضنته:هههه ،هتبقي احسن جوز فى الدنيا.
مالك وهو حاضنها بضحكة شريره قال:وهبقى احسن اب برضو.
ياقوت ببراءة:انا بدأت اخاف منك
مالك:لأ ياروحى دول هما ست ولا سبع ولاد وعشر بنات.
ياقوت ببراءة:يامفترى،ابقى اتكاثر ذاتياً وهاتهم لوحدك بقى.
مالك:لأ انا بحب المشاركة،ههههه
(روحنا المستشفى لبابا ومالك دفع الفلوس وطلعنا الأوضة لقيت عمو جلال ابو يمنى هناك...)
ياقوت:سلام عليكم
عمو جلال: ازيك يا ياقوت.
ياقوت:أهلاً ياعمو ،يمنى مش جت مع حضرتك ليه.
مالك سلم على عمو جلال:ازى حضرتك ياعمو جلال +ألف سلامة عليك يا عمو مجدى.
مجدى(الأب):الله يسلمك يابنى.
(طنط وفاء مش بصت لمالك ولا كلمته بس كانت متوتره وخايفه جداً..)
طنط وفاء:ايه يا ياقوت،مش تسلمى على خطيبك.
ياقوت:ههه تقصدى مالك ياطنط...
طنط وفاء:لأ ياحبيبتى،انا اقصد جلال.
الإبتسامة ال على وش ياقوت اختفت فجأة
ياقوت:جلال مين؟
(السكوت بقى في المكان كله)
ياقوت:في ايه ياجماعه ،جلال مين ال يبقى خطيبى؟!
طنط وفاء:عمك جلال خطيبك وهيبقى جوزك الخميس ال جاى.
ياقوت بزعيق:ايه ال انتى بتقوليه ده؟!
#آيه_عزازى ✍🏻
#يتبع
فى واحده اسمها نيره عادل سارقة الروايه ومش حاطه اسمى ،يارب تتسخطى قرد والله لأعمل منك بطاطس محمره لو شوفتك تانى😣👊
_____________________________________________
تعليقات



حجم الخط
+
16
-
تباعد السطور
+
2
-
close