رواية رهف وباسل الفصل التاسع 9 بقلم اميرة محمد
البارت التاسع رواية " رهف "
عمرو بغضب اوعي تتجوزي الراجل ده ي ليلي
ليلي قامت بهدوء من مكانها وهيه مصدومه ومشيت لحد عمرو وحطت ايديها علي كتفه : ليه ي عمرو
عمرو نزل ايديها من علي كتفه واتكلم بغضب : تتجوزي ليه طالما مش عايزه تعملي فرح ولا حتي تلبسي فستان ف كتب كتابك هااااا؟؟؟ يبقي لا تتجوزي عمر ولا غيرة بما انك مش معتبرانا عيلتك ومش عايزانا نفرحلك
ليلي بهدوء : ممكن تهدي وتسمعني ؟
عمرو بعصبيه : لا ي ليلي مش عايز اسمع حاجة لحد م ترجعي عن اللي فدماغك ده
ليلي كمان اتعصبت وشوحت بإديها : متنساش ان اللي اتعصبت عليها دي اختك الكبيرة ي محترم ودا قراري وانا حرة فيه وياريت محدش يتدخل عايزين تحضرو اهلا وسهلا مش عايزين خلاص ، كله عايز يشوف بس ليلي اللي بتضحك وتهزر ومحدش شايف وجعي واللي بحس بيه
عمرو واقف مصدوم ومش مصدق ان ليلي تقول كده بصلها نظرة كلها حزن وخرج ورزع الباب وراه طلع لقي امه واقفه وسمعت كل حاجه خدها ف حضنه وسكت هوة كمان بقلمي اميرة محمد محمود حميد
ليلي قعدت تعيط : اية اللي لسه هشوفه تاني هتجوزك ي عمر عشان بس ارتاح من الفقر اللي انا فيه والهم اللي شوفته بدري آن الاوان اعيش حياتي من جديد ومسحت دموعها وراحت اتصلت علي رهف واخدت منها رقم عمر وقفلت معاها من غير م يقولها حاجه
____________________________
باسل اتغدا مع ملك وكل شوية يبصلها نظرات تربكها وتوترها اكتر م هيه متوترة
ملك بتوتر : مالك ي حبيبي بتبصلي كدا ليه
باسل بغموض : لا ابدا عايز اشبع منك
ملك بإرتباك : ل...ليه هوة هروح ف مكان منا جمبك اهوة
باسل بخبث : انتي مراتي وحبيبتي وام ابني ومقدرش اعيش للحظه من غيرك
ملك : وانا كمان بح....
باسل بسخريه : بت.....ايييه ؟؟؟
ملك بخوف : بحبك بقلمي اميرة محمد محمود حميد
كانت حاسه بالخوف فقامت قعدت علي رجل باسل عشان تعرف تقرء عينيه وافكارة وهوة لاول مرة يقرف من قربها بالطريقه دي ، رفعت ايديها ومشتها علي وشه ونزلت لحد شفايغه واتكلمت بهمس بس من جواها خايفه : حبيبي انت وحشتني اوووي اوووي من زمان مقعدناش لوحدنا
باسل بإبتسامه جانبيه : طبعا ومالو بس مش الاول نطمن علي ابننا اللي راقد ف المستشفي ده ؟
مستناش ردها ومشي لانه مش قادر يتحمل قربها وحاسس انو غبي عشان اتخدع ف واحده زي ملك
_______________________________________
ليلي اتصلت علي عمر موبايله بيرن بس لسه مردش وهيه قلبها مقبوض وخايفه من القرار اللي هتاخده ده
عمر : الو مين معايا ؟
ليلي بتوتر : احم ...انا ليلي ي عمر
للحظه عمر تاه ف صوتها خصوصا لما سمع اسمه منها
ليلي : عمر ...عمر انت معايا
عمر بحده : احم ...بتتصلي ليه ايه وحشتك ؟
ليلي بغضب : وحش لما يلهفك اتكلم معايا بإسلوب احسن من كده واكيد بتصل لسبب مهم
عمر : اخلصي قولي عايزة ايه ؟
ليلي بتوتر : م ...ممكن تخلي كتب الكتاب بكرة ؟
اتوتر ف البداية بس بعدين اتكلمت بسرعه ومكسوفه من رد فعله
عمر بغموض وابتسامه خبيثه : موافق
ليلي بجمود عكس اللي جواها : تمام
عمر كان لسه هيتكلم بس ليلي قفلت ف وشه : ماشي ي ليلي الايام جايه بينا كتير وهتروحي مني فين
ليلي خبت وشها بإيديها وعيطت بصمت : اهي جوازه والسلام اكيد ي عمر مش هتكون اسوء من اللي جرالي ف حياتي بقلمي اميرة محمد محمود حميد
_______________________________
باسل طلع لرهف وخبط علي اوضتها وسمحتله يدخل
باسل بحنيه : ليه مش بتنزلي ي رهف
رهف اتوترت عشان هيه محكتش اللي ملك عملته فيها وكمان متعرفش عملت كدا ازاي واتنازلت عن حقها
باسل بصوت عالي : رهففففففف روحتي فييين
رهف بتوتر : هااااااا بتقول حاجة
باسل : لا خالص بقالي ساعه بنادي عليكي بس
رهف بتعب : اسفه كنت سرحانه شوية
باسل مسك ايديها : رهف مالك انتي تعبانه وشك شاحب كدا لي ؟؟
سحبت ايديها منه : انا كويسه ي باسل بيه مفيش داعي لاتمثيل محدش معانا
باسل بص ف عينيها : بس انا خايف عليكي بجد ومش بمثل ي رهفي
رهف بإرتباك : معلش ممكن تسيبني لوحدي شوية
باسل بحده وكذب : سيبتك كتير علي راحتك وجيت دلوقتي عشان اعرف منك كل حاجه حصلت ف غيابي وصلتك للشكل اللي شوفتك بيه لما رجعت من الشركه
رهف بدموع : يهم حضرتك اوي ي باسل بيه ؟
باسل بغضب : اسمي باسل بس انتي مراتي وطبعا يهمني وعلي فكرة انا عارف ان ملك هيه اللي عملت كده (اومال ساكت ليه ي بغل )
رهف بعياط وغضب : ايوة هي الست ملك جات وفتحت عليا باب اوضتي وانا نايمه بلبس النوم وقعدت تجرجر فيا وكانت عايزة تنزلني بيه لولا لحقت نفسي وحطيت الملايه علي جسمي كان زماني مزلوله ومفضوحه اكتر من كدا وهانتني تحت قدام صحابها والبهوات اللي زيكم ، رمتني ف الارض تحت رجليهم وضربوني ورمني برا الفيلا و ....ومكنتش قادرة ادافع عن نفسي لاني كنت متبته بالغطا اللي عليا ، قالو عليا اني ضحكت عليك واتجوزتك عشان فلوسك ، واني حتة خدامه لا راحت ولا جات قالو كتير كتييير اوي بقلمي اميرة محمد محمود حميد
شهقت كتير وهيه بتعيط
باسل بدموع : والله حقك ليرجعلك لحد عندك
وكل اللي عمله انو حضنها وبس بعد مقاومه كبيرة منها اتمسكت بيه وفضلت تعيط ف حضنه بعد فترة بعدت عنه لان موبايله رن
باسل بفرحه : بتقول ايه ي دكتور الكلام ده بجد
الدكتور : .....
باسل : طيب طيب انا جاي حالا
قفل مع الدكتور وراح حضن رهف تاني ورهف اتكسفت اوي المرة دي
رهف بكسوف : في ايه ي بيه ؟
باسل بغضب : انا باسل باسل وبس من غير بيه سمعاني ي رهف
رهف هزت راسها بمعني حاضر بعدين بصتله بعيونها وهوة فهم هيه عايزة تعرف تعرف كان فرحان كدا ليه
باسل مسك ايديها واتكلم بصدق : حمزة فتح عينيه انا مش مصدق نفسي هروح اشوفه وارجعلك تاني
جه يمشي رهف وقفته : ممكن اروح معاك ؟
باسل بفرحه : بجد ي رهف عايزة تيجي معايا
رهف : اه ممكن ؟
باسل : اكيد طبعا يلا غيري هدومك هستناكي تحت ف العربيه بقلمي اميرة محمد محمود حميد
رهف بإبتسامه : حاضر
باسل نزل تحت دور علي ملك ملقهاش فعرف هيه راحت فين بس حسابها تقل معاه اوي كل اللي كان هامه ف الوقت ده انو يشوف حمزة ابنه ويطمن عليه
رهف نزلت لباسل تحت وراحت عند العربيه وباسل اول م شافها فضل متنحلها
اما رهف كانت لابسه فستان اسود وحجاب وكوتشي ابيض ومكنتش حاطه ميكب لانها جميله من غير حاجه واتكسفت جدا من نظرات باسل ليها
رهف بخجل : احممم ...نمشي ؟؟؟؟
باسل بإربتباك : ااااا....اه طبعا يلا بينا
وركبو العربيه ووصلو المستشفي راحو اوضة حمزة بلهفه واول م دخلو اتصدمو و .....
يتبع ....
