رواية ياقوت قلبي ( ياقوت ومالك ) الفصل الثامن 8 بقلم اية عزازي
المحامى:مدام فيفيانة حرام الدكتور حمزه هى الوريثة الوحيدة هى وابنها حسام.
ياقوت بصدمة:فيفيانه مين وحسام مين؟!
المحامى: الحقيقة إن الدكتور حمزه كان متجوز مدام فيفيانة من كام سنة ومخلف منها حسام بس هما عايشين فى روسيا ولما جه وخطب واحده من هنا سابته عشان كده..
ياقوت بصدمة:يعنى حمزه متجوز قبلى....
(وقعت على الأرض ومحستش بأى حاجة دخلت فى غيبوبة بعد ال عرفته وجت فريدة أخت حمزه تانى يوم...)
فريدة:قومى ياختى...
ياقوت: فريدة!
فريدة:نايمه كأنك نايمه فى ملكك، فزى قومى لمى هدومك وغورى من هنا.
ياقوت:ايه ال أنتى بتقوليه ده يا فريدة!
فريدة:بقولك امشي من هنا،ده ايه البلاوى اللى بتتحدف علينا دى.
ياقوت بعياط:شوفتى يا فريدة اخوكى عمل ايه فيا!
فريدة:اه ياختى شوفت ،كنت عايزه دكتور حمزه يخطب واحده اهلها طردينها من البيت.
ياقوت بعياط:حسبي الله ونعم الوكيل.
فريدة بصوت عالى:كمان بتتحسبنى ،قومى ياختى غورى من هنا عايزين ننضف الزبالة ال في الڤلة.
(قومت لميت هدومى ومشيت وأنا مصدومة،كنت ماشية تايهه ،مش عارفه أروح فين ولا أروح لمين،كنت عايزه ارجع لمالك،بس بعد ايه،بعد ما نهيت كل حاجة بينا..،افتكرت ده حمزه كان فاتح ليا حساب فى البنك،روحت البنك سحبت الفلوس واشتريت شقة صغيرة فى عمارة بسيطة وقررت إنى ادور على شغل،الصدفة الجميلة ال دفعتنى استحمل القرف ال انا فيه يوم ما عرفت ان جارتى تبقي يمنى صاحبتى كنا فى الكليه مع بعض واتقابلنا صدفة فى العماره ،ياااه دى اتغيرت اوى ومشاء الله اتغيرت الأحسن،بعد ماشوفتها دخلت اوضتى وبصيت فى المرايا معقولة دى ياقوت ال كانت ملففه شباب كلية التجارة وراها ضحكت على نفسي على الصدمات ال فى حياتي ،حرام واحدة عندها 19 سنة يحصلها كل ده بس انا اخيراً قررت ارجع ادرس تانى وفعلاً رجعت اولى كليه ،كلية التجارة وكنت بروح مع يمنى ،وقررت إنى اذاكر ،اذاكر وبس وانسي كل ال حصل وانسي الخذلان ال تعرضت له فى حياتى،
فى شركة كانت محتاجة موظفين وأنا قولت اقدم على وظيفة فى الشركة دى عشان اكفى مصاريف الكليه،مش قادرة اوصف الفرحة ال انا فيها اخيراً قدرت احقق ذاتى.، روحت عشان احضر ال view عشان اتقبل فى الشركة لكن الحظ خلانى اشوف مالك وكمان هى صاحب الشركة وطبعا لما خلصنا حكيت ليمنى)
ياقوت:انا أصلاً مش كنت عايزه أروح..
يمنى:يابنتى اعقلى ده خير ليكى،ياعبيطة ده انتى لما صدقتى تلاقى شغل ،عايزه تسحبى الملف بتاعك!
ياقوت:انا مش عايزه حاجة تربطنى بيه
يمنى بهدوء:بس القدر عايزكو مع بعض
ياقوت:بس...
يمنى:بس ايه !،بقولك ايه بلاش تفاهه .
ياقوت:لأ لأ مش هروح.
يمنى:يا حبيبتي انا لما صدقت اننا هنشتغل مع بعض،وفى مكان واحد.
ياقوت:بعد كل ال حكيته عن مالك،لسه مصممه اشتغل معاه،يعنى هشوفه كل دقيقة.
يمنى:بقى فيه واحده تسيب واحد زى ده،ده مزة ،ياريت يحبنى انا .
ياقوت بصت ليها بقرف:وانتى مالك وماله.
يمنى بضحكه سخيفة:ايه ده احنا بنغير ولا ايه؟
ياقوت:لأ مش بغير
يمنى:هههه واضح
ياقوت:يالهووى شوفتى الشركة كلها بنات مفيش راجل بيشتغل فيها
يمنى:ايوه يابت ،ولا ايه البنات ال هناك مزز مزز.
ياقوت بغيظ:ماشي يامالك يابتاع البنات يا زبالة.
يمنى:هههه مش بقولك بتغيرى عليه
ياقوت:يمنى قومى امشي.
يمنى:تصدقى انا غلطانة إنى قاعدة معاكى.
ياقوت:سلميلى على انك
يمنى: حاضر ياختى ،مش تنسي الشغل بكره
ياقوت:انتى هتروحى الكلية
يمنى:لأن مفيش محاضرات مهمه.
ياقوت:خلاص ولا انا كمان رايحة
يمنى:ابقى تعالى افطرى معايا.
ياقوت:لأ هفطر لوحده
يمنى:أحسن برضو ،سلام
ياقوت:خدى الباب فى ايدك يابت.
يمنى حاضر ياختى
_____________________________
(يمنى دى مش صاحبتى دى اختى ،مش مصدقة اننا اتقابلنا ، بس للأسف بعد ماسبت ابويا ومش بيطاردنى زى الأول وأخيراً قدرت انسي حمزه ونسيت الخذلان ال انا تعرضت له في حياتي وكمان بقيت ادرس،وقابلت صاحبة عمري بعد كل ده يطلعلى مالك ،للأسف كل ماحياتى تتصلح تيجى حاجة صغيره اوى تبوظها.)
"|وكأن دنياي آله يتحكم بها من ينجذب إليه قلبى|"ل/آيه عزازى.
_____________________________
تانى يوم:-
يمنى:اصحى اصحى اصحى
ياقوت بنوم:في ايه!
يمنى:في ان ورانا شغل.
ياقوت:هى الساعة كام؟
يمنى:الساعة تسعة وثلاثون دقيقة وقد حان وقت النشاط،استيقظ استيقظ استيقظ ااستيقظ.
اتحركت يمنى ناحية شباك الاوضة وفتحته..
ياقوت:ايه ده انا عايزه أنام
يمنى:طب والشغل!
ياقوت نطت من السرير بخضه:يانهار أبيض ده انا نسيت
يمنى بغمزه:فى حد ينسي قلبه.
ياقوت: Error!هو الشغل بقى قلبى وأنا معرفش.،ههه
يمنى بغمزه:لأ بس صاحب الشغل قلبك وانتى عارفه..
ياقوت ضربتها بالمخدة:يا مستفزه.
يمنى:هههه طب يلا عشان مش نتأخر
________________________
فى الشركة:-
ياقوت:ايه ده السكرتيرة فين؟!
يمنى:مش عارفه هو احنا جينا بدرى ولا ايه ؟!
ياقوت:طب هندخل لمالك ولا هنقعد هنا.
يمنى:مش عارفه،اقولك تعالى ندخل...
(الصدمة من ال شوفته لما دخلنا مكتب مالك الدموع نزلت من عينى،وانهارت مش قدرت ادارى دموع وخرجت بسرعة بره المكتب...)
