recent
روايات مكتبة حواء

رواية مصائر مجهولة الفصل الثاني 2 بقلم سما محمد

رواية مصائر مجهولة الفصل الثاني 2 بقلم سما محمد 

 الجزء الثاني:

جليلة:اتجوز واحدة من البنات
زين بصدمة:نعم؟
جليلة:اية الغلط اللي في كلامي يعني انت هتتجوز واحدة منهم وبكدة مش هتفارقنا
الجد:اول مرة اتفق معاكي علي حاجة يا جليلة
زين:حتي حضرتك يا جدو
الجد:بص يا زين احنا مش هنجبرك علي حاجة ولا حتي انك تتجوز واحدة من ولاد عمامك بس ده مجرد اقتراح عجبك خير معجبكش بردو خير واللي يسعدك اعمله
زين بص لبنات عمامه وبعدها بص لجده وقال:طب أنا هفكر هختار مين فيهم ولو مش ارتحت هقول لحضرتك
جده:اللي تشوفه ياحبيبي
فريدة قالت:انا اسفة اني بقاطعكم بس انا عاوزاكم تطلعوني من فكرة اختيار الزوجة ده يعني استاذ زين هيختار بين علا وملك بس
زين بصلها واستغرب وقال:وأية اللي خلاكي رافضة بالشكل ده؟
فريدة بصت لجدها وقالت:بعد اذنك بقي يا جدو انا هطلع انا عشان انام حبه
الجد:اللي تشوفيه يا فيري واللي يريحك اعمليه
فريدة فهمت قصد جدها وطلعت اوضتها
قعدت على سريرها وهي بتفكر ازاي هما يعملوا حاجة زي كدة ازاي يخلونا زي السلع وهو يختار الاحسن فينا وعنده حرية الاختيار واحنا مش نقول رأينا قبله
عارفه ان مرات عمي عاوزة تجوزه لواحدة من بناتها وده كان قصدها اكيد بس انا اساسا مش عاوزة اتجوزه ولا وبفكر ف ده لأن زين مش مناسب ليا تماماً
علي العموم كفاية تفكير للنهارده عشان راسي مش تصدع وانام بقي عشان اشوف اية اللي هيحصل بكرة
وقفلت النور وشغلت قرآن وراحت في النوم
تحت عند العيله
الجد:اعتقد سمعتوا رأي فريدة والجواز مش بالإجبار دلوقتي يازين فكر يأما علا أو ملك ولو مش مرتاح يبقي ولا واحدة فيهم احنا مش هنجبر حد علي حد ولا نظلمكم ابدا
زين:تمام ياجدي انا هروح انام حبه عشان تعبت
الجد:كلنا أساسا هنطلع ننام لأن ده معاد نومنا نسيت ولا اية
زين بإبتسامه:ودي حاجه تتنسي عمري ما شوفت في حياتي عيله بتعمل نظام للنوم والصحيان والأكل وكل حاجة زينا كدة
الجد: عشان تعرف اننا نختلف عن الاخرون
ضحكوا كلهم وراحوا اوضتهم عشان يناموا
جليلة دخلت اوضتها وهي فرحانة من كلام فريدة وقالت في سرها:أول مرة تعمل حاجة عدلة وفي صالحي
وليد(جوزها):اكيد فرحانه بعد اللي حصل
جليلة :وليه مفرحش مش هأمن مستقبل بناتي
وليد:قصدك رخصتيهم ،المفروض لو هو عاوز واحدة منهم يطلبها مش احنا اللي نقول ده بيقولك يفكر وممكن يقول لا شوفي منظر بناتك هيبقي عامل ازاي
جليلة:انت مالك معقدها كدة ليه ما ابوك وافقني في الكلام يبقي خلاص أنا داخلة انام
وليد:اتخمدي
زين دخل اوضته وهو تعبان خالص من ساعة ما وصل مستريحش رمي نفسه علي السرير
وقال لنفسه:هي لية رفضت كدة وهي اية عرفها اني هختارها هي ما يمكن اختار علا أو ملك بس هي اكتر واحدة عندها شخصية فيهم واكتر واحدة محترمه وعارفه ربنا انما علا وملك كل واحدة فيهم عايشين عشان يتجوزوا وخلاص بيجملوا نفسهم عشان يجيبوا عريس لسة فاكر اللي بيعملوه من قبل حتي ما امشي
بس هي الوحيدة اللي مكانتش بتعمل اي حاجه وحشة علي كدة جدي مميزها عن الكل
بس في الاخر انها مش مناسبه ليا انا بعيد عن ربنا وهي اكيد عاوزة واحد متدين
خلاص بقي كفاية تفكير هي مش مناسبه وخلاص
كل افراد العيله نامت وكل واحد فيهم بيفكر في اللي هيحصل
ياصباح الرعب الساعه ٦ و
قفلت فريده المنبه وقامت عشان وراها جامعه
قامت اتوضت وصلت صلاه الضحى
ولما خلصت قامت تشوف هتلبس ايه
فتحت الدولاب وقالت البس اية بقي ؟
اممم ده حلو
اختارت دريس ناعم ورقيق وخمار عليه وكوتشي
لبست هدومها وكان شكلها حلو
خدت شنطه صغيره معاها ونزلت
لقت العيلة متجمعه لأن ده معاد الفطار
نزلت وقالت: السلام عليكم
ردوا : وعليكم السلام
جدها: تعالي افطري
فريدة: اتأخرت علي السكشن وهبقي اكل في الجامعة مش تقلق
جدها:ماشي
فريدة طلعت تبص علي عم عبدو السواق مش لقته دخلت تاني وقالت:جدو هو عم عبدو راح فين
جدها بمكر:اااه نسيت أنه قالي ياخد النهارده إجازة
فريدة: خلاص هركب مواصلات بقي
زين بص لجده وقال:ممكن أوصلها يا جدو بدل لما تركب مواصلات
جدهم:كويس روحي مع ابن عمك
فريدة:لا خلاص يا جدو هروح أنا
كان جدها هيتكلم راحت جليلة قالت بغيظ: خلاص يا حج سيبها زي ما هي عايزة انتوا هتجبروها ولا اية
زين تجاهل كلام مرات عمه وبص لفريدة وقال:السكشن بتاعك معاده امتي؟
فريدة:٩ ونص
زين :الساعة دلوقتي ٩ وربع لو عاوزة تتأخري اكتر تقدري تروحي مواصلات
فريدة:طيب خلاص يلا عشان الحق
زين ابتسم وقال:يلا
زين فتح عربيته وقعد لقاها قعدت ورا فإبتسم بعدين عاتب نفسه وقال:ياعم انتوا الاتنين مش لبعض كفاية تعلق نفسك اكتر من كدة
طول الطريق محدش فيهم اتكلم لحد ما وصلها الجامعة نزل معاها
فريدة: خلاص شكرا انا وصلت
زين: ماشي
وقف بعيد واستناها لحد ما مشيت حبه
لسة هيركب عربيته لقي واحد بيقرب منه بيقول: حضرتك تقرب للأنسة فريدة
زين: انت مالك بيها
الشاب: صراحة أنا كنت عاوز اتقدملها و
لسة ملحقش يكمل كلامه لقي ضربه في وشه
زين قاله بغضب:انت جاي تطلب ايد خطيبتي مني يا حيوان
الشاب: خطيبها؟ انا اسف مكنتش اعرف انها مخطوبة ومشي
زين ركب العربية واتصل علي جده وقال:أيوة يا جدي انا اخترت هتجوز مين
google-playkhamsatmostaqltradent