recent
روايات مكتبة حواء

رواية ياقوت قلبي ( ياقوت ومالك ) الفصل الثاني 2 بقلم اية عزازي

رواية ياقوت قلبي ( ياقوت ومالك ) الفصل الثاني 2 بقلم اية عزازي


كنت واقفه مستغربة طنط وفاء مرات ابويا ايه ال جابها هنا عينى راحت على مالك ال ملامحه اتغيرت اول ما شافها وعلامات الغضب ظهرت عليه..
مالك:جايه هنا ليه
طنط وفاء:جايه اشوف ابني

(ايه قالت ايه قالت ابنى.،مالك عز الدين يبقى ابن طنط وفاء مرات ابويا طب مين باباه وازاى وطنط وفاء مجوزتش حد غير بابا.،بعد كل الافكار دى وقفت مكانى زى العمود مقدرتش اتحرك دخلت الأوضه عشان طنط وفاء مش تشوفنى)

مالك بكسره:ابنك من مين
طنط وفاء حطت وشها فى الأرض
مالك بزعيق:ردى ،انتى..جايه..هنا..ليه
طنط وفاء: محتاجه فلوس.،مفيش ولا جنيه فى البيت
مالك:بيت مين بالضبط
طنط وفاء:بيت ابوك
مالك بزعيق:كدابه ده مش ابويا
طنط وفاء بزعيق:لأ ده ابوك الحقيقي يامالك
مالك:أنا ابويا الحقيقي عز الدين ال خدنى من الشارع وربانى من وانا عندى 6سنين
طنط وفاء:بس مجدى هو ابوك الحقيقي
مالك بغضب:اطلعى برا
طنط وفاء:....!
مالك بصوت عالي:امشي اطلعى برا

طنط وفاء مشيت من الڤله وانا مصدومه من ال أنا سمعته يعنى مالك ده اخويا من الأب ومين عز الدين ال هو متسمى على اسمه خرجت من الأوضه على صوت حاجات بتتكسر .،مالك عنده انهيار عصبى بقى بيكسر في كل حاجة فى الڤله نزلت جرى على تحت حاولت أهديه زقنى وقعنى في الأرض.،ايده بدأت تنزف دخلت المطبخ دورت في كل مكان ولقيت قطن وحاجات توقف النزيف بدأت اكتم النزيف وسندته وطلعنا غرفته.

مالك: شكراً
ياقوت:على ايه انا معملتش حاجه
بص ليا وابتسم (ايه داا عيونه حلوه اوي،ايه الجمال ده بجد عيونه خطفت قلبى وكنت سرحانه فيها)
ياقوت:هى مين الست ال جاتلك دى؟
مالك:.. دي امى
ياقوت:امك..!
مالك:ايوه امى
ياقوت:طب وهى مش عايشه معاك ليه
مالك:أنا مش قادر ارد على اى اسئله دلوقتي
ياقوت:...
مالك:ممكن تفضلى جملة
ياقوت بشهقه:ماانا جمبك

مسك ايدى وبدأ ينام لما نام سبته وخرجت دخلت غرفة تانيه كانت جمب غرفته كانت واسعه جداً ومفيهاش سرير وكانت مليانه صور لفت نظري صندوق فتحته لقيت صور كتير من ضمنهم صورة للعميد عز الدين ال كانت شهرته ماليه البلد وكانت كل الناس بتتكلم عن أخلاقه وكرمه.،وقتها بدأت أفهم أن ده الراجل ال ربى مالك واكيد مالك ورث الثروة الهايلة دى كلها منه.،قطع حبل تفكيري باب الأوضه ال كان بيخبط..

مالك:ممكن ادخل
ياقوت بابتسامه:انت صحيت
مالك:بتعملي ايه
ياقوت:بتفرج على الصور
مالك بابتسامه:صور بابا
ياقوت:لأ ده مش باباك
الإبتسامة اختفت فجأه
ياقوت:ايوه ده مش باباك
مالك:الأب الحقيقي هو ال ربى
قربت منه...وحضنته
ياقوت:أنا جوايا أسئلة كتير عايزه أقولها ليك
مالك:تحبى نتغدى برا
ياقوت بإبتسامة:موافقه،هلبس بسرعة ونمشي
مالك بص ليها وهى ماشيه وقال لنفسه:(أول ما دخل قلبى)
_______________________
فى المطعم:-
مالك:قولى بقى ياستى ايه الأسئلة الكتيرة ال جواكى
ياقوت:مين باباك يامالك
مالك:العميد عز الدين رحمة الله عليه
ياقوت:مالك انت من صلب مين
مالك بضيق:مجدى
ياقوت بصدمة:ايه!
مالك:مالك استغربتى كده ليه
ياقوت:مجدى الغريب...
مالك:ايوه
ياقوت:مجدى الغريب ده يبقى ابويا
مالك:نعم!
ياقوت:ايوه مجدى الغريب ده يبقى بابا
مالك:..ومين مامتك
ياقوت:ماما فاطمة ماتت من زمان
مالك:يعنى انتى...
ياقوت:ايوه انا اختك من الأب
مالك بحزن:ليه
ياقوت:...!
مالك:ليه مش مكتوب عليا انى افرح واحب حد
ياقوت:ايه ال انت بتقوله ده
مالك:ايوه حبيتك يا ياقوت وبراقبك من زمان ولما جتلى فرصة اكلمك فى الكافيه كلمتك بس قلبت بخناقة
ياقوت:أنا كمان...
مالك مسك ايديها:انتى ايه
ياقوت:أنا كمان حبيتك
مالك بكسره قلب:وبعد الحب ده نطلع اخوتي
ياقوت:انت ليه مش عايش مع بابا(مجدى)
مالك:رمانى فى الشارع وانا عندى 6سنين يعنى بقالى 25 سنة ماشوفتوش ومعرفش شكلة.
ياقوت:ايوه بس بابا متجوز طنط وفاء بقاله15 سنة بس!
مالك:ايه..!
ياقوت بفرحه:انت مش ابن مجدى ،يعنى انت كده مش اخويا
مالك:أنا مش فاهم حاجه
ياقوت بفرحه:انت مش اخويا يامالك
مالك: اومال أنا ابن مين
ياقوت:...!
مالك بصدمه:أنا ابن مين
ياقوت:أنا عندى فكره.،اعمل تحليل DNA
مالك بصدمه:يعنى ماما اجوزت حد قبل مجدى ابوبكر
ياقوت:لأ طنط وفاء مفيش حد فى حياتها غير بابا ومجوزتش حد غيره.
مالك:انتِ مين قالك؟
ياقوت:عشان طنط وفاء تبقى بنت عم بابا ولما ماما ماتت بابا اتجوزها..
مالك لحظات صمت:قومى تعالى معايا
ياقوت:هنروح فين
ركب العربية ومشيه من المطعم وقفه قدام بيت
ياقوت بتوتر:احنا جينا هنا ليه...؟!

google-playkhamsatmostaqltradent