recent
روايات مكتبة حواء

رواية ليلي وخالد كاملة بقلم اشرقت عبدالحكيم

رواية ليلي وخالد كاملة بقلم اشرقت عبدالحكيم




 ليلي = الف مبروك ي خالد

خالد = ليلي ... أنا محتاج اتكلم معاكي
اتغيرت ملامح ليلي وقالت = اتفضل ي خالد
خالد = بصي ي ليلي انا اتجوزتك لانه والدتي طلبت مني كدة بس انا مش هعرف اتأقلم معاكي ابدا ... مش عارف اتقبل شكلك
ليلي بصدمة = شكلي .. ماله شكلي فيه ايه
خالد = الحرق اللي واخد نص وشك ده مش هعرف اتعايش معاه ابدا
ليلي بدموع = حرق !! .... وبعدين مقولتليش ليه م الاول وانا كنت هقول أنه أنا اللي مش مرتاحة .. كنت هخترع مليون سبب عشان منكملش كنت
خالد = احنا لسة فيها ع فكرة كلها شهرين تلاته وقولي انك مش مرتاحة ونتطلق عادي خالص
ليلي = طبعا منتا مش هيحصلك حاجة أنا بس اللي حياتي هتدمر .. بس ع فكرة أنا مش مسامحاك ولا عمري هسامحك ابدا
( أنا ليلي وعندي 20 سنة وف رابعة كلية اثار معنديش اخوات وبابا متوفي وماما عايشة بس ميهمهاش حياتي ابدا .. عندي صاحبة واحدة بس وهي مرام
اللي كان بيقوله خالد دلوقتي ده مش حقيقي أنا معنديش حرق ف وشي .. أنا عندي وحمة ف نص وشي اليمين كله ومن زمان الناس بتنفر مني بسببها الا مرام هي الوحيدة اللي تقبلتها )
دخلت ليلي الاوضة وفضلت تعيط وجه ف بالها مليون سؤال ... طب هو اللي مقالهاش م الاول .. طب كان بيعاملني كويس ليه دنا كنت خلاص هحبه .. ليه وليه وليه وليه لحد ما تعبت ونامت مكانها
*تاني يوم الصبح *
صحيت ليلي م النوم وغيرت الفستان ولبست عباية ولبست طرحتها وخرجت حضرت الفطار ولقيت خالد نايم ع الكنبة اخدت الفطار وحطته ع السفرة وصحت خالد م النوم
ليلي = خالد .. قوم عشان اهلنا زمانهم جايين
خالد = ايوة حاضر
ليلي = يلا ي خالد مش هتفطر
خالد بصلها بأشمئزاز وقالها = ها .. لاء مش جعان
حست ليلي أنه حتي قرفان يأكل م اكلها بس هي مش فاهمة ليه واضايقت تاني ومأكلتش وكلمت مرام
ليلي بعياط= ايوة ي مرام
مرام = ف ايه يقلبي مالك ايه حصل
ليلي = ........ وبس ي ستي هو ده كل اللي حصل
مرام = طيب اهدي خلاص هو يمكن ميعرفش عشان خاطري اهدي
ليلي = حاضر ي مرام ههدي سلام دلوقتيي شمل ماما جت
قفلت ليلي مع مرام وخرجت ل مامتها بس سلمت عليها بحضن بارد كدة
الام = عاملة ايه ي ليلي .. مبسوطة
ليلي = يهمك
الام = نعم
ليلي = لاء ولا حاجة بقول تشربي ايه
الام = مش عاوزة حاجة انا كنت بطمن عليكي وخلاص اتطمنت ... عاوزة حاجة
ليلي = لاء شكرا
دخلت ليلي عملت اكل واكلت هي وعدي يومين وهما بالوضع ده بس كل شوية خالد يقول كلام يجرح ليلي زي
_خرجي لنفسك فوطة وليا فوطة
_متعملليش اكل أنا هشتري م برة
*بعد يومين *
ليلي = ي خالد لو سمحت عندك هدوم عاوزة تتغسل
خالد = لاء انا هبعتهم عند ماما يتغسلوا مش هغسلهم مع هدومك
ليلي بدموع = تم..ام
سابته وكلمت مرام
ليلي = ايوة ي مرام .. انا تعبت
مرام = اهدي ي حبيبتي اهدي حصل ايه تاني
ليلي = انا تعبت م الكائن الموجود ده .. هو موجود عشان يدايقني بالكلام بس لكن أنا مش قادرة استحمل وعاملة حساب بس أنه جوزي غير كدة والله كنت هبهدله
مرام = ايه حصل طيب
حكت ليلي ل مرام اللي حصل وكملت = وهو ع طول كدة كل ما يشوفني قدامه يقول كلام يدايقني كدة ع طول بس انا تعبت ومش قادرة استحمل
مرام = ولا يهزك اصلا ... سيبك منه ومتعمليلوش اي حاجة واهملي فيه وارجعي الكلية امتحاناتنا خلاص ي أستاذة
ليلي = صح عندك حق أنا ولا هتكلم معاه ولا هعمله اي حاجة وهرجع م بكرة الكلية
مرام = جدعة جدعة. .. يلا روحي جهزي احلي طقم عندك عشان بكرة بقا تبقي زي القمر
ليلي بضحك = بصي هبهرك 😂♥️ يلا سلام
قفلت معاها وحضرت الهدوم وبعتتله ماسدج ع الواتس = خالد أنا بكرة هرجع الكلية أن شاء الله وانا بقولك عشان اعرفك بس مش عشان استأذنك
وبعدها نامت
رجعت ليلي الكلية وكانت بتحاول انها ترجع ثقتها في نفسها بس خالد كان بيهدم ثقتها تاني وكل يوم كلام يسد النفس اكتر م اليوم اللي قبله وحالتها النفسيه بقيت تحت الصفر
‏مرام = ليلي .. فيكي ايه ي حبيبتي انتي كويسة
‏ليلي = انا تعبت اوي .. نفسيا ادمرت ... ثقتي ف نفسي بقيت تحت الصفر .... خالد موتني بالحيا
‏مرام حضنتها = لاء اوعي تقولي كدة اوعي ... بصي أنا هوديكي عند دكتور نفسي بس حلو خالص وهتبقي احسن م الاول
‏ليلي = بقيت مجنونة خلاص
‏مرام = بعد الشر عنك يحبيبتي قطع لسان اللي يقول كدة احنا بس هنحاول نصلح اللي الزفت ده عمله وارجعلك ثقتك في نفسك تاني
‏*عند الدكتور *
الدكتور = اهلا وسهلا اهلا وسهلا .... قمرتين مرة واحدة عندي ف العيادة دنا هتحسد
‏ضحكت مرام وليلي
‏مرام = شكرا ي دكتور
‏الدكتور = واضح انها هي دي المريضة
‏مرام = ايوة هي
‏الدكتور = طيب حضرتك مضطرة تخرجي عشان لازم اقعد مع المريضة لوحدنا
‏مرام = حاضر .. ليلي حبيبتي انا هستناكي برة اول ما تخلصي مع الدكتور هتلاقيني هنا
‏الدكتور = ها ي ستي ف ايه
‏ليلي = أنا .. أنا معنديش ثقة ف نفسي و............
‏وبس ده كل اللي بيحصلي من وقت ما فهمت يعني ايه احساس
‏الدكتور = بس انتي جميلة فعلا
‏ليلي = ده كلام مجاملة ... انما الواقع غير كدة ... اخر حاجة كنت متخيلاها أنه يخاف يتعدي مني وهو مفكرة حرق اصلا 😄
‏الدكتور = طيب شوفي .. الحل بتاعك أننا نعمل جلسات
‏ليلي بصوت عالي = اييييييه جلساااات .. عاوزين تكهربوني

google-playkhamsatmostaqltradent