رواية رهف وباسل الفصل السابع 7 بقلم اميرة محمد
البارت السابع " رواية رهف"
رهف قربت عليها ولسه بتساعدها ملك صرخت من وجع جسمها ورجلها راحت مسكت رهف من شعرها ورهف بتعيط وبتسلك نفسها منها مش عارفه
باسل بزعيق : مللللللللك
ملك ولا هنا خالص باسل ضربها قلم علي وشها وحطت ايديها علي عنيها وبصتله بصدمه رهف كانت هطلع بس وقفت لما سمعت اللي قاله باسل
باسل بغضب : رهف تبقي مراتي واياكي تتجرائي وترفعي ايدك عليها تاني
ملك بصدمه : ايييه مراتك .....مراتك ازاي
باسل : مراتي علي سنه الله ورسوله
ملك بغضب : وانت استغليت مرضي وانا ف المستشفي وروحت اتجوزت عليا انت اي ي اخي معندكش دم
باسل بهدوء: ممكن تسمعيني
ملك : اسمع ايه هوة في حاجه تتسمع بعد اللي انت قولته
باسل سكت مردش عليها وراح شالها وطلع بيها اوضتهم قدام عين رهف
رهف لنفسها : انا اتضايقت ليه لما شالها وليه قلبي وجعني كده ، بس ..بس انا ف الاخر مش مراته غير علي الورق
اتنهدت وطلعت اوضتها وقفلت علي نفسها
________________________
ملك بغضب : نزلني ي باسل بقولك نزلني
باسل نزلها علي السرير وقعد جمبها ومسك ايديها : انا اتجوزتها لسبب معين لاني اكيد مش بحبها
ملك : وايه هوة السبب ده
باسل : حمزة ابننا
ملك : حمزة ؟؟؟؟
باسل : اوة
وقعد حكالها كل حاجه
ملك : طب ولما حمزة بيتعالج مطلقتهاش ليه؟؟؟
باسل : لاني لسه متجوزها من يومين وينفعش ارجعها بيتها ف اول ايام جوازها
ملك : يعني ايه
باسل : يعني هتفضل معانا فترة وبعدين اطلقها
ملك : تمام بقلمي اميرة محمد محمود
باسل حضنها وباس راسها : انا مبحبش غيرك انتي
ملك بخبث : وانا كمان ي حبيبي مش بحبك غيرك
____________________________________
عدا اسبوع ملك بتهين رهف وتذلها وباسل ميعرفش لانه اغلب الوقت ف الشغل
• ملك اتحسنت جدا وبقت تمشي علي رجليها
• حمزة حالته بقت احسن من الاول
• رهف عايزة تطلب الطلاق بس خايفه من رد فعل مامتها
• ليلي بتشتغل ف الكافيه وعمر واهانته ليها شاغل تفكيرها
• عمر بيفكر ف ليلي وكبريائه مانعه يعتزرلها
" ف بيت رهف "
فوزيه : يبنتي انا عايزة اتطمن عليكي زي رهف عشان اموت وانا مرتاحه
ليلي : بعد الشر عليكي متقوليش كده تاني ي ماما دا انا مليش غيركم
فوزيه : لو معتبراني امك بجد وافقي تقلعي البس ده واللبسي فساتين زي البنات
ليلي : لا ي ماما الدنيا علمتني ان الطيبه ملهاش لازمه وان مكنتش بنت بمية راجل مش هعرف اخد حقي
فوزيه : يبنتي ي حبيبتي اسمعي كلامي انا عايزة اسلمك لراجل يصونك
ليلي بمرح : شكلك عايزة تخلصي مني زي رهف مش كده
فوزيه : بس ي بت دا انتي بنتي حبيبتي اللي البيت ملوش لازمه من غيرها
ليلي : تعرفي اني معرفتش الحنيه غير علي ايدك ، عمرك م فرقتي بيني وبين رهف وعمرو حقيقي لو عشت عمري كله مش هعرف اوفي حقك انا بحبك اوي ي ماما
فوزيه خدتها ف حضنها : وانا كمان بحبك ي قلب امك
عمرو : الله الله وانا مليش من الحب جانب ولا ايه ؟
ليلي : لا ملكش ويلا طرقنا
عمرو بتمثيل : اكمني غلبان ومكسور الجناح و
ليلي قاطعته : اسكت بقي انت هتشحت
عمرو بضحك : تسلم ي رجوله
فوزيه بضحك: مجانين والله انا قايمه اعملكم حاجه تشربوها
عمرو : احلي ام دي ولا ايه
ليلي : قوم خش ذاكر ياض
عمرو : يارب ي شيخه يبتليكي بعريس قمر يرحمنا منك
ليلي جرت وراه وفضلو يضحكو مع بعض
_________
عمر كان عنده اجتماع مع ناس ف الكافيه اللي بتشتغل فيه ليلي اول م دخلو وقعدوا طلبو قهوة بعد شوية ليلي جابت القهوة وجات وغصب عنها دلقتها علي عميل من العملاء اللي جايين مع عمر بقلمي اميرة محمد محمود
ليلي بتوتر : انا اسفه ي فندم مكنتش اقصد
العميل : ايه اللي عملتيه ده دا انا هوديكي ف داهيه
عمر : خلاص حصل خير
العميل بغضب : حصل خير ازاي وانا اتبهدلت كده المدير اللي هنا فييين
المدير جه علي صوته : في ايه ي فندم
العميل : في ان الاستاذة اللي حضرتك مشغلها قليلة زوق
ليلي : ي فندم انا ...
العميل قاطعها : انتي تخرسي خالص
ولسه هيرفع ايده عليها عمر مسكها
عمر بغضب : انت اتجننت ولا ايه ؟؟؟؟
العميل : عمر باشا ي ريت متدخلش ف حاجه متخصكش
عمر : لا يخصني ويخصني اوي كمان
وراح عند ليلي وحط ايده علي نصها و شدها للحضنه
عمر بيبص ف عنيها : المدام تبقي مراتي
ليلي مصدومه من اللي بيعمله ومش عارفه تعمل اي
العميل بتوتر : احم ....انا اسف ي عمر باشا
عمر ببرود : اعتبر الصفقه اللي بيني وبين شركتكم اتلغت
العميل حاول يقنع عمر بس رفض وعمر اخد ليلي وطلعوا برا
ليلي بغضب : انت ازاي تقولهم اني مراتك
عمر ببرود : انتي تطولي ؟؟؟؟
ليلي بدموع : لا متطولش ي عمر بيه ممكن بقي تبعد عن سكتي
عمر فتح باب العربيه : استعدي بالليل عشان هاجي نحدد معاد كتب الكتاب باي ي ...يا ليلووو
وركب العربيه ومشي من غير م يسمع ردها
ليلي بعصبيه : دا بعينك ي حيوان
ملك استغلت عدم وجود باسل ف البيت وراحت جمعت كل صحابها والجيران وكل صغير وكبير مخلتش حد وطلعت عند رهف اللي كانت نايمه فوق بلبس نوم داخلي مينفعش تطلع بيه وشدتها من ايديها
رهف : في ايييبه ؟؟؟ بقلمي اميرة محمد محمود
ملك : انزلي معايا ي حلوة وانتي تعرفي
رهف : هغير هدمومي
ملك : لا مهو انتي هتنزلي كده
رهف بصدمه : انزل كده ازاي انتي عبيطه
ملك بغضب : انا هوريكي العبيطه دي هتعمل ايه
مسكت رهف من دراعها وعماله تخرجها برة ورهف بتصرخ وتزعق فيها ولما مقاومتها قلت رهف جابت غطا السرير ولفته علي جسمها وملك نادت اتنين من الخدم يطلعوها معاها ونزلت بيها تحت للناس ورمتها تحت رجليهم
ملك بتمثيل : شايفين ي ناس الخدامه اللي شغلتها ف بيتي ، وكانت بتاكل اكلنا ، وتشرب شربنا ، ويعلم ربنا كنت بعاملها زي اختي بالظبط ، راحت استغلت غيابي ولفت علي جوزي واتجوزته خطافة الرجاله
الناس بقت تتمتم بكلام مش مفهوم بس رهف سمعاهم وعماله تعيط منهم اللي بيقول بنت قليلة ادب ومطمرش فيها العيش والملح ، واللي يقول دي اخرة اللي يامن لخدامه علي بيته ربنا ينتقم منهم كلهم بقو يتكلمو عليها
ملك بتمثل العياط : اعمل ايه ف بيتي اللي اتخرب وجوزي اللي خطفته اه ياني اروح لمين
النسوان قامو علي رهف فضلو يشتمو فيها وضربوها وقطعولها شعرها وبوقها جاب دم وهيه كل ده مقاومتش لانها متبته ف الغطا وخايفه جسمها يبان بعد شوية مسكوها رموها برة الفيلا وهما مشو ، رهف مكنتش عارفه تعمل ايه اترجت واحد من الحرس يديها تليفون ورنت علي باسل
باسل فتح عليها بس ميعرفش انها هيه : الو
رهف بعياط : م ...م....ممكن تيجي
وقفلت الخط
باسل بخوف : رهف ...رهف
