رواية انت لي كاملة بقلم جهاد بكر
الجزء الأول من الرواية '
" محدش بيشتري الحُب "
يعني انتِ مُش هتروحي تجبري حد انو يحبك بالله حتي لو فرشتيله الأرض ورد مُش هتعرفي لإنو هيشوفه شوك ، حاجه كدا يا تيجي يا متجيش مجهُودِك الجَبَار عشان تِعجِبي هيكون في الهوا .
- طيب هو لي الدُنيا مُش مُنصه خالص !
- ومن إمتي كانت مُنصه؟!
- يعني ما هو مُش معقول كُل الناس دي مُش كويسه وانا الوحيده اللي مظلومه !
- اهدي بس كدا .
- طيب ممكن افهم هو لي كدا يعني لي يوم ما قلبي يدق يإذيني بالشكل دا هو انا أستاهل؟!
- طول عُمرك بتقوليلى متمشيش لحد خطوة الا لو كان يستاهل فعلا ، ازاى بقا انتِ تقعي بالشكل دا ..
- أنا مستغرباني أوي بقا أنا جهاد اللي مكنش يحلم بس ان يتكلم معايا اديله فُرصه زي دي؟!
انتِ مصدقه طيب اني اقع كدا ..
- ومين قالك انك وقعتي مُش يمكن دا اختبار من ربنا ، مُش يمكن دا كان دعائك لربنا لما كُنتي بتقولى يارب ابعد عني الي مُش خير ليا .
- ونعم بالله انا بس تعبانه شويه هو اكتر حاجه تعبتنى مكنش سهل ب اني ادي لقلبي فرصه من جديد مكنش سهل ابدا يا غزل والله انا عُمري ما كُنت ضعيفه بالشكل دا مكنتش مُتخيله اني ممكن ادي الأمان لشخص كدا مكنش يجي علي بالي ان اصلا حد يدخل علي حياتي مكُنتش اعرفه اساسا ويإذي روحي كدا حسيته كان متراهن عليا كإنوا كان متراهن عليا كسر قلبي يا غزل بالله ما عاد عندي اي شغف ابدأ ايامي الجاية من تاني .
- انا حرفيا اول مرة فعلا اشوفك كدا يابنتي اكن الشخص دا ياخد مني وردتي ويطفيها كدا
بس انا واثقه ومتأكده انك هتقفي علي رجلك من تاني لإنك مُش ضعيفة ولإني عارفة جهاد علي ايي كويس والله عارفة ربنا هيجبر بخاطرك وهيراضيكي لإنك متستحقيش اللي بيحصل معاكى دا ، هو اختبار من ربنا وهيزول برجوعك أقوي يعيوني والله .
- بإذن الله ، عارفه انك سندي بعد ربنا وجودك هو اللي بيقويني يست غَزَل وصدقيني مهما وصل زعلي مُش هزعل لإنك لسه معايا ، حاجه حلوه اوي لما يكونلك سند يعوضك عن خُذلان الأشخاص حواليك ويكونلك هو العوض فعلا .
- يا حبيبي بالله انا بحبك قد عُمري وهفضل سندك لحد ما أمو..
- ششششش متقوليش كدا بعيد الشر عنك هتمشي وتسيبيني لمين للعالم اللي بيإذيني دا ، اللي مصبرني عليهم وجودك جنبي .
- وانا هفضل جنبك غصب عنك وعن العالم ، ممكن بقي نبطل نفتكره ونبطل عياط ما هو اصل وردتي مينفعش تنطفي انتِ شمس بتنور ايامي مُش بس وردتي والله .
- حاضر وانا هسمع كلامك ، وانتِ عارفة اني مبوعدش وعود علي الفاضي اوعدك من النهارده هرجع أقوي من الأول هرجع أحسن وهكون حاطه limit لكل اللي حواليا هيكون وجودهم عادي مُش اي حد يستحق مني حتي حرف من النهارده والشخص اللي كسرني النهارده انا واثقه ان هيجي يوم وهكسره ب نفس الطريقه بس لما يشوفني وميقدرش حتي يطولني هيندم لإنو مش هيلاقيني تاني وانا هسيب الوقت لربنا لإني واثقه فيه جامد وانو مُش هيخذلني ابدا ، وحلمي اللي سيبته عشانه لما قالى هياخدك مني انا هرجع احلم واحقق وهعيش عشان احقق لحد ما يجي اليوم اللي اثبت لنفسي فيه اني اتخطيته اتخطيت وجوده وكلامه اتخطيت عياطي وكسره خاطري هتخطي كل دا وهكون شخصيه جديده اقوي بجد ومُش بس كدا بكره هخلى كُل اللي راهن علي وقوعي وخسارتي يتفرج علي نجاحي وظهوري .
- يابا ايي الكلام الجامد دا انا واثقه فيكي وفي امكانياتك انك هتوصلي بإذن الله وبعدين هانت والإمتحانات تقرب والترم دا يخلص ونتخرج وننزل شُغل وبإذن الله تثبتي نفسك قريب وتفرحي باباكي يا وردتي .
- بإذن الله ، لازم هفرحه لإنو يستحق دا هو كل حاجه بالنسبالى بعد ماما الله يرحمها ما مشيت وسابتنا كانت تستحق ان قلبنا يزعل عليها العُمر كله فعلا مشيت وخدت روحنا معاها .
- ربنا هيعوضك وهيفرح قلبك اللي كله حُب وخير لكُل اللي حواليكي يا جميلتي .
_____________________________________
" أنا عُمري ما كُنت ست قليلة، أنا بس كنت بسيطة معاك .. ياريتك كنت قدَّرت ده "
النهاردة تالت سنة بعد بُعدك.. اشتريت فستان جديد لونه لون الصبار اللي في بلكونتي، قماشه ناعم زي صوتي.. ولونه هيخطف قلبك زي لمعة عيني وقت ما كنت بشوفك !
الدنيا مش عادلة.. بس أنا واثقة انك هتحس بشعور الإشتياق اللي كل يوم بيقتلني..
" إنتِ جميلة بس حظك وحش " دي جُملتك ليا اللي كُنت طول الوقت بترددها.. النهاردة بس اقتنعت إن كان عندك حق.. حاولت أشوفك في أشخاص تانية مقدرتش.. كل الحكايات بتنتهي نفس النهاية علشان بدايتي الحقيقية اتكتبت لحضنك إنت.. إنتَ بس !
النهاردة هثبت نفسي وهقدم أهم انترفيو وواثقة اني هقبل فيها ماعنديش اي احتمالات سلبيه لإني خدت وعد علي نفسي من يوم ما اخترت تمشي ومتكونش قد الوعد واثقه انك هتظهر قدامى بس وانا فوق وانك مُش هتقدر خلاص تملُكني زي زمان هتقف وهتبصلي كدا وهتتمني يوم من ايامي ومش هتعرف تاخدني من تاني عشان وقتها هسلم مفاتيح قلبي للي يستاهلها بس أكون خدت حقي منك .
_____________________________________
" يوم المُقابلة في الشركة "
- النهارده يوم الإنترفيو وقاعدة مستنية دوري وانا واضح عليا اني متوتره جدا .
- مالك كدا قلقانه ومتوتره .. اتفاءلي خير وجمدي قلبك وان شاء الله هيعدي الانترفيو
وهيكون كويس .
- بصتلها وابتسمت كدا وقولتلها ربنا يوفقنا احنا الاتنين .
اتعرفنا ع بعض ، وعرفت اسمي وعرفت اسمها وفضلنا ندردش شويه مع بعض لقيتها بتسالني وبتقولي انتي متجوزه صح !؟
- لا مش متجوزه !
- اممم يبقي مخطوبه !
- لا مش مخطوبه بردو !!
حسيت أن ورا كلامها ده فيه حاجه وخصوصا أنه كان واضح انها عايزه تقول حاجه او تلمحلي ب حاجه بس انا مفهمتش بردو هي عايزه تعرف ايي ؟!
سكتت شويه ورجعت قالتلي مش عارفه انا هحكيلك ليه .. بس يمكن القدر جمعنا عشان اقولك واحكيلك !!
- تحكيلي ايه !!
- انا كنت بشتغل فِ جمعيه خيريه وفيه شخص كان بيجي كل شهر يتبرع باسمك وباسمه ويمشي ..
تقريبا ده من الأشخاص اللي عمره من يوم ما اشتغلت ف المكان ما ساب شهر ومجاش .. دايما كان بيجي بإستمرار ..
ولما قولتي اسمك افتكرت الشخص دا ، وقولت اكيد انتي مراته !!
بس انتي صدمتيني لما قولتي انك ولا متجوزه ولا حتي مخطوبه .....
- هي خلصت كلامها ، وانا مكُنتش مُستوعبه هي بتقول ايه !!
هو ممكن يكون كلامها بجد فعلا !!
هو اصلا فيه حد ممكن يعمل كدا !!
سالتها عن اسمه ! ، بس هي رفضت تقولي ع الإسم وقالتلي انها مينفعش تطلع اسماء المتبرعين برا لإن دا بيكون جزء من أسرار الشغل ومينفعش تطلع اسرارهم ..
وقالتلي أن ممكن يكون ربنا جمعني بيها بس عشان اوصلها أن فيه ناس مش نسياكي وبيفتكروكي وانك دايما علي بالهم ، وانهم بيدعولك وبيعملوا خير عشانك من غير ما تعرفي ..
- حاولت اعرف منها بس هي اصرت متقولش انا زعلت جدا انها مقلتش اسمه مع اني اصريت جامد عليها ، بس وهي قايمه عشان دورها جه ف الانترفيو بصتلي وابتسمت وقالتلي !!
هي عنيه العسلي دي لنسيز ولا بجد !!
لما قالت كدا حسيت أن قلبي هيخرج من مكانه معقول يكون هو !!
الثاني من هنا
