رواية بنت سوق الفصل التاسع 9 بقلم زينة سعيد

رواية بنت سوق الفصل التاسع 9 بقلم زينة سعيد

 التاسع ...

عبدالله .. سارة قلتي ايه انا عاوز اشتغل معاكي هنا في الورشه .

سارة ... عبدالله بس بس

عبدالله .. انا اسف انا حامشي مش حاسببلك ازعاج تاني ابدا .

احمد .. بشماته احسن برضه يلا المركب الي تودي

سارة .. احمد كدة عيب قوي دي ورشتي وانا الي اقول مين يقعد ومين يمشي ..

احمد .. بجد طيب ياستي هوة كدة كدة ماشي يلا ياحبيبي

طرقنا من هنا يلا سكتك خضرة

عبدالله ... انا اسف السلام عليكم واوعدك اني مش حاجي هنا تاني

سارة . استني بس ياعبد الله عاوز تبدا شغل امتا

عبدالله .. دلوقتي لو وافقتي

سارة .. عندك خلفيه عن شغل الميكانيكا ولا حتبدا من الاول

عبدالله .. اعتبريني صبي عندك

احمد .. لا طبعا أنا مش حاقبل بكدة ابدا مستحيل اسمح بالمهزاءة دي ..

سارة .. وانتا مالك انتا توافق متوافقش انا حرة دي ورشتي اشغل الي انا عاوزاة .

احمد .. لا دي مش طريقه حوار انا ماشي وليا تصرف تاني معاكي ياسارة ..

في منزل سارة

هويدا .. جري ايه ياسيد المعلمين انتا مالك كدة مش عاوز تقرب مني ليه هو انا زعلتك لاسمح الله ..

عبدوا ..لا ابدا ياغزالي عملالنا ايه علي الغداء النهاردة .

هويدا .. حمام وفته كوارع وكل من خيرات الله علشان تتغذا كويس.

عبدو .. امال سارة لسه مرجعتش من الورشه انا مش عارف مالها ومال شغله الرجاله دي متقعد في البيت متستته ومتهنيه بدل المرمطه دي مش حرام دي زي لهطه القشطه .

هويدا .. بتقول ايه ياسي عبدو .

عبدو .. ابدا ابدا حطي الاكل خليني اتغدا واريح جتتي شويه

هويدا .. تريح بس هههاي

عبدو .. ماشي ياوحش اتغدا بس ولينا كلام تاني ..

سارة ..قولي بقا ياعبدالله ايه الي خلاك تعمل كدة

انا طلبت منك تشتغل قبل كدة وانتا مرضتش معقول تكون غيران من احمد ..

عبد الله..بصراحه ياسارة انا انا

سارة .. انتا ايه

عبدالله .. انا بجد كنت محتاج شغل وفي نفس الوقت عاوز اخد بالي منك انتي جدعه اه وبميه راجل بس برضه الأمر ميسلمش . وحاسس اني ربنا بعتني ليكي علشان احمييكي

اعتبريني بودي جارد

سارة .. ها بودي ايه انتا مش شايف حجم جسمك يابني

عبدالله .. متتغريش انا عندي قوى خارقه بجد بس لتظهر وقت اللزوم

سارة .. وماله طب قوم ياعم الخارق علشان نشوف شغلنا يلا

احمد .. ياعمي زي مابقولك كدة مش عملالي احترام وراحت شغلت واحد صايع معاها في الورشه لوحدهم انتا لازم نتصرف .

احسن مااتصرف انا

عادل .. احمد انتا اجننت الي يقرب من بنتي احرقه وهوة عايش .

احمد .. مش قصدي ياعمي كنت حخوفها بس

عادل .. اوعي تختبر صبري سارة بنتي الوحيدة وكل الأملاك

وتعب السنين دا كله ليها من بعدي ياما نفسي افرح بيها وتسلمها لعريسها واطمن عليها قبل مااموت ..

احمد .. بتفكير قريب إن شاء الله ....

سارة .. يلا ياعبدالله خلينا نقفل علشان الوقت اتاخر وانا جعت قوي ..

عبدالله . يلا ياستي اسيبك انا واروح انا اشوف اي مطعم فاتح اكل فيه ..

سارة .. تعالي معايا البيت ناكل مع بعض

عبدالله .. انا محترم قوي علي فكرة وابن ناس انتي فاكراني ايه .

سارة .. يامعغن امي وجوز امي في البيت أنا غلطانه روح امشي كل في اي حته .

عبدالله .. قلبك اسود قوي يلا ياستي جوز امك حيطردني برجله انا عارف ..

اتفضل ياعبدالله اتفضل ياماما انتي فين انا جيت اهو

هويدا .. ايه ياسارة اتاخرتي ليه يابنتي

سارة . عندي شغل معلش ياماما معايا ضيف علي الاكل حادخل اغير هدومي واطلع احضر معاكي .

اقعد ياعبدالله شوي والأكل يجهز ..

زوج الام .. والله عال قوي كمان جايبه صاحبها معاها البيت دا مش بيت دا كباريه

سارة .. الزم حدك احسنلك دا بيت ابويا وعبدالله زميلي في الشغل وجاي يتغدا معايا ..

هويدا .. اصبر بس ياسي عبدوا ادخل ارتاح وسيب الولاد يتغدوا

عبدوا .. ياكل ويمشي كدة عيب قوي احنا جدعان وولاد بلد ومنرضاش بكدة ..

دخلت سارة غرفتها تغير ملابسها

والام تحضر الطعام وأثناء انشغالها

عبدوا .. لما اشوف ياست سارة حتهربي مني ازاي النهاردة

وادي طبق الملوخيه بتاعك الي بتحبيه اهوى نقطه اتنين تلاته ...

هويدا يلا ياسارة الاكل يلا ياعبدالله اتفضل تعالي من اوضه الجلوس اقعد علي السفرة ...

يتبع ... اشوف التفاعل بصراحه التفاعل بطيء قوي لو مش عاوزين اكمل قولوا وانتوا برضه حبايب قلبي ومتابعيني

العاشر من هنا

تعديل المقال