رواية وردة قلبي ( جاسر وورد ) الفصل السابع 7 بقلم صباح سامي
"وردة قلبي" البارت السابع .
بقلم/صباح سامي غمري .
ورد : انا بكرة نفسي ، مكنتش قادرة اشوف نفسي فالمرايا ، انا وحشه يجاسر ، انااا مش عاوزة اشوفك ولا اشوف نفسي فاااهم .
جاسر جاي يطبطب عليها .
ورد زقته : متلمسننييييش فاااهم متقربش مني .
جاسر : ورد انتي تعبانه لازم تهدي ، ايدك متعورة تعالي قربي .
ورد فضلت ترجع لورا وهو يقرب لحد ما وقفت علي الازاز المتكسر.
ورد بصريخ : اةةة رجلي .
جاسر قرب شدها ف حضنه و شالها ، مستناش منها اي رد و حطها علي السرير و بدأ يطلع الازاز الف رجليها .
جاسر بزعيق : سميحههه .
سميحه : ايوا ايوا ، يوووة هو اي الحصل مالها ورد و الاوضه عامله كدا ليه .
جاسر : نضفو الاوضه و هاتو مرايه جديدة و قام شال ورد و راح اوضته و قفل الباب .
حط ورد علي السرير و ورد كل دا ساكته مش بتكلم .
جاسر جاب قطن و شاش و مطهر و بدأ يعمل ايد ورد المجروحه و رجليها .
ورد بضحك هستيري : ياريت كنت اخف و تداويني زي ما بداوي جروح ايدي و رجلي .
جاسر مستغرب وخوف : ورد فوقي .
ورد : ورد مش هتفوق يجاسر ، ورد هتموت و بسببك انت ، زي ما اختها من الشارع و ربتها زي ما هتموتها .
جاسر بزعيق : اسكتيييي ، اسكتييي متنطقييش متقوليش كدا انا مستحملش انا من غير ورد معرفش اعيش .
ورد : يبقي مش هتعيش يجاسر .
جاسر باستغراب : عملتي ايه انطقي .
ورد قامت من مكانها واقفه بتسند نفسها : اخد دوا .
جاسر بتوتر : دواا ايههه يوورد .
ورد لسه هتكلم وقعت من طولها ف حضن جاسر .
جاسر : لاااا لااا ورد فوقي ، ورد فوقي بالله عليكي ، انا اسف ، انتي متعرفيش انتي ايه عندي .
جاسر : يااااجديييي يااامهااا .
محدش كان سامعو .
اخد ورد و طلع جري علي السلم بتاع الفيلا و بيزعق بصوت عااليي .
سعيد : خيررر يجاسر ف ايه يبني ، ادة ورد مالها .
جاسر بدموع: ورد يجدي وقعت من طولها و معرفش مالها ، انا هروح المستشفي وانت تعالي ورايا بالعربيه .
************
"فالمستشفي" .
الدكتور طالع من الاوضه .
جاسر : طمني يادكتور ورد كويسه بقالك ساعه ونص !! .
دكتور : ورد حاولت تنتحر بدوا اخدته دا غير الجروح المصابه و حاله الاكتئاب و الزعل الوصلها لدا ، هتشرفنا كام يوم هنا فالمستشفي لحد ما نطمن عليها .
جاسر : تنتحر .
دكتور : لحقناها و عملنا غسيل معدة .
سعيد : هتبقي كويسه يعني .
دكتور : دا هيتوقف علي حالتها النفسيه ، هي تقريبآ مدمرة ، حاولو تقفو جمبها هي محتاجاكو الوقت دا .
جاسر بدموع : ممكن ادخلها .
دكتور : ممكن بس من غير ما تسبب اي ازعاج .
***********
جاسر دخل لورد و قرب مسك ايديها .
جاسر بدموع : قومي يورد ، قومي اضحكي تاني ، كلميني هزري معايا ، خليكي حتي اشوفك مبسوطه ، متعرفيش طول الفترة الكنتي فيها بعيدة عني كنت عامل ازاي ، كنت بحال اسلي نفسي بأي شي و مكنتش بقدر انساكي ، متعرفيش اليوم الجرحتك فيه جرحت نفسي فيه قبليكي ، قومي يوردتي .
ورد بدأت تفوق : جاسر .
جاسر مسح دموعه : ايوا انا جمبك .
ورد بدأت تستوعب الحواليها : اطلع براا مش عاوزة اشوفك .
جاسر : ورد اسمعي.
ورد : قولتلك اطلع برااا و فضلت تصرخ زي المجنونه .
الممرضه جت و عطتها مهدئ .
جاسر مش مستوعب الهي وصلت لي بسببه .
سعيد : غبي و هتفضل طول عمرك غبي و هتضيع كل حاجه بأديك ، انا قولتلك بلاش مها ، ورد بتحبك .
جاسر : لازم انتقم ، لازم اخد حق امي ولا نسيت العملوة فيها ، نسيت انهم السبب ف موتها .
سعيد : مش بالطريقه دي ، بالطريقه دي انت بتنقم من ورد و بتنتقم من روحك .
جاسر مشي و سابهم .
*********
"ف الشركه الساعه 3 الفجر" .
جاسر دخل مكتبه بيفتح النور : قازم انت بتعمل ايه هنا ! .
قازم بتوتر : انا انا نسيت ورقه مهمه هنا كنت بدور عليها .
جاسر رفع حاجبه : ورقه و ف مكتبي ، وجبت مفتاح مكتبي منين .
قازم بخوف : اصل اصل مني هي الطلبته منها .
جاسر : بس مني مش معاها .
قازم : جرا ايه يا جاسر بتشكك فيا ولا ايه .
جاسر : ها لا لا يقازم خلاص روح دلوقتي انا تعبان .
قازم بارتياح : مالك بس .
جاسر : سبني دلوقتي و امشي .
جاسر قعد علي المكتب و قعد يفكر ف وجود قازم و شكه فيه الكان من سنين و بيحاول يتأكد منه لحد النهاردة .
**************
يوم جديد علي ابطالنا بأحداث جديدة .
سعيد بيحسس علي دماغ ورد و شعرها : ورد يبنتي .
ورد بتعب : ايوا يجدي .
سعيد : قومي متوجعيش قلب جدك .
ورد بصوت منبوح : ورد ميته يجدي.
سعيد : متقوليش كدا ، طب شوفتي مش نتيجتك طلعت .
ورد : مبقتش تفرق حتي انا عملت ايه و ادورت بدموع و غطيت وشها و غمضت عنيها بتحاول تهرب من كل وجعها .
سعيد بدموع ندا علي الممرضه : اي الممكن نعمله لورد تفوق من الهي فيه .
الممرضه : المرحله الهي فيها دلوقتي صعبه اوي ، ادعولها .
مها : اي يجدو .
سعيد : خير .
مها : جايه ازور ورد .
سعيد : طيب انا هروح اشوف الحسابات عقبال ما تقعدي معاها .
مها : طيب .
مها قعدت علي الكرسي و قرب من ورد .
مها : مش هتبصيلي يورد.
ورد فضلت ساكته.
مها : طيب اتكلم انا شوية و اخدت نفسها و بعدين اكلمت .
مها : عملتي كدا ف نفسك عشان جاسر طبعا ، بس ياخسارة هو اخترني انا و ضحكت ، تعرفي انا كمان مبسوطه جدا انك مرميه هنا عالاقل هبقي انا و جاسر لوحدنا من غير ما انتي تكوني ف وسطينا ، طول الايام الفااتت جاسر اصلا ما صدق يخلص منك ، كان معايا انا بس ، ممممم اهو رباكي بقي و كبرتي و دورو معاكي خلص ، معلش هو جاسر كدا طيب القلب شافك طفله قال لما يخدك يكسب فيكي ثواب ، انا قايمه بقي ماشيه راحه لجاسر .
ورد كتمت دموعها و غمضت عنيها اكتر بكل ألم و اتمنيت متصحاش ، مها فعلا بالنسبالها هي الكسبت ، وكسبت اغلي حاجه ورد كانت بتتمناها .
***********
"ف ال ليل ."
جاسر : اخبار ورد دلوقتي ايه .
الدكتور : زي ما هي مفيش اي تحسن .
جاسر : و العمل .
الدكتور : مش عارف والله انا بحاول علي قد ما اقدر ، حاول تتكلم معاها .
جاسر : طيب انا داخلها .
جاسر خبط. و بعدين دخل لقي سرير ورد البطانيه عليه .
جاسر اخد كرسي قرب و بدأ يتكلم : شوفتي يورد حققتي حلمك ، جبتي المجموع النفسك فيه ، ورد انا جاي انهرده احكيلك انا ليه عملت كدا و جاي اقولك كل حاجه بصرحه ، رودي عليها ارجوكي .
ملقاش اي رد ، راح يشيل البطانيه ملقاش ورد .
جاسر : ورد !!! و بصوت عااليي : انتو يالي هناااا .
الممرضه : ايوا ايوا .
جاسر بقلق : فين ورد .
الممرضه : كانت هنا اخر مرا عطتها العلاج .
جاسر : يعني ايه كانت هنا .
الممرضه : ثواني اشوفها ف الحمام .
جاسر بخوف و قلق : لقتيهااا .
الممرضه : .......
بقلم/صباح سامي غمري
