رواية الاخ القاسي الفصل الرابع 4 بقلم اسراء ابراهيم
**نكمل
تاني يوم زينب خدت منى وذهبت تبارك لبنتها بمناسبة حملها
ولكن وجدت شئ لم يتوقع
زينب ومنى دخلوا وسلموا على الحج عبدالرحمن وقعدوا
رانيا عرفت إن أمها وأختها برا فتركت الشغل وطلعت تسلم عليهم
رانيا دخلت وحضنت أمها وأختها وعيطت
زينب شافت بنتها هدومها كلها مياه وبوقها متعور( بالأمس قبل ما تعرف رانيا إن حامل كانت تعبانة طول النهار فوقعت كوباية بدون قصد فحماتها استغلت الأمر وضربتها بكل قوتها وغيظ بالكف)
زينب: إيه ده يا رانيا إيه اللي معورك كده
رانيا بكذب: أصل امبارح اغمى عليا ووقعت فتعورت
زينب: مش مقتنعة فبصت على هدومها وقالت أنتي بتشتغلي ولا إيه
رانيا: ايوا يا ماما بمسح البيت وكنت بغسل المواعين
زينب: بس يا حبيبتي شكلك تعبان أوي إزاي تعملي الشغل ده كله وانتي في ظروفك دي يابنتي
هنا بقا حماتها دخلت وقعدت بتناكة طبعا الحج عبدالرحمن كان مشي من زمان عشان يسيب مساحة الأم تتكلم مع بنتها
حماتها لوت فمها وقالت تعبانة أي دي ولا عشان حامل تتدلع علينا وتنام واحنا نخدمها
سلايفها ما كانوا حوامل وكانوا بيشتغلوا كده(الولية دي كدابة أوي)
زينب: بس شكلها تعبان يعني ممكن سلايفها يساعدوها عادي لغاية ما ترتاح وتبقا تشتغل هى
حماتها: لا يا حبيبتي معندناش الكلام ده مش كفاية رضينا بمستواكوا اللي أقل مننا وخلينا بنتك من عيلتنا
زينب بصدمة من كلام حماة بنتها وعينيها دمعت
منى ردت وقالت : اها انتي طلعتي من الناس المتخلفة بتوع المظاهر
الحماة: انتي مش متربية يا حيوانة وبصت لزينب وقالت انتي معرفتيش تربي كويس
زينب: بصت لمنى وقالت متتكلميش خالص وبصت للحماة وقالت ما هو يعني احنا قاعدين في بيتك وبتقللي مننا
ولا انتي ما بتحترميش الضيوف
الحماة: لا بنتحترم اللي من مقامنا وبس
زينب: افهم من كلامك كده ان احنا مش مرغوب فينا هنا
الحماة: افهمي زي ما تفهمي وبصت لرانيا وقالت ايه ياختي عجبتك القعدة ما صدقتي تقعدي ترغي مع أمك واختك يلا ورايا عالمطبخ ورانا شغل كتير انتي اللي هتطبخي عشان حمل سعاتك ياختي وعشان نوزع عالفقراء
مش عارفة الحج عبدالرحمن مكلف نفسه على إيه يعني هتجيبي اللي مش اتجاب
زينب: بصت لبنتها بحسرة وقالت في نفسها لو اخوها كان راجل وليه شخصية كان وقف جمب أخواته بس للأسف دا واحد أناني وقاس
وزينب ومنى مشيت زعلانين عشان رانيا للأسف ملهاش حظ في أخوها ولا في عيلة جوزها
ورانيا بدأت اليوم كله بين الطبيخ والغسيل وتعبت اوي
بس سلايفها وحماتها مش في بالهم ولا فارق معهم
وانتهت من عملها وبدأوا في توزيع الأكل
رانيا ذهبت إلى شقتها ومكنتش أكلت حاجة طول اليوم ووقعت أول ما دخلت شقتها
رحيم وصل شقته لقي رانيا واقعة عالارض شالها وحطها عالسرير وطلب الدكتورة
الدكتورة كشفت على رانيا وقالت ليهم بعد ما الكل اتجمع عند رانيا يا جماعة رانيا جسمها ضعيف والحمل هيكون متعب معها شوية ياريت ترتاح ومش تتعب نفسها عشان ممكن يسبب نزيف وكتبت ليها على فيتامينات ومشيت
رحيم ذهب يشتري الفيتامينات ووصل البيت واعطاها الأدوية ونامت
عند زينب ومنى كانوا ماشين زي التايهين مش عارفين هيلاقوها من محمد ومراته ولا من عيلة رانيا
زينب بعيا زعلانة عشان رانيا وبتقول لو ابوها كان عايش محدش كان قدر يعمل ليكوا حاجة الكل مستهتر فيكوا عشان مش ليكوا راجل في ضهركوا
ومسحت دموعها وقالت بس معكوا ربنا
منى: بصت لأمها وقالت ربنا يتولانا يا ماما وربنا ياخد حقنا منهم ومن كل ظالم ووصلوا البيت
ولكن وجدوا منظر جعلهم يتصدموا......
