رواية احببت طبيب نفسي الفصل الثاني 2 بقلم اماني محمد
مالك =مدام سعاد "الممرضه" احنا كده خلصنا كشف النهارده وبكرة اجازة بأذن الله عشان عندي مناسبة لازم احضرها..
سعاد =تمام يدكتور مع السلامه..
مالك روح البيت ودخل اوضته عشان ينام، كان تعبان جدا لأن اليوم كان طويل اوي ومتعب، بس اول ما حط دماغه على المخدة مقدرش يفكر فأي حاجه غير فيها، وف عنيها، عنيها اال كانت مليانه كلام كتير بس كأن الكلام متكتف وهي مانعه خروجه، مالك لنفسه، انا متأكد أنها مخبية حاجه، ورا عيونها دي في كلام كتير أوي بس مش عارف هو اي، اكيد هنعرف فالجلسة بتاعة الأسبوع الجاي، غمض عنيه وراح فالنوم..
اليوم التاني..
مالك كان عنده فرح واحد صاحبه لازم يحضره ويعتبر صحبه جامد فكان لازم يجهز كل حاجه معاه..
حسام صاحب مالك =أي يباشا برن عليك مش بترد لييييه
مالك =معلش والله يحسام اصلي مكنتش عارف إنام امبارح فنمت متأخر ومكنتش قادر أصحى والله
حسام =أي الل واخد عقلك، يخيبك اوعا تكون وقعت ولا حدش سما عليك
مالك بضحك =وقعت اي بس يزفت انت، يعم السنجلة دي مبدأ والمبادئ لا تتجزأ، سبنالك انت الحب والجواز يبتاع دينا ودور ضحك
حسام =يبني الله يحرقك محدش بيقولي يبتاع دينا دي غيرك، ياابني اتقي الله اتقي الله، والله ليك يوم وهذلك
مالك بضحك =هههه دا بعينك يشبح
حسام =هتقع يمالك هتقع وهتشوف وهتقع على بوزك كمان.
مالك =بيئه اوي في دكتور يقول بوزك، ودورو ضحك...
فمكان تاني قاعدين اتنين بنات زي القمر يتكلمو...
دينا =يخربيت دماغك يفرح أنتي روحتي لمالك العيادة هاااارسود عليكي!!
فرح =الله وانا مالي يالمبي! أنا مكنش قدامي غير الطريقه دي افهمي بس انا مروحتش كده بشكلي، لبست نقاب عشان ميشوفش وشي...
دينا بتركيز =ااه كملي وعملتي اي بقا يخرابه انتي
فرح حكتلها كل الل حصل...
فرح =بصي يستي انا روحت هناك لتلات اسباب، أول سبب هو اني فعلاً كنت محتاجه افضفض مع حد وأقوله فعلاً أني غلطت، انا والله كل الكلام الل قولتهوله كنت صادقه فيه، باستثناء اني مقولتش اني بحبه هو، بحبه من زمان اوي، اربع سنين بحبه من بعيد، أربع سنين بدعي بيه، اربع سنين بدعيله دايما وبذكره فدعائي،انتي متخيله... انا كان لازم كمان أتكلم معاه انا اول مرة اتشجع واكلمه صدقيني انتي لو رفعتي النقاب من عليا كنتي هتلاقيي جسمي كله مياة، انا بتوتر اوي لما بشوفه، مشاعر ملخبطه بتحاوطني ومش ببقا عارفه اعمل اي، كان لازم اعرف بيفكر اززاي عشان اخد خطوة تانيه،والحمد لله انا فهمت تفكيره اي
دينا =طيب ليه معترفتيش لما قالك الكلام ده
فرح =عشان مكنش ينفع اعترف انا انقذتني اللممرضه كنت هبوظ كل الل مخططاله.. بصي انا مش عايزة اعترفله اني بحبه وكده دلوقتي الا لما يحبني هو... مينفعش اروح لواحد ميعرفنيش واقوله بحبك، هو هيرده عليا بأنه ممكن يوافق ويقبل حبي، او يرفض، لو قبله هعتبر رده عليا شفقه مش أكتر او انه لقي شخص بيحبه فقال خد الل يحبك بقا وخلاص عشان تعيش سعيد،ولو رفض هتكسر و انا مش عايزة كده انا قضيت اربع سنين احب فيه من بعيد، اليومين الل جايين دول هخليه يحبني ويعترف كمان وساعتها هنفجر فوشه وهنكد عليه عشان كل ده ماخدش باله مني، بصي وديني لأنكد عليه علشان قلبي الموجوع ده
دينا =ههههه فرح مواجع، خلاص يبنتي نكدتي عليا وانا قاعدة، خطه حلوة وانا معاكي فيها، اتكلي علي الله...
فرح =حبيبي يااابو صلاح يالل واقف معايا ومشجعني على الرزيله ودورو ضحك
دينا =طيب يلا يختي عشان نجهز للفرح انتي نسيتي ان النهاردة فرحي
فرح =ايووووووه ياااست يا بتاعة حسااااام انتي، النهارده فرحك على الشخص الل بتحبيه، ايوه يست ناس هايصه وناس قاعدة تخطط لسه ازاي توقعه
دينا =خرررابه اوي، الفرح باظ خلاص من نقك ده 
وضحكو وقامو يجهزو للفرح...
بالليل ففرح دينا وحسام...
فرح شكلك قمر اوي بجد
فرح =يبنتي انتي العروسه المفروض انا الل اقولك كده
دينا =ماانا قمر برضو بس انتي مزه اوي النهاردة
فرح=اخس عليك يببلاوي هو انا مش مزة دايما
دينا =تؤتؤ النهاردة بس... وضحكت
فرح لسه هترد لقت الل داخل القاعه...
فرح =احيييييييه يخراب بيتك يقرمط، اي الل جابه ده
فرح =بت بت اي الل جاب مالك هنا ابت.....
دينا =يبنتي انتي متخلفه دا صاحب حسام فأكيد هييجي..
فرح =يوووه متزقش كده يعم نسيت انه صاحبه ألااااه...
دينا =طيب يختي بطلي كلام بقا عايزة اتهنى بالفرح... ويلا نرقص
فرح ودينا قامو يرقصو على جمب كده مع البنات، بس فرح مهزأة كانت كل شوية تبص على مالك، وهو غبي فملكوت غير الملكوت، بتحب حلوف باين ..
فرح =اووف انا زهقت انا هطلع أشم هوا شويه
دينا =هتطلعي تشمي هوا ولا تدوري علي حبيب القلب الل هيجيب اجلك ده
فرح =ششششس والنبي اسكوتي خليكي فكوزك كده،وشوفي جوزك انا هطلع ابص بصة واجيلك يا دندونه..
دينا =دندونه أي يشيخه،روحي الله يقرفك،ضحكت فرح وخرجت فعلاً شافت مالك واقف بره فمكان هادي عن القاعه،وسارح
فرح من وراه =حلوة!!!!
مالك بصدمة وتعجب =نعم!!
فرح =البنت الل بتفكر فيها حلوة!! 
مالك =وانتي اي الل عرفك يااام العريف انتي أني بفكر فواحده
فرح =أم العريف!!دا شكله مهزأ وهيتعبني اكتر ماهو تاعبني..
مالك =نعم قولتي حاجه..
فرح =لا يخويا ولا حاجه،كنت بقول اصل شكلك سارح اوي كده وانا فضولية مش أكتر...
مالك =مفيش سارح فشوية مشاكل فالشغل كده،
فرح =مشاكل فالشغل!يااااخي ربنا يأخدك بقا دا انت بدماغ كلبه بقا
مالك =بتقولي حاجه!!
فرح=لا يخويا دا انا بكلم نفسي..
فرح لنفسها انا همشي أنا بدل ما اتشلل واتجلط واموت مكاني هنا وهو بردو مش هيحس،بحب جبلة يارب، يخي حسبي الله،بس وديني ما هسيبك،دا انت خلتني شلت ذنوب الدنيا كلها وانت الوحيد الل حبيته،وديني ما هسيبه غير لما يحبني،وإن محبنيش هقتله،اقتله اي بس،اسفه والله انا عيل صغير،انا هقعد اعيط على حظي ونصيبي وبختي الأسود مش أكتر 
رجعت فرح من شرودها...
رجعت فرح من شرودها...فرح لمالك =طيب بما انها مشاكل فالشغل فأنا هتكل على الله انا بقا...وجات تمشي
مالك =استني يا أنسة لو سمحتي بس انا سمعت صوتك قبل كده،هو انا اعرفك او قابلتك
فرح فسرها =احيييييييه ياابو سوسو...
مالك=يانسة...!!
فرح =...........
