رواية فتاة التنمر الفصل الخامس وعشرون 25 بقلم ياسمينا
فتاه التنمر /بقلم ياسمينا (الفصل الأخير )
مراد بص لي ملك لقها بتشاولو بايدها وقالت : جت في الحيطه
مراد بص لي مليكه وقرب منها وخد المسدس وقال بغضب : تصدقي اني مش هرحمك
مليكه بغضب : اخرس
مراد ضربها بلقلم وقال : اخرسي انتي بقاااا انا قرفان منك
مليكه بصريخ : بتضربني
مراد ضربها تاني بلقلم وقال : وكسر راسك كمان
الظابط : لوسمحت مينفعش كدا
مراد بغضب : براااااااا
الظابط بصدمه :نعم
مراد : بقولك برا الظابط الي بتاخد مسدسو منو ميبقاش ظاااابط وكمان مين الي خدو دي ست يلا براااااا
الظابط بصلو بضيق وخرج ومراد بص لي ملك وقال : وانتي برا
ملك : لا انت هتعمل ايه
مراد قرب من ملك ومسك أيدها وقال بغضب : قولت برا
مراد طلع ملك برا الاوضه وقفل الباب في وشها
.. وملك بصت في الارض بحزن
سليم بسعاده : هيموتها اصلك متعرفيش مراد لما يجيب اخرو
ملك بصت لي سليم وقالت : انت فرحان
سليم : ايوااا لان البنت طلعت لي ابوها اقعدي بقا واسمعي .....
سليم وقف قدام الباب
أما مراد بص لي مليكه وقال : انا وانتي اهو معا بعض شوفي هتعملي ايه
مليكه بغضب : تعرف ايدك دي لو اتمدت عليا تاني مش هيحصل طيب
مراد ضرب مليكه تاني بلقلم والمره دي كانت اجمد ومليكه حطت أيدها علي وشها بصدمه
مراد بصوت عالي : انسانه انانيه متهوره وكل صفااات الوحشه فيكي والحقد والكره بقا في قلبك حتي بعد ماعرفتي أن ابوكي احقر الناس انتي اييييه مريضه تعرفي يامليكه انا ندمان علي كل سنين دي الي قعدت معاكي فيهم
مليكه سقفت وقالت : وانت ملاك الطاهر صح والحيوانه الي برا دي طاهره
مراد ضرب مليكه تاني بلقلم وقال : انا عارف الي بيضرب ست ميبقاش راجل بس في حالتك دي لما تكوني ست الاول انتي واحده شيطانه وعايزه الي يوقفك وانا مش هرحمك وهخدك من ايدك كدا وارميكي في سجن تعفني فيه
مليكه بصتلو بغضب وبعدين بصت علي ترابيزه الي جنبها و جريت عليها ومسكت الكوبايه وكسرتها وقالت بشر : تمام ياانا ياانت
مراد ابتسم بسخرية ومليكه قربت منو بس هو مسك أيدها وحاول ياخد منها الازازه وبعدين بص علي ضهرها وحط ايدو علي ضهرها مكان الجرح وهي صرخت وبعدين مسكها من شعرها وزقها علي سرير وهي كانت بتتوجع
مراد : ليه توصليني اني اعمل فيكي كدا طول الوقت كنت ماسك نفسي قولت معلش دي ساعه جنون وهترجع مليكه الطيبه ليه تعملي كدا بجد ليه
مليكه بغضب : لاني بكرهك يامراد بكرهك كره العماااااا
مراد قرب منها وقعد جمبها علي سرير : طب ماتبعدي عني سهله
مليكه بصت علي بلكونه الاوضه وقالت : عنيا
وجت تقوم بس مراد مسك أيدها وقال : انا فهمك كويس
وبعدين مراد قومها من علي سرير وهي قامت معه بهدوء وطلعو برا الاوضه
مراد : تقدر تخدها
الظابط قرب من مليكه ولبسها الكلبش ومليكه بصت لي مراد بكره وبعدين مشيت معاهم بهدوء
سليم : احسن حاجه عملتها في حياتك
مراد بصلو وقال : تمام كدا خلصنا من أكبر مشاكلنا...
سليم : صح يبقا نفرح بقا
مراد بص لي ملك وقال : ايه رأيك الفرح يبقا بكرا
ملك بصدمه : بسرعه دي
مراد حط ايدو علي كتفها وقال : اكيد احنا ورانا ايه تعالي بس
مراد خد ملك وطلعو برا المستشفي وسليم بص لي تسنيم وقال : واحنا اكيد معاهم
تسنيم : امم هشوف
تسنيم مشيت من قدامو وسليم ابتسم وقال : شكلها هتبقا ايام عسل خلاص البومه بتعنا خلصنا منهاااا..... سليم خرج وراهم وركب العربيه معاهم وتحركو....وبعد ربع ساعه وصلو الفيلا وكانت ملك نايمه ...
سليم : صحيها
تسنيم بصتلو بضيق وقالت : ياذكي مش هنصحيها اصلا انا آدتلها منوم في الميه
سليم بصدمه : انتي بقتي مجرمه بجد بقا
مراد بضحك : ياغبي لا بس انا عايزها تصحي بكرا علشان عملها مفاجاه
تسنيم بسخرية : شوفت وعايزني اتجوزك بكرا قال ..
مراد : هشلها وشوف عمر فين وستنوني في الجنينه.
سليم : طيب
مراد شال ملك ودخل الفيلا وطلع اوضتو ونيمها علي سرير وبعدين طلع من الاوضه ونزل الجنينه لقه عمر وسليم مستنينو
سليم : ها هنعمل ايه
مراد بأبتسامه : بيسين بشوكلاته
عمر وسليم بصولو بصدمه
عمر : انا قولت انك مجنون من بدري بس محدش سمع كلامي
مراد : اخرس ياطفل
سليم : أيوا يامراد ياحبيبي انا فاهم انك عايز تفرحها بس ازاي نعمل بسين بشوكلاته
مراد : ومش بس كدا كلنا بكرا هنعوم فيه
عمر بضحك : صحبك ده ياسليم دمو خفيف
سليم : جبت اخري منو الصراحه
مراد بابتسامه : المهم يلا نبدا من دلوقتي
مراد مشي من قدامهم وعمر وسليم بصو لبعض
عمر : بص خلينا نساعدو وخلاص كدا كدا هو اتجن
سليم : طيبب ......
_________________________________________
في صباح يوم جديد 
مراد كان في القسم وقاعد قدام الظابط الي ماسك قضية مليكه
مراد : مليكه مريضه نفسيا وانا قرارت أدخلها المستشفي
الظابط بهدوء : احنا فعلا هننقلها المستشفي لأن احنا لاحظنا أنها بتعمل حركات مش طبيعيه
مراد : ممكن تدلها الجواب ده لما توصل المستشفي
الظابط خد من مراد الجواب وقال : تمام
مراد قام من مكانو وقال : همشي اناااا
مراد مشي وطلع برا القسم وركب عربيتو وفضل واقف مستني طلوع مليكه وبعد ربع ساعه شايفها طالعه معا العساكر وركبوها البوكس .. وبعدين مراد اتحرك بعرببتو ... وبعد نص ساعه وصلو قدام مستشفي الأمراض النفسية والعقليه ... ونزلو مليكه من البوكس ودخلو المستشفي ودخلوها اوضه لوحدها كل ده ومليكه مش حاسه بحاجه وبعدين دخل الظابط ومليكه بصتلو
الظابط : الجواب ده ليكي
مليكه مسكت الجواب وبصت لي ظابط وقالت : من مراد صح
الظابط : ايوا انا همشي دلوقتي واسيبك تقرائه براحتك
الظابط مشي ومليكه فتحت الجواب وبدأت تقرا
(مليكه الاسم الي سمتهولك .....في مره كنت بسمع مسلسل وسمعت الاسم ده وحبيتو جدا وقولت لازم اسمهولك انتي بنتي وانتي تعبي ايوا تعبت فيكي لغيت لما كبرتك اوعي تفكري اني ممكن اسيبك بسهوله لا مش هسيبك زاي ماانتي ما سبتيني بس الفرق اني هكون اخوكي انا حبيبت ملك وانتي مش معايا حبيت فيها كل حاجه ملك حبتني اوووي حبتني حب كبير وانا حبتها حب اكبر ممكن اسمي حبي ليكي انو حب تملك طول الوقت كنتي معايا حاسس انك مسؤوله مني عايزك تتعالجي وترجعي مليكه القديمه وارجعيلي علشان انا مستنيكي لاني محتاج لي اختي ........ ارجعي هتلقيني فاتحلك دراعي ومسامحك علي كل حاجه عملتيها انا عارف انك عملتي كل ده والحقد والكره مالي قلبك ومكنتيش في واعيك ارجعي وصدقيني هتلقيني مستنيكي .....)
مليكه حضنت الجواب وقالت : تصدق انك فقوتني فعلا انا لازم ارجع مليكه القديمه لنفسي ... وأنا اذيتك كتير وانت لسا عايز تساعدني .....
________________________________________
*في فيلا مراد *
مراد كان واقف قدام مرايتو كان لابس بدله لونها ابيض وابتسم وقال : ربنا يستر المره دي والفرح ميبوظش
فجاه سمعت صريخ ملك
مراد بسخرية : اهو باااظ
مراد طلع من الأوضه ودخل اوضتو لقه ملك واقفه قدام المرايا وبتصرخ
مراد :مالك يابيبي اهدي
ملك بغضب : مين لبسني الفستان وازاي نمت كل ده داحنا العصر
مراد قرب منها ووقف جميها وقال : ايه رأيك فينا
ملك بصت في مرايا وابتسمت وقالت : بتاكول بعقلي حلاوه
مراد بضحك : لا شوكلاته صحيح نقصك بوكيه الورد صح
ملك : استنا بس قولي هو ايه الي حصل
مراد تجاهلها وبعدين قرب من ترابيزه وجاب منها النوتلا.
ملك بسعاده : ايه هتحققلي حلمي صح ...حبيبي ياميروووو
ملك جريت علي مراد وخدت منو النوتلا بس مراد قال : استني مش دلوقتي ننزل تحت الاول
ملك : اممم ماشي يلا
ملك مشيت من قدامو
مراد بضيق : تبيع أهلها علشان شوكولاته استني يا انسه
ملك ضحكت وقالت : طبعا دي نوتلا حجي ....
ملك نزلت علي سلم ومراد نزل وراها
مراد : استني يابنتي
ملك بضحك : اكيد عملتلي مفاجاه صح
ملك جريت علي الجنينه واول ما طلعت انصدمت من الي شافتو وبعدين لفت وبصت علي مراد
ملك بسعاده : ايه ده هو انت بجد عملتها
مراد بأبتسامه : طبعا انتي اي حاجه عايزها هعملها
ملك جريت وحضنتو وقالت : بس خساره البدله البيضه دي تتبهدل
مراد بضيق : متفكرنيش أحسلك
عمر من بعيد : انتي اتجننتي حد يتمنا حاجه زاي دي
ملك طلعت من حضن مراد وقالت : سبني استمتع بالمنظر ده
ملك طلعت الجنينه وقربت من حمام السباحه الي كان مليان شوكولاته وبصت علي الصندوق الازاز الكبير الي مليان كياس من شوكولاته وبصت علي بوابة الفيلا لقت صور ليها متعلقه لما كانت تخينه وبعدين بصت لي مراد بغضب
مراد بضحك : كملي
ملك بصت علي الاشجار لقت صور متعلقه ليها هي ومراد وهما في البحر ملك ابتسمت بسعاده وبعدين انصدمت لما لقت صحابها الي في جامعه داخلين من بوابة الفيلا وملك بصت لي مراد .... ومراد قرب منها وحضنها من ضهرها وصحابها قربو منها وكلهم طبعا كانو حاقدين عليها......
واحده من صحابها : احم الف مبروك
مراد : الله يبارك فيكي
ملك بتوتر : الله يبارك فيكي
مراد ابتسم وقال : شكرا انكم جيتو علشان تشوفوا ملك بعد ما خست بقت احلا منكم ازاي اه وكمان تشوفو حبي ليها اصل انا بحبها اوووووي ملك عوض ليا من ربنا والصراحة اتمنا البنات كلها تبقا زايها مش بنات بيلبسو قصير علشان يغرو الرجاله .... بعد اذنكم بقا علشان احنا مش فاضين
مراد مسك ايد ملك وبعدو عنهم وملك عينيها دمعت وقالت : شكرا بجد
مراد : علي ايه بس المهم انسي كل حاجه وافرحي وبس
فجاه الاغاني اشتغلت وعمر قرب من ملك ومسك أيدها وقال : اختشي بقت عروسه
مراد بضيق : سيب أيدها
عمر : روح ارقص معا ست الولاده عايزاك
ملك بضحك : الصراحه عمر احلا منك بكتير يامراد
عمر حضن ملك وقال :حبيبتيييييي
مراد : تماااام خليه هو يتجوزك بقا
عمر وملك ضحكو ومراد راح جاب الكاميرا وفضل يصورهم......
أما سليم وتسنيم كانو واقفين علي الديجي وعمالين يختارو الاغاني
سليم :ماتيجي اتجوزك دلوقتي
تسنيم : ياعم ركز في ام الفرح
سليمم بضيق : انا حمار علشان بحبك اصلا
.تسنيم ابتسمت وقربت منو وباستو في خدو وقالت : خلاص متزعلش هنتجوز قريب متخفش
سليم بسعاده : بجد
تسنيم : ايوااا بجد
سليم : لا يبقا نرقص بقااا
سليم شغل اغنيه لي رامي صبري ...ونزل من الديجي هو تسنيم وقربو من ملك وعمر وبدأو يرقصو معاهم ومراد كان بيصور وبعدين قرب من ملك ومسك أيدها وقال : ماتجي اغنيلك انا
ملك بسعاده : يلاااااااااا
مراد حضن ملك وقال : الف ما شاء الله عليك يا جملها عنيك يا قمر نور لي حياتي انا من الليلة بدوب و هواك مكتوب و لا عمري اتوب في حياتي
الف ما شاء الله عليك
ملك طلعت من حضنو ومسكتو من خدودو وقالت : صدق الي شافك قال ولي من ده جمال و يدوب من سحر عنيك وانا حن قلبي و مال
انساك ده محال
ملك بصت علي البسين وبعدين بصت علي مراد بخبث
مراد : لالا اوعي تفكري
ملك ضحكت ومسكت ايدو وقالت : اسمع الكلام بس تعاااااال
مراد مشي معاها ووقفو قدام البسين
مراد بص علي بسين وقال : لا مستحيل
ملك : هيبقا شكلك وحش لو زقيتك
مراد بعضب : ابعدي عني
ملك ابتسمتلو بخبث وزقتو في البسين جامد ووقع في بيسن وملك نطت وراه ومراد بص علي هدومي بصدمه
ملك ضحكت وقالت : بقيت نوتلا رسمي يابيبي قولي صحيح سحيت الشوكلاته دي ازاي
مراد بغضب : اخرسي
ملك قربت منو وفضلت تحطلو شوكولاته في وشو
مراد : ملك ابعدي أحسلك
ملك بأبتسامه : بحبك يامراد واوعدك اني عمري ما هسيبك.... ايدي في ايدك دايما
مراد ابتسم وقال : وانا بحبك اوووي وهفضل احققلك كل الي تتمنيه
ملك : واول بنت لينا هنسميها مليكه
مراد بصدمه : مليكه
ملك : مش قادره اكرها
مراد : ولا انا
ملك : يبقا اتفقناااا
مراد حضن ملك .... وملك كانت مبسوطه حاسه انها خلاص مش عايزه حاجه من دنيا غير وجود مراد جمبها ...أما مراد كان مبسوط انو لقه حبو الحقيقي وان ربنا حطلو في طريقو ملك ......
_________________________________________
*بعد مرور ٨ شهور *
مليكه حالتها النفسية اتحسنت جدا وبقت انسانه تانيه طول ٨ شهور كانت بتصاحب ناس في المستشفي وتعرفت علي ناس كتير وبقت محبوبه من الكل ومراد كأن متابع كل ده من بعيد ... وقدر يسقط التهمه من عليها وجاه معاد خروجها المستشفي .....
مليكه خرجت من المستشفي وفضلت تبص حواليها كانت حاسه انها مسجونه بس سجن حلو قدر يغيرها ..... وبعدين وقفت تاكسي وقرارت تروح لمراد ....
أما عند مراد كان نايم وفجاه سمع صريخ ملك الي نايمه جمبو .... مراد قام مخضوض وقال : ملك مالك
ملك بصريخ : هولد لااااا لااااا مش هولد هموت قصدي
.مراد بستغراب : بس فاضل شهر ده الي اعرفو
ملك بغضب : لا نستنا الشهر ده بقاااا واموووت انا
مراد : لا لا بعد الشر عنك طب مفروض اعمل ايه
ملك بصريخ : يلهووووي متجوزه حمار
مراد بغضب : نعممم ماتلمي نفسك
فجاه عمر فتح الباب ودخل وقال : يابني دي لازم تروح المستشفي بقالي نص ساعه واقف اسمعكم برا وقولت خلاص هيبقا عندو دم وهيوديها المستشفي
مراد بغضب : عمر اطلع براااا
عمر : مش طاااالع
ملك بصريخ : انتو هتتخنقو وانا بمووووت
مراد : لا خلاص
مراد قرب منها وشالها وقال : بسم الله مشاء الله تخنتي تاني ياملك
ملك بغضب : ماشي هحسبك بس لما افوق
مراد طلع من اوضتو وعمر خد مفتاح العربيه وبعدين طلعو من الفيلا وركبو العربيه .... وفي لحظه دي مليكه وصلت قدام الفيلا وشافتهم وهما بيركبو ونزلت من تاكسي وفضلت تنده عليهم بس هما كانو مشيو وبعدين ركبت التاكسي تاني وقالت : امشي وراهم لو سمحت ......
بعد ربع ساعه وصلو المستشفي وحالة ملك كانت بتسوء ومراد شالها ودخلها المستشفي والممرضين دخلوها اوضه العمليات .... ومراد كان خايف
عمر : اهده يامراد أن شاء الله هتقوم بسلامه هي ومليكه
مراد بتذكر : مليكه ... صحيح مليكه مفروض تخرج انهارده
عمر : بجد
مراد : ايوا مليكه اتغيرت اوووي وكنت نفسي انا وملك نستقبلها
مليكه من وراه : بس انت عملت علشاني كتير وكمان هتسمي بنتك علي اسمي
مراد لف وبص علي مليكه بصدمه
مراد : مليكه
مليكه بدموع : مستحقش كل ده والله ما ستحق
مراد بأبتسامه : تعرفي اني فرحان بيكي اوووي
مليكه بحزن : بس انا اذيتك كتير
مراد : انسي مبتعرفيش تنسي
مليكه بصت في الارض بحزن ...
مليكه : انا اسفه ياامراد واسفه لي ملك كمان انا بجد اتغيرت ومبقتش عايزه حاجه من دنيا غير انكم تفضلو جمبي
عمر : احممم استنيني بس سنتين بس وهجي اتجوزك
مليكه ضحكت وقالت : ليه هو انا حلوه
عمر : دانتي موووز يابنتي
مراد : يابني اتلم فضحتني
مليكه بصت لي مراد وقالت : محتاجه اخ
مراد قرب منها وحضنها وهي حضنتو بسعاده وقالت : ممكن تبقا اخويا
مراد : طبعاااا ..
وبعدين الدكتور طلع من اوضة العمليات وكلهم قربو منو بلهفه ..
مراد : ها يادكتور
الدكتور : الحمدالله المدام كويسه والبيبي كمان كويس
مراد بسعاده : الحمدالله
الدكتور مشي من قدامهم وبعدين طلعو ملك من اوضه العمليات ومراد مشي معاهم لغيت لما ودوها اوضه عاديه وبعدين طلعو البيبي ومليكه خدوتو ....
مليكه كانت شايله البيبي وهي خايفه وعنيها دمعت ومسكت ايد البيبي وقالت : عايزكي متطلعيش زاي ابدااا عايزاكي دايما تبقي قلبك كبير وابيض ... واوعي الحقد والكره يمله قلبك انا عارفه انك هتخدي صفااات ماماتك ......
أما عند ملك فاقت من البنج ومراد كان قاعد جمبها وماسك أيدها
ملك : مراد فين مليكه انا خلفت بنت صح
مراد بابتسامه : ايوا الحمدالله وهي كويسه
ملك : طب هي فين
مراد : مليكه الصغيره معا مليكه الكبيره
ملك بصدمه : بجد
مليكه وعمر دخلو عليهم ومليكه كانت شايله البيبي
مليكه بابتسامه : الف حمدالله علي سلامه ياملك بنتك قمر شبهك
.
مليكه قربت من ملك وادتها مليكه ...... وملك بصت علي بنتها بحب وقالت : لا دي شبهك يامليكه
مليكه بحزن : بجد
ملك بصتلها وقالتها : مبسوطه انك رجعتي
مليكه : وانا مبسوطه انك هتسمي بنتك علي اسمي
ملك بابتسامه : تعالي اقعدي جمبي هي بنتك هي كمان
.مليكه ابتسمت وبعدين قعدت جمب ملك وفضلو يبصو علي مليكه الصغيره ومراد مسك الكاميرا وقال : الحظه دي لازم تصور الماضي بتاعي والحاضر اتجمعو معا بعض أخيرااا
مليكه وملك بصو لبعض وبعدين ابتسمو ومراد صورهم وبعدين اده الكاميرا لي عمر وهو قرب منهم وقعد جمبهم وعمر صورهم صوره عائليه ............وملك قربت من مراد وهمستلو وقالت : بحبك
مراد بصلها وقال : انا بحبك اكتر ..............
تمت
