رواية فتاة التنمر الفصل السادس عشر 16 بقلم ياسمينا
فتاه التنمر /بقلم ياسمينا (الفصل 16)
سليم قرب من مراد وقالو: مراد
مراد مردش عليه كان ساكت خالص اكنو في عالم تاني
سليم: لازم تكلم مش هسيبك كدا
تسنيم بعدت عنهم وبعدين نزلت الدور الاول ودخلت اوضه..
تسنيم بصت علي البنت الي نايمه علي سرير وبعدين بصت علي البنت التانيه الي قاعده علي الكرسي وقالت: كلو مشي تمام التمام
البنت بحزن: انا خايفه علي مراد الي بنعملو فيه ده مش سهل
تسنيم بضيق: ملك احنا عايزين نخلص من ام الحيره دي
مليكه قامت من علي كرسي وقالت: هي عندها حق انتي بتقولي ان مراد بيحبك وانا واثقه ان مراد بيحبني انا
تسنيم بضيق: بس انتي ازاي تتصرفي من دماااغك ازاي تقولي لدكتور يقول انك موتي
مليكه: فيها ايه كدا هنعرف بسرعه بيحب مين
تسنيم بغضب: لا طبعا مشمعنا انو زعلان دلوقتي يبقا بيحبك يمكن حاسس بذنب مش اكتر
ملك: بسسس انا مش عارفه ازاي دخلت في لعبه دي معاكم بس لو مراد عرف مش هيرحمنا
تسنبم: دخلتيها لانك عايزه تعرفي راسك من رجلك صح ولا ايه
مليكه: المهم هنعرف ازاي
فجاه مراد دخل الاوضه وقال: مانا جيت علشان اعرفكم. اهو
الكل بصولو بصدمه وهو ضحك وقال: اقسم بالله ماشوفت احقر منكم بتلعبو بمشاعري
مليكه: مراد لا
مراد بغصب: اخرررررسي
مراد بص علي تسنيم وقال : نسيتي اني ظاابط وعارف مين الكداب ومين الصادق
مراد بص علي ملك وقال: حتي انتي كنت عارف انك بتمثلي
ملك. بدموع: مراد انا اسفه
مراد بغضب: اسفه علي ايه غلطتي نفس غلطتها كنتو بتلعبو بيا هو انا لعبه في ايدكم ردوووو
سليم بضيق: انتو ازاي تعملو كدا انطقو قولو عملتو كدا ازاي
تسنيم بخوف: هقولكم
فلاش باك
مليكه كانت هتنط من سور بس تسنيم دخلت الاوضه في لحظه دي وشافتها وهي واقفه جريت عليها ومسكت ايدها ونزلتها
مليكه بغضب: نزلتيني ليه
تسنيم: عايزه تموتي كافره
مليكه بدموع: سبيني اغور من الحياه دي مراد بقا يحب غيري
تسنيم: لا طبعا مراد اصلا محتار انتي الي حطتيه في الموقف ده انتي لو كنتي عقله كنتي بعدي يوم يومين وبعدين ترجعي تشوفي الحقيقه انتي الي فتحتي الباب لي ملك تدخل
مليكه بدموع: وهي تاخد واحد من حبيبتو ليه
تسنيم: ايه نسيتي انها جت لغيت عندك وطلبت تساعدك ترجعك لي مراد انتي قولتلها ايه بقا انك هترجعيه ليكي زاي الكلب هي مكنتش ينفع تسيب مراد زاي مانتي سبتيه هي لو كانت سابتو كان ادمر
مليكه بصريخ: تروح تخدو مني دا حبيبي انا
تسنيم بتفكير: علشان نخلص من كل ده لازم نعمل خطه
مليكه بستغراب: خطه ايه
تسنيم: استني
تسنيم مسكت التلفون وبعتت رساله لي ملك
(اكيد انتي دلوقتي نفسك تعرفي مراد بيحبك ولا بيحب مليكه لازم نحط حد للموضوع ده اعملي نفسك تعبانه ولما تروحي المستشفي هقبلك وهقولك كل حاجه...)
ملك شافت الرساله ومن غير اي تردد بعتت: طيب..
تسنيم بصت لي مليكه وقالت: محتاجين شويه دم
ملك: هنجيبو منين وليه
تسنيم: انتي هتكملي طريقك في الانتحار هنعمل تمثليه وملك هتتعب وتروح المستشفي وسعتها بقا مراد هيعرف انك في المستسفي هيبقا محتار هيفضل معا مين بس هو اصلا من غير ما هيحس قلبو هو الي هيختار
مليكه بحماس: يلا بس هنجيب الدم منين
تسنيم: انا هجيب الدم
تسنيم سابت مليكه وراحت تشوف سليم لقتو في اوضتو ف نزلت بسرعه وطلعت برا الفيلا ووقفت تاكسي وراحت تشتري دم وكانت بتفكر طول الطريق هي صح ولالا.... وبعد ماجبت الدم رجعت تاني الفيلا ووققت قدام الفيلا وكبت دم كتير في الارض ومليكه نزلت
تسنيم: حطي دم في راسك وايدك
مليكه عملت كدا وتسنيم قالت: كدا تمام
مليكه بهدوء: ماشي وبعدين
تسنيم : نامي هنا وسيبي الباقي عليا
مليكه: تمام
تسنيم دخلت الفيلا وطلعت الاوضه. وبصت حواليها ولقت شنطة سفر مسكتها لقتها تقيله جدا خدتها ودخلت البلكونه وبصت علي مليكه لقتها نامت في الارض تسنيم غمضت عنيها وشالت الشنطه وقالت.: بسم الله...
وبعدين رمتها وجريت برا الاوضه وسليم طلع من اوضتو بعد ماسمع الصوت....
انتهاء الفلاش باك
ملك بدموع: انا لما جيت هنا المستشفي مليكه جت وحكتلي الي حصل وانا والله كنت بحسب هيعملو حاجه خفيفه
مر.د بغضب: خفيفه تعرفي ياهانم اني دارس حركات جسم الانسان واعرف كويس مين الي صادق ومين الكداب
تسنيم: مراد احنا بس كنا
مراد قطعها بغضب: كنتي ايه وبعدين انتي مالك بيااا
تسنيم بغضب: ايه عجبك انك معلق معاك اتنين
مراد بزعق: محدش فكر فيا تعرفي ليه لاني راجل ولازم اطلع الغلط يااااهانم انا كنت معا مليكه دي طول حياتي اكلها شربها من مسؤولياتي انا كنت ابوها مش حبيبها بس اما ملك اخترت افضل معاها لانها تستاهل بس هي فهمت مشاعري غلط انا انسان وعندي قلب صعب انسا. حب طفولتي في يومين وللاسف هما الاتنين غلطو نفس الغلط
ملك بدموع: والله ماقصدي
مراد: مشاعري مش لعبه ولا حياتي لعبه في ايدكم تلعبو بيها ماذتش ولا واحده فيكم ملك فضلت جمبك واظن كان باين اني خايف عليكي وكنت راضي بنصيبي اما انتي حكايه تانيه فضلت جمبك طول السنين دي كلهااا ابوكي ده مكنش يعرف اصلا انتي كام سنه
مليكه بحزن: انا اسفه
مراد شاورلها تسكت وقال: مش عايز اشوف وشكم تاني في حياتي
ملك: مراد لا استنا
مراد: ورقة طلاقك هتوصلك انا ممكن اديكي قلبي وروحي بس انك تضحكي عليا لا دي اكتر حاجه بكرها مصبرتيش انا كنت محتاج وقت
ملك بدموع: انا اسفه انا مش هعمل كدا تاني
مراد بغضب: مش هسمحلك تعملي كدا تاني
مراد بص لي ملك ومليكه بقرف وبعدين طلع من الاوضه وسليم طلع وراهم وعمر كان واقف قدام الاوضه وقال: معقول ده يكون من وشي.....
مراد طلع من المستشفى وركب عربيتو وسليم ركب وتحركو
سليم: انا سبتك تكلم براحتك ممكن بقا اتكلم انا.
مراد: اتكلم
سليم: مليكه غلطت وملك كمان بس انت كمان غلطت
مراد بغضب: يسلام
سليم: انت كدا بتلعب علي الاتنين
مراد بغضب: متعصبنيش انت عارف اتجوزت ملك ليه وفي نفس الوقت عارف سبت مليكه ليه دي شتمت ابويا وكانت عايزه تزلني ده مش حب ده قرف
سليم: وملك
مراد: الكدب اكتر حاجه. بكرها
سليم: اكيد انت حسستها انك لسا بتحب مليكه
مراد بغضب: ما طبيعي لسا خارج. من علاقه قعدت فيها عمري كلو انا مش ريبورت ياسليم
سليم بحزن: طب ممكن تهده
مراد: مش قادر
سليم: احم طب انت بتحب مين
مراد: معرفش
سليم: اقولك اقتراح
مراد: قول
سليم: انت خدلك اسبوعين اجازه من كل حاجه وتبعد عنهم حاول في الاسبوعين دول تعرف انت بتحب مين بظبط بس خلي بالك الي هتختارها تكون واثق مليون في الميه انك بتحبها سبهم شويه يحسو بذنب وانت تفهم مشاعرك شوف مين الي هتوحشك مين الي بتفكر فيها كتير وكدا
مراد: طب انزل
سليم بصدمه: نعم
مراد: اخدك معايا مثلا
سليم: ندل بس قولي هتروح فين.
مراد بصلو وقال: مالكش دعوه ياسليم
سليم بضيق: انا مش عارف مصحبك ليه
مراد ابستم وقال: خلي بالك من ماما ومن عمر صحبو هو شبهك
سليك بخبث: ومليكه وملك
مراد: هتنزل ولا ارميك من العربيه
سليم: لا علي ايه هنزل بكرامتي
مراد: اه والبت تسنيم دي لو اتجوزتها صدقني همرمط بكرامتك الارض
سليم: احم جواز ايه يابني هو انا ليا في كلام ه
مراد: اه مانا بقولك علشان تعمل حسابك
سليم. بأبتسامه: خلي بالك من نفسك
مراد بهدوء: وانت كمان
مراد وقف العربيه وسليم نزل وبعدين اتحرك وخد. قرار انو مش هيرجع من رحله دي غير لما يكون واثق مليون في الميه من اختيارووو............
__________________________________________بعد مرور اسبوع... ملك فضلت قاعده معا عبير في الفيلا وعمر كان معاهم وعبير حبت عمر جدا رغم انو مش ابنها بس علشان شبه مراد وسليم كان معاهم دايما وتسنيم راحت تعيش معاهم...
في فيلا الكل كان قاعد علي السفره..
عبير بحزن: مراد لسا مكلمكش ياسليم
سليم بهمس: كان يوم اسود لما اقترحت عليه الاقتراح ده
عبير: هاااا
سليم: احم لا ياطنط
ملك بحزن: مش هيرجع غير لما امشي من هنا
عمر: مالك يابيرو هو انا منفعش
عبير بحزن: انت الي مصبرني اصلا
ملم: انا قرارت امشي من هنا علشان يرجع
عبير بغضب: ملك انا مش عايزه الكلام ده وكملي اكلك
ملك بصتلها بحزن وبعدين كملت اكلها كانت حاسه بذنب وانها خسرت مراد بعد ما كان معاها
تسنيم: احم كنت عايزه اسال حضرتك علي حاجه
عبير: اسالي يابنتي
تسنبم: سمعت من سليم ان حضرتك كان عندك مصنع ملابس بس قفلتيه
عبير: ايوا من يوم موت هاشم وانا قافله
تسنيم: طب ايه رايك. ياطنط نشغلو تاني وانا ملك نمسكو ونجيب بنات يعني حالتهم الماديه مش كويسه ونشغلهم معانا ونسكب فيهم ثواب
عبير: دي فكره جميله اوي انا موافقه
تسنيم بصت لي ملك وقالت : معايا
ملك بضحك: مش قادره اثق فيكي تاني
تسنيم بضيق: مراد هو الي غبي
عبير: بتقولي ايه ياحبيبتي
تسنبم: احم لا بقول ياطنط هنبدا امتا
هبير: من بكرا ايه رايكم
سليم: تمام وانا هظبطلكم كل حاجه..
عبير: تمام........
_________________________________________*في شرم الشيخ *
مراد كان واقف قدام البحر ومعه كاميرا وبيصور البحر وبعدين مليكه قربت منو وحطت ايدها علي كتفو وقالت: مراد ممكن تخدلي صوره
مراد لف وبصلها وقال: عرفتي ازاي اني هنا
مليكه بهدوء: متخافش مش جايه اعملك مشاكل انا جايه بس علشان اساعدك
مراد بضيق: عايزه ايه يامليكه
مليكه: بابا هبيجهز لي اكبر صفقه في حياتو وهيدفع فيها كل فلوسو وهيهرب المخدرات علي شكل العاب اطفال
مراد بتركيز: هيحصل امتا.
مليكه: لا هيحصل امتا ده لسا هعرفو انا بس جيت اقولك علشان تقولي اعمل ايه
مراد بسخريه: هتبيعي ابوكي
مليكه بحزن: مكنش ابويا انت الي ابويا.
مراد: اه تمام عرفتي ازاي اني هنا
مليكه: انا حفظاك
مراد: تمام بصي بقا وركزي معايا انا هديلك شويه اجهزه تزرعيها في مكتب باباكي وكمان في الهدوم الي هيلبسها وتبقي في تواصل معايا طول الوقت
مليكه بابتسامه:تمام
مراد: تعالي معايا الشاليه اقولك الخطه والاجهزه الي مفروض تستخدميها..
مليكه: يلا
مراد ومليكه راحو الشاليه ومراد فضل يشرحلها الخطه وتعمل ايه بظبط..
مراد: تقدري تمشي دلوقتي وتبدأي الخطه
مليكه: ماشي
مراد بصلها وقال: استني الوقت اتاخر تقدري تمشي الصبح
مليكه: خايف عليا
مراد قام من علي كرسي وقال: خايف علي اختي
مراد سبها ودخل اوضتو ومليكه قعدت علي كرسي بحزن....
اما مراد دخل الاوضه وقرب من علي سرير ومسك لاب توب بتاعو وفتحو وبعدين ابتسم كان شايف ملك في اوضتها كان حاطت كاميرا هناك كل يوم كان بيشوفها قبل ماتنام.... اما ملك كانت ماسكه صوره وكانت كبيره شويه وبصت علي سقف وطلعت علي سرير وحاولت تطول السقف بس معرفتش ووقعت ومراد ابتسم
ملك بحزن: طب اعمل ايه
ملك نزلت من علي سرير وزقتو شويه وجابت كرسي وحطت فيه مخدات كنير
مراد بضحك: طفله
ملك طلعت علي كرسي ومسكت صوره وبصت فيها ومراد بص علي صوره وقال: بتحبيني اوي كدا
ملك بدموع: انا بحبك اوي يامراد علشان كدا هحط صورتك في السقف علشان لما اصحا اول حاجه اشوفها انت
ملك لزقت الصوره علي سقف وبعدين المخدات اتحركت وملك صرخت ووقعت في الارض
مراد بلهفه: ملك
ملك قعدت في الارض ومسكت رجليها وفضلت تعيط في صمت ومراد مسك تلفونو بسرعه ورن عليها وبص علي شاشة لاب لقه ملك بتحاول تقوم علشان تجيب تلفون... ملك قربت من سرير وخدت الفون لقت رقم غريب بس ردت
ملك: الو
مراد مردش
ملك بضيق: مين
مراد بجمود: عندك في دولاب شاش ومطهر خديهم واعملي رجلك
ملك بدموع: مراد انت عرفت ازاي ان رجلي متعوره
مراد ببرود: سلام
ملك بدموع: وأمانة يا طير بس تقوله إن أنا مانستهوش في غيابه وتقوله يا طير إن أنا نفسي يكون فاكر مانسيش أحبابه ويارب في يوم يرجع ليا دي الفرقة عن الغالي بتوجع
مراد مردش عليها بس ابتسم وملك قالت: الاغنيه دي ليك.متتاخرش عليا حتي لو كان اختيارك مش في صفي
مراد قفل التلفون وغمض عينو بتعب وبعدين.بص علي لاب توب لقه ملك بطهر جروحها..
_________________________________________
تاني يوم مليكه رجعت القاهره وعملت الي مراد قال عليه وملك وتسنيم راحو المصنع وبداو في تجهيزو... اما مراد كان طول الوقت قاعد في المركب بتاعو....
وعده تلات ايام مراد كان طول الوقت بيكلم مليكه ويعرف منها كل المعلومات واخيرااا قدر ياخد قرار وعرف هو بيحب مين بظبط
مراد وصل المينا ونزل من المركب كان باين عليه السعاده وبعدين راح المول واشترا شموع علي شكل قلب واشترا حروف اسم حبيبتو.... وبعدين راح محل الملابس ودخل وابتسم لما شاف فستان لونو احمر لون حبيبتو المفضل..... مراد اشترا الفستان وبعدين رجع المركب وبدا يزينو وكان معه مساعد
مراد: بص عايز المركب يبقا شكلو حلو اوي
الشخص: حاضر
مراد تلفونو رن وكان سليم... مراد رد
مراد بسعاده: انا خلاص قرارت وقدرت اعرف انا بحب مين
سليم بصدمه: بجد
مراد: اه والله مش قادر اقولك انا مرتاح قد ايه
سليم: بس لازم تتأكد الاول
مراد: سليم انا واثق جدا وعارف اني اخترت الي بحبها فعلا
سليم: طب مين هي
مراد بص علي شخص الي بيزين المركب لقه بيلزق الحروف غلط
