أخر الاخبار

رواية احببت مسلمة الفصل الرابع عشر 14 بقلم ياسمينا

رواية احببت مسلمة الفصل الرابع عشر 14 بقلم ياسمينا

 احببت مسلمه /بقلم ياسمينا (الفصل 14)

ليو بتوتر : احم انا ليو وهو جاك
عدنان بسخرية : دول اسماء ادويه ولا ايه
جاك بضيق : يسلام علي اساس عدنان الضبع ده اسم
عدنان بغضب : قول مش عجبك كدا علشان اقطع لسانك
جاك بخوف : لا اهده دانا بهزر معاك ياعدوده
عدنان بقرف : عدوده انتو رجاله انتو المهم جاين ليه
ليو : احم شهاب هو الي دلنا عليك
عدنان قرب منهم وقال : اممم تبع شهاب طيب اتفضلو ادخلو
جاك : احم هو انت هتعمل في ناس دي
عدنان بغضب : واحد جسوس بيتجسس علي ناس يستاهل قطع ايدو
جاك بهمس : هتتشعلق يامعلم يلا مريم تنفعك
عدنان : وتاني بتاع نسوان هخلعلو عينو ان شاء الله
ليو بهمس : هنتشعلق قصدك مش لوحدي
عدنان بحده : يلا ادخلوا
ليو وجاك مشيو ورا عدنان ودخلو القصر
عدنان : هنا في قوانين يعني مثلا مش اي حاجه هتتعمل هتشتغلو معا رجالتي الرجاله بيصحو الصبح الساعه ٥
جاك بصدمه : دا عند امك
عدنان بغضب : نعم
جاك بص لي ليو وقال : ده عند امك يا ليو
جاك بص لي عدنان وقال : هو حضرتك بتحسب أن قصدي عليك
عدنان بضيق : اه
جاك : لا غلطان صدقني
عدنان : ورايا يلا اوديكم اوضتكم
عدنان طلع السلم
ليو : ممكن تهده
جاك بغضب ؛ دا هيصحيني ساعه ٥ ده عند امك وامو
عدنان بصوت عالي : في حااااااجه
جاك بخوف : لا وراك اهو في ديلك
جاك وليو طلعو وراه ودخلو اوضه كان فيها سريرين
جاك بضيق : انا بحب انام جمب اخويا
عدنان بقرف : شهاب قالي انكم من امريكا بس مقلش انكم استغفر الله
ليو بصدمه : لا طبعا يخربيتك شوهت صورتنا قدامو
جاك بضيق : مش قصدي ياحج انت دماغك بس الي فيها حاجات وحشه
عدنان بغضب : نعم
جاك : ونبي بلاش صوتك ده بيرعبني
عدنان : ده شكل راجل ده دا المره ارجل منك
ليو بهمس : تستاهل اتهزقت ماتسكت علي مايمشي
عدنان : ٥ دقائق وتكونو جهزتو علشان تروح تنضفو مكان الخيل
جاك بغضب : الا ده بقا اسكت علي كلو بس انضف ليه يعني شيفني الخدام الخصوصي بتعكم
عدنان مسك مسدسو وصوبو نحيه جاك
عدنان : بتقول حاجه
جاك : دقيقتين وتلقيني قدامك
عدنان بابتسامه : برافو يلا اسبكم
عدنان خرج
ليو بضحك : بتكش اهو ياخويا
جاك بغضب : اخرررس انت سبب منك لله عمري ما حبيت مريم دي وش فقر
ليو بغضب : اتكلم عدل وقوم ألبس
جاك بغضب : متخيل انضف مكان الخيل ايه القرف ده انا جاك الي مجنن كل البنات ولي الفلوس في أيدي زاي رز اروح انضف اسكت اسكت ياعم
عدنان دخل وقال : انا قولت انك مش هتجي بساهل
جاك : انت قفوش اوي ياحجوج انا قايم اهو
عدنان بصلو بضيق وبعدين خرج وجاك قلع التشرت بتاعو
ليو : هنلبس جلبيه
جاك بغضب : هات
جاك لبس الجلبيه وكانت واسعه عليه اوي وطويله
جاك بسخرية : عجبك منظري يعني بذمتك راضي علي نفسك وانت ممرمطني معاك كدا
ليو بضحك : والله قمر
ليو غير لبسو ولبس جلبيه وكانت واسعه عليه وفجاه سمعو صوت ضرب نار وليو وجاك جريو برا الاوضه
عدنان بصوت عالي : كل ده بتغيرو انزلو
ليو وجاك نزلو علي سلم
جاك بهمس : حسبي الله
ليو : اسكت ليسمعك
جاك وهو بينزل علي سلم اتكعبل وكان هيقع بس ليو مسكو في اخر لحظه
جاك بغضب : امسكني عدل هقع ياحمار
ليو ساب جاك وجاك وقع وليو بصلو بضيق وقال : انا حمار طب ألبس
عدنان بغضب : انت راجل انت
جاك بغضب : رجعووووني امريكا
عدنان : قوم فز ياعره الرجاله
جاك قام ورفع الجلبيه وقال بغضب : مسمحلكش تشتمني
عدنان بصلو بغضب وقال : نعمممممم
جاك : عادي علفكره انا معنديش كرامه اشتم براحتك
عدنان : ورااايا
عدنان مشي وجاك وليو مشيو وراه
جاك بهمس : ونبي لنفخك استنا عليا
ليو : امشي وانت ساكت
عدنان وصل الإسطبل الي موجود في القصر
عدنان : هتنضفو هنا
جاك بضيق : طيب
عدنان : عندكم جردل ميه فيه صبون وخيشه
جاك بضيق : جردل ايه وخيشه ايه مش فاهم
ليو : يابني اسكت انا فاهم
جاك : انتي كنت بتجي مصر من ورايا صح ياليو
ليو بضيق : اسكت
عدنان : يلا نضفو ومسمعش صوتكم
عدنان خرج من الإسطبل
جاك : يعني كدا هنبقا رجاله
ليو : احتمال اشتغل يلا
ليو كان مستعد يعمل اي حاجه علشان ينجح في الاختبار ده وبعدين مسك القماشه الي كانت في جردل الميه وبدأ يمسح وجاك كان قرفان وبدا يشغل معا ليو وبعد ربع ساعه جت بنت كانت لابسه نقاب كانت شايله جردل فيه ميه حطتو قدام جاك وليو وشالت الجردل الفاضي
جاك بسخرية : ايه حكاية النقاب معاكم
ليو : علشان دول ناس محترمه
جاك : ممكن تجبلنا ميه
البنت هزت راسها بمعنه ماشي وجاك قرب منها بس كان فيه ميه في الارض وزحلق ووقع في الارض والبنت وقعت معه
البنت بغضب : مش تحاااسب
جاك حط ايدو علي ضهىو وقال بوجع : لا صوت ده مش غريب عليا
ليو : ايوا صح
البنت قامت بسرعه بس جاك مسكها من الجلبيه
جاك بغضب : استني
البنت حاولت تبعد عنو بس معرفتش وهو قام وقرب منها
ليو : شيل النقاب
البنت زقت ايد جاك بغضب بس جاك قرب منها تاني وشال النقاب ونصدم
جاك بصدمه : انتييييييي ........ وهنعرف بعدين


تعليقات



حجم الخط
+
16
-
تباعد السطور
+
2
-
close