رواية فتاة التنمر الفصل الثاني عشر 12 بقلم ياسمينا
فتاه التنمر /بقلم ياسمبنا (الفصل 12)
مليكه كانت واقفه بعيد متابعه مراد كانت حاسه انها فعلا خسرتو ف قربت من مراد
مراد: بجد مش قادر اتكلم
مليكه: مراد محتاجه اتكلم معاك
مراد بص لي سليم وسليم قال: طيب هسيبكم
سليم مشي ومراد بص لي مليكه ومليكه مسكت ايدو ومراد كان هيشيل ايدها بس هي مسكتو جامد وقالت: مراد معقول هتسبني معقول بطلت تحبني
مراد بضيق: انتي جايه بعد ايه
مليكه بغضب: معقول تحب غيري مراد علفكره انا هموت نفسي
مراد بصدمه: لا كدا كتير بجد عماله تصدميني فيكي
مليكه: بص يامراد انا بجد هموت نفسي لو انت مرجعتليش وطلقت البنت دي انا بقيت وحيده انا عارفه كويس انك مش بتحبها
مراد: مليكه انا جمبك ومعاكي دايما بس للاسف انا متجوز وقصه حبنا انتهت
مليكه بغضب: مستحيل انت بتكدب
مراد بغضب: بس بقا بطلي تطلعيني انا الي جيت عليكي يعمي تغلطي وبعدين تطلبي مني اسامحك
مليكه:لا انا مطلبتش تسامحني لاني مغلطتش وانت الي غلطان تمام
فجاه الدكتور خرج ومراد بصلو
الدكتور:الجواب ده ليك
مراد بستغراب: ملك عملت ايه
الدكتور ادلو الجواب ومردش ومشي من قدامو ومراد فتح الجواب وقرا
(انا مبسوطه اوي من كلامك ليا وانك حاولت تفرحني بس انت لازم تختار حبك الحب مبيتعوضش مش هقدر احطك في المواقف دي كتير لانك ببساطه بتحب مليكه انا عايزاك دايما مبسوط ومتخفش عليا انا هعمل العمليه بس مش هنا ارجع لي حب حياتك عيش وافرح وانا سبتلك ذكريات كتير بنا اول بنت ليكم سميها ملك اوع تنسا.... بحبك ياقرة عيني)
مراد كان مصدوم ومليكه كانت بتقرا وقالت: احسن
مراد بص لي مليكه وقال بهدوء: هسالك سؤال تجوبيني عليه
مليكه بضيق: ايه هو
مراد قرب منها اوي وقال: لو انا فضلت رفضك كدا وكل شويه ازعلك واقولك تبعدني عني ها هتعمل ايه
مليكه بغضب: لا طبعا هسيبك هو انا معنديش كرامه
مراد ابتسم وبعدين مسك رأسها وباسها وقال: شكرا انك سهلتيها عليا
مليكه بصدمه: يعني ايه
مراد: انا كنت برفض ملك وكنت بقولها تبعد عني بس هي كانت بتتمسك بيا وده الفرق بنكم انك اتعودي انا الي اهتم واحب وانتي متدنيش حاجه بس انا خلاص قرارت انا عايز الي يحبني.....
مراد بص علي الجواب وابتسم وبعدين مشي من قدام مليكه وطلع برا المستشفي وبص حواليه وبدا يفكر ملك ممكن تروح فين وبعدين ايتسم وركب عربيتو وتحرك......
اما سليم وتسنيم قربو من مليكه
تسنيم: كنتي ممكن تقوليلو هفضل جمبك ومتمسكه بيك
سليم:مليكه انتي للاسف خسرتي مراد فاكره لما تعبتي فجاه بليل وهو كان بايت عندك سعتها اتصل علي ابوكي وابوكي مجاش لانو كان بيعمل صفقه جديده مش اهتم بصحتك ومراد هو الي اهتم وفضل جمبك في المستشفي مكنش بينام لما بتبقي تعبانه مكنش بيحب يشوف دموعك مراد حبك حب كبير اوي وانتي خسرتيه للاسف
تسنيم: يمكن محبتهوش زاي ما حبك يمكن حبك كان اقل
سليم: او اتعودي علي اهتمامو وحبو
مليكه بدموع: كفايه انا عارفه اني غلطانه بس
سليم بغضب: بس ايه مراد اداكي كل حاجه اداكي وقتو وحيااااتو وكل حاجه دانتي كنتي نبر وان في حياتو وحتي بعد الي عملتيه في الفرح كان مقرر انو يرجعلك
مليكه بغضب: بس ملك بوظت كل حاجه
تسنيم: اوعي تحطي اغلاطك علي شماعت غيرك هي جت وقالتلك تساعدك ترجعيلو وسعتها اصلا مراد لو كنتي قولتيلي كلمه حلوه فورا كان هيرجعلك بس انني خسرتي كل ده بمزاجك
مليكه بغضب: اه وانتو بقا الي نضاااااف بس صدقوني مراد ملكي انا وهرجعو
مليكه مشيت من قدامهم وتسنيم بصت لي سليم وقالت: احم مش هتقول مين البت الي بتحبها
سليم بضحك: تؤ
سليم مشي من قدامها وهي قالت: استناااا طيب
سليم: استنا ايه
تسنيم قربت منو وقالت قولي حرف واحد من اسمها
سليم بحبث: م
تسنيم بصدمه: نهار اسود هو صحبك كل ما يحب واحده تروح تكرش عليها
سليم بصدمه: هي مين
تسنيم: ملك
سليم بصلها بغضب: امشي حالا من قدااااااامي ولا اقولك.همشي انا
سليم مشي وتسنيم ابتسمت وقالت: الواد ده شكلو بيحبني ولا ايه
تسنيم بصوت عالي: طب استناني ياعم متبقاش قفوش
تسنيم جريت وراه وهي بتضحك....
_________________________________________
اما ملك كانت قاعده في كافيه الي في البنزينه وكانت ماسكه التلفون وبتبص علي صورها القديمه وفجاه سمعت حد بيخبط علي ترابيزه بصت قدامها لقت مراد
ملك بصدمه: مراد
مراد ابتسملها وبدات يخبط علي ترابيزه وغنا وقال: فين لياليك عمَال بناديك مشتاق لعنيك واحشني لقائك بالي مشغول بهواك على طول والليل يطول وانا مش وياك
ملك: احم احم يعني عايز ايه
مراد غمزلها وقال:يا حبيبي لا تروح بعيد إنت نصيبي وبقلبي الوحيد. إنت اللي بقلبي والله تفداك الدنيا كلها يا غايب ليه ما تسأل أحبابك اللي يحبونك. ما يناموا الليل لعيونك أنا بفكر فيك تبعد عني وتنساني محتاجك جنبي ترعاني تنسيني جروحي وأحزاني أنا مشتاق لعينيك
ملك: احم الظباط بيعرفو يغنو
مراد: وبيرقصو كمان لو عايز
ملك بضحك: لا مش لدرجتي
مراد بابتسامه: مشتي ليه
ملك بحزن: علشان تكمل معا مليكه لانك بتحبها وانت جتلي ليه
مراد: لاني عايزك في حياتي و
ملك قطعتو وقالت بغضب: متلفش ودور
مراد بضحك: والله مفروض اقول ايه
ملك بثقه: طول انك مقدرتش تعيش من غيري
مراد ابتسم وقال: صح
ملك بضحك: حلو كدا
مراد: بس العمليه
ملك: هعملها بكرا متخافش انا بس كنت عايزه اشوف ماما وعايزه اسبلك شويه ذكريات
مراد بضيق: بلاش الكلام ده
ملك: انت عرفت ازاي اني هنا
مراد بتوتر: يعني
ملك قطعتو وقالت: علشان انت عارف اني حبيت المكان ده علشان ده المكان الي غيرت فيه عليا
مراد: اممم
ملك بضحك: طب خلاص هنقذك من الموقف ده وتعال اعملك شويه ذكريات ونغير جو
مراد:٠ هنروح فين
ملك : تعال ورايا
ملك طلعت من الكافيه هي ومراد وبعدين دخلت الماركت وجابت عربيه الي بيحطو الطلبات
ملك: امسكها
مراد فهم هي عايز ايه وقال: مهو خسيتي بقا ف هتتعبينا
ملك بضحك: وانا صغيره كنت نفسي اعملها اوي
مليكه.حط ايدها علي كتف مراد وطلعت قعدت في العربيه
ملك: زوقني ياميدو
مراد بغضب: ميدو
ملك بخبث: سوري اتلخبط
مراد زق العربيه بغضب وملك مسكت تلفونها وبدات تصور
مراد: ها تكلي
ملك: اه بس قرب من نوتلا دي
مراد قرب العربيه وملك خدك علبه نوتلا وابتسمت بخبث
مراد: ايه الخبث ده يابنتي
ملك بحبث: لا زق انت ملكش دعوه
ملك فتحت النوتلا وبعدين كلتها بايدها
مراد بصدمه: يخربيت قرفك ايه ده
ملك: ايه هو في معلقه وقولت لا سوق بس
مراد بغضب: مقرفه بت انتي انا اكتر حاجه بحبها النضافه
ملك.ابتسمت بخبث وبعدين حطت نوتلا في شفيفها
ملك: قرة عيني
مراد بغضب: بكره.الكلمه دي
ملك لفت وبصتلو وقربت منو وباستو
مراد بصدمه: مستحيل
ملك بعدت عنو وهو حط ايدو علي خدو
ملك بضحك: شكلك مسخره حلوه النوتلا الي علي خدك دي
مراد بغضب: ملك انتي اتجننتي
ملك قربت منو وحطت ايدها علي تشرت بتاعو
مراد بغضب: غبيييييييييييه
ملك بخبث: مالك
مراد شال ايدها بغضب وقال: اتشرت بااااااظ انزلي
ملك: تؤتؤ شلني
مراد قرب منها وشالها وهي حطت ايدها علي التشرت
مراد بغضب: لا قنبله غباء وانفجرت في وشي
مراد وقع ملك في الارض ومشي وسابها
ملك بضحك: يخربيتك استنا
مراد بغضب: استني ورقه طلاقك
مراد خرج من الماركت وملك خرجت وراه بسرعه ومراد ركب العربيه وملك ركبت
مراد بغضب: استنييي
مراد طلع منديل ومسك ايدها ومسحها
مراد: النطافه من الايمان ياشيخه
ملك: طيب نركب خيل بقا
مراد: ملك لازم تعملي العمليه
ملك: اووف قولتلك بكرا
مراد بضيق: طيب
مراد اتحرك بلعربيه وملك قلعت الكوتشي بتاعها
مراد: مالك يابنتي
ملك بضحك: شوفت الفيديو الي طالع ترند ده
مراد بغضب: مستحيل اوعي تفكري هرميكي من العربيه صدقيني
ملك ضحكت وقالت: شكلك حلو وانت متعصبه
مراد ابتسم وقال: وانتي شكلك حلوه وانتي طفله
ملك:يبقا نعملها
ملك حطت رجليها علي رجل مراد
مراد بغضب: ياشيخه هطلقك
ملك بضحك: استنا اشغل الاغنيه بقا ومتخفش شرابي نضيف
مراد: ايه الحب مقرف ده ياربي
ملك شغلت الاغنيه وبدات تصور وتغني معا الاغنيه ومراد بصلها لقها بتضحك من قلبها وفرح اوي انها فرحانه........ وبعد نص ساعه وصلو النادي
ملك: يلا بسرعه عايزه اركب خيل
مراد: اهدي ياطفله
مراد مسك ايد ملك ودخلو الاسطبل
ملك: هتركب معايا صح
مراد: اكيد يلا
مراد مسك ايد ملك وخلها تركب علي الحصان وهو ركب قدامها
ملك بخوف.: سوق براحه
مراد بضحك: اسوق براحه ايه يابنتي هو احنا راكبين عربيه
ملك بضيق: ايوا اتريق علياا
مراد: امسكي فيا بس انتي جامد
ملك.: حاضر
ملك مسكت في مراد جامد وحطت راسها علي ضهرو وافتكرت مامتها
مراد: ملك هو انتي هتروحي عند مامتك
ملك بحزن: ايوا وحشتيني
مراد: طيب الام ام بردو حتي لو عملت ايه
ملك: عندك حق بس صحيح مش مفروض الدنيا تمطر دلوقتى
مراد بستغراب: ليه
ملك: علشان احنا في جو رومانسي ودنيا بليل وراكبين حصان مفروض بقا المطر ينزل علينا
مراد بضحك: ايه شغل الهندي ده
ملك بضيق: مش بتفهم
وفجاه الدنيا مطرت وكان فيه هوا شديد
ملك بصدمه: مستحيل انا فيا حاجه لله والله
مراد بضحك: نبرتي فيها اهو هنموت من البرد
ملك: ده احلا شعور استنا
ملك شالت ايدها من ضهر مراد وفرضتها في الهوا والمطر فضل ينزل عليها وهي مبتسمه
ملك: لو على قلبي داب في هواك وكفايه ليل وسهر وعناد ويايا جوه عيوني حنين وغرام مشتاق لعينيك قلبي ندالك حن فيوم وتعالى واديك روحي بس تعالى ياللي بحبك قرب طمن قلبي عليك
مراد بابتسامه: ليا صح
ملك بضحك: لا لي ميدو
مراد بغضب: انزلي احسلك
ملك بضحك: هنروح لي ماما
مراد: ايوا
ملك بصت علي هدومها وقالت: كدا
مراد بضيق: مش كنتي عايزة جو رومانسي استحملي بقا
مراد نزل من علي الحصان ونزل ملك وبعدين خرجو من النادي وركبو العربيه وملك كانت بردانه
مراد: هنروح نجيب لبس الاول
ملك: لا مش وقتو روح لي ماما بس
مراد بستغراب: مالك
ملك: مفيش روح بس
مراد ساق العربيه وملك كانت ساكته خالص وبعد ربع ساعه وصلو قدام العماره.
مراد: وصلنا
ملك بصت علي لعماره وقالت: طيب يلا
مراد وملك دخلو العماره وطلعو شقة ملك وملك خبطت علي الباب وكانت متوتره وبعدين مامتها فتحت ونصدمت من الي شافتو ومراد بص علي مامتها.......
ملك: ماما وح
فجاه مامة ملك قفلت الباب في وشهم ومراد سرح وفتكر حاجه
فلاش باك 
مراد كان حاطت كاميرات في فيلا هاني وبعدين شاف ام ملك قاعده معا هاني
رحاب بغضب: بقولك محتاجه فلوس مفروض تديني
هاني بضيق: واضح انك طمعانه في الفلوس
رحاب ببرود: انت شغال في المخدرات يعني فلوسك كتير
هاني بضيق: طيب هديكي واسكتي بقا
هاني طلع من الخزنه فلوس ودها لي رحاب ومراد تلفونو رن وكان مليكه
مراد: الو
مليكه: تعال عايزاك ضروري
مراد بص علي شاشة التلفزيون وقال: طيب
مراد قفل التلفون وبعدين طلع من الفيلا ودخل فيلا مليكه بس لقه رحاب خارجه من الفيلا مراد بصلها وهي بصتلو وبعدين مشيت......
انتهاء فلاش باك
مراد في سرو: مستحيل هي الحكايه هتعيد نفسها ولا ايه
ملك: مراد روحت فين
ملك: ها لا مفيش يلا نمشي
ملك بحزن: يلا
ملك.ومراد نزلو من العماره وركبو العربيه وتحركو ومراد كان بيفكر في رحاب مكنش مستعد انو يخسر ملك معقول الحكايه تعيد نفسها طب ملك هتصدق مراد........ مراد بص علي ملك لقها نامت وكان باين عليها التعب مراد ساق بسررررعه وبعد فتره وصل الفيلا ونزل من العربيه وشال ملك كانت هدومها كلها ميه وبعدين طلع اوضتو ونيم ملك علي سرير وبعدين راح اوضتها وفتح دولابها وطلع فستان
مراد بضيق: ملك مش زاي مليكه اكيد هتصدقني
مراد قفل الدولاب ودخل اوضتو وقرب من ملك وحاول يصحيها
مراد : ملك قووومي
ملك مردتش عليه كانت نايمه
مراد: تمام هغيرلك انا بقا بس متبقيش تزعقيلي الصبح
مراد ابتسم وبدا يغيرلها وبعد ما خلص نام جمبها علي السرير ومسك تلفونها وفضل يقلب فيه يمكن يلقي اي حاجه تدلو......................
______________________________________
في صباح يوم جديد
في المحكمه كان واقف هاني في القفص وكان واقف بثقه وكانت مليكه قاعده هي ورامي وسليم كان بيتابع من بعيد ومحامي هاني بص لي هاني بخبث وبعدين بص لي القاضي وقال: عند حضرتك في ادله بتقول ان في واحد جاه وبلغ علي نفسو وقال انو كان محتل شخصيه هاني بيه والمتهم موجود اهو يافندم تقدر تاخد اقوالو
سليم بص علي الشخص الي واقف جمب هاني في القفص
الشخص بتردد: انا فعلا انتحلت شخصيه هاني بيه قولت انو راجل كبير في البلد يعني لو وقع الف مين هيشيلو وانا كنت بتاجر في مخدرات وهو مكنش يعرف حاجه عنها خالص ومدام نانا انا الي حطتلها المخدرات لاني يعني كنت عايزها في الحرام بس هي رفضت ف قرارت اذيها
هاني بثقه: هو كان شغال عندي سواق وقدر يعمل كل ده بسهوله لانو بيدخل بيتي عادي
المحامي: والادله قدام حضرتك
سليم بهمس: يااااولاد.....
_________________________________________
*عند مراد صحي من النوم ومسك التلفون وقال بصدمه: الساعه ١١ انا نمت كل ده
مراد بص علي ملك لقها لسا نايمه وبعدين تلفونو رن وكان سليم مراد رد وقال: الو
سليم بغضب: هاني طلع براءه يامراد
مراد بصدمه: نعم ازاااي
سليم حكالو الي حصل
مراد بغضب: طب والفيديوهات الي تأكد انو بيتاجر في المخدرات
سليم: لا كل ده اتبخر لعبها صح هاني
مراد جاي يرد بس قطعو صريخ ملك
مراد بص عليها لقها حاطه ايدها علي بطنها وبتصرخ مراد قرل منها بلهفه
مراد: ملك مالك
ملك بدموع: بطني بيوجعني
مراد قرب منها ومسك ايدها وقال: لازم تعملي العمليه
ملك بحزن: لا هموت انا كنت حاسه
مراد بغضب: ملك اخرسي بقا بعد الشر
ملك بصتلو وعنيها مليانه دموع وهو بصلها: اهدي هنروح الدكتور دلوقتي
مراد شالها وهي بدات تهده وصوت عياطها وقف مراد بصلها لقها نايمه
مراد بصدمه: ملك
مراد نيم ملك علي سرير تاني وحط ايدو علي وشها لقه ساقع اوي وحاول يصحيها معرفش
