أخر الاخبار

رواية القلب المسكون ( ملك وتميم ) كاملة بقلم فاطمة ابراهيم

رواية القلب المسكون ( ملك وتميم ) كاملة بقلم فاطمة ابراهيم



_ بقولك ايه عاوز أسألك سؤال ...

= ها خير ..
_ أنتي لابسة ايه ؟
= تصدق أنك سافل ومشفتش بربع جنيه تربية
_ والله أنتى إلا مشفتى بربع جنيه سلكان ...
دايما بتفهمينى غلط كدا ..
= هو انت بتسألني صليت العشا ولا لأ ما تشوف سؤالك الأول...
_ انا اقصد يعنى لابسة ايه او هتبقي لابسة ايه بكرا
= ودا يخصك في ايه ي عم السالك أنت...
_ انا الحق عليا كنت عاوز أطقم معاك
وانا جاي أقابل باباكي بكرا...
= أيييه!! تقابل بابا ليه ...
_ أخد رأيه في تسريحة شعري ... فيه ايه ي ملك هى قلبة معاكى بغباء كدا ليه انهاردة ...
= ملك بفرحة:- عمر أنت قصدك عاوز تيجى تقابل بابا وتقوله عاوز أخطب ملك وتجعلني أعظم انتصاراتك وودوني ع بيت حبيبي وكدا
_ لأ أحنا بالمنظر دا هيودونا ع مستشفي العباسية...
= بصوت مخلوط بدموع الفرح :- عمر أنت بتتكلم بجد مش بتهزر صح ...
_ لأ ما هو لو هتعيطى بقي يبقي بلاش خالص ...
= بلاش أيه دا أحنا هننزل نحجز في قاعدة اللؤلؤة بكرا ...
_ أشوفك بكرا ي أميرتي تصبحي على خير...
= بفرحة وكسوف:- وانت من أهله
______________________________________
تاني يوم الصبح :-
الام = قومي ي ملك ورانا حاجات كتير...
ملك = في ايه بس ي ماما ع الصبح كدا
الام = في عريس جايلك بالليل وياله علشان نرتب البيت ....
ملك = بيت أيه ي ماما ما هو حلو أهو .. إيدك بس ع ٢٠٠٠جنيه أجيب فستان الخطوبة ...
الام = فستان الخطوبة !!!
ملك = وعاوزة ٣٠٠٠ جنيه أروح لميكب أرتيست....
الام = ٢٠٠٠ أيه و٣٠٠٠ ايه إلا أدفعهم فيكى يا بت
دا انا لو خلفت غيرك هيبقي أوفرلي من مصاريفك دى
دا كله ولسه مش قابلتيه مش تستنى تشوفي هتوافقوا ع بعض ولا لأ...
ملك = دا جوزي وأبو عيالي دا ...
الام تمسكها من ودنها= قصدك ايه ي بت أنطقي!!
ملك = ها... ياه عليكى ي مامتى ي حببتى دايما فهماني غلط كدا انا اقصد لو كان فيه نصيب يعنى ...
الام = ايوا كدا اتظبطى واعقلي مش عاوزة الناس تقول بنت المجنونة أهي ...
ملك لنفسها = دا هو إلا علمني الجنان أصلا قال مش نصيبي قال... دا أبو أدم دا ....
===================== بالليل
أبو ملك = تعالي ي ملك هاتي الحاجة الساقعة للضيوف
تدخل ملك وهي وشها في الارض والكسوف متملكها..
أبو ملك = سلمي ي حببتى ع الضيوف...
ملك ترفع رأسها وتسلم على كل الموجودين .. بس تستغرب لعدم وجود عمر ما بنهم
ملك تبص لباباها بستغراب مستنياه يكمل يقولها عمر فين بس محدش اتكلم ...
تخرج ملك وهي متلخبطة وتقعد برا مع أهلها وبتحاول تكلم عمر علشان تفهم هي مش شافته جوا ليه ...
ترن ملك عليه بس مش بيرد ...بعتت ليه ع الواتس بس برضو مفيش رد ... بدأت ملك تخاف أكتر ...
وتحاول تطمن نفسها وتبتسم = مفيش حاجة دا توتر طبيعي في موقف زي دا هو اكيد جوه وانا مش خدت بالي منه
وبابا هينادينى
علشان اقعد معاه ايوا أكيد هو مش عارف يرد عليا علشان هو جوا معاهم....
بعد عشر دقايق :-
ابو ملك = تعالي ي ملك علشان الرؤية الشرعية ...
ملك قلبها يدق جامد من الفرحة وفي نفس الوقت من الخوف وتدخل البلكونة وشها في الارض
ملك = أحم السلام عليكم ورحمة الله وبركاته
يرفع الشخص دا راسه وبإبتسامة = وعليكم السلام ورحمة الله وبركاته.... اتفضلي أقعدي...
ملك أول ما ترفع رأسها وتشوفه تنخض جامد ...
ملك = أأأنت مين ؟!!
_ أنا العريس ...
ملك بخوف= عريس مين انت مين ي عم أنت !!
_ في ايه بس مالك مخضوضة كدا ليه ...
كنتي مستنية حد تاني ولا ايه...
ملك ترتبك اكتر= حد !! ... حد مين لأ طبعا
انا بس اااا
_ نظرتك أول ما دخلتي غير نظرتك أو ما شفتينى...
ملك بضيق= لأ هي نفس النظرة أش عرفك أنت ...
هو تحقيق ولا ايه!!
_ طيب أهدي احنا مش بنتخانق ...
ملك = طيب شفتنى عن أذنك بقي ...
_ أيه دا راحة فين ؟!
ملك = خلاص انا أصلا مش بفكر في الجواز دلوقتى ربنا يسعدك مع واحدة تانية .... مفيش نصيب
_ لأ ما هو احنا تقريبا متفقين اهو مش ناقص غير انك تختاري اليوم وننزل نجيب الشبكة ...
ملك تبرقله وتقول= يعينى هو عيي تاني ...
أنت بتفهم أزاي ي ااا
_ تميم أسمي تميم ....
ملك = حد سألك عن أسمك انا مش موافقة أساسا ع الجوازة دى ... وانت فعلا عندك حق انا أول ما شفتك اتخضيت كدا وقلبي انقبض ودا فال مش حلو ياله معطلقش بقي ...
تميم= يبقي ع خيرة الله مبروك ...
ملك تمسك سكينة تقطيع الفاكهه إلا قدامها وتقرب منه وتقول = أنت متعرفنيش اتوكل على الله احسن ما تطلع من هنا ع نقالة...
وهنا تدخل ام ملك ...
ام ملك = مالك ي ملك ماسكة السكينة كدا ليه ...
ملك تبتسم وبتوتر= مفيش ي ماما دا كان في خيط في التيشرت بتاعه فكنت بقطعها...
أم ملك = ماشي ي حببتى كنت جاية أقولكم تحبوا تشربوا حاجة ....
تميم = ياريت لو شربات بقي ي طنط أحنا خلاص متفقين على كل حاجة...
ملك تبصله بقوة ومتتكلمش...
ام ملك تزغرط وتحضن بنتها وتقولها ألف مبروك ي حببتى....
وتدخل ام ملك ولسه علامات الدهشة على وش ملك
تميم = فيه ايه انتى هتكلينى ولا ايه !!
ملك = دا انا هعملك من دمك شربات بدل إلا طفحته دا
هو انت فاكر انك ممكن تتجوزني غصب ولا ايه...
تميم = مين قال غصب بس ...
انا اتقدمتلك وانتى وافقتى وهتطلعي تقولهم كدا كمان
ملك = أنت عندك خال أهبل !!
تميم = وليه الغلط طيب ...
ملك = جايب الثقة دى منين يعنى ؟!
تميم = هو لو باباكي عرف أنك مصاحبة شاب أو بتكلمي حد من وراهم تفتكري هيكون رد فعله ايه ؟!!
ملك تبصله بصدمة = أنت مين !!!
يتبع
# القلب_المسكون
بقلم فاطمة ابراهيم

تعليقات



حجم الخط
+
16
-
تباعد السطور
+
2
-
close