رواية حب غامض كاملة
نا حامل
-نعم من مين ... بصيت ليه كانت علامات الاستغراب باينة على وشه
حامل منك يا يونس انت جوزى فى اى ... وقف قصادى ولقيته بيقرب خطوة بخطوة ولقيته بيتكلم وهو بيقرب
- بس انا ملمستكيش يا هند وانتى عارفه كويس أن متجوزين كأننا اخوات يبقا ازاى ... صوته كان عالى وقربه منى خلى قلبى يدق ومش عارفه اتكلم ولا انطق اقول اى بس انا حامل منه والله انا متأكدة انو ابنوا
يعنى اى يا يونس انت بتشك فيا
- انتى اتجننتى قولتلك يا هند انا ملمستكيش وانتى عارفة كدا كويس يبقا ازاى هااا ازااااى
دموعى سبقت كلامى ولقيت نفسي متوترة ومش عارفه اتكلم بس اى انسان أما يكون محطوط فى موقف صعب تقريباً بيكون متردد ومش عارف يرتب الكلام رغم انو بيكون صادق
-ممكن تبطلى عياط وتفهمينى حصل ازاى الموضوع ده
لقيت نفسى ببصله وساكتة ودموعى بتنزل فى صمت كأنى بفتكر احداث اليوم اللى كان بالنسبالى اصعب واوحش يوم فى حياتى ...احب اعرفكم بنفسي انا هند المنشاوى المنشاوى اللى جوزنى من يونس غصب عني رغم انى موافقتش لكن كان عاوز يخلص منى بأى طريقة عاشان يفضاله المكان خصوصاً أن ماما ميتة بعد ما اتجوزت اكتشفت أن يونس بردو اتجوزنى غصب بردو بسبب أن ماماته حكمت عليه يتجوز واحدة بنت ناس طبعا ده عرفتوا بعد الجواز قررنا نعيش زى الاخوات بالظبط وفعلا كنت بشوف منه احترام وتقدير وعمره ما زعلنى ابدا وانا كذلك علاقتنا محترمة بس مفيش اى مشاعر ولا حب لحد ما فى يوم
فلاش بااك
اى ده يونس فى اى الساعة اتنين بالليل انت جااى فى الوقت ده ليه قلقتنى عليك جدا .. رفع وشه ليا ولقيته حط صباعه على شفايفى واتكلم
-هش هش ...وشال شعرى من على وشى
يونس فى اى أنت كويس طب مالك بتطوح كداا طب كنت فين بطل تبص عليا واتكلم بقاا
- ركزى معايا بس وانسى انا كنت فين ولقيته بيحسس على جسمى زقيته
يونس انت اتجننت احنا متفقين ازاى تعمل كداا
- بتزقينى يا هند انتى قد الزقة دى
يونس انت شارب حاجة صح انت مش طبيعى فى اى طب اقولك روح اغسل وشك ونام ... شدنى ليه وكان ماسكنى جامد لدرجة أن جسمى وجعنى
يونس بلاش كداا ابعد انت واجعنى اوى اوعى
- تؤ انتى ملكى فاهمة
انا مش ملك حد واحنا اخوات واللى فى دماغك ده مش هيحصل ليه لان انت مش فى وعيك فوق بقاا فوق
هيحصل صدقينى هيحصل وفجأة شالنى صوتت كتير لكن مسمعنيش
يونس بلاش هتندم هتندم صدقنى احنا هنطلق ابوس ايدك بلاش تعمل حاجة فيا
- اهدى كداا مفيش ندم انا هريحك لانى ملاحظ طول الوقت بصالى ما تقولى انك مسبتوش كمل كلامه وضربته بالقلم
انا كنت بحترمك لكن دلوقتى احتقرتك وطلقنى ودلوقتى وجيت اقوم من على السرير شدنى واتهجم عليا صرخت كتير مكنش بيسمعنى تانى يوم صحيت قبليه وانا بعيط ودخلت الحمام وخرجت لقيته بيلبس
هو انا اى اللى قلعنى كداا ...بصتله بأستغراب لقيته بيكمل كلامه مدنيش فرصة ارد اكيد الجو كان حر انا اسف يا هند لو احرجتك انا لازم امشى علشان عندى اجتماع مهم يلا مع السلامه ومشى كأن شئ لم يكن ..
ااك
صحيت من احداثى اللى بفتكرها على صوته
ما تنطقى حصل ازاااى ..جيت اتكلم لقيت فونه رن رد
- عاوز اى يا ادهم السعادى
فى اى يا يونس براحة بتزعق ليه الناس بتوع الوفد الالمانى جاهم وحضرتك مبعتش الايميل ودلوقتى الصفقة هتبوظ كلها
- ادهم اوعى تخليهم يمشوا انا جااى علطول
حاضر بس بسرعه .. قفل الفون وخد اللاب توب وبصلى بقرف ومشى
فى شركة يونس راح وكان متعصب لدرجة أن الكل كان بيخاف يروحله حل المشكلة وقعد فى المكتب وماسك راسه من الوجع
يونس مالك فى اى متعصب كداا لييه
- سبنى دلوقتى يا ادهم
هو اى اللى اسيبك هى هند زعلتك للحظة يونس بصله
متجبليش سيرتها مش عاوز اسمع اسمها ... عادة الإنسان مبيحاولش يغلط نفسه فى حاجة حتى لو كان غلطان علطول بيحط غلطه على غيره ويونس كان من ضمن الشخصيات دى
هو اى اللى حصل طب اهدى الموظفين هيسمعوا صوتك
يونس خد نفسه
-حامل هند حامل
طب الف مبروك اى ودى حاجة تزعل
-انا مجتش جمبها يا ادهم فاهم مجتش ملمستهاش
يونس نعم عاوز تفهمني بقالكم سنة متجوزين وملمستهاش اكيد يعنى يونس قطعه
اكيد اى ودى حاجة تتنسى يا ادهم
- عندك حق بس يا يونس اتصرف صح مينفعش تتسرع وتعمل اللى بتعمله ده اسمعها اتعامل معاها بهدوء بلاش شك عامة هند شخصية محترمة يا يونس ومعتقدش انها من النوعية دى انا صاحبك وبنصحك لازم تتحكم فى نفسك بلاش تظلم الظلم وحش
- يعنى المفروض اعمل اى يعنى
هقولك بس خد القهوة دى لوجع راسك واهدى .... وفجأة لقوا الباب بيتفتح وكانت
رواية حب غامض 🖤🌎
حكايات هند
