رواية مقتل الدكتورة ولاء الفصل التاسع 9 بقلم جيجي احمد
وكيل النيابة راح هو ومجدي للدكتور فوزي في المستشفى ودخلوا مكتبه
فوزي : اهلا وسهلا يافندم حضرتك نورت المستشفى
تامر : متشكر يادكتور فوزي احنا جاين ناخد منك كلمتين ونمشي علطول وقولنا نشوف بعض الممرضات ونتكلم معاهم برضو
فوزي: واحنا تحت أمركم يافندم
تامر : قولي يادكتور فوزي هي المستشفى بتاعت حضرتك مفيهاش كامرات مراقبه ليه
فوزي : كان فيها يافندم من زمان بس السيستم كان بيقع علطول فبصراحة قولت ملهاش لازمة شلناها وبعدين المستشفى بتاعتي يافندم طول عمرها سمعتها زي الفل واول مره بيحصل حاجة زي كده عندنا
تامر : امممم تمام انا سمعت ان الدكتورة ولاء كانت شاطره جدا وعلى خلق
فوزي : الدكتورة ولاء كانت من اكفاأ الدكاترة اللي عندي في المستشفى كانت شاطرة في عملها وكل العاملين هنا كانو بيعزوها جدا هييي بصراحه هي خسارة كبيرة لينا ربنا يرحمها
تامر : وطبعا حضرتك مكنتش موجود ليلة الحادثه
فوزي : لا يافندم انا مكنتش موجود انا كنت في البيت لاني ببقا موجود لما يكون في عمليات خاصة بتخصصي الباطنة ومكنش في في الليله دي غير عمليه واحده بس اللي عملتها الدكتورة ولاء. الدكتور إيهاب هما بس من كل الدكاترة اللي كانو موجودين
تامر خلص كلام معاه وخلاص بقا على آخره لما كل الناس بتشكر فيها وفي أخلاقها مين اللي عمل فيها كده وفضل طول هو ومجدي يلفوا في المستشفى على الممرضات والتمرجيه والدكاترة وبرضو موصلش لحاجة
ولاء صحيت الصبح بعد الليله الي شافتها وقررت تروح تواجه مراد وفوزي وهشام ونهي وحمدي واتصلت بمراد قالتلو يستناها في مكتب فوزي واتصلت بهشام ونهي عشان تواجههم بس لما راحت كانو لسه موصلوش وكان فوزي لوحده
ولاء بتكلم نفسها انا هوريكم ياغشاشين لبست هدومها ونزلت راحت ع المستشفى وطلعت على مكتب الدكتور فوزي وزقت الباب ودخلتله فوزي اتخض
فوزي : دكتورة ولاء في ايه وازاي تدخلي عليا كده
ولاء : بتوريله الاشعه ايه ده يا دكتور
فوزي : دي أشعة
ولاء : منا عارفة انها اشعه انا اقصد اللي جوة الاشعه
فوزي : انا مش فاهم حاجة يادكتورة
ولاء : انا هفهمك يادكتور الاشعه دي بتاعت واحد شكله غلبان كده دخل المستشفى امبارح مع مراد ولما سألت مراد ده جاي يعمل ايه هنا قالي الدكتور فوزي قالي اعمله عملية ببلاش عشان غلبان قولتله والله طيب كويس كتر خيره قوم ايه بقا يادكتور انا بصراحة شكيت في الأمر اصل انا عارفه ومتاكده ان الدكتور فوزي عمره مابيعمل خير ابدا ففكرت اني اعمل للراجل ده اشعه عشان كنت شاكة في حاجة وفعلا حصل وعملتله الاشعه وشكي طلع في محله
فوزي : اااه وكنتي شاكة في ايه بقا يادكتورة
ولاء : ان الراجل الغلبان اللي دخل المستشفى ده مدخلش عشان غلبان وعشان تعملو فيه خير لاااا الراجل دخل واتاخدت منه كليته زي ما حضرتك شايف في الاشعه كده مفيش كليه
فوزي : طيب وانا مالي يادكتورة مش بتقولي أن الدكتور مراد هو اللي عمل العملية متروحي تسأليه هو
ولاء : ده على اساس ان مراد هيعمل كده من دماغه ما اكيد واخد اذن من زعيم العصابة
وسعتها دخلو مراد وهشام ونهي ودخلت معاهم مني على صوت زعيق ولاء
مراد : في ايه ياولاء بتزعقي ليه كده
ولاء بصلته وشفتهم داخلين ومنى معاه
ولاء : صباح الخير ياحبيبي وبتبص لمنى على الله يكون صاحبك بقا كويس لما فضلت جنبه مني بصت في الأرض
فوزي : تعالي شوف المدام بتاعتك بتقول ايه يا مراد شكلها خرفت
مراد : في ايه ياولاء
ولاء : في الاشعه دي يامراد
مراد : مالها الاشعه دي
ولاء : فين كليه الراجل ده يامراد وديتها فين
مراد : ايه الكلام اللي بتقوليه ده
هشام : يااااه الظاهر ان مراتك عقلها فوت يامراد مره تتهمني بسرقة الأدوية ودلوقتي بتتهمك وشوف دلوقتي بتتهمك بايه
ولاء : انت تخرس عشان حسابك معايا بعدين
مراد : مسكها من دراعها لاااا انتي فعلا شكلك خرفتي وعقلك فوت فعلا
ولاء : سحبت دراعها منه وهو انتو لسه شوفته مني حاجة ياشويه عصابه
فوزي : يوووه انتي زودتها اوي يادكتورة
ولاء : ايوه يادكتور انا زودتها ايوه يامراد انا خرفت فعلا بس لما اطلع بالاشعه دي على النائب العام هتبقا دليل على اني لسه بعقلي وكشفت شوية حراميه زيكم انتو لايمكن تكونو بني ادمين لايمكن انتو ايه لا وكمان يادكتور فوزي الجثث اللي كانت بتدخل المستشفى ومحدش يعرف عنها حاجة برضو هبلغ عنها
مراد : ولاء الراجل ده فعلا اخدت كليته بسس لانه كان متبرع بيها
ولاء : ياسلام وهو متبرع بيها ليه أن شاء الله يامراد قام من النوم قال لما اروح اتبرع بكليتي للدكتور فوزي والدكتور مراد
فوزي : لا يا ولاء الراجل ده قبض فلوس كتير عشان ناخد منه كليته
ولاء : اااه يعني مش اتبرع بيها زي مامراد قال
مراد : هتفرق يعني ياولاء ماهو في كلتا الحالتين اخدناها منه برضاه
ولاء بتعيط ياااه عايشه معاك السنين دي كلها وانا مكنتش اعرفك اكتشفت خيانتك واستحملت وسكت عشان خاطر بنتنا ودلوقتي اعرف انك بتتاجر في الأعضاء والدكتور هشام اللي كنت بعتبره اخ طلع خاين هو كمان وبيسرق الأدوية والدكتور فوزي اللي المفروض اقول عليه استاذي طلع زعيم عصابه ونهي كمان اللي كانت اختي وبعتبرها حته مني طلعت خاينه والله اعلم كمان اكيد كانت بتعمل معاكم العمليات المشبوهة هي والحلوه بتاعتك دي
نهى : ولاء متظلمنيش
ولاء : انتي تخرسي خالص
مني : انتي عماله تتهمي فينا واحد واحد كده ليه يعني انتي اللي طلعتي الشريفه العفيفة ما اكيد بتعملي حاجة غلط بس مدريه مفيش حد معصوم يادكتورة
ولاء : ايوه انا عمري معملت حاجة غلط لاني اشرف منك ومنكم كلكم انا مش عارفه انتو حلفت القسم ازاي بس انا بقا هطلع من هنا على النائب العام وهوديكم كلكم في داهيه
مراد : اعقلي ياولاء وخلينا نتفاهم
ولاء : نتفاهم على ايه يادكتور
فوزي : سيبها يامراد بس شوف هتقول ايه لبنتك لما تعرف انها دخلت ابوها السجن وعلي فكره يادكتورة حتى لو دخلتينا السجن يبقا انتي كده جانيتي على عمرك
ولاء : اااه انت بتهددني يادكتور فوزي وكمان بتتك على نقطة ضعفي اللي هي عليا مش كده بس انا بمخافش ولو هخاف يبقا فعلا هخاف على عليا
مراد : ولاء ارجوكي بلاش تفكري كده قولتلك قبل كده ملكيش دعوه بللي بيحصل هنا
ولاء : عايزني اسكت يامراد وأفضل شايفه الغلط واسكت
دي وهسكت عشان خاطر عليا برضو استحمل كل حاجة في الدنيا عشان خاطرها وانت لازم تطلقني
مراد طيب نروح البيت ونتكلم في الموضوع ده خلاص
وفعلا عدت الايام وولاء فضلت سكته مش بتكلم مراد خالص بس عايشه معاه في البيت عشان خاطر بنتهم وكل واحد فيهم في اوضه لوحده ومبقتش تروح المستشفى بس بما انها دكتورة قلب وشاطره كانو بيطلبوها تعمل عمليات وتروح علطول
وتامر وكيل النيابة قفل الملف بتاعها لان مفيش اي دليل ادانه على اي حد بس فضل مراقب من بعيد لبعيد وكده قضية ولاء تعبتبر خلصت عند تامر
عايزه رايكم في الحلقه
العاشر من هنا
