رواية مخالب الشيطان الفصل التاسع 9 بقلم مني سالم
الحلقه التاسعه
مخالب الشيطان
بقلم
مني سالم
في الصباح كانت شجن تحتضن جسدها وكانت نائمه في وضع الجنين علي الارض
عاصم كان يتناول طعام الفطور فطلب من الخادمه ان تذهب الي غرفه شجن لتخبرها ان طعام الافطار جاهز
طرقت علي الباب عده مرات وعندما لم تجد
رد نزلت الي عاصم تخبره بذلك فهرول عاصم الي غرفه شجن لكي يعرف ما حدث لها
فتح الباب فصدم من ما شاهده عندما دخل الغرفه
فكانت ممده علي الارض بلا حراك شاحبه شحوب الموتي
فوضع يده علي موضع النبض
وكانت الصدمه عندما استيقظت شجن من النوم وجدت نفسها في الفراش ترتدي ملابسها كامله
فكانت تحلم بكابوس فاستعاذت بالله من الشيطان الرجيم
وحمدت الله انها كانت تحلم فقامت من النوم
ودخلت الحمام استمتعت بحمام ساخن وارتدت ملابس مناسبه للنهار
ثم خرجت من الغرفه واخذت تبحث عن عاصم وجدت الخادمه تعد طعام الافطار في المطبخ
شجن /هو عاصم بيه فين
الخادمه/ لسه نايم يا ست هانم هو بيصحي كمان نص ساعه
تحبي احضر لحضرتك الفطار
شجن / لا ميرسي مش جعانه
فأتي صوته من خلفها
عاصم /مش عاوزه تاكلي ليه بقي يا شجن هانم لا انا معنديش حد يغضب علي الاكل
الخادمه / ثواني يا سعاده البيه والفطار يكون جاهز علي السفره
عاصم /تعالي يا شجن هنفطر سوا
شجن / حاضر
ثم بعد تناول الافطار تبادل عاصم مع شجن اطراف الحديث
حيث اخبرها بكل المستجدات
عاصم /باذن الله في خلال ايام هنسافر المانيا علشان علاج والدتك
واتطمني برعي دا مش هيقدر يتعرضلك تاني خلاص القضيه لابساه ومش هيقدر يطلع حتي لو جاب محاميين البلد كلهم
شجن/ انا........ اصل.......
عاصم /ايوه يا شجن عاوزه تقولي ايه اتكلمي
شجن / في واحده صاحبتي اخوها مريض كانسر وللاسف نسبه الشفاء ضعيفه ينفع يعني
...
عاصم/اة طبعا ينفع خلاص هخليه يسافر معانا هجهز اجراءات سفره علشان يسافر معانا مفيش مشكله خالص
شجن /بجد والله
عاصم/ايوه طبعا بجد
وكمان ريم هتخلص امتحانات وهتيجي معانا وان شاء الله لما نرجع ووالدتك تخف هيكون في شغل مناسب ليكي وكمان ريم
شجن /انا متشكره جدا يا عاصم بيه
بس انا مش فاهمه انت ليه بتعمل كل دا علشاني وانت متعرفنيش اصلا ولا في اي صله بيني وبينك ايه اللي يخليك تساعدني
عاصم /انا مبحبش الاسئله الكتير وبعدين هتعرفي كل حاجه في وقتها
شجن انا لو مش كنت صدقتك مش كنت هساعدك ابدا
المهم دلوقتي ترتاحي ومش تفكري في حاجه كل حاجه هتبقي تمام
وكمان انا بعت السواق يجيب ريم هنا وهفهمها علي كل حاجه
مش النهارده اخر يوم في امتحاناتها
شجن /ايوه النهارده اخر يوم
عاصم /خلاص احنا في خلال ايام هنسافر وكمان هخلي صاحبتك تسافر معانا علشان تبقي موجوده جمب اخوها وتطمن عليه
شجن /انا بصراحه مستغرباك انت بتعمل كل دا بدون مقابل
انا مش اقدر ادفع تمن كل دا
عاصم /انا عارف انتي بتفكري في ايه
وعارف كمان انك شايفاني شيطان عاوز اوصلك بالطريقه دي
اتطمني انا مش هطلب منك اي مقابل ممكن بقي تهدي كدا وتبطلي اسئله كتير
شجن /اصل مفيش حد في الزمن دا بيعمل خير كدا من غير مقابل
عاصم /الظروف الوحشه اللي مريتي بيها ورتك الجانب الوحش من الدنيا بس الدنيا مش كلها ناس شياطين
الدنيا فيها حاجات كتير حلوه يا شجن
شجن /انا كل حياتي اللي عشتها ملقتش فيها يوم حلو
عاصم /خلاص الايام الجايه باذن الله هتكون احسن
..........................
في الجامعه
بعد ان انهت ريم اخر يوم في الامتحانات كانت تتبادل اطراف الحديث مع صديقاتها
السائق / انسه ريم
ريم /ايوه انا ريم خير في حاجه
السائق/عاصم بيه باعتني اخد حضرتك علي الفيلا
اتفضلي كلميه في الفون
ريم/ الووووو
شجن/الووو ايوه يا ريم اركبي مع السواق وتعالي انا مستنياكي
ريم /هو انتي فين
شجن /لما تيجي هفهمك تعالي انتي بس وهقولك علي كل حاجه
ثم ذهبت ريم مع السائق الي فيلا عاصم السيوفي
فكانت في استقبالها الخادمه
الخادمه/اتفضلي يا هانم شجن هانم مستنياكي في الجاردن
ريم /اوك
ثم ذهبت الي حديقه الفيلا وجدت شجن جالسه هناك وعندما شاهدتها قادمه هرولت اليها واحتضنتها
شجن /عملتي ايه في الامتحان
ريم/الحمد لله
المهم قوليلي ايه اللي حصل
شجن /حصلت معجزه برعي اتقبض عليه
ريم/بجد ازاي
قصت شجن عليها ما حدث وما فعله عاصم من اجلها ومن اجل والدتها بشأن علاجها بالخارج
ريم /وايه اللي يخلي واحد زي عاصم السيوفي يعمل كل ده علشانك اكيد في حاجه اصل مفيش حد في الزمن ده بيعمل حاجه كدا بدون مقابل
شجن /انا سألته بس مش قالي حاجه تفتكري يعني ان عاصم السيوفي بجلاله قدره هيكون عاوز مني ايه
يا ريم انا لما جيت هنا كنت فاكره كده وعرضت نفسي عليه وكنت هنتحر بعدها بس هتصدقيني لو قولتلك اني لما عملت كدا
قالي انه مش عاوز مني اي حاجه وخرج وسابني ولما نمت حلمت بكابوس فظيع بس الحمد لله اني كنت بحلم
ريم/بردو مش مصدقه اكيد الموضوع ده وراه سر
شجن /تعرفي كمان اني طلبت منه يساعد نسرين ويوسف اخوها وافق علي طول تفتكري يعني هيكون بيعمل كدا عاوز ايه منا كنت قدامه كان ممكن يعمل اي حاجه بس اكيد في سر في حياته
المهم دلوقتي ان في خلال ايام هنسافر المانيا علشان علاج ماما وكمان استريحنا من برعي الزفت ده
ريم /الحمد لله
..........................
وبعد عده ايام تم سفرهم الي المانيا
نسرين /انا متشكره جدا يا عاصم بيه علي كل اللي انت عملته معايا
عاصم / مش تشكريني قولي الحمد لله المهم تطمني علي يوسف ويقوم بالسلامه
نسرين /يارب يقوملي بالسلامه انا مليش غيره في الدنيا
ثم اخذها السائق بعد ان اطمئنت علي اخيها وذهبت الي الفيلا الذي يقيم بها عاصم السيوفي
..........................
في مشفي الدكتور شنايدر
الحاجه شاديه /يابنتي ملوش لزوم كل ده منا عملت العمليه في مصر وبقيت كويسه
شجن /لا لازم تعملي العمليه هنا علشان تخفي ونتطمن عليكي يا ست الحبايب ان شاء الله هتقومي بالسلامه
الحاجه شاديه /يارب
وانتي يا ريم قربي عاوزه احضنك وابوسك يا بنت قلبي
ريم /يا ست الكل انتي هتبقي زي الحصان وربنا هيشفيكي ويعافيكي وكمان برعي الزفت دا اتقبض عليه وهيدخل السجن
الحاجه شاديه/اه شجن قالتلي الحمد لله ربنا ينتقم منه
ثم ودعتهم الحاجه شاديه لتدخل غرفه العمليات لتجري العمليه
اخذت شجن ريم وانتظروا في استراحه المشفي واخذت شجن المصحف من حقيبتها واخذت تتلو ما تيسر من القرآن الكريم
وايضا ريم فعلت المثل
بعد مده تتراوح بين ساعتان ونصف الي ثلاث ساعات خرجت الحاجه شاديه من غرفه العمليات الي غرفه الافاقه وبعدها تم نقلها الي غرفه العنايه المركزه
وبعد يومان تم نقلها لغرفه عاديه حيث تحسنت حالتها كثيرا
وكذلك اجري يوسف عمليه دقيقه للغايه
وتحسنت حالته كثيرا وتخطي مرحله الخطر
واصبح بصحه جيده
كان طوال هذه الفتره عاصم السيوفي يتابع عمله والصفقات التي سافر للخارج من اجلها
وكان يطمئن عليهم من شجن
وبعد ان انهي عمله في الخارج عاد الي مصر بمفرده وتركهم هناك حتي تتمكن الحاجه شاديه من اتمام علاجها وتتعافي كليا
وايضا يوسف كان يتلقي العلاج حيث مكث في المشفي شهرا كاملا لكي يتلقي العلاج
وكانت نسرين كل يوم تذهب الي المشفي لتطمئن عليه
وايضا كان عاصم السيوفي قد وجد لها شغل مناسب في شركته لكي لا تعود الي الكباريه مره اخري وتم تعينها في العلاقات العامه
وايضا تم تعيين شجن كسكرتيره خاصه له
ولكن عند عودتها من المانيا وايضا تم تعيين ريم في نفس الشركه
...........................
في شركه عاصم السيوفي
كان عاصم يتابع عمله
دخل سيف الي مكتبه ليخبره باخر المستجدات واخبره ان تم تحسن حاله الحاجه شاديه واصبحت بصحه جيده
وايضا يوسف تحسنت حالته جدا
سيف /تمام يا ريس الحاجه بقت زي الفل وكمان يوسف اتحسن خالص انا حجزتلهم علي طياره بعد بكرا هيوصلو علي الساعه تلاته ونص هخلي السواق يستقبلهم في المطار
عاصم / طب تمام والموضوع التاني
سيف /اتطمن لابس ٣ قواضي مش هيعرف يخرج منهم والمحامي العقر اللي معاه عمال يدورله علي اي صغره علشان يخرجه بس مش هيعرف المهم الجلسه اتحددت بعد يومين
وان شاء الله ياخد حكم يقعده بقيه عمره في السجن
عاصم /لا انا متطمن من كدا هو مش هيطلع من السجن غير علي قبره
........................
في المطار
عادت شجن وريم ووالدتهم من السفر وايضا نسرين ويوسف
كان السائق بانتظارهم
واوصل نسرين اولا الي بيتها واخبرها ما امر به عاصم السيوفي حيث ان عملها سيبدأ في قسم العلاقات العامه في شركه عاصم السيوفي من بدايه الاسبوع
وبعدها اوصل شجن وشقيقتها الي منزلهم الجديد الذي اشتراه عاصم من اجلها وايضا اخبرها السائق ان عملها هي وشقيقتها سيبدا من بدايه الاسبوع
........................
يوم المحاكمه
كانت شجن وريم يجلسون في قاعه المحكمه
وايضا كانت نسرين تجلس معهم
و.............
يتبع........
