رواية عذاب عاشق الفصل السابع 7 بقلم اماني المغربي

رواية عذاب عاشق الفصل السابع 7 بقلم اماني المغربي

 ((( عذاب عاشق )))7 بقلمي أماني المغربي

انا قررت احط مواعيد للروايتين عشان محدش يفضل يسأل عن امتي هنزل الفصول

رواية ((مجنونة ادهم)) سبت وأربع

رواية (((عذاب عاشق)) اتنين وخميس

وطبعا لو مش نزلوا في معادهم اكيد هيكون عندي ظروف نبداء بقا روايتنا

بسم الله الرحمن الرحيم

خلود ... الله انا بحب الاغنية دي

عاصي وهو مركز مع جنات ... وانا كمان

اسلام ... تعرفي الاغنية دي جميلة

بتبتسم له جنات ومش بترد

كل واحد يلف شريكة

وفجاءة النور يقطع

بتحصل حالة هرج في المكان والكل بيسأل إي إلي بيحصل وبيحول ينور بالكشافات

جنات بتحس بحد بيكتم نفسها بتحاول تدافع عن نفسها بس للأسف هو كان أقوي وعرف يسيطر علي حركتها ووقعت مغمي عليها

فعاصي ..... اسف ي روحي بس دا الأفضل ليكي

في مكان يعمة الظلام

فعاصي .... الو ي خلود .. ها انا في مشوار ضروري ... اسف ي حبيبتي مش قدرت أقولك لان كان ضروري ... روحتوا .... جنات لا مش معايا لي ...... تلاقيها روحت .... طب خلاص انا هتصل علي البيت واطمن ... ها اسلام اتصل وسماح قالت إنها روحت تمام خلاص سلام

بتفتح جنات عيونها ببطئ... اااه

فجاءة افتكرت ان في حد في الحفلة كتم نفسها فقامت معدولة بعد ما كانت نايمة علي أرضية من قش بتبص حواليها لمحت من الشباك إلي في الكوخ نار

طلعت براحة تتسحب لقت عاصي في وشها

جنات .... انت

عاصي.... كويس انك صحيتي ويسبها ويطلع برا

بتخرج وراءة

جنات .... ممكن افهم إي إلي بيحصل هنا وإي المكان إلي جايبني فية دا

عاصي ببرود ...... المكان حلو

جنات بحدة.. إي البرود إلي انت فية دا ي اخي بقولك انت جايبني هنا لي وإي جو إلي خادتني قوي دا

عاصي بنفس البرود ...... مش انتي بتحبي الجو دا حبيت احقق ليك طلبك واعيشك الجو دا

جنات .... عاااصي

عاصي بغضب ..... ما تعليش صوتك

بيمسح وشة بعصبية وبيعطيها ظهرة

هي عرفت دلوقتي ان وراء البرود دا بركان وهي لازم تتطلعة هي عاوز تفهم كل حاجة إي إلي بيحصل وإلي هو كل شوية بيتعمد يأذيها

بتلف له وتقف قصادة ..... لا هأعلي صوتي واصرخ كمان لحد ما تفهمني إي إلي بيحصل هنا

عاصي بياخد نفس طويل ويقترب منها وبيمسكها من زراعها .... هفهمك وحياتك عندي هفهمك بس

جنات ..... بس إي ي عاصي

بيمسك عاصي وجهها بحزن .... خايف إلي هحكية ليكي ميكونش مبرر كافي للجروح إلي جرحتها ليكي

بتبعد عنة جنات وعيونها بتلمع بدموع ..... يعني يعني انت كنت عارف انك بتجرحني يعني كنت قاصد أنك تجرحني بتتراجع بعض الخطوات لأستيعاب كلامة تهب رياح بسيطة لعلها تطفئ من النار التي اشتعلت في صدرها بتبص له بكسرة وتشاور علي قلبها...... يعني انت كنت بتتعمد توجعني دموعها بداءت بالنزول كشلال بتضحك وسط دموعها .ههههه لا بجد ونعم الاب والاخ والصديق بتلم شعرها إلي الوراء وتبتسم بكسرة ونعم السند إلي كان بيتمتع يشوف وجعانا

بيقترب عاصي منها .... جنات ارجوكي خاليني افهمك

بتتحول نظرات جنات إلي قسوة وبتوقفة بإيدها بيقف عاصي مكانة ....... ارجوكي ي جنات اسمعيني طيب

جنات بجمود .... اسمع إي اسمع إزاي كنت بتفنن بتعذيبي اسمع إزاي كنت بتجرحني عن عمد إزاي كنت بتخليني محط استهزاء للهانم بتاعتك اسف مش عاوز روحني ي عاصي وانسي انك تعرف حد اسمة جنات

بيقرب منها عاصي بغضب وبيمسكها من زراعها بقوة ...... دا علي أساس أنك مكنتيش بتتعمدي أنك تجرحيني لما تقربي من سي زفت بتاعك دا

جنات بزقة بغضب مع اشتداد الرياح نسبة بسيطة وتطاير خصلات شعرها علي وجها وبتصفق ..... لا برافو ي عاصي عرفت تقلب التربيزة و طلعتني انا الظالمة وانت المظلوم

بتقرب منة وتضربة في صدرة ..... ايو انا الظالمة ظالمة ما ظلمت نفسي اني احب واحد زيك اناني مش بيحب حد غير نفسة

كل ما كانت بتضربة كان بيرجع خطوة إلي الوراء ليس من شدة الضربة ولا دفعها له كأنة يخطط لشئ ما في دماغة

جنات بتعيط بقهر..... ايو ظالمة لما حاولت أني اكشف ليك الحرباية خطبتك برغم أنك جرحتني ظالمة لاني ظلمت نفسي لتاني مرة رجعت احبك من جديد وقررت انسي كل حاجة ولو كان قصدك بقا اني كنت بتعمد اقرب من اسلام عشان اجرحك ايو كنت بقرب منة عشان احساسك لو جزء بسيط من إلي خالتني احسة يوم ما قتلت جنات في يوم خطوبتك خالتني اعيش شعور اليتم من جديد بس المرادي كان طعمة أمر لأني مش أبويا إلي مات يوميها بس دا كان أخويا وأبويا وامي وصديقي وحب حياتي ودا كله كان بيتلخص فيك انت

بيمسك عاصي إيديها إلي كانت بتضربة وفي حركة سريعة منة ثبتها علي جدار الكوخ

لما عمل كدا هي مش قومتة هي فتحت في العياط وصوت شهقاتها ارتفعت

خدها عاصي في حضنة وغمض عيونة وخد نفس طويل ومسح دموعة إلي نزلت منة بعد ما حس أخيرا فداحة الألم إلي سببة لها مسح دموعها وهي بتشبث بهي اكتر وبتبكي

فضلوا علي هذا الحال اكثر من ساعة لحد ما هديت

عاصي بهدواء وهو بيملس علي شعرها.... احسن .

بتبعد عنة وتهز رأسها بنعم

بيعم الصمت المكان وكل واحد فيهم بينظر لنقطة معينة في الفراغ

ممكن بكائها واعترفها له بكل إلي بيوجعها وقد إي هو جرحها هدي النار إلي جواها شويه عشان كدا قررت تسمع مبرراتة بس في نفس الوقت في نار تانية اشتعلت نار الانتقام ذي ما خلاها تتألم عن قصد هتخلية يعرف الألم إلي بجد محدش يقولي إلي بيحب حد بيسمحة وينسي كل حاجة عاملها فية لمجرد أنة بيحبة

احب اقولك إنك غلطان لان الشخص إلي جرحك دا كان في يوم من الأيام النفس إلي بتتنفسة بتكذب علي نفسك لو قولت هسامح من غير ما عاقب لأنك في أول موقف هيحصل بينكوا هتكون حاطط وراء ظهرك سكينة مستني إي غلطة له وهتطلعة عشان تطعنة وساعتها انت إلي هتكون غلطان لانة طلب سماحك وانت سمحت من غير ما جرحك يشفي يبقا ما تجيش بقا في أول موقف بنكوا تجرحة بنفس الطريقة لان ساعتها انت إلي هتخسر كل حاجة فاياريت ي جماعة إلي موجوعة من حد مش عارف يسمحة يبعد احسن الحياة مش مستهلة اننا نعيش في دوامة انتقام الحياة أبسط من كدا احنا ضيوف فيها فا مش مستهلة اننا نقف لبعض علي الوحدة لو حد جرحك ابعد ولو مش قادر اصبر لحد ما تعرف تشفي جروحك وارجعوا لبعض طلاما هو ندم وعرف غلطة بس لازم نعرفة غلطة ويعرف إن الغلطة قد إي كانت ممكن تدمر العلاقة بينكوا وبعدين ارجعوا وعيشوا حياتكوا صدقوني مش مستهلة اننا نزعل الكلام دا مش للزوج او الزوجة بس قصدي علي الصحاب إلي فجاءة تلاقيهم مبقاش عرفين عن بعض إي حاجة بعد ما كانوا مايقدروش يستغنوا عن بعض ما تخليش كبريائك يمنعك انك تسامح او تدي فرصة تانية لشخص عزيز عليك ((اسفة خرجت عن محتوي الرواية هي حقت الكلام كان في البارت الاخير بس انا كتبتة هنا مش عارفة لي مين عارف ممكن حد يكون محتاج الكلام دا اه الكلام إلي قولتة دا ملهوش داعوة بألي جنات هتعملة في عاصي ها محدش يخلي الشيطان يتحكم فية ويروح يجرج الناس إلي جرحوك خاليك احسن منة وقول حسب الله ونعم الوكيل وخلاص يالي بينا نكمل روايتنا ونعرف أسباب عاصي اسف كمان مرة لاني فصلتكوا عن الرواية )))

بيعم الصمت المكان وكل واحد فيهم بينظر لنقطة معينة في الفراغ

بعد فترة عاصي بيعتدل في جلستة وبينظر لها وبيمسك إيدها عشان تنتبة له ..... الموضوع بداء لما خلود رجعت من جديد حياتنا كنت يوميها قررت أن افاتح امك عشان انا وانتي نتجوز

بتبص له جنات بصدمة .... نتجوز

عاصي بحب ... ايو نتجوز مالك مستغربة

جنات ... مش مستغربة بس انت عمرك ما لمحت ليا حتي أنك نفسك تتجوزني ايو طول عمرك بتعملني علي أني جوهرة غالية عندك بس للأسف كنت دايما محساساني إني صديقة وبس من كتر البنات الي كنت بتعرفني عليهم

بيأخد عاصي نفس طويل .... بصراحة كنت بخاف أن مشاعرك ناحيتي تكون مجرد فترة مراهقة هتروح بمجرد تعرفك علي ناس جديدة

بتبعد جنات إيدها وتقف .... ياه للدرجادي شايفني سطحية وإني تافها لدرجة اني مقدرش احدد مشاعري إزاي كان انت دايما بنفسك بتقولي إني دماغي اكبر من سني وإنك تقدر تعتمد عليا في أي حاجة ودلوقتي بتقولي خايف مش منطقي علي فكرة كلامك

بيقف عاصي قصادها.... لا منطقي منطقي خالص كمان الخوف بيخلينا نفكر مليون مرة قبل ما نبداء خطوة

جنات بتاخد نفس طويل .... ماشي ي عاصي خاليني وراء الكداب لحد بابا الدار

بيمسكها عاصي من كتفها... انا مش كذاب ي جنات انا بقول ليكي احساسى ساعتها ولو هتبدائي تكذبيني من دلوقتي فامبقاش له لازمة الكلام او أن احكيلك حاجة

جنات بتبص له وتبعد ايدة وترفع كتفها ... براحتك يالي نروح

قدمت خطوتين لحقها عاصي وقفها

خد نفس طويل .... بس انا عاوز احكي مش عاوز الجدران إلي بقت بينا دي تفضل موجودة عاوز عاصي وجنات يرجعوا زي ماكانوا واحسن كمان

بتبعد جنات عيونها عنة

بيمسك عاصي ذقنها وبيخليها تبص له .... متبعديش عيونك عني

بتاخد نفس طويل .... كمل ي عاصي

عاصي ... تعالي نقعد الاول لان كلمنا لسا هيطول

عاصي .... لما ظهرت ومثلت انها مظلومة واتهمتك أنك السبب في انفصلنا عن بعض وأنها هتخليني اسمع بودني بصراحة مش اهتميت اصلا لأن الغبية متعرفش أنك علطول كنتي بتعملي مقالب عشان تبعديني عن البنات بس قولت اشوف هي عاوز توصل لأي

في مرة شفتها نزلة من شقا ومعاها راجل شكلة مش غريب عليا ركبوا العربية وانا مشيت وراهم لحد موصلوا لقصر راجل الأعمال........ إلي انا ماسك قضية الاغتصاب بتاعتة ابنة

دورت وراها وعرفت أنها طلعت بتشتغل مع محامي الدفاع إلي مأجرة راجل الأعمال دا

جنات .... لي مش جيت وحكيت ليا لي خبيت عليا وخليت الموضوع يوصل بينا لكدا لي اصلا موجهتاهاش وطلعتها من حياتنا

عاصي .... كنت هعمل كدا بس للأسف اكتشفت أنا الموضوع اكبر من سرقة ملف يخص القضية كنت قاعد مع صديق ليا مروان انتي عارفاة اخو شهد صاحبتك

جنات ..... هما رجعوا امتي من السفر وإي علاقة مروان بالموضوع اصلا

عاصي ..... رجعوا من شهر تقريبا اما علاقة إي بالموضوع دا رواية تانية هكتبها بعد الإمتحان مروان أول محكيت لة الموضوع و بصدفة بوارية صورتها قالي شاف البنت دي اكتر من مرة خارجة من قصر ناس بيتاجروا في مخدرات واعضاء بشر وغيروا من البلاوي دي

جنات بستغراب .... غريبة إي داخل مروان مع ناس ذي دي مع أنة طول عمرة بيبعد عن القضايا إلي تعرضة هو واختة لخطر

عاصي ..... بسبب حياة

جنات ... مش معقولة حياة طول عمري بقول لها إن جننها هيعرضها لخطر واهو وصلها لناس خطيرة

عاصي .... سبحان الله شوف مين بيتكلم عن الجنان وهو أصل الجنان

جنات ...... هههههههه معلش اصلك معذور ما تعملتش معاها قبل كدا إذا كنت أن مجنونة وتفكيري شيطاني هي بتكون أم الجنان والشيطان يقعد كد ويتعلم من خططها الشرانية

عاصي ..... سمعت عنها من مروان

جنات في سرها ... ولا هنرج لايامك ي حياة وخططك المجنونة

جنات لعاصي .... علي فكرا ي عاصي أنا وإسلام تقريبا وصلنا لحاجة ذي كدا عن خلود بس ماكنش في إيدنا دليل نقدمة ليك بس انت طلعت عارف اكتر من كدا بكتير

عاصي ..... مع إن سيرة الزفت دا بتعصبني بس مش وقتة الخايبة مش خلود الموضوع طلع اكبر من كدا بكتير بقا واجب عليا عشان احمي بلدي من الذئاب البشرية إلي مش عندهم ولا دين ولا رحمة

جنات ..... بس لحد دلوقتي مفهمتش انت لي مش قولت ليا

استوووووووب المرة الجاية هنعرف اسبابة

الثامن من هنا

تعديل المقال