رواية خادمه بعقد شرعي الفصل الخامس 5 بقلم القلم الذهبي
حسن دخل لمكتب منصور وقطع تفكيره بماضي دلال وعطاه علم بوصول رجالة نادر ومعاهم قاسم . طلب منصور من حسن يدخلوه عنده
.دخلوا رجالة نادر ومعاهم قاسم مكتب منصور بالقصر واشار ليهم يمشوا وسابوا قاسم مع منصور بمكتبه..
قام منصور من علي مكتبه
وكان واقف قدامه قاسم وباين علي وشه الزعل والغضب من تصرف منصور وطلبه من الرجاله يحضروه بالقوه عنده.
منصور قرب من قاسم وبيلف حوالين قاسم اللي
واقف مكانه مش بيتحرك وقف قدامه منصور وجهه لوجهه !!!
وافتكر موقف حصل من قاسم من 12 سنه عدت
منصور كان واقف قدام مكتب قاسم بيعرض عليه بعض أوراق الحسابات بالمصنع.
_ الملفات دي فيها غلط بالحسابات يا قاسم بيه.
بصله قاسم بقرف
_ استاذ منصور الملفات دي انا بعتهالك عشان تحفظها بالارشيف مش تراجعها مفهوم يا استاذ.
بصله منصور وقال
_ بس ازاي ..
قاطعه قاسم بنبره حاده وتهكم
_ انت تنفذ اللي بقول عليه وبس .ازاي دي بتاعتي انا. اتفضلي علي شغلك..
خرج منصور من مكتب قاسم وهو غضبان وزعلان من تصرف قاسم بيه معاه..
رجع من تفكيره منصور وبص لقاسم وقال بسخريه
_ معلش يا قاسم بيه كان نفسي تكون مقابلتنا بعد الغياب دي احسن من كدا بس حظك بقي
بصله قاسم بقهر.
_ ودلوقت عايز مني ايه يا.......
رفع منصور حاجبه بتكبر.
_ ايه نسيت اسمي يا قاسم لو نسيت انا اعرفك مين انا .
نفث منصور سجارته بوش قاسم وقال
_ عايزك تعرف اللي يلعب قدام منصور بيه الدالي يكون قد اللعب يا ميلعبش وبالاخص واحد زي انا بيعرف ماضيك ايه
قاسم بصله بغيظ
_ انا ملعبتش مع حد انا بنفذ شغل مطلوب مني.
ضحك منصور بسخريه
_ طول عمرك هتفضل كدا تنفذ شغل اسيادك وتفضل طول عمرك صغير قدامهم..
قاسم بزهق
_ انت بقي جيبني هنا عشان تهيني في بيتك واللي عشان تخلص اللي كنت بعمله فيك و مش قادر تنساه ..
منصور جز علي اسنانه وقاله بقهر.
_ انا جيبك هنا النهارده بس تحذير عشان متفكرش تقرب من مكان انا فيه . اما اللي بتقول عليه ماضي لسه دورك جاي.
اما دلوقت هسيبك تعيشلك يومين قبل ما اجلك ينتهي يلا من قدامي ..
نادي منصور علي رجالته واخدو قاسم من قدامه ورموه بره القصر...
******
صفيه مع دلال بغرفتها ساعدتها تقعد علي الكرسي وجبتلها عصير عشان تهدي اعصابها بعد اللي عمله منصور فيها ..
هديت شويه دلال وبدات ترجع للمود الطبيعي بتاعها...
طلبت من صفيه تجيب كرسي وتقعد جمبها.
جابت الكرسي صفيه وقعدت وقربت من دلال قوي..
بصلتها دلال وهمست بصوت خفيض عشان محدش يسمعهم...
_
مش عايزه حد يدخل عندي هنا الا انتي عايزاكي انتي تبقي مسئوله عن كل حاجه تخصني انا زهقت من البيت ده ومن اللي فيه كلهم كدابيم ومنافقين وبتوع مصلحتهم وبيبيعوا نفسهم بالفلوس.ومهما تديهم مبيشبعوش علشان كده انا مبقيتش اامن لهم من اول مره شوفتك عرفت انك طيبه وبنت ناس مش زي الاوباش اللي هنا بس اللي مش فهماه ايه اللي وقعك في طريق منصور بنت صغيره زيك كان المفروض انها في بيت اهلها وبتكمل تعليمها مش بتشتغل في البيوت ؟!!!
بصتلها صفيه وقالت بضعف
_ الفقر والحوجه بيذلوا ياست هانم ربنا يكفيكي شرهم ابويا راجل غلبان وعنده كوم لحم ومحلتوش حاجه غير كشك الجرايد ويادوب الكشك ياكلنا عيش حاف وانا مقدرتش اشوف اخواتي محتاجين ومش لاقين حاجه اول لما البيه عرض علي ابويا اني اشتغل عنده وابويا قالي وفقت علطول علشان خاطرهم..
هزت راسها دلال وقالت بحماس
_ تعرفي ياصفيه وانا في بيت بابا كان في واحد ه زيك كده كانت شغاله في القصر ووكانت طيبه جدا كنت بحبها قوي ومكنتش بعاملها انها شغاله عندي وكانت صحبتي ومكنتش بخليها تحتاج لاي حاجه وانتي كمان ياصفيه لو سمعتي كلامي ومشيتي تحت طوعي مش هخليكي تحتاجي لاي حاجه وهحقق لك كل اللي بتتمنيه انتي متعرفيش انا عندي فلوس واملاك قد ايه ورثاها عن بابايا الله يرحمه وكمان الخير والعز اللي فيه الباشا بتاعك اصل خير وعز بابا الله يرحمه منصور استولي عليه بالاعيبه القذره كان مجرد موظف كحيان عند بابا فضل يدحلب عليا لما حبيبته وكل عقل بابه وبدا يتلاعب بالشركه لما استولي علي اغلبيه الاسهم وبقت من نصيبه ومكفهوش كده كمان هوالسبب في اللي حصلي والسبب في عجزي وقعدتي دي المهم مش عايزه افتكر اللي فات علشان متعبش اللي عايزاكي تفهميه ان طول مانتي معايا هعيش في العز والنعيم اللي لايمكن هتلاقيه مع حد غيري وياسلام ياصفيه ولو تساعديني ان انفذ اللي في دماغي ساعتها هتبقي طاقه القدر اتفتحتلك لو تطابي ايه هتلاقيه مجاب في ساعتها وهتبقي بدل ما انتي حته خدامه هيبقي عندك بيت وفلوس وعربيه وتبقي حره نفسك ومحدش ليه حكم عليكي غير كده هيبقي دين في رقبتي طول العمر.
صفيه // بيت وفلوس ودين في رقبتك ياهانم ودا ايه ده اللي مطوب مني ياهانم علشان المقابل بتاعه يبقي كل ده. .
دلال // حاجه بسيطه قوي هطلبها منك.
صفيه // انا من ايدك دي لايدك وكل اللي هتطلبيه هنفذه وانا مغمضه انا بحلم باليوم اللي يكون عندي فيه بيت انا واخواتي وعايشين كويس زي بقيت الناس بس مقولتليش ياهانم ايه هو المطلوب من اعمله علشان تديني كل الحاجات دي
دلال // حاجه بسيطه خالص انك تساعديني اني اخلص من منصور نهائي وساعتها اللي هتطلبيه هتلاقيه.
صفيه // اييييييه!!!! بتقولي ايه ياهانم.
دلال // مش عايزاكي تردي دلوفت فكري قبل ماتردي عليا كويس وفكري في العز والنعيم اللي هتعيشي فيه وحياتك اللي هتتغير 180 درجه.
ودلوقت تعالي سعديني اخد حمام واغير هدومي وطلعيلي اشيك فستان عندي انا عايزه ابقي زي القمر النهارده واطلبيلي المكيب ارتست تعملي ميكب انا حاسه اني فرحانه قوي النهارده.
صفيه // ربنا يفرحك دايما ياهانم....
خلصت صفيه شغلها مع دلال وحست بتعب وطلعت من اوضة دلال ورايحه اوضتها عشان تنام..
دخلت صفيه اوضتها ونامت بسرعه من التعب..
وفي نص الليل حست بتعب في بطنها وقامت من النوم عشان تروح الحمام. فتحت باب اوضتها ولسه رايحه تخرج.
لمحت سناء بتبص يمين وشمال ومرتبكه ومش علي بعضها..
رجعت صفيه اوضتها وادارت وراء الباب وبتراقب سناء . شافتها اتاكدت سناء مفيش حد معدي دخلت اوضتها سناء بسرعه وبعد لحظه ظهر شعبان السواق ودخل وراها اوضتها..
شافتهم صفيه انصدمت وقالت بين نفسها
_ هو ايه اللي بيحصل بالظبط مش فاهم حاجه. شعبان السواق وسناء باوضه واحده ازاي.. ازاي.
انا لازم اطلع واشوف فيه اي..
طلعت صفيه من اوضتها وبصت حواليها واتاكدت مفيش حد وفضلت تسحب ناحية اوضة سناء ..
وقرب من الباب وبصت من فتحت الباب وكانت الصدمه اللي متوقعتهاش صفيه ..
شعبان وسناء علي.....
