رواية مخالب الشيطان الفصل الرابع 4 بقلم مني سالم
البارت الرابع
مخالب الشيطان
بقلم
مني سالم
شجن /انت
عاصم /مش تقولي انك بتاجري بلحمك اخر حاجه كنت اتخيلها انك تكوني رخيصه كدا يا خساره
شجن والدموع في عينها /انا مجبره علي كدا صدقني
عاصم /بقولك ايه انا مبحبش الرغي الكتير انا دافع فلوس وعاوز حقي في اللي دفعته فهماني طبعا
شجن /حاضر تحت امرك تحب تشرب حاجه
عاصم /اه احب روحي هاتي عصير من المطبخ اصلي مليش في الخمره
شجن /تحت امرك ثم تذهب الي المطبخ تقوم بصب العصير في الكأس وتخرج من جيبها عبوه صغيره تضع بضع قطرات في العصير ولا تلاحظ العيون التي تراقبها من بعيد
ثم تذهب لعاصم تعطي له العصير فياخذه منها ثم يقول
عاصم /مش عملتي لنفسك ليه ولا انتي مبتشربيش غير خمره
شجن /لا مش عاوزه اشرب حاجه
عاصم / لا اشربي ده ولا خايفه انتي كنتي ناويه تخدريني وتسرقيني يا واطيه انطقي ثم يصفعها علي وجنتيها فتسقط علي الارض وتنزف من فمها وانفها بشده
ثم تقف وتمسح انفها بيدها وتسرد له ما تمر به من ظروف صعبه ولكنه يصفعها مره اخري ويقول
عاصم / انتي هتضحكي عليا يا بت ولا فاكراني هصدق القصه الهبله اللي بتقوليها دي
شجن / يعني انت مش مصدقني دا انت بنفسك قابلتني اول مره في المستشفي وكنت بعيط ساعتها ولما سألتني ساعتها قولتلك ان ماما بتعمل عمليه صح ولا ناسي
عاصم/صمت فجأه وتذكر ان كلامها صحيح ثم قال اة بس بردو مش معني كدا ان كلامك كله صح
شجن /طيب براحتك بس هي دي الحقيقه مقدرش اسلم نفسي لاي حد ينهش في لحمي انا عملت كدا علشان انقذ امي من الموت ولو مكنتش اشتغلت في الكباريه ولولا كدا مكنتش عملت حاجه خالص
عاصم/ عاوزه تفهميني انك عذراء محدش قربلك ابدا طول فتره شغلك دي
شجن/ايوه انا فعلا ممكن اخرج مع زباين طبعا بعد ما يهددني برعي بمرض امي فأضطر اروح مع الزباين بس بحط المخدر في العصير علشان احمي نفسي من اي حد
عاصم /انتي متعلمه
شجن /انا معايا بكالوريوس تجاره
عاصم/انا ممكن احميكي منه ممكن تشتغلي عندي انا عندي شركه من اكبر الشركات ممكن اشغلك عندي ومتخافيش هحميكي من اللي اسمه برعي ده
شجن /معلش انا في الوقت الحالي مقدرش اعمل كدا لما حاله امي تتحسن ممكن اسيب الشغل معاه انا مش يفرق معايا نظره الناس ليا المهم عندي امي تكون بخير مش بعد كل دا اخليه يأذيها
عاصم/ خلاص براحتك ثم اخرج بعض الورقات الماليه واعطاها لها ثم اخرج من جيب سترته الكارت الخاص به
تقدري تقعدي في اي اوضه تعجبك الاوض هنا كتير وروحي الصبح وابقي قولي للزفت اللي اسمه برعي اني اديتك نص المبلغ ده وبس
شجن/انا متشكره جدا انا مش عارفه اشكرك ازاي انا كل خوفي علي ريم كمان ممكن يمشيها في السكه اللي مشاني فيها ويهددها بامي لانه دايما كل ما ارفض اروح مع زبون يهددني ويقولي ان اختي قدامه ومفيش اسهل من انها تعمل الشغل اللي انا برفضه
عاصم/اختك بتدرس
شجن /ايوه اختي في اخر سنه في كليه الهندسه وانا بصرف علي تعليمها وعلي علاج امي
عاصم /خلاص مش تقلقي انا هتصرف
شجن/ارجوك متعملش حاجه دلوقتي انا مستنيه امي تبقي كويسه واختي تتخرج وتبقي في الامان ساعتها بس اقدر اسيب الزفت ده وشغلانته القذره دي
عاصم/طيب البيت بيتك باتي هنا ولما تصحي روحي لامك اتطمني عليها
شجن/طب وانت هتروح فين
عاصم /انا هروح ابات في شقتي التانيه او الفيلا بتاعتي مش مهم
روحي انتي استريحي ومتشليش هم ثم تركها وذهب خارج الشقه بل من العماره بأكملها
وفي صباح اليوم التالي ذهبت شجن الي المشفي لتطمئن علي الحاجه شاديه وجدت ريم تجلس بجوارها تبكي في صمت وهي تقبل يدها كانت الحاجه شاديه نائمه بسبب المخدر التي تاخذه لكي لا تحس بالألم الذي تشعر به
دخلت شجن مسرعه الي اختها
شجن/مالك يا ريم بتعيطي ليه يا حبيبتي ماما الحمد لله بقت كويسه
ريم/ماما صعبانه عليا جدا يا شجن انا عمري ما شفتها فرحانه وبتضحك ابدا كل حياتها كانت حزينه وشايله الهم نفسي نفرحها
شجن/ان شاء الله ماما هتبقي كويسه وهنرتاح من زل برعي والايام هتثبتلك روحي انتي الكليه علشان مش تتاخري وانا هروح البيت اعملك الغداء واريح شويه ثم خرجت من الحجره
فاسرعت ريم خلفها بعد ما اخدت متعلقاتها وذهبت لتسأل شجن عن سبب غيابها في الليله الماضيه
ريم/شجن استني انا هروح معاكي انا معنديش محاضرات النهارده
استني ثم ذهبوا سويا الي البيت وعندما اغلقت شجن الباب اسرعت الي غرفتها لتتهرب من اسئله ريم المعتاده فأوقفها صوت ريم
ريم /استني يا شجن مش كل مره هسألك وتهربي من سؤالي زي عوايدك كنتي فين امبارح بردو روحتي مع زبون انا مش قولتلك سبيله المخروبه دي وتعالي نهرب منه ونعيش في بلد تانيه
شجن /تفتكري اني مفكرتش في كدا بس هو العن من ابليس مكتبني وصل امانه علي بياض وكمان مرض امي هو اللي مخليني افضل اشتغل في المخروبه دي علشان انقذ حياتها بس انا مفرطتش في نفسي متخافيش
ريم/مش كل مره تسلم الجره يا شجن ممكن في مره تروحي مع زبون تخسري نفسك وشرفك انا خايفه عليكي وفي نفس الوقت مجبره اسيبك كدا لان مفيش في ايدي حاجه اعملها ربنا معاكي انا هروح الكليه عندي محاضره وبعدها هرجع
في الليل في الكباريه
كانت شجن ترمي النقود في وجه برعي
نظر برعي الي النقود ثم قال
برعي /ياااه كل دي فلوس دا شكلك عجبتيه علي الاخر يا بنت الفقريه مش بقولك طاوعيني انتي بس وانا هاكلك الشهد بس اعمل ايه في دماغك الناشفه دي وش فقر زي امك
شجن/اقسم بالله لو جبت سيره امي تاني مش هقعد في المزبله بتاعتك دي ثانيه واحده
برعي/جري ايه يا روح امك انتي هتغلطي في ولي نعمتك ثم يصفعها علي وجهها فتقع علي الارض ثم تقوم مره اخري تنظر له باحتكار وتبثق عليه وتغادر المكتب
فتعمل في الكباريه الي منتصف الليل وعند انتهاء الشيفت تبلغها زميله لها ان برعي يطلب منها ان تحضر الي مكتبه قبل مغادرتها
فتذهب شجن اليه
برعي /خدي ثم يخرج كارت به عنوان صاحب العنوان دا عاوزك تروحيله النهارده في عربيه مستنياكي بره
شحن /هو احنا مش هنخلص من الشغلانه الوسخه دي بقي
برعي /الشغلانه الوسخه اللي بتتبطري عليها دي يا ست الحسن هي اللي بتصرف علي المحروسه اختك وكمان علي امك فبلاش تسمعيني الكلمتين اللي حفظتهم كل ما اطلب منك تروحي مع زبون يلا راعي اكل عيشك امك لسه تعبانه ولو علاجها اتمنع هتموت الف بعد الشر عليها يلا يا حلوه فتحي دماغك وروحي مع الزبون وبعدين انا عاوز افهم ليه بترفضي منتي ياما روحتي مع زباين كتير دي مش اول مره يعني
يلا اتحركي واياكي اسمع منك الكلام اللي ملوش لازمه عندي ده ثم يصرخ في وجهها فتخرج علي الفور تسب وتلعن فيه
تذهب بالسياره الي العنوان المدون علي الكارت ويستقبلها الشخص ويدخلها وتجلس معه ويتحدث معها ثم يحضر لها مشروب ويجلس بجوارها يتحسس جسدها بجراءه فتقوم علي الفور وتطلب الذهاب الي الحمام فيسمح لها بذلك وتذهب الي المطبخ بدلا من الحمام وتحضر له عصير وتضع المخدر بداخله وتخرج له وتطلب منه ان يشرب ما احضرته فيرفض في البدايه ولكنها تقنعه انه يجب ان يشرب العصير ولا يرفض ما صنعته من اجله فيستجيب في النهايه ويشربه وبعدها بقليل يسقط علي الفراش حتي الصباح ثم يستيقظ ويذهب الي صديقه
عاصم /ها عملت ايه اتفرجت علي الفيديو ولا لسه...........
يتبع
بقلم
مني سالم
