رواية عائلات راقية بفسادها 30 الفصل الثلاثون بقلم اروي طاهر المسلاتي
ارسولان:شن اديري هنايا !؟
ماريا:كانت تعبي في عيونها بي شوفته
ليها فتره طووويله مشفتاش عن قرب
ماريا:ك كنت ندور في اسلام ...جت بتطلع بس ارسولان حط يده ع الباب ومنعها !
قامت عيونها فيه وقرب ارسولان منها 
حست كويس بي نفسه الدافي وسط الجو يلي كان مصقععع
يحكي وعيونه يلمعو لما يشوفلها...بتوافقي ع العريس يلي جاك!؟
...بتوافقي ع العريس يلي جاك!؟ماريا:عقدت حواجبها بي استغراب ! وقالت في خاطرها ...اي عريس؟!
ارسولان:سألتك انا!
ماريا:خذت نفس ومثلت قدامه انها تعلم بي قصة العريس ...اءء اي
علاش منوافقش؟
في النهايه البنت مليهاش الا حوش راجلها مش صح؟
ارسولان:نزل عيونه دقايق وقامهم فيها...اي صح
ماريا:وانا معنديش علاش قاعده ومعنديش منو نستنى يعني مفيش اي شي يخليني نرفض
ارسولان:بطلي تمثيل ...الحب بيطلع من عيونك
ماريا:وانا منكرتش
تعبو عيونها دموع وهيا تحكي ....منكرتش اني نحبك لكن خلاص
بعد يلي سمعته منك انا مش لعبه تنسى بيها يلي قبلي
معش تجي قدامي وتلعبلي بمشاعري
خليني في حالي ارسولان وباعد من طريقي منبيش نكرهك
ارسولان:قبل ما يحكي ويقول اي كلمه بعداته وطلعت
سكر ارسولان عيونه وخلط الطاوله يلي جنبه بندم
علاااش مش قادر يرجعها ليه ويتم الموضوع!!
_______________________________
هبه:شافت لي السبيدرو يلي كان ملطخ بي الطين بسبب المطر ...تمام منقدرش نخش
سلم عليها وقلها قتلك هبه باش تتفضلي الخميس بياني
امير:طاحت عليه الكلمات هادي زي السم وسط قلبه!!
اكتفى ان يلومها بنضراته لا اكتر
اما هيا كانت تحاول تلاقي اي شي في عيونه بس ملقتش الا البرود بس !!
امير:مشاء الله مبروك ...مش لازم مفروض اديرو امتحانكم في الدور التاني وتنجحو قبل؟
ولا بتمشيله ساقطه!
هبه:ابتسمت بي استفزاز....راضي بيا
امير:عدل وقفته وتكنطا
ليلى:جت من الخلف....هبه؟!
خيرك مخشيتيش؟
هبه:اهلا عمتي سامحيني مستعجله
جيت بنعزمك ع السريع باش تتفضلي يوم الخميس
بياني
ليلى:ارتسمت على وجها علامات الدهشه ....الله يبارك مشاء الله امتى صار؟
هبه:ابتسمت....كل شي صار فجآه والله
اهم شي باش تنورينا
ليلى:شافت لي امير ...ان شاء الله
هبه:عن اذنكم
ليلى:اذنك معاك سلميلي على امك
هبه:يوصل....وطلعت وامير سكر الباب بقوه
ليلى:شن يلي صار؟
امير:شافلها بي استغراب....مفهمتش شنو بيصير يعني؟
ليلى:مش غبيه انا ولا راقده ع وداني في النهايه انا ام وتحس بي صغارها
كم مره نلمح في نضراتكم لبعض لما كنا في حوش احسان ولما تجي لي ماريا هنايا
شن خلاها البنت توافق على حد تاني ؟
امير:امورها توافق ولا تقعمز ملياش دخل ....وركب
ليلى:بصوت عالي وهوا راكب.....ياسر ضحك واستهتار ع بنات الناس
خود وحده وخليك معاها وافتح حوش خليني نتهنا عليك
امير:اتجه لي غرفته بدون اي اهتمام لي كلام امه
تلاقت اريج مع امير في الدروج وهيا تمشي بي صعوبه
فات من جنبها امير وهوا مش شايف حد قدامه ومتنرفز
كملت اريج نزولها بصعوبه وع طول استلمتها ليلى
ليلى:وانتي التانيه شنو نزلك هنايا؟
اريج:بصوت هادي....رجليا تخدرو نبي نحركهم
وعندي مراجعه اليوم ع يدي المكسوره
ليلى:مفيش حد فاضيلك تفضلي اقلبي وجهك فوق لا راجلي ولا ولادي سواقين لي حضرتك
اسلام:خش عليهم.....فاضيلها ولا يهمك
روحت ع خاطر الموعد مفروض بعد ساعه ونص ولا؟
اريج:قلبها رف ....اي
....اي ليلى:انا عندي مشوار اليوم امك اولى
اسلام:الزوز نرفعكم يما
ليلى:شافت لي اريج....لفعععه من تحت التبن زي امك وقت تبي حاجه لازم تصيرلك
ماريا:خشت وقاطعت كلامهم....منو يلي خطبني ؟
ليلى:بسم الله خيركم انهبلتو مع بعض انتم؟
ماريا:تمسح في دموعها....نكلم فيك يا امي من يلي خطبني
ليلى:ضحكت بخجل....عصام ولد عمك ناصر
ماريا:وكيف انا اخر حد يعلم بي القصه هياااا
ليلى:تبدلت ملامحها .....والله شوره حقا الجيل هادا مايتحشم
هاذا بدل ما تنزلي راسك ويبدا احمر زي الطماطم من الحشم هكي تقولي ؟؟
ماريا:خليني من الكلام هاذا كله توا...وصلي المعلومه لي بوي اني مش موافقه ولا رح نااااخده
ليلى:ناضت من مكانها....احمدي ربك ان في حد جي وطلبك بعد قصة مرت عمك الفاسده وكيف خشت للحبس
ماسد قرايتك وفشلتي فيها جايه تعيطي ومتبيش تتزوجي زياده ياوجه الفقر
ماريا:اي فاشله في قرايتي وكل شي ومش رح نوافق....وسيبتها وركبت تجري
ليلى:اركبي اهربي زيك زي الكلب خوك
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــي القــــــروب الاصلي 400الف
جنان:ضحكت....بلا براااده صدام
وقربت
بس ها المره جديات دفها !!!
صدام:قتلك خليك بعيده خلاص معش تقربي
جنان:شن في؟
صدام:خلاص معش متحملك اكتر من هكي هاذا يلي فيه
جنان:
صدام:تنهد بعمق .....اسف جنان
جنان:عقدت حواجبها وهيا مش فاهمه شي !!
صدام:انتي واعره وانا نستسلم تمام؟
صعب ينضحك عليك حطيت في راسي بناخد ام فلوسك كلهم لاكن انتي فايقه مليح لا يأثر فيك حب لا نم
جنان:بصدمه.....فلوسي؟؟
صدام:اي
مش قادر نقعد معاك اكتر من هكي ونضيع باقي حياتي معاك قصدي خلاص ياسر مدام مفيش فايده شن يلي بيخليني جنبك!!
استحملت طبعك واعصابك انتي حتى انوثه مفيكش الزح
جنان:محستش بنفسها الا وهيا ضارباته كف
صدام:تحمل في نفسه وشبحلها....مقبول منك
نصيحه الهي بي حياتك كويس ومتخليش يضحك يضحك عليك
ع الاقل انا عندي شوية ضمير وانسحبت لما عرفت ان قربك مفيشي فايده
وسيبها وطلع من الغرفه !!
نهارت جنان
ولاول مره بعد سنين اطيح ع الارض وتبكي
اي حد ينحط في الموقف هاذا رح يحس بحرقة قلب مش طبيعيه
الخذلان لما يجيك من شخص كنت تشوف فيه الدنيا كلها
قلبك لما ينكسر من شخص انت تخاف عليه من نسمة الهوا
لما يقسمك بين زوز ويخليك تنزف هوا نفسه الشخص يلي مداير بالك عليه وخايف عليه ينجرح من ابسط شي !
هنايا بس تعرفو شن يعني شعور انك تموت وانت حي !!
_________________________________
جهاد:استنى لين الخط ينفتح وبدون ما يسمع صوتها قال ...غزالتي وين مترديش؟!
هناء:ياريت معش تتصل بي بنتي ولا تجي جيهتها
جهاد:لحضه يا خاله متسكريش الخط بالله
هناء:تفضل شن يلي تبيه؟
جهاد:عارف انك خديتي عليا فكره غلط بس والله صدقيني المره هادي نيتي صافيه
مش طامع في بنتك ولا شي
هناء:ع اي اساس انت تكلم فيها توا!؟؟
جهاد:فاهم عليك وعارف مش من حقي نكلمها بس هكي ربي يزرع فينا شعور يخليك مش قادر تعيش بدون متكلم شخص معين
انا اول مانرتب اوضاعي بنجي نعطي فيها كلمه وربي
هناء:اي اوضاع يلي بترتبها ؟؟
هاذي كذبة كلكم تستعملو فيها باش اطولو الوقت وتلعبو بي بنات الناس
جهاد:
...غير اسمعيني
...غير اسمعيني انا جاي لي ليبيا زياره وبنرجع مصر مادابيا نرتب اموري قبل منبيش نجيب بنت الناس ونمرمدها معاي
هناء:سكتت شويه....معش تكلم بنتي لين تجي تعطيها فيها كلمه
بسببك ولاول مره بنتي تسقط في قرايتها وشهاده زياده
منبيش ندعي عليك تبي البنت تعالا من الباب
جهاد:ورحمة امي لما نجي من الباب وتو تشوفي
هناء:خلاص ورينا
جهاد:من......
هناء:سكرت في وجها الخط
جهاد:لوح التالفون.....امها احرف من اختي 
________________________________
اريج:ركبت السياره ووراها الممرضه تساعد فيها
نزلت كرسي السياره شويه عشان ترتاح
وركب اسلام من القدام وطلع
اريج:طول الطريق ساكته وتفكر في كلام ليلى يلي حكاته!
مستحيل اريج تقدر تعيش معاهم وكل يوم تسمع كلام زي هاذا 
اسلام:وين سارح ياحلو
اريج:ابتسمت بوجع....اي حلو تحكي عليه؟
انت مش شايف ملامحي كيف من الحادث!
اسلام:الحلو حلو من ربي
اريج:اسلام منبيش نرجع معاك
اسلام:شافلها بي استغراب وبعدين رجع عيونه ع الطريق....كيف؟؟!
اريج:خليني في المشفى وروح
بابا الله يرحمه عنده شقه في عمارات الشط
تو نروحلها
اسلام:بروحك؟!
تحلمي انتي ؟؟
اريج:اي بروحي
تو نساعد وضعي لين خلاص يبدا حالي تمام
مستحيل مزال نرجع معاك
انا نفسيتي مدمره
قالتها وصوتها واضح عليه مغصوص
درس اسلام سيارته ع جنب وشافلها
اريج:تابعت كلامها وهيا تبكي....ماما بعيده عليا وكلهم يحكو عليها بسوء
امي بوي خوي واختي كلهم توفو مره وحده
وانا وجع جسمي مباش حتى يخف عليا من اثر الحادث
نفسيتي ابدا متسمحش اني نسمع كلام نفس يلي تحكي فيه امك
تحكي وشهقة البكي زادت....لو كان الامر بيدي راهو متت معاهم
وربي الموت معاهم كان اهون الف مره من العيشه يلي انا فيها توا
اسلام:قرب منها ومسح دموعها.....اهدي شويه وانا وين مشيت؟
اريج:انت مش معاي اسلام
تعرف كويس اني حبيتك وقاعده نحبك ونموت فيك وكل يلي صار وداروه اهلي مش بيدي
شن ذنبي نقعد في حوشكم وفوق من نسمع كلام امك ليا نشوفها وهيا تزوج فيك !!
فهمني علاش تبو تحرقولي قلبي اكتر ما هوا محروق
كملت كلامها وزادت تبكي بشكل هستيري
قرب عليها اسلام بتردد وحضنها
اسلام:اشش خلاص اهدي
انا معاك
انا معاك...الكلمه هاذي بروحها قادره تجبر خاطر كسراته الدنيا الف مره
قادره اداوي جروح تسببت فيهم الدنيا وخلتهم ينزفو
حتى لو كانت كلمه بدون فعل
وقت تجي في وقت الضعف ليها تأثير كبييييير علينا
_________________________________
هبه:كملت صلاة المغرب وقلبها مقبوض
الخميس مزال عليه يومين بس!!
كيف بتكمل؟!
كيف بتستوعب ان كل الحب بينها وبين امير ضاع؟!
رفعت يديها لي ربي ودعت من قلبها
قاعده يديها منزلتهمش طقت عليها امها الباب
احلام:هبو حبيبتي
هبه:نعم!
احلام:اضايقت لما شافت بنتها تبكي وعرفت ان هبه قلبها معلق في شخص تاني بس دارت روحها مش فاهمه لانها كانت حاسه ان مصلحتها مع خطيبها ....خطيبك برا
هبه:عقدت حواجبها....علاش!!
احلام:جاي بياخد رايك في شي...اطلعي شوفيه
هبه:تنهدت....تمام
احلام:سكرت الباب وطلعت ترتب في سفرة القهوا
هبه:لبست عبايتها ووقفت تشوف لي نفسها في المرايا وقت طووويل
بعدين خلاص مسحت باقي دموعها وخدت نفس عميق وطلعتله
________________________________
ماريا:نزلت وعيونها متورمات من البكي
فاتت من جنب الصاله وسمعت صوت امها تنادي
ليلى:تعااالي تعشي
ماريا:جاوبتها بي تنرفيز....منبيش
احسان:خيرها البنت؟
ليلى:خليني من بنتك توا وركزلي في ولدك يلي طلع بي اريج من العشيه واهو المغرب اذن ومروحش بيها
احسان:مالك وماله؟
اكيد تعطل ورقم المراجعه طويل قعمزي واهدي
ليلى:الله يعطيني برود دمك انت وولدك هاذا يلي مقعمز بحداك
احسان:ياكل....خيرها ماريا مش عاجبتني؟
ليلى:بنتك مش عاجبها العريس ورافضه
ماريا:وقفت تتسمع عليهم
احسان:رفضت؟...مش انا قلت محد يجبدلها الموضوع لين ادير الدور الثاني؟؟
ليلى:تاكل...وين نعلم من يلي قلها
امير:حط الكوب ع الطاوله وعاقد حواجبه
هكي ولا هكي مش رح تاخده
احسان:وعلاااش؟؟؟
تلقى احسن منه ولد عمك ناصر!؟
امير:اي خطبها واحد تاني مني احسن
ماريا:زادت قربت وهيا مستغربه تسمع
احسان:ومنو هادا؟
امير:ارسولان
حسنه:ماريااااا؟؟؟؟انت هبلت؟؟؟
امير:لا مهبلش الراجل علاش خيره ارسولان؟؟
حسنه:مخيرها شي ماريا لكن ياولدي مش ليك ابداا البنت هيا في اتجاه وانت في اتجاه الطبقات تختلف والتفكير يختلف انت تبي البنت تقلها السماء خضراء تقولك اي خضرا مش ماريا المدلعه
ليلى:مخيره شي ارسولان لكن الفرق بين السماء والارض تبيني انا نعطي بنتي لي واحد حالته ع قده؟
مره يوكلها و10لا؟؟
امير:بالله سكريلي القصه هيااا
لما ناس العز والجاه والمال لوحوكم من حوشكم ملقيتوش حد غير ارسولان واهله
الولد وقف معانا هلبا هوا واهله ومعدنه نضيف نحط عنده اختي وعيوني مسكرات
ارسولان:البنت تتربى مرتين ...مره في حوش بوها ومره في حوش راجلها
خليها توصل عندي وساهل كله
احسان:حط كاست الميه ع الطاوله....كلام امير مفيش بعده
ماريا لي ارسولان وتمت القصه هي
ماريا:حطت يدها ع فمها وهيا مش مصدقه يلي تسمع فيه وبطير من الفرحه
ليلى:خذت نفس وقالت بي استسلام....يالله حتى حسنه مرا باهيه تتعاشر
حسنه:تنهدت....يلي تشوفه ياولدي اهل ماريا كويسين ويتعاشرو
ارسولان:ابتسم ع جنب بي انتصار
اما ماريا ركبت لي دارها وهيا تبكي من الفرح ومش مستوعبه يلي سمعاته!
_________________________________
هبه:خشت وراسها في الارض.....السلام عليكم
حمزه:بدون اهتمام ليها....وعليكم السلام
هبه:قعمزت وهيا تراجي فيه
حمزه:قام راسه....بنطلع ناخد غرفة النوم
جبت معاي صور وامي قالت لازم تختاري انتي
هبه:لا عادي مش ضروري نختار معاك
حمزه:تفضلي شوفي الصور
هبه:قلبت الصور وقلبها بيتقطع....هاذي حلوه
حمزه:تمام ...وسكر ع الصور
شوفيلي الطريق بالله بنطلع مستعجل
هبه:ان شاء الله
كانت هبه خلاص بتنوض لكن رجعت
قعمزت جنبه ونطقت بدون ما تحس ....انت شن خلاك تخطبني انا بدات ؟
حمزه:عقد حواجبه بي استغراب....نعم
هبه:نقصد انت متعرفنيش
كيف وافقت تخطب طول؟؟
وزياده ان عندي السكر ومشم......
حمزه:قاطعها.....عندك السكر؟؟؟
هبه:اي
حمزه:ضحك بصدمه....ش ششنو؟
هبه:استغربت....علاش؟
مكنتش تعرف انت
حمزه:وقف وحط يده ع راسه...ماسد مسيب يلي روحي فيها وجايك ع خاطر بوي
يطلع عندك السكر؟
بيحشوني فيك هكي !
هبه:كانت مصدومه من ردة فعله وساكته تسمعله
حمزه:اسف
حقك عليا لكن الغلط مش غلطي
بوك وبوي وخاشه بعضها
سامحيني وربي مانقدر نكمل معاك
هبه:شافتها فرصه انها تتخلص من الزواجه هيا ....ولا انا نبي من الاول
حمزه:تمام يابنت الناس متصافيين
وطلع وهبه قاعده مكانها مصدومه
_______________________________
ليلى:وين كنت انت وياها لتوا؟؟!
العشي اذن
اسلام:شاف للممرضه .... Take it upstairs
فهمت الممرضه وركبت اريج لي الطابق الثاني
اسلام:عطلنا في المصحه بعدين درت بيها دوره غيرتلها جوها
ليلى:انت تبي تقتلني ولا شنو
اسلام:ريحيني وربي تاعب واحوالي ملخبطه ره
ليلى:هيا الكلبه هاذي ساحراتك
سحاره ومجرمه زيها زي امها الفاسده
اسلام:شاف لي امه بيأس وطلع.
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــي القــــــروب الاصلي 400الف
خذلان يأس طعن جرح ينزف
كل هاذا كانت جنان حاسه بيه
اب مش معاها
ام دافنتها
حتى يلي مفروض تكون مكان امها خدتها الدنيا وتزوجت ولا سألت فيها
اكتر من4ساعات مقعمزه ع سريرها تشوف للحيط يلي قدامها بصدمه!!
هيا اول مره تحب
اول مره تحس بي شعور حلو زي هاذا
اول مره تجرب حجات عمرها في حياتها مكانت تتوقع تجربها
كانت تشوف في صدام الدنيا كلها
بس توا مفيش شي غير الكلمات يلي قالهم قاعدين يترددو في ودنها
مش قادر نقعد معاك اكتر من هكي ونضيع باقي حياتي معاك قصدي خلاص ياسر مدام مفيش فايده شن يلي بيخليني جنبك!!
استحملت طبعك واعصابك انتي حتى انوثه مفيكش الزح
سكرت عيونها ومنزلش منهم شي!
!هيا خلاص حتى دموعها جفو
احيانا الصدمه تقتل كل شي فيك
الصدمه تكون اكبر من الوجع نفسه تخلي قلبك يقسى وحتى الدموع يختفو !
شبيها من الحاله هاذي كان عايشها امير!
معرفش كيف يفهم قلبه ان خلاص لازم يتعايش مع وضع هبه الجديد!
لازم يتفهم انها توا مخطوبه لشخص تاني
لازم معش يندم ع الكلام الجارح يلي قالهولها
معش يبي يذكر انه كان سبب رئيسي في الفراق هاذا!
من جيها ثانيه كانت هبه مش فاهمه !
تضايق من الكلام يلي حكاه حمزه وانه سيبها عشان عرف ان عندها السكر؟
ولا تفرح ان خلاص الخطوبه تفركست ومش رح يصير منها!؟
بكل الاحوال ومهما كان السبب كانت هبه مرتاحه
وفهمت ان دعواتها جابت نتيجه وربي باعده من عليها لانها مستحيل ترتاح معاه ابدا 
شعور متناقض داخل اسلام !
جزء منه مش قادر يخلي اريج بروحها
ومن جيها تانيه ميقدرش يرجع علاقة الحب يلي كانت بينهم لان حاس ان شافق عليها بس !
يخاف يرجعو زي قبل ويكتشف انه خلاص معش يحبها وكل يلي حاس بيه مجرد شفقه
موده:قعدت طول الليل تعتذر ع الكلام يلي حكاته امها لي جهاد
بس جهاد كان راقي وفهم موده ان كل شي قلاته امها هوا لي مصلحتها بس
________________________________
#بعد مرور 3ايام :-
جنان كانت مختفيه اختفاء تام
متردش ع ولا رقم
ومتفتحش الباب لي حد !
وهاذا نوع من انواع الاكتئاب
اجتمعو البنات في حوش ماريا
موده وماريا وهبه قررو ان لازم ينجحو في الدور التاني مهما كلف الموضوع
وبدو القرايا
كانت ماريا طول الوقت سارحه وتفكر
علاش ارسولان لعند توا محكاش معاها رغم انه خطبها من خوها ؟!
تفيقها هبه من سرحانها ويرجعو يقرو عشان تسرح هبه من جديد وهيا تفكر
بعد ماتفركست خطوبتها شنو يصير مع امير؟
هل الكلام يلي حكاه صح ولا هوا قاعد يحبها!!
تعيط عليهم الزوز موده عشان يرجعو لي حل المسائل
وترجع موده تشوف لي التالفون وتبتسم من رسايل جهاد
جنان:فتحت تالفونها وشافت كمية مسجات مش طبيعيه من البنات واخر مسج خبروها انهم في حوش ماريا بيقرو للامتحان
تعودت من الشطان وناضت تغسل في وجها عشان تطلع
__________________________________
رؤى:بدون تفكير جاوبت بي .....لااا
حسنه:بسم الله عليك غير فكري قبل
رؤى:لا يا امي مستحيل نغلط ونتزوج للمره الثالثه
جلال:كل شي في النهايه براحتك يابنتي لكن صدقيني يوسف ولد كويس وطيب
رؤى:يوسف!!...رددت الاسم بصوت واطي
جلال:اي يوسف صاحب امير
رؤى:سكتت وهيا تشوف لي بوها
جلال:صلي استخاره يابنتي
انا مش قالق منك لو تقعدي عمرك كله معاي
لكن نحكي لي مصلحتك مرات الولد هاذا تلقي حياتك وراحتك معاه
متخليش تجارب فاشله تخوفك من كل شي
رؤى:بلعت ريقها وجاوبت بهدوء ....ان شاء الله
______________________________
ليلى:مهااااا مهااااات
مها:نعم مدام
ليلى:يرحم ولديك طويسة شاهي بنعناع
مها:ان شاء الله
امير:منو هادي؟
ليلى:البنيه الجديده يلي بتساعدني
انت شنو هاذا يلي جايبه في يدك؟!
امير:غدي للبنات فوق
كلمتني ماريا في الطريق
ليلى:ماريا صار
لا فرحتك بي هبه بعد ما فسخت؟!
امير:مردش عليها
حط الكيسه وركب لي غرفته
اتكا ع السرير وهوا يفكر
________________________________
خدو البنات استراحه من الارقام والمعدلات يلي يحلو فيها
قعمزت هبه وماريا قدام الروشن يتفرجو ع المطر يلي كانت خيط من السماء
هبه:لمحت ارسولان لابس بالطو النايلو ويطلع في السياره يلي كانت في المخزن ويصلح فيها طول الوقت
ماريا:اخيرا طلعها ؟
هبه:تعرفي لو كنت مكانك شنو ندير؟!!
امير:شن ندير؟!
يوسف:شدها في تركينا وكلمهااا
افهم منها شن داخلها وشن تحس وشن تبي مش انت في جيها وهيا في جيها
هبه:بري كلميه !!
وربي لو مكانك نمشيله نسأله كيف يقول ميحبنيش وجاي تخطبني من خوي ؟؟
امير:مستحيل انت فهمت شن قالت المره الاولى؟؟
ماريا:لا ياهبه هوا خلاص كلمه قالها ميهمنيش خطب ولا لا
يوسف:تي ريحيني من الف كلمه طلعت بي الغلط
لعند امتى بتقعد هكي به؟
توا الحض حالفك ومصارش نصيب به لما خلاص رسمي بتتزوج ؟
هبه:مرات حكي هكي لانه معصب وانتي تعرفي طبع ارسولان صعب يعبر ع يلي في داخله
لعند امتى بتقعدو هكي تخيلي يتسكر موضوع الخطوبه ويسحابك متبيشي
موده:عهههههههههه
شبحولها الزوز لقوها تحكي في التالفون زي العاده
امير:يعني شنو توا ؟
يوسف:برا للبنا ادوي معاها تخيلها مع حد تاني ومقرب عليها زي ماقربت عليها انت !
هبه:بريله احكي معاه احسن ما تخطفه وحده تانيه تخيليه في حضن بنت تانيه
انفتح باب امير وباب ماريا في نفس الوقت والزوز طلعو مع بعض
امير:وين؟
ماريا:بننزل نجيب شي ناكلوه
امير:بتوتر...تمام
ماريا:بتوتر زيه ...تمام
ونزلت تجري
_________________________________
طلعت ماريا تجري تحت المطر ومكانش في بالها شي غير كلام هبه. وتخيلاتها
لو صارت مستحيل تقعد عايشه ثانيه
وصلت قدامه وقعدت واقفه تشوفله
كان ارسولان لابس جاكيت النايلو والبرنوص ع راسه
مصدوم فيها كيف طالعه في جو زي هاذا
مطر ورعد ومش حاطه ع راسها شي
ماريا:تحبني ؟؟؟
ارسولان:شاف يمين يسار وسط الريح والمطر ....هبلتي انتي ؟؟؟
ماريا:جاوبنننني علاش خطبتني به؟؟
ارسولان:مسكها من يدها ودخلها المخزن
نصدمت موده لما شافت امير خش بدون حتى ما يطق ع الباب
قعدت واقفه في التركينا وتتفرج وفمها مفتوح
امير:شن وضعك
هبه:نعم؟؟؟
امير:بدون استغباء هبه
هبه:شن تحكي ؟؟؟
امير:رجع شعره للخلف بتوتر وهوا مش عارف كيف ينطقها
اءء انتي
هبه:شنو؟
امير:يلي انتي
هبه:شني؟؟؟
امير:فصل عليها...........
ارسولان:مسك الفوطه ولفها بيها كويس ....كيف تطلعي في جو زي هاذا فهميني ؟؟
ماريا:مكانتش تحكي !
اكتفت انها تشوفله بنضرات بس
ارسولان:مسك فوطه تانيه وكمل يمسحلها في شعرها المبلول
ماريا:تحبني ارسولان؟
ارسولان:مجاوبش وكمل يمسحلها
ماريا:انت جديات خطبتني ؟
ارسولان:هز راسه بمعنى اي
ماريا:علاش!!
ارسولان:مسح قطرات الميه يلي كانت ع رموشها وباسها بدون ما يحكي
______________________________
جنان:الله يسلمك شكرا
ليلى:تلقيهم فوق
اسلام:طالع من المطبخ ياكل....اووو بنت قلبي
جنان:ابتسمت بهزوه ....بطل
اسلام:عارف انك خنتيني مع صدام بس قاعد ميت فيك
جنان:تنهدت ....الله غالب
اسلام:عقد حواجبه....ع ذكر صدام
مش حبيبك كيف تخليه هكي؟
جنان:نخليه ؟؟
اسلام:اي
طيارته بعد ....شاف لي الساعه
ساعه ونص تتخلي عليه معقوله
جنان:ع عع علاش هوا مسافر!!
اسلام:انصدم...مقالكش هوا!
رد بصوت واطي ....اسلام يا غببببي ....يتبع
