رواية خبايا قدري الفصل الثاني 2 بقلم القلم الذهبي
الفصل الثاني
خبايا قدري
تاليف #القلم الذهبي
********************
بعد ما ساميه الداده وصلتني غرفتي ببص عليها لقيتها لسه واقفه بصيت عليها وقلتلها
_ خير يا داده في حاجه
_ لا يا حبيبتي بس مستنيه اساعدك تغيري هدومك
بصت ناحيتها دعاء بابتسامه مصتنعه
_ لا شكرا يا داده انا شويه وهغير لوحدي.
بصتلها ساميه باستغراب.
_ طيب تامريني بحاجه تاني
دعاء بهدوء
لا شكرا يا داده لو احتاجت حاجه هانده عليكي
خرجت الداده من عند دعاء وبتكلم نفسها
_ هيا مالها متغيره ليه كده. معقول مستغرباني عشان كانت عايشه في بلاد بره ونسيت اني انا مربيها وكنت بعملها كل حاجه هيا وصغيره. بس بردوه حاسه إن طبعها اتغير كتير اووي.
ساميه نازاله لتحت قابلها سليم رايح مكتبه قرب ناحيتها وقال
_ عملتي قولتلك عليه
_ ايوه يا سعت البيه وصلت الهانم وعرفتها كل حاجه بالغرفه وظبطت معاها الشنط وكله تمام
_طيب اسمعي خلي بالك معاها ومن وقت لتاني شوفيها تكون محتاجه حاجه كدا والا كدا .
_ امرك يا سليم بيه من عنيها
روحي انتي وخلي ذكي يجبلي القهوه مكتبي.
دخل سليم مكتبه وارخي جسمه علي كرسيه المطاطي بعد شوي خبط الباب ودخل ذكي ومعاه القهوه حطها قدام سليم ع المكتب وخرج.
_ سليم مرخي علي الكرسي وجات عينه صورة سحر مراته متعلقه علي الحيط. سرح بخياله مع الصوره.
_ كدا هونت عليكي يا سحر. تسبيني اوجه كل دي لوحدي. ليه اتخليتي عني في الوقت اللي كنت محتاج وجودك فيه.
_ انا متخليتش عنك يا سليم. انت اللي مقدرتش تحميني من غدرهم. وسبتهم ينهوا حياتي قدام عنيك ووقفت تتفرج عليا.
_ انا متخلتش عنك ولا عمري كنت اتخيل انك تروحي مني بلحظه. انا كنت واقف معاكي لآخر لحظه. وجمبك وقريب منك.
انا اتغدر بيا يا سحر سامحيني يا سامحيني ارجوكي سامحيني. انا عمري ما هسيب حقك ولازم انتقم منهم.
سليم بيفوق من شروده والدموع نازله علي خده نار حراقه وبيخبط بايده علي مكتبه بقوه وبيقول لنفسها..
_ مصيري هعرف اللي عملها وسعتها مش هرحم حد ابدا ابدا..
********
في مكان تاني وبالتحديد في شقه حازم الاخ الاكبر لسليم
حازم قاعد باوضه ومعاه الدكتور عمرو اخوه ونوره اختهم اصغر واحده فيهم.
حازم باصص عليهم وبيتكلم بغيظ
_ عجبكم كدا كل ما نقول قربنا يطلعنا بقصه تاني وبعدهالك يا سليم
قاطعته نور
_ يعني اي كلامك يا حازم مهي دعاء تبقي بنته مش فاهمه اي الجديد يعني
حازم بقهقها مليانه غل وحقد
_ الجديد يا ست هانم أننا لازم نفكر كويس اووي. زي ما خلصنا من الاولي سهل نخلص من التانيه والا عايزنا نفضل زي ما حنا نفضل موظفين كحيانين عند سليم بيه اخونا شقيقنا اللي عايش في قصر كبير وعمارات وشركات وفلوس ومش هاين عليه يفكها علينا وبيعاملنا عنده زي اقل موظف بيعطينا ملاليم يرضيكم كدا.
بصله الدكتور عمرو وقال
_ يا اخي ارحمنا من دماغك السم دي وسيبه في حاله حرام عليكم دي مهما كان اخونا ارحموا بقي..
حازم عنيه وسعت ورفع حاجبه وقال بسخريه..
_ ياااه يا دكتور علي طيبة قلبك وحنيتك. هو انا لوحدي اللي ما برحمش بردو ؟!! توتو شكلك نسيت يا دكتور عمرو تقرير المستشفي والبنج الذياده اللي خدته المرحومه واللي الممرضه المسكينه اللي راح ضحية بدال ما كان حبل المشنقه هيتلف حوالين رقبتك. اكمل والا كفايه ..
عمرو وقف من مكان ووشه كله حمره وغضب شديد ومش قادر يمسك نفسه من كلام حازم.
جري علي حازم ومسكه من يافة القميص وعايز يخنوقه
_ قصدك ايه يا حازم انت عايز تدمر مستقبلي وترميني بالسجن دي اخرتها.
قامت نوره من مكانها ودخلت بينهم وبعدتهم عن بعض وقالت.
_ انتوا ايه هجننوني امال لما بتعملوا في بعض دلوقت جايين هنا ليه . ما تروحوا تفتنوا علي بعض ونخلص بقي.
قاطعها حازم
_ اسالي اخوكي كلامه مستفز. هو اللي خلاني اتكلم كدا
نوره بصت لعمرو
_ اتفضل اقعد يا دكتور وكل واحد يهدي احنا بنشوف حل يطلعنا من اللي احنا فيه دي . وبعدين فكر كويس بحلمك يا دكتور انت متخرج ليك ثلاث سنين ومش عارف تفتح عياده حتي شغال في المستشفي براتب.
وكملت كلامها وهيا بتبص ناحية حازم
_ حازم لو سمحت اهدي ومش عايزه حد فيكم ينفعل ويغلط بالتاني. احنا قدام هدف ولازم نحققه ومتنسوش بكره رايحين الفيلا كلنا ومحدش يتهرب عشان نبارك لسليم لرجوع الهانم بسلامه من بره
فاريت نهدي ونصفي كدا..
ودلوقت قوموا سلموا علي بعض واعتزروا لبعض عشان كل واحد يروح بيته وبكره نتقابل في الفيلا عند سليم....
*********
في الفيلا
سليم قاعده في مكتبه مع دعاء
__؛اسمعيني كويس يادعاء وافهمي الكلام اللي عايز اقولهولك احنا بدانا حكايه ولازم نكملها للاخر
واللي عايزك تعرفيه ان زي ما انا طوق نجاه ليكي من الفقر والبهدله و الذل اللي عشتيهم في الملجا انتي كمان طوق نجاه ليا من كل اللي طمعانين فيا .
وعايزين يورثوني بالحيا هما اهلي اه بس لو يطولوا يقطعوني هيقطعوني عمري في حياتي محسيت انهم بيحبوني كنت بشتري منهم محبه وود مزيف بفلوسي وكان عارف وواثق انه مفيش حاجه راح تملئ عيونهم غير التراب. كلهم حقد وحسد علي حاجه انا تعبت لما وصلتلها. وفي الاخر كل واحد فيهم مفكر انه ليه حق فيها وعايزين ياخدوا مني اي حاجه امتلكها.
وانا عارف ومتاكد من احساسهم انهم لو يطولوا يخلصوا مني انا وانتي هيعملوها بس ربنا كبير.
وانا متاكد ان ربنا بعتلك ليا في الوقت ده لحكمه ميعلماش الا هو.
_ عموما هما بكره جايين يسلموا عليكي
اللي عايز اقولهولك انك تاخدي بالك من كل كلمه تقوليها اي سؤال يسالوهولك سبيني انا اللي ارد الاول
واكدي علي كلامي ومش عايزك تدخلي في اي حوارات جانبيه مع اي حد فيهم.
وعايزك كمان تاخدي بالك كويس قوي في تعاملك معاهم . وبالاخص حازم اخويا دي الكبير مجوز ومعاه ابنه ليث في عمرك كدا وكمان معاه بنت اسمها ضحي. اما دكتور عمرو دي اخويا الأصفر كويس وهادي. وكمان اختي الصغيره نوره . دول اخواتي اللي هتشوفيهم بكره.
واظن كدا كلامي واضح وعرفتي عنهم كل حاجه. ودلوقتي روحي انتي استريحي..
_ خلص كلامه سليم مع دعاء وعرفت كل حاجه عن اخواته وهيا طالعه من مكتب سليم شافت حاجه ماهر سواق سليم بيه طالع من عند.......
