رواية جواز علي ورق الفصل التاسع عشر 19 بقلم منه وائل
فصل التاسع عشر
مراد:غيرلها هدومها بقا وخليها ترتاح واه خالي سعديه تأكلها او غيرلها وانا هاجي ااكلها
دينا:حاضر
مراد:سعديه يا سعديه
سعديه:ايوا يا بيه
مراد:سعدي دينا وهي بتخلي مريم تاخد دش وغيرها هدومها وبراحه عليها عشان هي مش مستحمله
سعديه:حاضر. يا بيه
....................
دينا :انا اسفه اني سبتك لوحدك معلش مش هتكرر تاني، ثواني هجبلك الهدوم
مريم :دينا
دينا :
، انتي انتي
، انتي انتيمريم :ايوا يا دينا بتكلم
دينا :الحمدلله يارب، اما اروح اقوله
مريم :لا لا يا دينا ماتقوليش حاجه
دينا :مااقولش حاجه ازاي يعني
مريم :انا هقولك كل حاجه، بس مش لازم حد يعرف اني بتكلم
دينا: حاضر
بقلمي منه وائل
على الكورنيش
جميله :اهو يامن جه اهو
صافي :اتاخرت كده ليه
يامن :اصل حصل شويه مشاكل كده مع مراد ومريم
صافي:حصل اي
يامن :مريم مابقتش تتكلم
جميله :مابقتش تتكلم ازاي يعني
يامن : فقدت النطق
عدي:ليه بس هو حصل اي
يامن :مفيش حصل سوء تفاهم بينهم وهي زعلت وراحت المستشفى وحصل كده
صافي:طب انا عاوزه اشوف صاحبتي دلوقتي
يامن :مش هينفع يا صافي هي دلوقتي راجعه تعبانه بعدين بقا
صافي:خلاص ماشي
جميله :بس الجو هنا تحفه
صافي: ايوا شوفتي بقا
عدي:هي العربيه اللي بتنور هناك دي عربيه اي
يامن:حمص الشام
جميله :واو انا عاوزه من الحمص ده
صافي :هههههههه ماشي يلا
بقلمي منه وائل
في منزل كريم
اولفت :والله يا كريم انا روحتلها بس مكنتش عارفه اتكلم اصلا، حضرتك عاكك الدنيا واللي انت بتتكلم عنه ده يبقا ابن عمها يعني الغلط عليك انت
كريم :يا ماما انا بحبها ليه مش قادره تفهمي كده
اولفت:مادام متزفت على عينك بتحبها بصت لصاحبتها ليه
كريم :غلطه غلطه ومش هتكرر تاني
اولفت:بعد اي بعد اي بقا صافي كراهاك
كريم :لاا بقا صافي ليا انا وبس يا كده يا هقتلها
اولفت:انا اتجننت تقتلها ده اي هي فوضى
كريم :زي ما بقولك يا ماما صافي ليا انا وبس
بقلمي منه وائل
في منزل مراد
دينا :كل ده حصل معاكي يا مريم ليه بس كل ده عشان الفلوس وياريت الفلوس عيشت امك، اهي راحت وسابتنا
مريم :كان لازم اعمل كده عشانها عرفتي بقا انا ليه عامله نفسي مش بتكلم
دينا :يستاهل دوخي كده وطلعي عينه خليكي فتره كده، بس شكله بيحبك ده كان هيموت عليكي لما هربتي من المستشفى
مريم :مراد بيحبني ههههه، مراد ده اناني ما بيحبش الا نفسه كل حاجه عاوزه تملك
دينا :بس ماشوفتيش عمل اي في الواد محسن المعفن ده عجنه عجن والا نسوان الحاره اتخرسوا ولا واحده فيهم قدرت تتكلم بعد عرفوا انك مراته
مريم :انا كل اللي وجعني ان كل واحده فيهم وقفت جنبها وماسبتهاش وساعدتهم كتير وخصوصا ام وليد ان وليد اللي كنت بعتبرها زي امي، بتطردني من الحاره
دينا :ماتزعليش نفسك يا اختي كل دول بكره هيتمنوا انك تسامحيهم
دب دب دب
دينا :يالهوي اسكتي ده تلاقي هو
، ايوا
مراد:خلصتوا
دينا :اه خلصنا
مراد:طيب انا جبت الاكل اهو
دينا :اتفضل ادخل
مراد:هي لسه ساكته
دينا :ايوا
مراد:طب اوعي هاكلها
دينا :ماشي
مراد:روحي انتي يلا عشان تاكلي
دينا :طيب
مراد: اي ده انتي خايفه مني، انتي مش عاوزه تبصيلي كمان، طب بلاش تبصيلي ردي عليا انا عاوز اسمع صوتك، بصي انا عارف ان اللي عملتوا ده وجعك بس والله انا مكنتش شايف قدامي انا معرفش انا عملت كده ليه، بس عارفه انا فعلا ظلمتك انتي مش شمال ولا حاجه، يمكن اللي حصل امبارح ده حصل عشان ماافضلش أظلم فيكي كده، لسه بردو مش عاوزه تردي عليا، طب يلا عشان تاكلي، لا لازم تسمعي الكلام والا هتاكلي غصب عنك يلا افتحي بوقك يلا، ايوا كده جدعه، وعشان ياستي ماتخافيش مني تاني انا هنام في أوضه تانيه وخدي راحتك هنا بس لو احتاجتي حاجه التليفون اهو رني عليا، بلاش نظره الخوف دي بقا، تصبحي على خير
مريم :استنا بس عليا يا مراد ده انا هخليك تعيش حياتك كلها متعذب وضميرك مأنبك
بقلمي منه وائل
في منزل عيله الجارحي
احمد:الو ايوا يا جيجي عايزه اي، انتي فاكره اللي كنتي هتعملي ده صح يعني، انا لو كنت طاوعتك كان زمانا في مصيبه دلوقت
جيجي:يا حبيبي ما هو انت اللي هتجوزه مكنش هيجري حاجه لو قضينا اليوم مع بعض
احمد:انا مش عارف ازاي مااخدتش بالي انك رخيصه اوي كده، بقولك اي الرقم ده ماتتصليش عليه تاني ولو جيتي في الجامعه وكلمتني هبهدلك غوري
جيجي :استنا بس يااحمد، احمد الو الو، بقا كده ماشي يااحمد وديني لهوريك
سوزي:مالك يااحمد بتزعق ليه كده وكنت بتكلم مين في التليفون
احمد:مفيش حاجه يا ماما، بقولك يا ماما هو ممكن الواحد يتخدع في حد كان بيحبه ويكتشف انه مش زي ماكان متخيله
سوزي:اكيد كلنا بننخدع في ناس بنحبهم كتير، كلنا بنكون حطين كل حبنا في شخص معين و في الاخر بيطلع غير مااحنا كنا متوقعين، بس قولي انت اتخدعت في مين
احمد:ها لا ده مش انا ده واحد صاحبي كان بيحب واحده زميلته في الجامعه وطلعت مش كويسه بنت َمش تمم كده
سوزي :اه طب قول لصحبك ان مش كل حاجه بنشوفها بعينينا بتكون صح، ساعات المظاهر بتكون خداعه
احمد:معاكي حق يا ماما
بقلمي منه وائل
على الكورنيش
جميله :جميل اوي الشام ده
يامن :ههههههه اسمه حمص الشام
جميله : ايوا هو ده ههههههه
يامن :تعرفي انك فيكي شبه اوي من عمو علي الله يرحمه
جميله :هو انت كنت تعرفه
يامن :اكيد، ده انا صاحب مراد من واحنا صغيرين اوي يعني عمو علي مات واحنا كان عمرنا ٨ سنين يعني كنت فاكره، بس الغريب بقا أن شكلك مش هو هو عن وانتي صغيره
جميله :اتغير مش كده
يامن :اه اتغير كتير، بس طبعا بقا احلى
جميله :ميرسي 
عدي :انتي مبسوطه اوي كده ليه انتي بقالك قد اي ما خرجتيش
صافي :لا هو انا بخرج كل يوم بس الفكره في أي أن في خروجه عن خروجه بتفرق، فكره انك تخرج وتكون مرشد سياحي في نفس الوقت فكره جامده
عدي:يا سلام. احنا عشان مش عارفين حاجه هنا خلاص بقتي مرشده
صافي :طبعا، يعني هنا قاعده الحبيبه، وهنا قاعده راجل ومراته منكدين على بعض بس خارجين يفسحوا الواد، ودول لسه مخطوبين، ونعدي الطريق بقا هنا
عدي :استنى يا صافي العربيات
صافي :يا جدع انا بعدي الطريق بضهري حتى شوف كده
عدي :لا يا صافي بطلي جنان صافي حسبي صااافي
صافي :عااااااااااااااااااااا
