recent
روايات مكتبة حواء

رواية مخالب الشيطان الفصل العاشر 10 بقلم مني سالم

رواية مخالب الشيطان الفصل العاشر 10 بقلم مني سالم

 الحلقه العاشره

مخالب الشيطان
بقلم✍️
مني سالم
يوم المحاكمه
كانت شجن وريم يجلسون في قاعه المحكمه
وايضا كانت نسرين تجلس معهم
وكانت الحاجه شاديه تجلس بجوارهم ايضا ولكن كان نظرها مثبت علي برعي حدايه حيث كانت تعيد شريط ذكرياتها معه او بمعني اصح لحظاتها المؤلمه التي كانت تتذكرها
( فلاش باااااااك)
فبعد مرور ٣ سنوات علي زواجها في يوم من الايام خرجت لتشتري متطلبات المنزل من الطعام وعندما عادت من الخارج دخلت المنزل دون ان تصدر صوت ودخلت الي المطبخ تضع المشتريات في الثلاجه وتعد طعام الافطار ولكنها فضلت ان توقظ شجن وريم اولا
وعندما دخلت الغرفه وجدت شئ لم تصدقه عيناها فانها لم تتوقع هذا علي الاطلاق وجدت هذا الشيطان يتحرش بابنتها الكبري شجن
الحاجه شاديه / ينهارك اسود بتعمل ايه عندك
برعي حدايه/ انا اااانا كنت بببغطيها
الحاجه شاديه / نعم انت هتستعبط دانا شيفاك بعنيا اياك اشوفك بتقربلها تاني انت فاهم اقسم بالله لو شوفتك قريب منها لاكون قتلاك يا حيوان
برعي / جري ايه يا وليه مقولتلك كنت بغطيها متكبريش الموضوع هو انا عملت ايه يعني ثم سحبها من يدها بغضب خارج الغرفه فنفضت يدها عنه بعنف
الحاجه شاديه / انا شايفاك بعنيا يا حيوان انت هو انت فاكر ان شغل التلات ورقات دا هيخيل عليا وهصدقك واكدب عنيا
برعي/ اما انتي ست قليله الربايه صحيح بس ملحوقه ثم قام بصفعها عده مرات فاخذت تصرخ من شده الضرب فصراخها ايقظ بناتها وهرولت كلا منهم خارج الغرفه واخذوا يخلصونها من ذلك الحيوان
فتوقف عن ضربها وخرج مسرعا من المنزل واخذت تبكي علي حالها التي وصلت اليه
فقد كانت بين أمرين اصعب من الاختيار بينهم اما ان تطرده من حياتهم فهم لا يملكون المال واما ان تترك ذلك الذئب البشري وسط بناتها وتقضي علي مستقبلهم فلا امان لتركه معهم بمفرده ربما تحدث كارثه ويعتدي عليهم
فكانت مجبره ان يعيش وسطهم لكي ينفق عليهم لكي يكملوا تعليمهم ولكن كانت المشاكل بينهم كثيره وكانت تحرص علي ان لا تتركهم بمفردهم معه لانها كانت تعرف نواياه السيئه
وبعد عده سنوات
انهت شجن تعليمها الجامعي
كانت الحاجه شاديه خارج المنزل عندما اتي برعي في الصباح من الكباريه وكان مخمورا
كانت شجن نائمه وايضا ريم في الحجره المجاوره لها
فتح برعي باب الغرفه بحرص
ودخل حجره شجن
وحاول تحسس جسمها بشهوه واخذ يتحسس جسدها وهي غارقه في نوم عميق لا تدري بما يحدث ولكن طريقته المقززه في تحسس جسدها جعلها تستيقظ فوجدته امامها ونظراته كلها خبث
شجن / انت بتعمل ايه هنا
برعي /كنت بصحيكي يا حلوه علشان نفطر سوا
شجن /لا مش عاوزه افطر اخرج برا انت شكلك سكران
برعي /انا لو سكرت هسكر من سحر عينيكي يا قمر تعالي بس ومتعصلجيش دانا هبسطك يا بت
شجن/ابعد عني يا حيوان
برعي /انا حيوان يا بنت الكلب طب تعالي بقي
ثم اخذ يقطع ملابسها ويصفعها عده صفعات وشرع في الاعتداء عليها
وكانت شجن تحاول ان تدافع عن نفسها حتي لا يتمكن هذا الحيوان من اكمال مهمته التي نوي عليها
كانت تفتح باب الشقه في هذا الوقت الحاجه شاديه فسمعت صوتهم من غرفه شجت اسرعت للمطبخ واحضرت سكينا حاد ودخلت غرفه شجن فوجدت برعي يضع شجن اسفله ملابسها ممزقه ومكبله اليدين ويقوم بالاعتداء عليها فاسرعت نحوه الحاجه شاديه وسددت له طعنه من الخلف لتبعده عن ابنتها فاصيب برعي في كتفه فابتعد عنها علي الفور
برعي /انتي اتجننتي يا وليه عاوزه تموتيني
الحاجه شاديه / لو قربت لبنتي تاني هجيب اجلك انت فاهم امشي من هنا ومتورنيش وشك تاني برررررررا اخرج بررررررا
فخرج برعي علي الفور
فاخذت شجن تستر جسدها العاري وتلملم ملابسها التي مزقها هذا الحيوان
فاحتضنتها الحاجه شاديه واخبرتها انه سوف يرحل الابد وبالفعل رفعت عليه قضيه خلع وانفصلت عنه تماما
انتهي الفلاش باك...........
حاجب المحكمه / محكمه
قام جميع من في القاعه بالوقوف وبدأت المرافعه
الحاجه شاديه /انا خايفه يا بنتي مش ياخد حكم ويطلع منها زي الشعره من العجين
شجن/متخافيش يا ماما هياخد اقصي عقوبه دا ممسوك تلبس
الحاجه شاديه / انتي مش شايفه المحامي اللي معاه عمال يدافع عنه ازاي
شجن /مهما يدافع عنه انا واثقه انه هياخد اقصي عقوبه
ثم سمعو القاضي
الحكم بعد المداوله
الحاجب /محكمه
ثم وقف الحضور مره اخري
وبعد مرور ساعه ونصف دخل القاضي والمستشارين الي قاعه المحكمه للنطق بالحكم بعد المداوله
القاضي /بعد الاستماع الي مرافعه الدفاع وسماع شهود الاثبات حكمت المحكمه حضوريا علي المتهم برعي حداد بالسجن المشدد لمده خمسه وعشرون عاما مع الشغل والنفاذ رفعت الجلسه
وبعد النطق بالحكم اصيب المدعو برعي بحاله من الهستريا واخذ يصرخ ولكن بلا جدوا
واصيبت الحاجه شاديه بحاله من الفرح الشديد وعدم التصديق بانها اخيرا تخلصت من هذا الكابوس للابد
وايضا لم تختلف حالتها عن شجن وريم
بعد خروجهم من قاعه المحكمه اخذهم عاصم ليتناولو الغداء سويا في احد المطاعم الفاخره
وبعد تناولهم وجبه الغداء اخذهم الي منزلهم الجديد الذي لا يبعد عن بيته بكثير
ومرت الايام وهم ينعمون بالسعاده حيث انهت ريم تعليمها الجامعي
وايضا عملت شجن كمساعده لعاصم ومديره مكتبه
وتمتعت الحاجه شاديه بالعافيه والصحه والاهم من ذلك راحه البال
ومرت عليهم الايام في سعاده حيث انتهي الظلم
بعد ان عانت الحاجه شاديه من معاشره هذا الرجل قصرا طوال تلك السنوات المريره منحها الله عز وجل راحه البال بعد طول انتظار
بعد مرور ثلاث سنوات
عاصم /شجن تعالي مكتبي حالا وهاتيلي البوسطه امضيها
شجن /حاضر يا عاصم بيه
ثم تدخل شجن الي مكتبه وهي تحمل البوسته فيمضيها عاصم ثم يسألها عن سيف
عاصم /سيف جه ولا لسه
شجن /ايوه يا فندم جه من نص ساعه في مكتبه
عاصم /ابعتهولي حالا
شجن /حاضر يا فندم
ثم تبلغ سيف بضروره حضوره لمكتب عاصم
سيف /يا نهار اسود انت متأكد من الخبر ده
عاصم /ايوه طبعا متأكد انا مش عارف اعمل ايه شجن كدا في خطر اكيد هرب من السجن علشان ينتقم منها انا خايف عليها قوي يا سيف وكمان ممكن يكون هرب علشان ينتقم من ريم والحاجه شاديه كمان
سيف /طب شجن عرفت ان برعي هرب من السجن
عاصم /لا طبعا مش عرفت انت اتجننت عاوزني اقولها ان برعي هرب من السجن
سيف/ طب هتتصرف ازاي دلوقتي
عاصم /هكلف شركه حراسات خاصه تكون معاهم في اي مكان كتأمين علشان اضمن انهم مش يحصلهم حاجه
سيف /طب كويس الحل ده
عاصم / انا مش هكتفي بكدا انا هكلف فريق حراسه علشان البحث عنه
سيف /ماشي علشان تضمن انك تلاقيه قبل ما يتعرض لحد فيهم
............................
في شقه الحاجه شاديه
ريم / صباح الفل يا ست الكل
الحاجه شاديه / يا بكاشه انتي عملتي الفطار لوحدك كدا هتتاخري علي الشغل
وبعدين فاضل اسبوع علي خطوبتك
هتخرجي مع سيف النهارده صح
ريم / اه علشان اشتري الحاجات اللي نقصاني دا كدا فات يوم من الاسبوع وانا لسه مخلصتش كل حاجه وشجن مطحونه في الشغل مع عاصم بيه ومفيش عندها وقت تخرج تلف معايا
الحاجه شاديه / عيني عليها غلبانه اتبهدلت كتير واتمرمطت بسبب الشيطان اللي اسمه برعي ده عارفه يا ريم انا حاسه انها بتحب عاصم وكمان حاسه انه عارف كدا بس شغلها القديم هو اللي عامل حاجز ما بينهم ومخليه مش محسسها انها مش في قلبه وكمان حاسه انه بيحبها بس بيداري
ربنا يفرح قلبك يا شجن يا بنتي ويريح بالك
...........................
في مكان مهجور
برعي /ها راقبتها
زلطه/ ايوه وعرفت كل تحركاتها وهننفذ بكرا
برعي /خد بالك كويس انا عاوزها حيه ومحدش يلمسها
زلطه/ تأمرني يا باشا اتطمن
وينصرف زلطه من هذا المكان المهجور ويخرج برعي الي الخارج يقابل مجرم عتيد الاجرام ويدعي العقباوي
العقباوي /ها البضاعه هتيجي امتي
برعي / اتطمن هتجليك صاخ سليم
العقباوي / ايوه لازم كل اعضاءها تبقي سليمه اللي بشتغل معاهم مش بياخدوا اي اعضاء فيها اي مرض فاهم
برعي /اتطمن دا فرس جامح هتلاقي اعضاها سليمه ميه الميه المهم انك تخلص بسرعه وبعدها تختفي ولازم بعد ما ادفع التمن ده تسفرني برا بالطريقه ماشي
العقباوي / اتطمن مفيش اسهل من اني اطلعك من البلد
ثم ياتي يوم التنفيذ و..........
يتبع
انتظروا الخاتمه
بعتذر عن التاخير ظروف خارجه عن ارادتي كان النت خلصان من عندي
google-playkhamsatmostaqltradent