رواية احببت فوستيكة كاملة
بسم الله
ي بت ادخلي من البلكونة انتي بتعملي اي عندك
نور:انا بشم هوا يا ماما و مليش دعوة بحد
الام : و الله لو حد اشتكي منك لانفخك و سابتها و مشيت
نور: متقلقيش يا قمرز ،
ولاا يابن ام لطفي
-نعم؟!
نور:الحق امك بتنور و تطفي 
بعد خمس دقائق
نووووور
نور بصوت عالي: نعااام
الام:تعالي عايزاكي
نور:انا جيت اهو نعموا
الام: البوتاجاز مطفي؟!
نور:اااه يا ماما بس مش لوحده 
الام:لااا رد
نور:طيب سلام بقا اروح افتح نت عشان شكلك مش طايقاني 
فتحت الفون لقت كومنت علي البوست الكوميدي بتاعها " اي اللي انتي بتشيريه دا "
نور بتكلم نفسها و هي ماسكه الفون: و دي مالها دي ما أشير اللي انا عايزاه و كتبت لها: ب140 جنيه في الشهر
ثواني و أتاها الرد :هي اي
نور: فاتورة النت مش انتي بتدفعهالي 
:بت ي نوووور
نور بخضة :جرا اي ماما هو كل شوية تنادي عليا لي هو في أي
الام: قومي يا بت نضفي أوضة اخوكي
نور:و انا مالي هي اوضتي و لا أوضته
احمد (اخو نور): اسمعي الكلام يا فوستيكة
نور : ششش يا بابا
(اعرفكم بنفسي انا نور و صحابي و الناس القريبة مني بيقولوا لي فوستيكا في آخر سنة في كلية الهندسة و يارب اتخرج علي خير و دا ماي بروو اخويا الكبير متخرج من هندسة برضو )
في آخر سنة في كلية الهندسة و يارب اتخرج علي خير و دا ماي بروو اخويا الكبير متخرج من هندسة برضو )احمد ضربها علي قفاها
نور بألم:اااه يا غبي يا غبي
احمد:اسمعي الكلام من اول مرة احسن
....
اي يا دنيا كل دي احزان و انتي عارفه اني معنديش خزان انتي دنيا مش جدعه لاا
الاب:بتكلمي نفسك يا نور و بعدين انتي عامله كدا ليه فنفسك (كانت بتنضف أوضة اخوها)
نور بتمثيل:اتكاتروا عليا في غيابك يا حااج
الاب:هما مين
نور:مراتك و ابنها
الاب:مراتي اللي هي امك و ابنها اللي هو اخوكي
نور: بس متقولش امك بس
الاب: وه
نور:دا عمي محمد البواب حنين اكتر منها
الاب:عمي محمد مين
نور:لا يا بابا دي حكاية طويلة اخلع انا بقا
الاب بعد ما نور مشيت:البت اتجننت
..............
في الكلية :
سارة:بقولك يا نور
نور:قولي يسطاا
سارة:تعرفي الولد اللي هناك دا
نور: انهو دا
سارة:اللي لابس اسود دا
نور:لا معرفوش بس ماله ؟!
سارة:عادي عايزة اعرفه
نور بكوميديا: حضري الشنطة و الجهاز و سيبي الباقي لأم معااذ
سارة بضحك: واثقة فيكي يا خالتي
الدكتور:السلام عليكم ورحمه الله وبركاته
الطلاب:و عليكم السلام ورحمه الله وبركاته
الدكتور بدأ شرح و وقف في نص الشرح عشان يسأل شوية
المستر:عايز حد يشرح الي انا قولته ...ماشي انتي يا نور اشرحي
نور : انا مرفعتش أيدي يا دكتور
الدكتور:ما انا عارف
نور: طيب اي
الدكتور : اي اي اشرحي اللي قولته يالا
نور:بص يا دكتور انا اصلا مكانش ينفع اكمل تعليم بعد الحضانة
الدكتور ساكت مش بيتكلم و كل الطلبة مركزين مع نور و بيضحكوا
نور بتمثيل البكاء:تعرف انا كملت تعليم ازاي
الدكتور بتركيز: ازاي ؟!
نور بضحك: قومت قايلالهم لااا مش داخله غير ثانوي عام و شوحت بأيدي كدا
الدكتور:شوحت بايدك كدا
نور:اه و الله شوحت بأيدي كدا
الدكتور:يلا يا بني انت اشرح و اتفضلي يا استاذه و ركزي و بلاش تفاهه
الولد (يوسف) قام شرح و كان بيختار ناس هو يسألهم و تجاوب معاه و اختار نور
يوسف لنور: 4×15 بكام
نور:21
الدكتور بصدمه: نعم؟!
نور:اي طيب 33 ؟!
الدكتور: وعشان خاطري
نور:لا عشان خاطرك نخليها 35
الدكتور بنرفزة:احنا هنهزر
نور بخوف: ماالك قفوش كدا لي 4×15ب 60
الدكتور بقرف : المحاضرة انتهت
نور بعد ما الدكتور خرج م القاعه: دكتور ساقع
نور ليوسف:ع فكرا انا مش هسكت المرادي و مش هسامحك كدا بالساهل
يوسف بضحك: حقك عليا طيب
نور بدون تفكير : حصل خير بحبك
يوسف بصدمه:اي
الشباب بيصفروا و يسقفوا
نور : زي اخويا ، بحبك زي اخويا
الشباب:ييييه
نور شدت ساره و خرجت تجري من الكلية كلها بعد الكسفة دي
ساره :ياربي مش قادرة هموووت م الضحك منظرك كان مسخرة يا نوور
نور بخجل : ي شيخه دا انا كان هيجيلي الضغط من الكسفه
(يوسف دا زميلي في الكلية هو بيحبني بس مفكرني مش واخده بالي ودي سارة صاحبتشي )
...........
عند يوسف خرج من الكلية و راح الكافيه مع صاحبه ادم
يوسف :مكانك في قلبي مهما كنت بعيد علياا
ادم: هي مين دي يا عم النحنوح
يوسف:هههه بهزر انا لو شوفتها هفلقها نصين
ادم:هي مين ؟!
يوسف: في غيرها
ادم: قصدك فوستيكة
يوسف: انا زي أخوها جاتها نيلة فيها و ف اخوها دا انا لو امسكها بس ماشي يا فوستيكة الكلب انتي
ادم:يا عم سيبك منها دا انت تلاقيك مظبط الدفعة بحالها
يوسف : كان نفسي اكون مرتبط بدل ما انا اكون مشكوك في امري من كل الناس
ادم:قوم يابا نذاكر عشان ننجح و نتخرج بقااا
يوسف:نحن لا نصلح للترم دا
ادم:و عشان خاطري ؟!
يوسف: ههه بهزر معاك نحن لا نصلح للتعليم كله اصلا
............
عند نور في البيت
الام:انتوا صغيرين علي السفر لوحدكوا
نور: لقد كبرنا يا امي
الام: طب قومي حضري الغدا
نور:لقد صغرنا فجأة ي الله
الام : طيب خدي بقا
نور بألم و ضحك: لي كدا طاب ما كنت هقوم من غير ابو وردة
احمد بضحك: ابو وردة دا بيحبك حب
نور:دا عشق ي خويا مش حب
احمد:مش ملاحظة أن الامتحانات قربت و لا اي ؟!
نور:ششششش وطي صوتك
احمد: في أي
نور: ضميري نايم
احمد: باباااا تعالي شوف بنتك الساقطه دي
نور:ااه يا بابا تعالي شوف سلوي و يارا و حن....اممممم (احمد حط أيده علي بوقها)
احمد: اتكتمي يخربيتك هتفضحيني
نور: ايوه كدا ناس متجيش غير بالعين الحمرا
احمد بقرف:انا غلطان أني خايف علي مصلحتك
نور:متشكرين ي رجولة
.......تاني يوم
الف سنة ضوئية طاب خلي بالك م الواد انا نازل يا سعاد
احمد :اجيب له الشكولاته و اقوله تاتاا
نور بصوت عالي: ايوه بقااا يالا يا ابو حميييد
الام:باااس
نور: مالك بس يا قمر تعالي تعالي و شدت مامتها ترقص معاهم
الام: بقا دا منظر مهندس و دي منظر واحده هتتخرج السنة دي
نور : سديتي نفسي و الله ما هكمل لي السيرة دي
الام: في عريس جاي باليل اعملي حسابك
نور:يييه هو انتي جايه تنكدي عليا لي
الام: بصي بقا مش عايزة شغل الهبل بتاعك دا روحي يلا جهزي نفسك
نور:ماشي يا حاجوج
باليل:
احمد:يالا يا نور بيقولك بابا تعالي عشان تقعدي مع العريس
نور: يلا بينا
احمد: انتي هادية كدا لي
نور:دا العادي بتاعي
احمد بتريقه:انتي هتقوليلي ما انا عارف
نور:هو العريس دا اللي هو اسلام اللي علي أول الشارع صح
احمد:اه هو بتسألي لي
نور بتفكير:لا عادي
احمد:مش مستريحلك
نور:تعالي بس نطلع لهم
يتتبع ...
الثاني من هنا
