رواية قلب محطم كاملة
-مبروك يا مدام اروي انتي حامل.
بصتلها بذهول وعينيا دمعت وقلت :
-بجد يا دكتورة ...بجد انا حامل ..اتاكدي ابوس ايديكي انا مش حمل وجع تاني .
ضحكت الدكتورة وقالت :
والله بجد انا متاكده مش بكدب انتي حامل في شهرين
-بس ازاي ...ازاي ..انا مش فاهمة انا كنت عقيمة ...انتي بنفسك قلتي مفيش امل !
-ربنا كريم اووي يا اروي مفيش حاجة مستحيل بالنسباله .
حطيت ايدي علي وشي وبكيت وانا بقول :
الحمدلله الحمدلله ...يارب اخيرا جبرت بخاطري ...اشكرك يارب
مسكت ايد الدكتورة وقلت :
شكرا يا دكتورة مش عارفة اقولك ايه ...انا لازم امشي دلوقتي لازم اقول لسيف علي الخبر ده ...اكيد هيطير من الفرحة حبيبي ...متتخيليش استني اليوم ده قد ايه ...
هزت الدكتورة رأسها ومشيت انا ...ركبت عربيتي وانا بسوق براحة الضحكة كانت مش مفارقة وشي ودموعي بتنزل لوحدها ....كان نفسي اصرخ في الشارع واقول اخيرا انا حامل ....اخيرا حلمي اتحقق...بقالي خمس سنين بحلم باليوم ده ...خمس سنين من اول ما عرفت اني عقيمة بعد جوازي بسيف بخمس شهور ...خمس سنين وانا بسمع كل اللي حواليا يتكلموا عليا ...خمس سنين وحماتي بتسم في بدني وحاولت اكتر من مرة تجوز ابنها لواحدة تاني لولا أن سيف اتمسك بيا ....سيف هو الوحيد اللي متخلاش عني حسسني اني اهم واحدة في العالم ومش مهم الأطفال . ...بس خلاص ربنا جزاه علي صبره ...قررت اروح الشركة بتاعته وافاجئه هناك .
.......
دخلت الشركة وانا مبسوطة ماشية بسرعة تجاه مكتبه ...فتحت باب المكتب فجأة الابتسامة ماتت علي شفايفي وانا بشوف جوزي حاضن السكرتيرة بتاعته ...الانسان اللي بحبه بيخوني ...
-سيف قلتها بصدمة
بعد السكرتيرة بخوف وقال
اروي!
قاطعته عليا وهي بتقولي
علي فكرة انا مراته ...اتجوزنا من خمس شهور .
دموعي نزلت لوحدها ومستحملتش اقف اكتر وهربت !
جري ورايا سيف ومسك ايدي
افهميني بس يا اروي
زقيته وانا بصرخ :
أفهم ايه ...قولي أفهم ايه ؟ انت اتجوزتها صح هي مش بتتبلي عليك !
صح انا اتجوزتها
-طب ليه ...ليه تكسرني بالشكل ده ..انت....
بكيت ومقدرتش اكمل .
حاولت اهدي نفسي بعدين بصيتله بتصميم وانا بقول :
انت الوحيد اللي حسسني مش ناقصة....انت الوحيد اللي معيرتنيش بعقمي....بس خلاص انت زيهم يا سيف...انت اسوء منهم مفيش حد عايرني فيهم وقدر يجرحني زي ما انت جرحتني بالشكل ده ...طلقني يا سيف ...طلقني
-...روحي البيت دلوقتي وانا هاجي ونتكلم واللي عايزاه هيحصل ...
مسك ايدي وقال بتصميم :
اي حاجة عايزاها يا اروي هتحصل بس الطلاق لا فاهماني انا مش هطلقك..
..........
-اهدي خلاص يا اروي بطلي بكي قطعتي قلبي حرام عليك
بس انا مقدرتش اوقف ...دموعي مش راضية توقف حضنت أميرة جامد وانا بقولها :
-الخاين ...الغشاش ..كان بيقولي اني اهم حاجة في حياته ...كان بيكدب عليا يا اميرة بيستغفلني طلع متجوز من خمس شهور وانا اللي زي العبيطة كنت رايحة افرحه بحملي..
بعدت عن أميرة ومسحت دموعي وقلت بتصميم
-بس لا انا هندمه علي اللي عمله
-هتعملي ايه ؟
بصيتلها وقولت
-هسافر ...هختفي من حياته ...هيتجنن وهو مش قادر يوصلي
-طيب وابنه
-ملهوش حق يعرفه ...ده ابني انا بس هربيه لوحدي
مسكت أميرة ايدي وقالت
-متخليش الشيطان يضحك عليه ...سيف مهما كان ابو اللي بطنك من حقه يعرفه
-لا مش من حقه ....هو خانني وده عقابه ...انا قررت وانتهي
بصيتلها وانا بقول بتحذير
-اميرة لو حصل وعرفت انك قولتيله انا هقطع علاقتي بيكي للأبد
تنهدت أميرة وقالت بإستسلام
-لا مش هقوله
......
قررت اسافر الصعيد عند ام صاحبتي أميرة واللي كانت بتعتبرني بنتها ...مكان مناسب وسيف عمره ما يفكر فيه اصلا بس قبل ما اسافر بعتله رسالة علي موبايله وبعدين كسرت الخط وانا بقرر ابدا حياتي من جديد مع ابني !
......
بعد خمس سنين
- سيف انا حبيتك ولسه بحبك بس اللي عملته كسرني وانا مستحيل اسامحك ...انا قررت اختفي من حياتك للأبد متدورش عليا
لمدة خمس سنين من اول ما سابته وهو بيقرا رسالتها كل يوم ...كل يوم بيعدي عليه بيموت ميت مرة ...دور عليها زي المجنون في كل مكان ممكن تكون فيه بس من غير فايدة ...طلق عليا وساب بيته وقعد مع امه وقفل علي نفسه وهو بيتعذب ...هو كسرها عارف كده كويس بس دفع التمن غالي ...
دخلت عليه مامته وهي بتقول بغضب:
- مش كفاية بقا ...كفاية تدفن نفسك بالحيا عشان خاطر واحدة باعتك
-عمري ما هسامحك علي حياتي اللي دمرتيها ...انتي اللي زنيتي عليا لحد ما دمرتيلي حياتي
ومشي وسابها .
.......
في شركة سيف
-صعيد ايه اللي اروحه معاك يا احمد هو انا فاضي
-والنبي يا سيف لتيجي معايا ...انت عارف اني مليش قرايب ...وميصحش اروح اتقدم لأحلام من غير حد .
-طيب خلاص هتسافر امتي
-النهاردة
-نعم يا اخويا!.
.........
بعد ساعات .
- يا اهلا وسهلا نورتونا
قالتها ام أحلام بود .
- ده نورك يا امي .قالها احمد فجأة دخل طفل صغير وجري جهة سيف واحمد ...بصله سيف وقلبه دق من غير سبب
- سيف حبيبي تعالي
الصوت ده صدمه ...جمده في مكانه وهو بيبص لصاحبة الصوت ولاقاها اروي
-اروي !!!!
قالها بصدمة
واللي مكنتش عاملة حسابه حصل ....سيف عرف مكاني.!واتعرف علي ابنه !
