أخر الاخبار

رواية احفاد منصور الجزء الثاني كاملة بقلم رنا احمد

رواية احفاد منصور الجزء الثاني كاملة بقلم رنا احمد



 البارت الاول من احفاد منصور الجزء الثاني من بنات منصور ٠٠٠

في شقه منصور :٠٠
منصور :صباح الخير يا شجن.
شجن :صباح الخير يا بابا ٠
منصور :ها ي حبيبتي عملتي ايه في الي كلمتك فيه انبارح.
شجن بحده:مش هتجوز ي بابا الموضوع خلص.
منصور بصراخ:شجن كفايه اوي لحد كده يبنتي حرام عليكي انا مش عارف فيه ايه ولا فاهم ولاراضي اضغط عليكي زمان اطلقتي انتي ومحمود من غير محد فينا يفهم السبب وسكت لكن انتي مشاء الله زي القمر زي ما انتي وبيجيلك عرسان وانتي مصممه تفضلي كده.
شجن بصراخ:اتجوز ايه بس ي بابا انا كبرت ورنا كبرت وكفايه الي هي فيه دي لاطيقاني ولا طيقاه ابوها انا مش ناقصه ي بابا انا تعبانه ولو حضرتك زهقت مني انا ممكن اخد بنتي وامشي.
منصور بعتاب :كده برضه ي شجن والله ي بنتي ماقصدي انا عايز مصلحتك خلاص مش هتكلم في الموضوع ده تاني.
شجن باسف:انا اسفه ي بابا مش قصدي.
رنا بضيق:صباح الخير.
شجن ومنصور :صباح النور.
منصور :يلا ي رنا علشان تروحي معايا الشركه.
رنا بحده:لا ي جدو فيه شركه تانيه مشتغل فيها.
شجن بحده :ليه ما شركه اجواز خلاتك موجوده.
رنا بضيق:لديكي قولتي شركه اجواز خلاتي مش شركه ابوايا علشان اشتغل فيها وبعدين انا بكلم جدو.
منصور بغضب:رررنا اتكلم كويس مع امك هي دي تربيتنا ليكي برضه.
رنا بدموع ووجع :انا اسفه ي جدو بس من فضلكم انا مخنوقه وزهقانه وعايزه استقل ب حياتي شويه لو سمحتم فيه شركه طالبه سكرتيره هقدم فيها وربنا يسهل.
منصور بتنهيده:خلاص ابقي هاتي اسم الشركه دي اسال عليها الاول٠
*******************************************
في فيلا اسد :٠٠٠٠
سما بابتسامه:صباح العسل عليكم.
اسد :صباح الفل يروحي .
ميرفت بابتسامه:صباح الفل ي قلب ماما.
سما بحماس:هفطر واطير بسرعه لاني عندي قضيه مهمه.
اسد بمرح:جري ايه ي سياده الرائد هو مفيش غيرك في الداخليه ولا ايه.
سما بغرور:طبعا ي اسد باشا ده بنت اسد شاكر وعمي اللواء سليم شاكر وجدي كمان الله يرحمه ي عني انا ليه شنه ورنه في الداخليه ي باشا.
ميرفت بغيظ:الله يسامحه الي كان السبب الي كبارها في دماغك.
سما بمرح :متقلقيش عليا ي فيفي انا هتاخر النهارده شويه لاني هروح ل ماما.
اسد :متبتيش هناك سامعه.
سما بالم:حاضر ي بابا بس يريت متنساش اني مش عيله صغيره انا اقدر احمي نفسي كويس عن اذنكم.
ميرفت بعتاب:ليه بس كده ي اسد.
اسد بتنهيده:ميرفت انا واثق في بينتي بس في الأول والاخر امها متجوزه وانا من حقي اخاف علي بنتي.
ميرفت بابتسامه:متقلقش انشاء الله خير سما بنت ذكيه وميتخفش عليها.
اسد بقلق:ربنا يستر امال سمر فين.
ميرفت :سمر راحت الجامعه مانت عارف الامتحانات قربت.
اسد :ربنا يسترها عليهم هما الاتنين..
*************************************************
في فيلا سليم وداليا :٠٠٠
في غرفه دعاء..
دعاء بخفوت:جرالك ايه ي رامي قولتلك خلاص هاجي الكليه واشوافك.
رامي بمكر:حبيبتي وحشتيني اوي هتجنن عليكي.
دعاء بعشق :معلش يروحي اوعدك بكره هنقضي اليوم كله سواء متزعلش بقا بحبك.
رامي بشر:وانا بموت فيكي يا قلبي سلام ي حبي.
دعاء بسعاده:سلام ي حبيبي.
***** *********************************************
في فيلا مراد ورشا :٠٠٠
مراد بعشق:الاكل تحفه يروحي تسلم ايدك.
رشا بحب:الف هنا يروحي.
ناديه بمرح:سيدي يا سيدي علي عصفورين الكناري دول.
مراد بغمزه:ايوه عندك مانع.
ناديه :لايباشا وانا اقدر تلاقيكم بتفضلوا تسابلوا لبعض كده في المستشفى ماما معاكي المرهم الي كنتي عطيتهويلي قبل كده ل عنيا.
مراد بقلق:مال عنيكي ي قلب ابوكي انتي تعبانه.
رشا بغيظ:طبعا من النقاب أوامر عمار باشا.
ناديه بابتسامه :ي حبيبه قلبي انتي عارفه ان الحساسيه دي عندي من زمان ملهاش دعوه بالنقاب وبعدين والله عمار مالوش علاقه اصلا ده قراري انا وبعدين ده جوزي ي ماما من فضلك اتقبيله.
رشا بضيق:هحاول ٠
*******************************************************
في فيلا رافت الراوي :٠٠٠٠٠٠
كانوا يجتمعون الاخوه الاربعه علي مائده الافطار :٠٠٠٠
رعد :انت رايح الشركه النهارده ي رافت.
رافت :ايوه لازم اروح في صفقات لازم انا الي اخلصها بنفسي.
سيف بقلق:احنا نخلصها ي رافت ارجوك ارتاح انت.
اياد:ايوه ي رافت لو سمحت.
رافت بثقه:متقلقوش عليا انا تمام الا ماحد فيكم جالي وقالي انه بيحب واحده ونفسه يتجوز ايه مالكم.
سيف بضحك:ههههههه طب متقول الكلام ده ل نفسك ي رافت مانت الكبير.
رعد بمغزه:وهو يتجوز ليه ماهو بيلاقي الي يدولوا الي هو عوزه من غير جواز.
رافت بغضب جحيمي:قصدك ايه ي رعد.
رعد بغضب:قصدي انت فاهمه كويس ي رافت نزاواتك وعلاقتك المشبوهه كلها علي علم بيها وكل يوم اقول بكره تتعدل لكن مفيش فايده الوضع عمال يسوء ٠
رافت بغضب:جرا ايه ي حضره الظابط انت هتعدل عليا ولا ايه اوعي تنسا اننا الي عملتك انا الي عملتكم كلكم جاين تحاسبوني قبل متحاسبوني افتكروا الي عملته علشانكم ويلا كل واحد يشوف كان رايح فين اتفضلوا ٠٠
ليراحلوا سريعا الي الخارج فهم يعرفان جيدا ماذا سيكون نهايه غضب اخاهم ٠٠٠٠
*****************************************************
في شقه صباح واحمد :٠٠٠٠
مروه بتذمر:ي عني ايه ي ماما مش هجيب الفستان الي عيزاه علشان المقابله ٠٠
صباح بزهق:يووه بقي ي مروه مانتي عندك فساتين كتير البس اي واحد.
مروه بتحدي :لا ي ماما لازم اكون احلي من رنا لازم.
صباح بحده:مروه رنا بنت خالتك ي عني لازم تخلي بالك منها ماشي لأنك عارفه كويس ظروفها.
مروه بحنان :اطمني ي ماما احنا يمكن بنحب نتحدا بعض لكن انا وهي بنحب بعض جدا ها هتديني اجيب الفستان.
صباح بزهق:ي ساتر هديكي دانتي حقنه.
*****************************************************
في الشركه :٠٠٠٠
للتذكير الشركه ملك مراد واسد وسليم لكن سليم للواء شرطه ومراد دكتور فبالتالي اسد ومنصور المسؤلين عن الشركه ٠٠٠٠
اسد:ايه رايك ي عمي منصور في الصفقه دي.
منصور:والله ي اسد ي ابني العرض مش بطال شركه الراوي شركه كبيره والتعاون معاها هيكون مربح جدا.
اسد بارتياح:يبقي على بركه الله نكمل الصفقه دي وربنا معانا انشاء الله قولي رنا مجتش ليه النهارده ٠
منصور بوجع والم:والله مش عارف البت دي اخرتها ايه كل يوم بتنفر من ابوها وامها ومن عشتيتها ربنا يستر.
اسد:بصراحه ي عمي منصور هي معزوره من صغرها وعيت علي الدنيا لقت ابوها وامها منفصلين طبيعي تبقي نفسيتها كده.
منصور بخوف:ده انا مرعوب عليها ربنا يحمينا كلهم من كل شر.
اسد:امين يارب ٠٠٠٠
*****************************************************
في منزل ام محمود :٠٠٠
شجن :اخبارك ايه ي خالتي.
ام محمود بحزن:عايشه هيكون ايه اخباري وابني انطفا بدري بدري وحفيدتي بعيده عني وكرهاني هكون عامله ايه ي عني يلا الله يسامح الي كان السبب.
شجن بدموع :قصدك انا ي خالتي.
ام محمود بهجوم:انتي ومحمود اي ان كان الي حصل بينكم واللي محدش عارفه لحد دلوقتي والي اكد سبب خطير لاني محمود كان بيعشق التراب الي بدوسي عليه وبرغم كل ده كان لازم تفكروا في البت الي مكملتش يوم قبل متبعدوا كده وادي النتيجه البت مبقتش طيقانه.
شجن بوجع :كفايه كفايه ي خالتي ابوس ايدك انا الي فيه مكفاني.
محمود بخضه:مالك ي شجن فيه ايه رنا جرالها حاجه انطقي.
شجن بالم: رناا كويس انك كنت جايه افضفض مع خالتي ب كلمتين عن اذنكم.
محمود بحده:استني خودي دول.
شجن بالم:مش محتاجين ي محمود ابويا مش مخلينا عايزين حاجه.
محمود بغضب:ده مش علشانك علشان بنتي محدش يصرف عليها وابوها عايش علي وش الدنيا وخالي بالك منها ي شجن اظن فهماني.
شجن بانكسار:فاهمه ي محمود ٠٠
******************************************************
في الاداره :٠٠
في مكتب اللواء ابراهيم عبد الحي...
سما :حضرتك طلبتني.
اللواء ابراهيم:اقعدي ي سما بصراحه انا شوفت كفائتك في العمليه الاخيره بصراحه حاجه هايله بس محتاجه شويه تدريبات .
سما بسعاده:شكرا سعادتك ده بتوجيهاتك.
ابراهيم :علشان كده فيه شويه تدريبات لازم تاخذيها علشان المهمه الجديده صعبه اوي.
سما :تحت امر حضرتك مين الي هيدربني.
ابراهيم :المقدم رعد الراوي يتتتتتتتبع ٠٠٠٠٠٠٠٠
***************************************************
تفتكروا شجن ومحمود ممكن يرجعوا لبعض 🤔🤔🤔🤔🤔🤔
ي تري ايه هيحصل بين رعد وسما🤔🤔🤔🤔🤔🤔🤔🤔🤔
ايه حكايه عمار وناديه 🤔🤔🤔🤔🤔🤔🤔🤔🤔🤔🤔🤔
ي تري هيحصل ايه بين رنا ورافت 🤔🤔🤔🤔🤔🤔🤔🤔
وسيف ومروه ٠٠٠🤔🤔🤔🤔🤔🤔🤔🤔
ودعاء وايااد 🤔🤔🤔🤔🤔🤔🤔🤔🤔🤔
انتظروا انشاء الله الي جاي لانه اقواي والأحداث الي جايه هتبقي مشوقه اوي هستنا تعليقاتكم الي بتفرحني دمتم في رعايه الله وحفظه ٠٠٠٠٠
احفاد منصور :٠٠٠٠
بقلمي رنا احمد :٠٠٠

تعليقات



حجم الخط
+
16
-
تباعد السطور
+
2
-
close