رواية حبك جاء صدفة ( اسر ومي ) كاملة
الجزء الاول
يبنتي انتي خدامه عندي اتجوزك اي انتي هبله
استر عليا ي بيه والنبي ،اهلي مش هيسبوني ف حالي ،والنبي ي بيه استر عليا
استر عليكي اي انتي عاوزه تجبيلي فضيحه ،غوري يبت من هنا
ي بيه والنبي ،اتجوزني ولو حتي يوم وهعيش خدامه تحت رجلك
انا قولتلك غوري من هنا انتي مبتفهميش
وف اللحظه دي أهل مي وصلوا
تعالي ي بنت الكلب هنا ،عرتينا وجبتلنا الفضيحه ،انا هربيكي من اول وجديد
أسر:انت اهبل ،بيتمد ايدك عليها لي
عمها:وانت مال اهلك ،انا عمها وهربيها متدخلش
أسر:لا أدخل لان انت ف بيتي ،وبنت اخوك شغاله عندي هنا يعني شغاله ف بيتي والي. يمد ايدو ع حد ف بيتي اقطعها له
عمها ؛وانت محموق لها كده لي ؛اكيد انت الي هي بتحبه ي نحنوح
أسر:لحد هنا والتزم ادبك علشان انت ف بيتي بس وقدام اهلك مش عاوز اهزئك ،فخد بعضك كده بهدوء واطلع بره بدل مطلعك من البيت معدوم الكرامه
جدها:بص يبني ب الأدب كده ومن غير زعقيق ،احنا لقينا صوره حضرتك وعليها رقمك ف اوضه مي واحنا صعايده وطبعا الموضوع انتشر ،وهي دلوقتي سمعتها بقت ف الأرض ،والمفروض عندنا ف البلد الي يعمل كده وخاصه بنت نقتلها علشان متجبلناش العار ،بس انا اكيد مش هقتل حفيدتي ،ف احنا جينا لك علشان تلاقيلنا حل
عمها:مفيش حل غير أننا نقتلها ،دي جبتلنا العار ،تعالي هنا بتتحامي في ده انا هموتك ب اديا ،وراح علشان يمسكها من شعرها ف أسر مسكه
أسر:قولتلك طول م انت ف بيتي متمدش ايدك عليها
جدها:عندك حل ي ابني
أسر:سكت شويه،وبصلها ،لاقها عينيها بتستغيث بيه ،صعبت عليه فقال
أسر:انا هتجوزها
مي بصتله بفرحه واتمسكت بيه اكتر ،كانها لاقت منفذها ،وهو فعلا منقذها 
عمها:اه طبعا مع الموضوع ع هواك ي نحنوح
أسر:كلمه كمان وأقسم ب الله مهخليك تشوف قدامك
جدها:اخرس ي جابر؛ شكرا ي ابني
أسر:كتب الكتاب امتي
جدها:زي م انت عاوز
اسر؛تمام تجيب الماذون بليل نكتب الكتاب ونخلص وتتكلوا ع الله
جدها:اطلب المأذون ي جابر
_________
بعد كتب الكتاب
أسر:يلا مش عملتوا الي انتوا عاوزينه ،اتفضلوا من غير مطرود
جدها:هنمشي ي بني بس هي لازم تيجي معانا البلد علشان نعلن جوازها علشان الفضائح يبني وسمعتها ،وهي دلوقتي مراتك ،واكيد مش عاوز تبقي سمعتها ف الطين
أسر:ماشي ، نسافر الصبح مش هيحصل حاجه
جدها:خلاص احنا هنروح نشوف مكان ننام ف الليله دي ونرجعلكوا الصبح
أسر:ولي التعب ف اوض للضيوف، اتفضلوا اقعدوا فيها
جدها:لا يبني علشان منتعبكش
أسر:مفيش تعب ولا حاجه اتفضلوا
__________
أسر:تصبحوا ع خير
جدها:وانت من أهله
أسر نزل من الأوضه يدور ع مي ملقهاش
أسر:ي مي ي مي
مي:نعم ي بيه اتفضل تأمر ب حاجه
أسر:انتي بتعملي اي ؟
مي:هروق الشقه ،واظبط المطبخ قبل م انام اتفضل انت ي بيه
أسر:انتي يعني المفروض مراتي دلوقتي و....
مي:انا فاهمه حضرتك متقلقش انا هفضل مي الشغاله بتاعت حضرتك ،مفيش حاجه هتتغير ،وشكرا ليك ع الي عملته معايا النهارده
أسر:طب وانتي هتنامي فين ؟
مي:زي م كنت بنام ي بيه عادي
أسر:لا اطلعي نامي ف الاوضه الي جمبي،متناميش هنا تأني
مي:بس ي بيه ،يعني مينفعش الي حضرتك بتقوله ده
أسر:مفيش بس اسمعي الكلام ،وروحي نامي يلا علشان سفر بكره
مي :بس البيت والمط...
أسر:انتي سامعه انا قولت اي يلا
مي:حاضر ي بيه
أسر ف سره:انت اي الورطه الي حطيت نفسك فيها دي ي أسر......
__________
مي بتخبط ع الباب
مي :أسر بيه الحقني ي أسر بيه
أسر:ف اي بترزعي ع الباب كده لي ؟!،وبتعيطي لي ؟!
مي:اسفه ي بيه ،بس عمي مش مبطل بهدله وضرب فيا من ساعه م صحيت
أسر:وهو بيضربك ليه
مي بكسره :علشان جبت العار ل العيله بتاعتنا
أسر:واحنا مش هنخلص من الموضوع ده مش اتجوزتك وخلاص عاوز اي تأني
مي بعياط :مهو بيقولي اني عملت كده علشان اتجوز حضرتك واعيش في العز ده لوحدي ،وهو يفضل يشقي فالارض وانا بتمرقع وفضل يضرب فيا
أسر:بقي كده ،ماشي
أسر بزعيق :انت ي جابر الزفت
جابر:متحسن ملافظك ي جدع انت
أسر:انا اخر مره بحذرك انك تمد ايدك ع مي هي دلوقتي مراتي وانا عامل حساب انك عمها لحد دلوقتي بس تيجي لحد عند الضرب وانا مش هسكتلك انت فاهم
جابر:م براحه ع نفسك كده ،الي يسمعك بتقول كده يقول ميت ف حبها 
أسر:ملكش ف
جدها:خلاص يبني هدي نفسك ،وانت ي جابر مش عاوز اسمع حسك لحد م نوصل البلد انت فاهم
جابر:حاضر ي ابوي
جدها:يلا يبني جهز نفسك علشان نلحق نسافر
أسر:ماشي،اما نشوف اخرت الليله دي هترسي ع اي ،تعالي ورايا ي مي
مي:حاضر
_______
أسر:انتي واقفه عندك كده لي ، ادخلي
مي :حاضر
أسر:انتي واقفه متحنطه كده لي اقفلي الباب ده وتعالي اقعدي هنا
مي:ميصحش ي بيه
أسر:سمعتي .
مي:حاضر
أسر:فاهميني اي المفروض اعمله هناك
مي:بص هو حضرتك المفروض دلوقتي جوزي ،ف هما مش ييصدقوا ع طول ،فمعلش يعني ممكن حضرتك تعاملني كاني مراتك قدامهم بس ،وهيكون ف اوضه واحده لينا ،بس متقلقش حضرتك هتنام ع السرير ،وانا ع الأرض ،ده بس كل الي بطلبه من حضرتك
أسر:ماشي ،بس بما انك عاوزاني أبين أن انا جوزك وكده ،ف انتي كمان تمثلي انك مراتي
مي:ازاي؟!
أسر:مبدأيا اللبس ده مش هتروحي بيه هناك،لانك رايحه بصفتك مرات أسر عبد الله يعني تكوني ملكه وانتي هناك ،غير كمان انك تلبسي طرحه ،انا اه عديت موضوع النهارده لأنهم اهلك وإنا جوزك ف عادي ،انما هناك لا ،انا اه مبحبكيش بس ف الاول والاخر أنتي مراتي
مي:حاضر ي بيه حاجه تاني
أسر:اه بلاش بيه دي ،قولي أسر وخلاص
مي:ميصحش ي بيه يعني
أسر:اسمعي الكلام بقي
مي:حاضر ي بي..،ي أسر
_________
جدها ؛اهلا ي بني جهزتوا خلاص
أسر:هي مي لسه منزلتش
جدها؛لا ي ولدي
مي:انا هنا اهو
أسر:بص وتنح شويه وقال لنفسه ،هي دي مي الي كانت بتشتغل خدامه ،سبحان الله
مي:أسر ،ي اسر
أسر:ها نعم
مي:شكلي مش حلو اطلع اغير
أسر:اه مش حلو ،ومفيش وقت تغيري ،يلا انجزي
مي بدموع :حاضر
أسر لنفسه :غبي !!!!
______
سعد عم مي:اهلا ي ابوي تعالي اتفضل ،اتفضلوا ي جماعه ،مين حضرتك ؟
مي:ده أسر جوزي ي عمي
سعد:اتفضل ي بني اهلا وسهلا منورين
فتحيه :أزيك ي مي ي بتي كيفك
مي:بخير ي عمتي
فتحيه :ده جوزك صوح
مي:ايوه ي عمتي
أسر:اهلا وسهلا
فتحيه :ازيك ي ابني ،اتفضل
_____
يلا ي سعد ي لا جابر .الوكل
سعد :يلا ي جماعه
فتحيه :كلي ي مي واتغذي شكلك هفتانه اليومين دول ،مش عاوزين بدر يجي يقول اننا مش بناكلك
مي بفرحه :بدر جي امتي ي عمتي
فتحيه :بكره ي قلب عمتك
أسر ب استغراب لفرحتها:بدر مين ؟!
فتحيه :بدر ابنها ..
أسر :ابنها !!!!!!؟؟؟
