recent
روايات مكتبة حواء

رواية ملتزمة تزوجت رجل اعمال كاملة

رواية ملتزمة تزوجت رجل اعمال كاملة 

 


#رواية_ملتزمه_تزوجت_رجل_اعمال

التعريف بالشخصيات.
هي اسمها
خديجه بنت ملتزمه جدا. لاتخاف الا من الله. مرحه شخصيتها قويه. في بيئه غير ملتزمه. في سنة اولة درسات عليا. جامعة الازهر. منتقبه. لاتظهر شئ حتي عينها. بشرة قمحية شعرها اسود. (متوسطة الجمال )ولكنها تتميز بأن وشها منور بسبب قيامها لليل.نور خاص. بيكون في وجه الصالحين دايما.
هو :باسم. رجل اعمال. ليه سلطه جامده لايعرف شئ عن دينه. لايحب ان يتعامل مع النساء. شخصيته قويه عنيد ومغرور( واخد في نفسه مقلب)
بقية الشخصيات. هنعرفهم بعدين.
__________________________
انتهت بطلتنا من الصلاه وقامت عشان. تلبس بقا وتروح كليتها
خديجه:بقي انا اخلص من الكليه. الاقي نفسي بقدم علي درسات عليا. انا مالي ومال التعليم. طول عمري بحب الاكل. من امتي وانا بحب التعليم( ده رأي انا كمان.)هتصل علي الهانم عشان اشوف طلعت ولا لسه. قدامنا قطر. وبتتصل خديجه علي مني صحبتها.
مني. صاحبة خديجه. تعرفو علي بعض ايام الجامعه وبقو اصدقاء وبيفهمو بعض جدا. ومني بتحب خديجه جدا جدا. وهي كان نفسها تتعرف علي خديجه. لانها كانت بتحب تشوفها وهي ماشيه وطبعا هنعرف ليه.
خديجة،،السلام عليكم. اين انتي يااختاه. عم القطر مش هينتظر حضرتنا.
مني. اهدي لما ارد عليكي السلام. ايه مركبه. ايه انا هلبس وهطلع اهو
خديجه، وانا كمان هلبس وهطلع اهو وهستناكي بأذن الله علي المحطه. يارب نص الشعب ياخد اجازه عشان نلاقي كرسي فاضي.
مني، هههههههه. اللهم امين. بدل ماالواحد. بيروح الكليه مش قادر يتحرك من شدة الالم
خديجه،،يلا بقا السلام عليكم مش فاضيه لرغي. عايزه البس
مني ;وعليكم السلام ورحمة الله. لما اشوفك بس. قفلت السكه.
خديجه. لبست وخارجه. من الاوضه. سلمت علي امها وقبلت ايديها هي وابوها. عايزين حاجه. يلا بقا السلام عليكم
والديها ,ربنا معاكي. انتي عايزه حاجه.
خديجه. لا شكرا ربنا يرضي عنكو. السلام عليكم. وطبعا. جريت عشان تلحق بقااا.
(خديجه كانت لابسه. عباية سمرا واسعه وعليها كاب كتف. واصل لغاية بعد الركبه. ولابسه نقاب. وعليه بيشه. وده لبسها من اوله ثانوي. ولكن البيشه من الجامعه. )
وصلت خديجه المحطه. لقت الاخت مني مستنياها. سلمت عليها وقعدت جنبها.
مني. عماله ترني وتصدعيني وفي الاخر جيت قبلك.
خديجه. طبعا يابنتي لازم تيجي قبلي وتستقبليني. هو انا اي حد ولا ايه.
مني. ايه الغرور ده. حظك اننا في مكان عام. عشان كده مش هقدر. اسلم علي وشك
خديجه بصوت واطي عشان الرجاله متسمعشي. انتي السبب انا مالي ومال البهدله دي. كنت قاعده ملكه في بيتنا. اكل ومرعه وضرب بالشبشب وعايشه حياتي.
مني:ههههه خديجه فصلتيني ايه اسطوانة كل يوم دي. امال لو مكنتيش قدوة بقا. وشغاله في الدعوه. واللهم بارك عليكي وانتي بتتكلمي مع البنات حاجه كده بتخليني افضل ابكي من شدة تأثري. من كلامك.
خديجه ، انا دي اشوعات. هو فيه حد افشل مني. ده لو عمله مسابقه عن افشل واحد في العالم. هاخد المركز الاول من غير مجهود. كفايه امي ربنا يبارك فيها. قبليني لونفعتي
مني،ههههه الامهات كلها كده
خديجه ،،بس بقا. متفكرنيش. خلينا ننسي
وصلو الكليه،وصلو الضحي ، ودخلو المدرج وحضرو المحاضره. وطلعو ينتظرو المحاضره بره. التانيه.
خديجه. تعالي يامني نروح نقف مع شلة البنات اللي واقفه دي.
مني. لا ياخديجه. انتي شايفاهم منسجمين ازاي وعمالين يضحكو بصوت عالي. ولا محترمين انهم في حرم جامعي. ولا لبسهم. ايه ده. لا مش هروح.
خديجه. كده يامني مينفعشي. احنا كده بنغتاب فيهم. يمكن دول يكونو عند الله احسن مني ومنك. دول يامني اكيد فيهم خير اكتر مني ومنك. وبعدين احنا هنتكلم معاهم عشان لما ربنا يسألنا منقولشي. ليه ملناش دعوه. لازم يامني. تحبي الخير لاخواتك المسلمين. زي مابتحبيه لنفسك. ده الرسول. صل الله عليه وسلم قال
)(لايؤمن احدكم حتي يحب لاخيه مايحب لنفسه)يعني. ايمانك مش هيكمل الا لما تحبي الخير لاختك المسلمه. تعالي بقا. يلا نروح كده نتكسف في سبيل الله.
مني،،بجد ياخديجه انتي نعمه من ربنا ليا. ربنا يحبك ويبارك فيكي. بس بجد. خايفه يكسفونا.
خديجه ،يامني. الرسول. كان افصح منا وكان قلبه علي الدين اكتر مني ومنك. وعلي رغم كده. كان لما يدعو ابوجهل اوابو لهب. كانو بيغلقو الباب في وشه. لدرجة اني ابي جهل قال يامحمد هات ورقه من ربك وهكتبلك فيها اني مش هدخل في دينك ابدا. والنبي مزهقشي ابدا. وفضل برده يدعوهم الي الاسلام. واحنا رايحين نتكلم مع بنات مسلمات. وتقولي خايفه. لا يااختشي مني. احنا كده لازم ننفصل.
مني،ههههه لازم تحطي التاتش بتاعك. يلا ياخديجه. وامري الي الله.
شلة البنات. الحقو يابنات. شوال الفحم. باين عليها جايه علينا. ياتري عايزه ايه.
بنت،هههه تلاقي هتيجي تقول. هتدخلو النار ياكفره.
بنت تانيه . هههههه. هتقول الكشكول الاحمر اللي في ايدك ده حرام. والقلم البامبي ده كفر.
البنات كلهم. هههههههههههه
خديجه وهي مبتسمه من تحت البيشه. السلام عليكم ورحمة الله وبركاته.
البنات بيبصو ليها. وبيبصو لبعض. وعليكم السلام ورحمة الله وبركاته.
خديجه. بصو انا مش هاخد من وقتكو خمس دقايق. وهاخد البت اللي جمبي اللي معرفشي تبع مين دي وهمشي.
مني بصدمه. خديجه. بتتبري مني. دي اخرتها.
خديجه ،،هو انا اعرفك ياستي انتي. استنو يابنات لكون خلفتها وناسيه
البنات. كلهم ههههههه. دمك خفيف والله.
خديجه شكرا شكرا. كله بيقلي كده. ماعدا. البت اللي جمبي دي. المهم بقا. انا مندوبه وجايه. اعرض عليكو سلعه. عايزين تشترو. يامرحب بيكو. لو رفضتو. برده. فرصه سعيده اني اتعرفت عليكو.
البنات. بيبصو لبعض. ومستغربين.
بنت. سلعة ايه دي.
خديجه. السلعه هي( الجنه. )ولكن تمنها غالي قوي.
الاان سلعة الله غاليه. الا ان سلعة الله الجنه. والجنه فيها مالاعين رات ولا اذن سمعت ولا خطر علي قلب بشر. الجنه. فيها. اللي عيني وعنيكو الحلوه دي عمرها ماشفته قبل كده لاني مفيش جمال في الدنيا زي جمال الجنه. ولاتقولي ساحل شمالي ولا الغردقه. لا دي. جمالها كده. حاجه تانيه. خالص. ايه رايكو يابنات. اعرض سلعتي. وتفكرو ولا امشي. مش هزعل والله. بس مني هتزعل. عشان باين عليها هتموت وتقعد معاكو
مني ,بصدمه. من خديجه. انا اللي هموت.
خديجه ،شوفو مصدومه ازاي. خلاص هنقعد معاكو عشان متزعلشي. ايه رايكو
البنات. واحنا اصلا حبناكي وحبينا كلامك جدا وعايزين نسمع. اعرضي سلعتك يلا
)انا لما بسمع الحديث القدسي. وربنا بيقول فيه اعددت لعبادي. بتخيل. لما اخويه كان في الجيش. وكان بيينزل اجازه. وامي تفضل تقول اعملي الاكل كذا عشان اخوكي بيحبه وتفضل تقول هعمل ليه ده وده وده. وتفضل تبوس وتحضن فيه من شدة حبها. فيه. وبتعمل كل حاجه عشان ترضيه. لانو هو اكتر واحد بيرضيها. وحنين وبيحبها جدا. عشان كده هي بتحبه جدا جدا. ولله المثل الاعلي. ربنا لما بيقول اعددت لعبادي. بحس اني من شدت فرحه واشتياقه ليهم هو اللي بيجهز ليهم. مكانهم الابدي. علي اكمل وجه. لانهم عمالين يرضوه في الدنيا. وبيحبوه جدا. وهو بيحبهم وبيرتب ليهم اللي يرضيهم ويسعدهم. لانهم عبادو احبابو. فربنا بيشوقنا. ده انا هوريكو اللي عنيكو عمرها ماشفتو ولا ودانكو سمعتو ولا خطر علي قلب واحد من البشر قبل كده. وتلاقي ربنا بيذكر من نعيم الجنه. الخدم هيكونا. غلمان مخلدون.شكلهم بس عامل زي اللؤلؤ من شدة البياض والجمال. وذكر في القران الانهار. انهار من لبن وانهار من عسل وانهار من خمر غير مسكر. وربنا ذكر اننا هنكون مع بعض كده متجمعين ونفضل نفتكر الدنيا. ونضحك علي الايام دي ونفتكر نعم ربنا علينا لما بدأنا نتغير ونقرب منه ونفتكر سخرية صحابنا وهما بيتريقو ويقولو ايه اللي انتي عاملاه في نفسك. ده. ويضحكو. ونفتكر لما اعدي واسمع شلة بنات زي العسل بتقول ايه شوال الفحم اللي معدي ده.
البنات بصو لبعض. بصدمه. يعني انتي سمعتينا. بجد مكناش نعرفك. ومفكرينك. زي البنات اللي بتفضل تبص لينا من تحت لفوق كاننا شياطين
خديجه. مين قال انكو شياطين. انتو بنات الاسلام. انتو حفيدات خديجه وعائشه. انتو اللي بأذن الله. يوم القيامه هتشربو من ايد النبي صل الله عليه وسلم. بس اهم حاجه. نعمل دايما كل اللي يرضي ربنا. وملناش دعوه. الناس ترضي او تسخر اهم حاجه ربنا يرضي. عشان
الجنه جميله كده. وخصوصا الفردوس الاعلي اكبر منزله في الجنه. جيرانك. رسول الله. محمد صل الله عليه وسلم. وابو بكر وعمر وغيرهم من عباد الرحمان.
بنت،،ممكن اسالك سؤال ياخديجه.
خديجه. اتفضلي ياجميله اسألي.
البنت،،انتي مستحمله اللي انتي لابساه ده ازاي. يعني لابسه عبايه. وفوقه البتاع الكبير ده وكمان خمار لف. ونقاب والبتاعه اللي فوق النقاب ده. يعني الجو حر جدا. واحنا مش مستحملين الطرحه اللي علي شعرنا.
خديجه. اولا ياغاليه. البتاعه اللي فوق النقاب دي بيشه. تلت طبقات.
البنات بصدمه. يااااااه
خديجه. بضحكه. ايه في ايه. امال لو شفتو الچيبه اللي تحت العبايه هتعملو ايه.
بنت تانيه. وليه عامله كده ماانا بشوف بنات لابسه نقاب عادي جدا اللي اسمه الماليزي ده. ولابسين خمار. اللف وعنيهم باينه وشكلهم شيك جدا.
خديجه. بصو بقا. لو فيه طريقين. طريق صعب شويه وفيه مطبات. ومتعب جدا. وهتاخدي. وقت لغاية ماتوصلي. بس في اخر الطريق ده. فيه قصور كتيره. وفيه. خدم وحشم والسعاده كلها هتلاقيها هناك وقبل ماتتمني هتلاقي الحاجه قدامك. بس لازم. تعدي. الطريق الطويل ده. وساعتها. ادخلي وعيشي. زي ماانتي عايزه وهتنسي كل اللي مريتي بيه هتبقي مجرد ذكريات بس.
والطريق التاني. سهل جدا. وممتع. بعض الشئ بس في اخره. للاسف. نار وجحيم وعذاب.
انتو هتختارو انهي طريق هتخارو.
بنت ،،اكيد الطريق اللي اخره. حجات حلوه وهعيش بعدها في سعاده ابديه.
خديجه. وده الطريق اللي اختارتو وبتمني من ربنا انكو تختاروه. بس فيه حاجه هو فعلا متعب خصوصا في الزمن اللي احنا فيه. بس بجد. الشعور بالسعاده اللي ربنا وضعه في قلبي. ده اللي بيخليني. اشوف الطريق. جميل واخرته جميله. ومش هكذب عليكو. فعلا الجو حر. جدا. وانا حرانه جدا جدا. وخصوصا صايمه كمان ولكن. نار جهنم اشد حرا. عشان كده هستحمل حر الدنيا. بس مش هقدر استحمل حر يوم القيامه. بتمني يابنات متكونشي البت مني. صدعتكو. عماله ترغي. ايه عملت لينا صداع.
مني بنفس الصدمه انا اتكلمت اصلا يامفتريه.
البنات. ههههههههه بجد ياخديجه. انتي حاجه كده. جميله
خديجه اه ياوحشين. انا حاجه واحده بس. ده انا كتلة حجات في بعض. ده انا نسمه كده محدش بيسمع ليا صوت ولا حتي بحب اتكلم.
مني بغيظ. امال مين اللي كان شغال علي المنبر من خمس دقايق.
خديجه. ده مش انا. دي اختشي مني.
البنات. هههههههه
بنت منهم. بس فصلت ضحك ههههه
بنت تانيه. خلاص مش قادره.
خديجه. بتبص ليهم. انتو بتضحكو علي ايه. وانتو مين. وانا ايه اللي جابني هنا.
البنات بصدمه. ايه. ياخديجه
خديجه. علمت عليكو هههههههه. المهم بقا يارب فعلا تكونو استفدتو مني حاجه. واتمني من الله. اني اشوف منكو. مايحبه الله. وفعلا انا متاكده انكو هتختارو صح قبل فوات الاوان. يلا بقا معاد المحاضره. استودعكم الله.
البنات. ابتسمو. وودعو خديجه ومني.
خديجه ومني خلصو محاضرتهم. وهو ماشين.
خديجه. مش انا قولت ليكي يامني. ربنا خلق عباده كلهم فيهم خير. وبدل مااحنا نقف نبص ليهم باستحقار. لا نروح ننصح. ده اللي ربنا امرنا بيه. وقال علينا احنا خير امة. عشان بنؤمر بالمعروف وننهي عن المنكر.
مني. فعلا ياخديجه. بدل مانفضل نتكلم عليهم ونفضل نبص ليهم. نظارات. بتكرههم في الالتزام. لا. ده النبي كان معروف بالابتسامه. كان دايما مبتسم.
خديجه. احسنتي يامني. لازم نقتدي بالنبي قولا وفعلا. مش اسمنا منتقبات او ملتحي واحنا بعيدين كل البعض عن اخلاق الحبيب المصطفي. صل الله عليه وسلم.
مني بابتسامه. ربنا. يجمعنا معاه في الفردوس الاعلي. من غير حساب ولا سابق عذاب.
خديجه. اللهم امين.
وفجأه خديجه بتعدي الشارع. عربيه. ضربت فرامل علي اخر لحظه. وكانت هتخبط. خديجه. وخديجه من الصدمه مش قادرة تتحرك وعماله تنطق الشهاده. بصوت عالي بعض الشئ.
نزل من العربيه. مش تفتحي ولا انتي عاميه. واتصدم.

google-playkhamsatmostaqltradent