رواية سلمي وخالد كاملة
خالد: هلا بالشباب كلها
وليد: هلا خلود
أحمد: هلا ولله أخبارك من زمان عنك؟
+++++++++++++++++++++++++++++++++++++
عائلة خالد "بطل الرواية"
ابو خالد: فري جدا ومتساهل في الحياة
أم خالد: حبوبة وتمزح مع أولادها بس لحد يتعدى الخط الأحمر والا شاف الوجه الآخر
خالد: العمر|20 طويل و معضل شوي وعيونه تذبح "من النوع الساذج شوي"
هداية: العمر|18 دايما تحب تكون بغرفتها منعزلة جدا عن العالم وبنعرفها زيادة من خلال القصة
محمد: العمر|16 يحب يجنن اخوه خالد وهدفه ان يدخله مستشفى الأمراض النفسية
ريم: العمر|15 من النوع الي يحب يسوي مقالب "وتساعد محمد على خالد"
++++++++++++++++++++++++++++++++++++++++++++++++++ ++++++
خالد: تمام...أنتو؟
أحمد: الحمد لله
وليد: وأنا..؟ ما أستحق السؤال؟ صدق أنكم مو أوفياء
أحمد: خلود خلك عنه...كل مرة نفس الحركة
خالد: أنت وش عليك؟ ولايهمك مايصير خاطرك الا طيب كيفك يا حلو؟
وليد: مشكور ... بخير والحمد لله
خالد: دام اني زعلتك ع حسابي
وليد: مشكوور خلود
أحمد: أنت طيب خلود...لكن لاتخلي وليد يستغلك
خالد: هههههههههه....أي استغلال
______________________________________
في منزل سلمى
سلمى: ملاكوووووه...يالي ما تستحين جيبي شنطتي
ملاك: ليش؟....وراك طلعة؟
سلمى: شنو رأيك؟....بسرعة لا أتأخر
+++++++++++++++++++++++++++++++++++++++
عائلة سلمى
ابو سلمى: عصبي جدا مافي تفاهم ومزحه يطيح القلب ومايقدر أحد يتكلم معاه حتى في الأمور العادية
أم سلمى:حبوبة وطيوبة وكل أولادها يحبوها لكن وقت الجد جد
جمال: العمر|28 يشتغل دكتور في قسم الجراحة وعنده زوجته وبنته بنتعرف عليهم بعدين
سلمى: العمر|18 من النوع الهادئ والخجول وهي حلوة عيونها عسلية
جميل+ ملاك: العمر|14 توأم يتشابهو في أغلب الأشياء حتى طريقة تفكيرهم لكنهم يتاهوشون على اتفه الأسباب
++++++++++++++++++++++++++++++++++
ملاك: قولي بتروحي مع مين بالأول
سلمى: لا بالله فلحنا...أكيد مع صاحباتي
ملاك: وعععع...لا تقولي هالثنتين << سمر و هند
سلمى: ما أسمح لك تهيني صديقاتي
ابو سلمى:ملاك اعطي اختك شنطتها
ملاك بهمس: بس لأن أبوي قال
سلمى وهي مادة لسانها لملاك: يلا باي
________________________________
نرجع للمقهى
وليد: آآخ...بطني خلاص لاتضحكني اكثر
أحمد: عشت خلود
خالد: يلا ع حسابي
ولما دفع خالد الحساب نسى محفظة فلوسه على الطاولة
وبالصدفة جلست على نفس الطاولة سلمى وصديقاتها
سلمى: إلا أقول حق مي هذي؟
هند: موحقي
سمر: ولا أنا
+++++++++++++++++++++++++++++++++++++++++
عائلة سمر - ابو سمر-ام سمر-مهند|22-سارة|14-سمر|18
ابو سمر و ام سمر ملتزمين جدآ بالدين والتقاليد
مهند: يدرس بالجامعة إدارة أعمال وطموحه يأسس شركته الخاصة << خقآآق الولد
سمر: من النوع الجدي في كل شي ودائما تتطلع لمستقبلها قبل كل شي
سارة: صديقة ملاك((أخت سلمى)) الروح بالروح "ولازم كل يوم قبل لا ينامو يمسو ببعض"
++++++++++++++++++++++++++++++++++++++++++++++++++ ++++++
عائلة هند - ابو هند -ام هند- فيصل|21-هند|18-راشد|14
ابو هند و أم هند: ما راح نشوفهم بالقصة وآآجد يعني ما يدخلو بالأحداث بكثرة
فيصل: معضل ويعمل تمارين ثلاث مرات بالأسبوع من النوع المغازل مافي ولا بنت ما رمى ليها رقمه
هند: من النوع الي يهتم بشكله ودلوعة شوي ودايما تكون عنصر محايد أفضل صديقة ليها سلمى
راشد: صديق جميل في نفس المدرسة دايما يطلعو الأساتذة من طورهم
++++++++++++++++++++++++++++++++++++++++++++++++++ ++++++
هند: شكلها رجالي
سلمى: خليني أشوف حق مين
سمر: صح...بعدين نعطيها للمفقودات
هند: بس..إذا حلو أبي رقمه
سمر+سلمى: لا تحلمي واجد
هند: تراني أمزح
سمر: مزحك بايخ
سلمى: لا هند انتي صح
هند+سمر: هآآه...تقصدين شنو؟؟
سلمى: وجهه حلووووو
هند: أشوف....الله يهبل
سمر: أشوف...مو مرة
سمر في نفسها: في واحد أحلى
سلمى+هند: صحيح ما عندك ذووق
سمر: خلاص عطيها للمفقودات
سلمى بإرتباك واضح: أ..وو.كي
هند: الأخت سلمى حبت ههه
سمر: يا تافهه تحبي بسرعة
هند في نفسها: الولد حلو ما ألومها
هند: حرآآم ما سمعتي المثل "القلب وما بيعشق"
سمر: إيه بس هذي حالة خاصة شوفيها رايحة عالم ثاني
هند: هووووه....وين رحتي؟؟
سلمى: هآآه....بروح للمفقودات
رآحت للمفقودات وأخذت رقمه قبل لا تعطيها للمفقودات
هند: هآآه...بشري.؟؟
سمر: عسى بس ما خذتي الرقم..؟؟
سلمى بارتباك: لا..لا..ما خذته
سمر: شطورة....خلونا نرجع لموضوعنا
هند: يا خبلة...الولد قمر ما يتحصل
"سلمى: عييييب << غمزت لهند"
"هند: أووكي مو مجبورة << غمزت لسلمى"
سمر: أوووه...غيرو الموضوع
هند: ليش؟..من الحرة صح؟
سلمى: ما عندك حبيب؟
هند: إلا عندها
سمر خافت على نفسها لا تنفضح: خلاص غيروا الموضوع
سلمى: يالي ماتستحين
سمر: ليش؟؟
سلمى: يصير عندك حبيب وأنا آخر من يعلم
سمر في نفسها: يا ربي انفضحت
سمر: خلا غيروا الموضوع والا راح ازعل
هند: الا زعلك حبيبتي
سلمى: خلاص ما نقدر على زعلك
سمر في نفسها: الحمد لله غيرت الموضوع بسرعة
سمر: ما عرفتو؟؟
هند: شنو؟؟
سلمى: نعرف ايش؟؟
سمر: بنت خالي الهنوف...
سلمى: حصل خير..فيها شي؟؟
سمر: ما فيها شي بس...
هند: يلا فضولي راح يقتلني
سمر: الهنوف راح تتزوج
سلمى: مبرووووك يا هنيف عقبالنا
هند وهي تطالع في سلمى: آمين يا رب وأحنا وراكم الله يرزقنا بولد الحلال ان شاء الله << غمزت لسلمى
سلمى تضحك: ههههههه
__________________________
في بيت خلود
ريم: تو الناس
خالد: أنتي من لقفك...طالع مع الشباب
ريم: إيه...مفكر ما دري عنك؟؟
خالد: شنو؟؟
ريم: طالع مع الخوية صدقني راح اقول لأمي
خالد: ههههه ضحكتيني وآجد لا تعيديها
محمد: أقول خليك عنه مو طالع الا مع الشباب
خالد: إيــــــه
محمد: أخــوي بــريء
خالد: إيــــــه
محمد: أخوي موحلو لدرجة أن يكون عنده صديقة
خالد: إيــــــه....لحظة
ريم: هذي نهاية المدح
محمد: قلت لك راح ينخدع
خالد: لحظة...خليني أعطيك فلوس لأن تضحك وآآجد
دور خالد بالجينز مالقى شي
محمد: أنت خلك تحصل فلوس لنفسك بعدين فكر فينا
خالد: أووووه...نسيتها بالمقهى
ريم: شنو؟؟...أي مقهى؟؟
خالد: أنتي من لقفك؟؟
رجع خالد للمقهى بسرعة و شافها بالمفقودات
________________________________________
في منزل سلمى
ملاك: سلمووووو تعالي بسرعة لايفوتك
سلمى ماسكة الجوال: ....................
ملاك: سلمووووو فاتك
سلمى: ..........................
ملاك: هـــــي أنتي شنو قاعدة تسوين؟
سلمى: لاه.....ولاشي
ملاك: ليش ماسكة الجوال وسرحانة؟
سلمى: أقولك بس....
ملاك: بس شنو؟؟؟
سلمى: ما أبيك تقولين لأي أحد لأن حتى صديقاتي مايدرون
ملاك: حركات...سرك في بير خيتو
سلمى: ايه ياحبك للفضايح.....المهم.....(( قالت لها السالفة))
ملاك: وآآآآآآآو....ما كنت أتوقع
سلمى الحين أنا محتارة أتصل أو لا وإذا اتصلت شنو راح اقول؟؟
ملاك: أتصلي وإذا على ايش تقولي قولي إنك شفتي رقمه
سلمى: لكن....إذا سأل كيف أخذت رقمه؟؟
ملاك: قولي الحقيقة
سلمى: أوكي خلاص
وراحت سلمى لغرفتها
ملاك: هـــي وين رايحة؟؟
سلمى: مو تونا متكلمين
ملاك: أبي أعرف...لاتروحي..أبي أعرف شنو راح يصير
سلمى: لا تتدخلي فاهـ.....
قاطعتها رنة جوالها ومن شدة التوتر ما قدرت تطالع في الرقم وكانت تطالع في ملاك وكانت تأشر لسلمى أنها ترفعه ما بصير شي
_________________________________
نهاية البارت الأول
الثاني من هنا
