recent
روايات مكتبة حواء

رواية حلم الزين كاملة بقلم سما محمد

رواية حلم الزين كاملة بقلم سما محمد



 _اا انا بحبك

=ههه انتي قولتي ايه
_احمم قولت اني بحبك
=وانا كمان بحبك بس زي اختي
_دمعت... بس انا مش بحبك اخويا
=زعق... تاني مرة متتكلميش في الكلام دة انتي لسه صغيرة وانا اخوكي وبس سامعه
_بس انا مش صغيرة انا عندي 16 سنه وكبيرة كفايه
عيطت... سابني ومشي معقول! معقول انا بالنسباله صغيرة واخته كمان
انا اسمي حِلم عارفه ان اسمي غريب شويتين بس دة له قصه لوحده وهنحكيها بعدين عندي 20 سنه في تانيه صيدله طول عمري كان نفسي ادخل صيدله وحققت حلمي واللي بتكلم عليه دة ابن عمي زين اكتر شخص كنت بحبه في حياتي وهو نفس الشخص اللي بقيت اكرهه في حياتي كسر قلبي زمان علشان ايه عشان كنت عيله صغيرة عشان كنت بحبه
_حلم: يالا ينور هنتاخر علي المحاضرة
_نور: يا حلم حاضر ناكل بس علشان ندخل مركزين يرضيكي ندخل من غير ما نفطر
_حلم: لا الصراحه ميرضنيش يالا نروح نجيب اكل
نور دي بقا الحاجه الحلوة في حياتي ما هي بنت عمي و انتيمتي مع بعض علي طول ومش بنتفرق ودخلت صيدله زيي علشان تبقي معايا الصراحه مش بنعرف نتحرك غير مع بعض لو يوم مراحتش الجامعه انا كمان مش بروح واحلي حاجه ان احنا قاعدين في نفس البيت ما هو بيت عيله بعد ما جدي قرر يقعد ولاده واحفاده معاه في البيت بس اكتر حاجه كرهاها اني هقعد مع زين في نفس البيت بس انا من ساعة ما جيت ما شفتوش والصراحه بحمد ربنا مش عارفه هواجهه ازاي بعد اربع سنين اصله مسافر
_حلم: ياااه اخيرا خلصنا محاضرات
_نور: ايوة وبكرة اجازة يااه مفيش مواصلات ومفيش داكاترة ولا محاضرات
_حلم بفرحه: ايوة وهنخرج بكرة نجيب فساتين علشان خطوبه رنيم
_نور: الصراحه مش بحبها مش عارفه انتي مصحباها ازاي بس يالا كله يهون عشان الفساتين
_حلم بضحك: وانا اللي قولت انك هتقولي كله يهون علشان بنت عني القمر
تاني يوم نزله جابوا الفساتين علشان يروحوا خطوبه صاحبتهم وجه يوم الخطوبه
_نور: يالا يا حلم ساعه بتلبسي انا خلصت
_حلم: عشر دقايق واخلص
_نور: بقالك ساعه بتقولي كدة يالا هنتاخر
خرجت حلم من الاوضه
_نور بانبهار: ايه يا بنتي القمر دة دة انا لو كنت ولد كنت اتجوزتك والله
_حلم بثقه: دي اقل حاجه عندي علي فكرة انا بس مردتش اتشيك زيادة علشان دي خطوبه متستاهلش يعني
_نور بضحك: ياختي انتي لاقيه خروجه اصلا
_حلم: طب حلو الفستان
_نور: والله حلو
_......:مساء الخير
فجأه جه وراهم صوت الشخص دة والصوت دة هما عارفينه كويس واول ما حلم سمعت الصوت دة اتصدمت ونور لفت بسرعه علشان تتاكد هو ولا لا جريت عليه بسرعه
_نور: وحشتني اوووي
_زين: وانتي كمان والله
_نور: كدة تسافر كل دة ومتسالش علي اختك حبيبتك
_حلم: احمم يالا يا نور
_زين بهمس: هي مين دي
_نور: معقول مش عارفها يا زين دي حلم بنت عمو احمد
_زين: ازيك يا حلم عامله ايه
_حلم ببرود: الحمدلله كويسه يالا يا نور هنتاخر
نور وزين استغربوا من طريقه كلامها مع وزين بس نور سكتت
_زين: انتو رايحين فين
_نور: رايحين خطوبه واحدة صاحبه حلم
_زين: تحبوا اجي معاكو
_حلم بسرعه: لا مش عايزين عن اذنك
زين ونور استغربوا جدا بس خرجت نور معاها وركبوا العربيه
_نور باستغراب: هو انتي كنتي بتتكلمي مع زين كدة ليه يا حلم
_حلم: خلاص يا نور مش مهم
_نور: طيب
راحوا الخطوبه ورجعوا
_الجد سالم: تعالي يا حلم عايزك
_حلم باستغراب: نعم يا جدي
_سالم: كتب كتابك علي زين يوم الخميس الجاي
_حلم وزين بصدمه: نعمممم

google-playkhamsatmostaqltradent